پاميدور شارۋالاردىڭ جۇزىنە كۇلكى ءۇيىردى

سۋرەتتە: شارۋالار ەككەن پاميدورىن جيۋدا.

  ۇسىنىس ەتىلگەن ءتىلشى ەرمۇرات قابىل ۇلى حابارلايدى. كۇزگى جيىن-تەرىن مەزگىلىندە   ءدوربىلجىن قالاماڭى اۋىلى باليڭ قىستاعىنا بارا قالساڭىز، اتىز باسىندا جۇزدەرىنە شاتتىق ەسكەن  شارۋالاردىڭ پاميدوردى جيۋمەن قاربالاستىققا ءتۇسىپ جاتقانىن كورەسىز.

  وسى قىستاقتىڭ تۇرعىنى مىڭ جىگاڭ بيىل 25 مۋ جەرگە  ەرتە پىساتىن  امەريكا  گەنري 2206 ءنومىرلى جاڭا سورتتى ونەركاسىپ پاميدورىن ەگىپ، ءار مۋىنان 8 توننا ءونىم العان، بۇل بىلتىرعىعا قاراعاندا 2 توننا ارتىق بولعان. ورتالىق استىق شينجياڭ تۇنحىءدوربىلجىن پاميدور  ونىمدەرىن جاساۋ  بولىمشە سەرىكتىگىنىڭ بەلگىلەگەن ءار تونناسىن 420 يۋان بويىنشا  ەسەپتەگەندە مۋ باسىنا كىرەتىن كىرىسى 3360 يۋانعا جەتكەن.
قىستاق تۇرعىنى مىڭ جىگاڭ : «ونىڭ ۇستىنە پاميدوردى بيىل تۇڭعىش رەت ماشينا ارقىلى جيىپ الىپ، بۇرىنعى ادام كۇشىمەن ىستەگەنگە قاراعاندا 450 يۋان ۇنەمدەلدى» دەدى.

  اۋداندىق پارتكوم كەڭسەسىنىڭ ورىنباسار مەڭگەرۋشىسى، ەكونوميكا ونەركاسىپ كەڭسەسىنىڭ مەڭگەرۋشىسى فان ۋىنتياننىڭ تانىستىرۋىنا قاراعاندا، تۇتاس اۋدانىمىز «قىزىل ءتۇستى ءونىمدى» «كەڭ كولەمدە جالپىلاستىرۋ ءۇشىن، ەگىنشىلىك كاسىپ قۇرىلىمىن رەتتەپ، پاميدور ەگۋدى زور كولەمدە جالپىلاستىرىپ، «زاكازدى اۋىل شارۋاشىلىقتى» ىلگەرىلەتىپ، اۋىل شارۋاشىلىق ونىمدەرىن ءوندىرۋدى كەمەلدەندىرىپ،«كاسىپورىن،بازا،ديقان، تەحنيكا» سىندى ءوندىرىس فورماسىن دامىتىپ، اۋىل شارۋاشىلىق تاراۋلارىنىڭ ءوندىرىس ۇلگىسىن ىلگەرىلەتىپ، تاڭداۋلى جاڭا سورتتى، جوعارى ءونىمدى سۋ ۇنەمدەۋ، توپىراق قۇرامىنا قاراي تىڭايتقىش بەرۋ سياقتى جۇيەلى شارالاردى قولدانۋدا ەكەن.

  سونىمەن بىرگە، ورتالىق استىق شينجياڭ تۇنحى ءدوربىلجىن پاميدور ونىمدەرىن مانەرلەۋ بولىمشە سەرىكتىگىنىڭ كەپىل بولىپ قارىز اقشا شىعارۋ، تۇراقتى باعامەن ساتىپ الۋ، شوعىرلى اۋىل شارۋاشىلىق تۇقىمىن الۋ ءارى كاسىپتىك جاقتان،عىلىمي جاقتان تاربيەلەپ،تەحنيكالىق  جاقتان  جۇيەلى، دۇرىس جەتەكشىلىك  ەتۋىنىڭ ارقاسىندا، پاميدور ءتۇسىمى ءونىمدى جوعارىلاپ، كىرىسى  ارتقان شارۋالار ەرەكشە رازى بولعان.

  بيىل ءدوربىلجىن اۋدانىنىڭ ونەركاسىپتى پاميدور ەگۋ كولەمى 30 مىڭ مۋ، باليڭ قىستاعى  سياقتى مىڭ مۋ جەرگە  پاميدور ەككەن قىستاقتان ۇشەۋى بار، بۇل قىستاقتارداعى پاميدوردىڭ مۋ باسىندىقءونىمى  8 توننادان  جوعارى بولىپ، شارۋالاردىڭ كىرىسىن ارتتىرۋعا نەگىز قالادى.
 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى