ەەڭ جاڭا مازمۇندار
كوك زەڭگىر اسپان، اقشا بۇلت، كوز جاۋىن الار كوركەم كورىنىس
لياۋنيڭ ولكەسىنىڭ مادەنيەت-كوركەمونەر شاعىن ۇيىرمەسى ايماعىمىزعا كەلدى
ايماقتىق ساياسي كەڭەس قىزمەت كوميتەتى 2019-جىلعى 2-توقسانداعى 2-رەتكى ءماسليحات ءماجىلىسىن اشتى
پارتيانىڭ ساياسي قۇرىلىسىن ىلگەرىلەتۋدەگى سانالىلىق پەن تاباندىلىقتى كۇشەيتەيىك
شۇعىل قۇتقارۋ بىلىمدەرىنەن ساۋات بەردى
قاسيەتىن ماڭگى ساقتايتىن تۋ بولدى
شاعانتوعاي اۋدانىنىڭ 150 مىڭ مۋلىق ماقسارىسى كوركەم كورىنىسكە اينالدى
شيحۋ توراڭعى ورمانى سۋ ءۇستى باقشاسى ءسىزدى جازدى كوڭىلدى وتكىزۋگە شاقىرادى
ءسىز اڭساعان جاز كەلبەتى وسىندا
شينجياڭعا كومەكتەسۋ بارىسىندا ءومىرىن ارلەندىرە ءتۇستى
بۇقارانىڭ كوڭىل تۇپكىرىنەن ورىن الدى
الۋان ءتۇر، اسقاق كوڭىلمەن مەرەكەنى قارسى الدى
شاۋەشەك قالاسى شارلاپ تەكسەرۋدىڭ كولەمىن اتىز باسىنا دەيىن كەڭەيتتى
وقۋ-اعارتۋ ىستەرىنە تاباندى بولىپ، شۇعىلالى تابىستارعا قول جەتكىزدى
ەڭ سۇيىكتى ءورت ءوشىرۋشى
پارتيا قۇرىلىسىنىڭ نەگىزگى كاسىبىن مىقتى يگەرىپ، جاۋىنگەرلىك قامالدى بەكەمدەيىك
ازىق-تۇلىك حاۋىپسىزدىگى وتكەلىن
ماڭايىمىزداعى كوركەمونەرشىلەرمەن تانىسايىق
ايماعىمىزدىڭ الدىڭعى جارىم جىلداعى جۇمىستاندىرۋ جاعدايى ورنىقتى ارتتى
چىن چۋانگو ۇرىمجىدە كاسىپورىنداردىڭ ءوندىرىس،تيجارات جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شاۋەشەك قالاسى 90 ميلليون يۋان قارجى قوسىپ،50 كيلومەتر ۇزىندىقتاعى جىلۋمەن قامداۋ قۇبىر تورابىن جاڭالادى
«جاقسى ىستەپ، تىپتى دە جوعارى ەڭبەكاقى الۋعا كۇش سالامىن»
قۇرىلىم رەفورماسىنىڭ جاڭا جاعدايىن بارشا جۇرت القادى
ىنتا-پەيىلىمەن كۇش سالا قىزمەت وتەدى
مەيىرگە تولى جانۇيا قۇردى
ەكولوگيالىق ورتاسى كوركەم سۋرەتتەي شاعانتوعاي
شاۋەشەكتە باس قوسىپ، اككوردەون مەرەكەسىنەن ءلاززاتتانايىق
شاعانتوعاي اۋدانىندا ماقسارى گۇل اشىپ، شارۋالار شاتتىققا شومدى
ءبيدايعا وراق سالىندى
تاربيە ايىندا ستيل تازارتۋ قيمىلى تەبىندى ورىستەتىلدى

بارلىقتىڭ تاۋىنا بارعاندا

جولدانعان ۋاقىتى : 2017/5/3 11:07:46


سۋرەتتە: تولقىن (وڭنان ەكىنشى) ساپتاستارىمەن بىرگە شارلاۋ جۇرگىزۋدە.
تاۋلە قۇماش ۇلى
  ءساۋىر ايىنىڭ ءبىر كۇنى،قويناۋى قۇت وسى كورىكتى بارلىق تاۋىنداعى تابيعات سەرىسى بولعان اڭ-قۇستاردى، ورمان-توعاي،قىمبات باعالى وسىمدىكتەردى قورعاۋ جولىندا ايانباي ەڭبەك ەتكەن اۋداندىق ورمان ساقشىلارىمەن بىرگە اتى الىس-جاقىنعا تانىمال سارعۇلسىننان باتىسقا قاراي سوزىلىپ،جوتاسىن اق قار قىمتاعان بارلىق تاۋىن بوكتەرلەپ،جۇڭگو-قازاقستان شەكاراسىنا تاياۋ تەرەكتى،جالاۋلى دەگەن جەردى بەتكە الىپ بارامىز. بىزگە جول باستاپ بارا جاتقان ورمان ساقشى بولىمشە كادرى تولقىن: «اعا،مىناۋ بارلىق تاۋىنىڭ كۇنگەيى اۋدانىمىزدىڭ ءار تۇلىك مالىنىڭ ۇشتەن ءبىر بولەگىنىڭ قىستاۋى. ال، تەرىسكەي جاعى اۋدان جانە 161-تۋاننىڭ مالشىلارىنىڭ جان مەن مالعا جايلى  جايلاۋى» دەيدى ءسوز اراسىندا.

  باسباي قويى شاعانتوعايدىڭ ورگانيكالىق تازا ونىمدەرىنىڭ ءبىرى بولىپ،اۋدان ەكونوميكاسىن ارتتىرىپ،مالشىلاردىڭ كىرىسى جوعارىلاپ،تۇرمىستارىنىڭ جاقسارعاندىعىن تىلگە تيەك ەتسە،تاعى تابيعي ورمانداردى تانىستىردى.

  ول تاعى: «بارلىق تاۋىنىڭ كۇنگەي تەرىسكەيىندەگى ورماندى ءوڭىر 535 مىڭ 298 مۋ،مەملەكەت دارەجەلى الەۋمەتتىك يگىلىك ورماندى جەر 357 مىڭ 598 مۋ،تابيعي ورمان بايلىعىن قورعاۋ ينجەنەريا جەر كولەمى 179 مىڭ 70 مۋ بولىپ،1178 تۇردەن استام جابايى     وسىمدىكتىڭ 420 ءتۇرىنىڭ دارىلىك  قۇنى جوعارى،بۇدان سىرت،جابايى حايۋاناتتار 174 تۇردەن اسىپ،قۇس تۇرلەرىنەن 43 ءتۇرى بايقالىپ،مەملەكەتتىك 1-،2-دارەجەلى قورعالاتىن اڭ-قۇستاردان 40 دان استام ءتۇرى بار. تىرشىلىككە كەڭ تىنىستى شۇرايلى جاسىل القاپ» دەيدى ەلپەك ازاماتىمىز اسا ءبىر ماقتانىشپەن.

  وسىدان كەيىن تەرەكتى،شاتىرتاس، جۋساۋ،ءۇشبۇلاق،سارىمساقتى دەگەن جەرلەردەگى تابيعي ورمانمەن تاۋەشكى، ارقار-قۇلجا،بۇعى سياقتى تابيعات سەرىسىن كورىپ،جالاۋلى دەگەن جەرگە بارعاندا جايىلىمنان زاڭسىز ەتتى سۇڭعىلا،تاعى باسقا ءشوپ ءدارى قازۋشىلاردى قۋعىنداپ جۇرگەن شاعانتوعاي اۋداندىق ورمان ساقشى بولىمشە باستىعى جاڭ ۋيڭگە كەزىكتىك. ول: «ءار جىلى ءساۋىر ايىنان شىلدە ايىنا دەيىن بارلىق تاۋى مەن قۇلىستايدان ءبىر ءبولىم ادامدار ءشوپ ءدارى قازىپ،بۇعى ءمۇيىزىن قاراپ اڭ-قۇس اۋلاۋشىلار كوبەيەدى،ءبىزدىڭ ساقشىلارىمىز كۇن-ءتۇن دەمەي شارلاۋ جۇرگىزىپ بايقالعان ادامدارعا زاڭدى   ۇگىتتەپ جايىلىمنان قۋعىنداسا،جىلىنا 3 رەت قوعام حاۋىپسىزدىگى مەكەمەسى،شەكارا قورعانىس ۇلكەن اترەتى،جايىلىمدى باقىلاپ-باسقارۋ ورىندارىمەن بىرلەسىپ،تاۋ تازالاۋ قىزمەتىن جۇرگىزىپ،زاڭعا قايشى اڭ-قۇس اۋلاپ،ءشوپ ءدارى قازىپ جايىلىمدى بۇلدىرگەندەر بولسا،زاڭ بويىنشا باقىلاپ-باسقارۋعا تاباندىلىق تانىتىپ كەلەدى. بۇل جاعىندا مىنا تولقىن باۋىرىمىز باستاتقان ەلپەك ازاماتتارىمىزدىڭ ەڭبەگى ەرەن،ولار كۇنى-ءتۇنى،قىسى-جازى دەمەي،وسى ءوڭىردى كوزقاراشىعىنداي قورعاپ كەلەدى. ءبىر كۇندە قاجىدىق،شارشادىق دەپ كورگەن جوق» دەدى.

  ايتسا ايتقانداي،ساقشىلار ءبىر ايدىڭ 15 كۇنىندە اتتىلى-جاياۋ تاۋ تاستى ارلاپ شارلاۋ جۇرگىزىپ،ءار ۇلت بۇقاراسىنا «جۇڭحۋا حالىق رەسپۋبليكاسىنىڭ زاڭ-ەرەجەلەرىن» ۇگىتتەپ،ورماندى ءورت اپاتى مەن تابيعي اپاتتان قورعاپ، تابيعات سەرىسى بولعان اڭ-قۇستاردى اۋلاۋشىلار بولسا،زاڭ سالاسىنا حابارلاۋ، سونىمەن بىرگە،پارتيانىڭ ساياساتىن، ورنىقتىلىق،ىنتىماق،حاۋىپسىزدىك جاقتارىن ۇگىتتەسە جانە ورمان مەن بۇتا-بۇرگەننىڭ جايقالا ءوسىپ،دەرت-   دەربەزدەن ساقتانۋ،اڭ-قۇستىڭ ءوسۋى جاقتارىنا ۇنەمى تەكسەرۋدى قاتاڭداستىرىپ،مالشىلار وتباسىنا دەيىن بارىپ، ورماندى قورعاۋ،اڭ-قۇستى ايالاۋ، جايىلىمنىڭ ءورت اپاتىنان ساقتانۋ تۋرالى ۇگىت جۇرگىزىپ،شارشاپ-شالدىقتىق دەمەي،ۇيىم جۇكتەگەن قىزمەتتى تاباندىلىقپەن تابىستى ىستەگەنىنە حالىق   بۇقاراسى رازى بولىپ،العىستارىن ايتىپ جاتتى.

  بارلىقتىڭ تەرەكتى وزەنى بويىنا قونىستانىپ مال باققانىنا 50 جىلداي بولعان،جول-جونەكەي كەزىككەن شاعانتوعاي اۋدانى جاڭاجەر اۋىلىنىڭ مالشىسى داۋلەتقان اقساقال: «ءبىر مەزگىل تۇقىمى قۇرىپ نەمەسە جەر اۋدارىپ اڭ-قۇستار ازايعان. كەيىن كەلە زاڭ كەمەلدەنگەندىكتەن،بۇل كۇندەرى تابيعي ورمان قايتا قالپىنا كەلۋگە بەت الىپ،تابيعات سەرىسى بولعان اڭ-قۇستاردىڭ توپانى مولايىپ كەلەدى،بۇل ورمان ساقشىلارى مەن مالشىلاردىڭ ورتاق سەلبەسۋىنىڭ ناتيجەسى،ال كەزىندە كەكىلىك كەر قاپتالداردا قۇمىرىسقاداي ورەتىن،ول دا ازايۋعا بەتالدى،بۇعان سەبەپكەر بولعان ءشوپ ءدارى قازاتىندار،جۇمىرتقالاعان كەزدە جۇمىرتقاسىن العان سوڭ جانۋار وسپەي قالىپ،جەر اۋدارعان سياقتى» دەدى. 

  از ءسوزدى،قاراپايىم دا قاجىرلى ازاماتىمىز تولقىن: «اعاجان قىزمەت جايىندا سۇراساڭىز ايتايىن. الايدا،ءوزىم جايلى ايتارىم جوق» دەپ بەرەزەك بولدى. ءيا،ول ايتپاسادا سايىن دالانىڭ تاۋى مەن تاسى ايتىپ تۇرعانداي،توقاڭنىڭ بىلمەيتىن پۇشپاعى،تانىمايتىن مالشىسى جوق، جاس بولسادا ەل ادامى بولىپ كەتكەن سەكىلدى...

  رەداكتورى: اراي ەركىن قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.

 


 
powered by IlgharCMS 3.2 www.ilghar.cn