ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

«ءبىر بەلدەۋ،ءبىر جول» قۇرىلىسىن قول ۇستاسا وتىرىپ ىلگەرىلەتەيىك

جولدانعان ۋاقىتى : 2017/5/18 18:38:56

-«ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار  تالقى مىنبەرىنىڭ اشىلۋ سالتىندا سويلەنگەن ءسوز

(2017 - جىلى 14 - مامىر، بەيجيڭ)

جۇڭحۋا حالىق رەسپۋبليكاسىنىڭ ءتوراعاسى شي جينپيڭ
   قۇرمەتتى ەلباسىلار، ۇكىمەت باسشىلارى،
  
  حالىقارالىق ۇيىمداردىڭ جاۋاپتىلارى،
  
  حانىمدار، مىرزالار، دوستار: 
  
  «جازعىتۇرىم جەر - الەم گۇلگە ورانار». وسى تاماشا مەزگىلدە، 100دەن استام مەملەكەتتىڭ ءار سالاسىنان كەلگەن سيلى قوناقتاردىڭ بەيجيڭدە باس قوسىپ، «ءبىر بەلدەۋ، ءبىر جول» قۇرىلىسىنىڭ سەلبەستىك جوسپارىن بىرگە اقىلداسۋى اسا ماڭىزدى مانگە يە. بۇگىن،ءدانىشپاندار باس قوسىپ، جاس پەن قارت قاتار جينالدى، مەن كوپشىلىكتىڭ كوپتىڭ پاراساتىن كەڭىنەن شوعىرلاندىرىپ، ويىنداعىسىن تۇگەل اقتارىپ، «ءبىر بەلدەۋ، ءبىر جول» قۇرىلىسىن ىلگەرىلەتۋگە كەڭەس ايتىپ، ءجون سىلتەپ، وسى عاسىرلىق ينجەنەريا ارقىلى ءار ەل حالقىنا باقىت اكەلۋىن ءۇمىت ەتەمىن.
  
  حانىمدار، مىرزالار، دوستار!
  
  2000 جىلدان استام ۋاقىتتىڭ الدىندا، اتا - بابالارىمىز قاجىرلىلىقپەن شارۋاشىلىق قۇرىپ، ساحارالاردى، شولدەردى كەسىپ ءوتىپ، ازيا - ەۆروپا - افريكانى تۇتاستىراتىن قۇرلىقتاعى جىبەك جولىن اشتى؛اعا بۋىندارىمىز كەمە جەلكەنىن جايىپ الىس ساپار شەگىپ، اساۋ تولقىنداردان ەندەي ءوتىپ، باتىس پەن شىعىستى تۇتاستىراتىن تەڭىزدەگى جىبەك جولىن اشتى. بايىرعى جىبەك جولى ءار ەلدىڭ دوستىق قارىم - قاتىناسىنا تىڭ تەرەزە اشىپ، ادامزاتتىڭ دامىپ، العا باسۋىنىڭ جاڭا داستانىن جازدى. جۇڭگو شانشي تاريحي مۇراجايىندا ساقتالعان 1000 جىلدىق «التىن جالاتىلعان مىس جىبەك قۇرتى ءمۇسىنى»، يندونەزيادان تابىلعان، سۋعا شوككەنىنە 1000 جىل بولعان «قاراتاس» اتتى كەمەنىڭ قالدىعى وسى تاريحتىڭ كۋاسى ەسەپتەلەدى.
   نەشە ون مىڭداعان شاقىرىمعا جالعاسىپ، مىڭ جىل داۋرەندەگەن بايىرعى جىبەك جولى بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، تەڭ يگىلىككە كەنەلۋدى ۇيتقى ەتكەن جىبەك جولى رۋحىن قالىپتاستىردى. بۇل ادامزات وركەنيەتىنىڭ باعالى مۇراسى.
  
  -بەيبىت بولۋ، سەلبەسۋ. جاڭا ەرادان بۇرىنعى    140 - جىلدىڭ الدىنداعى جۇڭگونىڭ حان پاتشالىعى مەزگىلىندە، چاڭ - اننان اتتانعان بەيبىتشىلىك ەلشىلەرى ۇيىرمەسى شىعىستان باتىسقا باراتىن جولدى اشىپ،  «جول اشۋ ساپارىن» اياقتاتتى، بۇل ايگىلى جاڭ چياننىڭ باتىس وڭىرگە ەلشىلىككە بارۋى بولاتىن. جۇڭگونىڭ تاڭ، سۇڭ پاتشالىقتارى مەزگىلىندە، قۇرلىقتاعى جانە تەڭىزدەگى جىبەك جولى قاتار دامىدى، جۇڭگو، يتاليا، ماروككو ەلدەرىنىڭ ساياحاتشىلارى دۋ حۋان، ماركو پولو، يبىن باتۋتالار قۇرلىقتاعى جانە تەڭىزدەگى جىبەك جولىنا تاريحي ىزدەرىن قالدىردى. 15 - عاسىردىڭ  باسىنداعى ميڭ پاتشالىعى مەزگىلىندە، جۇڭگولىق ايگىلى تەڭىزشى جىڭ حى تەڭىزگە 7 رەت شىعىپ، ماڭگىلىك تاماشا اڭىز قالدىردى. بۇل اشۋ ىستەرىنىڭ تاريحقا ماڭگىلىك قالۋىنداعى سەبەپ، ولاردىڭ بارلىعى سوعىس اتتارى مەن نايزانى ەمەس، قايتا كەرۋەن مەن ىزگىلىكتى پايدالانعانىنان؛ قۇرىش كەمەلەر مەن جويقىن زەڭبىرەكتەردى ەمەس، قايتا اسىل تيەلگەن كەمەلەر مەن دوستىقتى پايدالانعان، ۇرپاقتان - ۇرپاققا جالعاسقان «جىبەك جولىنداعى جولاۋشىلار» شىعىس پەن باتىس سەلبەستىگىنىڭ ءتۇيىنىن، بەيبىتشىلىكتىڭ كوپىرىن سالدى.
  
  -اشىق ۇستاۋ، سيىسىمدى بولۋ. بايىرعى جىبەك جولى ءنىل وزەنى الابىن، تيگر وزەنى جانە ەۆفرات  وزەنى الابىن، ءۇندى وزەنى جانە گونگو وزەنى الابىن، حۋاڭحى وزەنى جانە چاڭجياڭ دارياسى الابىن باسىپ ءوتىپ، ەگيپەت وركەنيەتىنىڭ، بابيلون وركەنيەتىنىڭ، ءۇندى وركەنيەتىنىڭ، جۇڭحۋا وركەنيەتىنىڭ باستاۋ العان جەرلەرىن كەسىپ ءوتىپ، بۋددا ءدىنىنىڭ، حريستيان ءدىنىنىڭ، ءىسلام ءدىنىنىڭ مۇريتتەرى شوعىرلانعان وڭىرلەردى باسىپ، ءتۇرلى ەلدەر مەن ءتۇرلى ناسىلدەگى حالىقتار قونىستانعان جەرلەردى باسىپ وتەدى. تۇرلىشە وركەنيەت، تۇرلىشە ءدىن، تۇرلىشە ۇلتتار پارىقتاردى تاستاپ، ورتاقتىققا ۇمتىلىپ، اشىق، سيىسىمدى بولىپ، ءوزارا قۇرمەتتەسۋدىڭ كوركەم جىرلارىن بىرگە جازىپ، بىرگە دامۋدىڭ تاماشا كورىنىسىن قول ۇستاسا سىزدى. جيۋچۋان، دۇنحۋاڭ، تۇرپان، قاشقار، سامارقان، باعدات، كونستانينوپول سياقتى بايىرعى قالالار، نيڭبو، چۋانجوۋ، گۋاڭجوۋ، بەيحاي، كولومبو، جيددا، الەكساندريا سياقتى بايىرعى پورتتار وسى تاريحتىڭ «ءتىرى تاس قالدىقتارى». تاريح بىزگە وركەنيەت اشىقتىق بارىسىندا داميدى، ۇلتتار توعىسۋ بارىسىندا بىرگە تىرشىلىك ەتەدى دەگەندى ايتتى.
  
  -ءوزارا ۇيرەنۋ، ءوزارا ونەگە الۋ. بايىرعى جىبەك جولى ساۋدا ىستەپ، زات ايىرباستايتىن جول عانا     ەمەس، ماڭىزدىسى، ءبىلىم اۋىس - كۇيىسىن جاساۋ جولى ەدى. جۇڭگو بايىرعى جىبەك جولىن بويلاي وتىرىپ، جىبەكتى، فارفور بۇيىمداردى، سىرلى بۇيىمداردى، تەمىر قۇرالداردى باتىسقا جەتكىزدى ءارى جۇڭگوعا قارا بۇرىشتى، كەندىردى، ءيىستى ماتەريالداردى، ءجۇزىمدى، اناردى الا كەلدى. بايىرعى جىبەك جولىن بويلاپ، بۋددا ءدىنى، ءىسلام ءدىنى جانە ارابتىڭ استرونومياسى، جىلناماسى، ءدارى - دارمەگى جۇڭگوعا كىردى، جۇڭگونىڭ 4 ءىرى تاپقىرلىعى، جىبەك قۇرتىن ءوسىرۋ تەحنيكاسى دا بۇل جاقتان دۇنيە جۇزىنە تارالدى. ءتىپتى دە ماڭىزدىسى، تاۋار مەن ءبىلىم جاعىنداعى    اۋىس- كۇيىس كوزقاراستىڭ جاڭارۋىن الا كەلدى. مىسالى، بۋددا ءدىنى ءۇندىستاندا پايدا بولىپ، جۇڭگودا دامىپ، شىعىس - وڭتۇستىك ازيادا جالعاستى. تاعىلىمشىلدار مادەنيەتى جۇڭگودا پايدا بولىپ، ەۆروپانىڭ لەيبنيز، ۆولتەر سياقتى ويشىلدارىنىڭ قاستەرلەۋىنە يە بولدى. مىنە بۇل اۋىس
- كۇيىستىڭ باۋرامدىلىعى، ءوزارا ونەگە الۋدىڭ جەمىسى.
  
  ءوزارا پايدا جەتكىزۋ، تەڭ يگىلىككە كەنەلۋ. بايىرعى جىبەك جولى قۇرلىقتاعى «ەلشىلەرى ىركەس - تىركەس جولعا شىعىپ، ساۋدا كەرۋەندەرى ۇزىلمەي شۇبايتىن» گۇلدەنگەن جاعدايعا كۋا بولدى ءارى تەڭىزدەگى «قايشالىسقان كەمەلەرگە سان جەتپەيتىن» ساۋلەتتى جاعدايعا دا كۋا بولدى. وسى الىپ ارتەريادا، قارجى، تەحنيكا، ادام سياقتى ءوندىرىس فاكتورلارى ەركىن اينالىس جاساپ، تاۋار، بايلىق، ناتيجە سياقتىلاردا ورتاق يگىلىكتەنۋ جۇزەگە استى. الماتى، سامارقان، چاڭ - ان سياقتى ماڭىزدى قالاشىقتار مەن سۇر پورتى، گۋاڭجوۋ سياقتى پورتتار گۇلدەنىپ - كوركەيىپ، ريم، ارساك، كۇشان سياقتى ەجەلگى مەملەكەتتەر شارىقتاپ دامىپ، جۇڭگو حان پاتشالىعى مەن تاڭ پاتشالىعى مەزگىلىندەگى كوركەيگەن ءداۋىردى باستان كەشىردى. بايىرعى جىبەك جولى وڭىرلەردىڭ زور دامۋىن، زور گۇلدەنۋىن جارىققا شىعاردى.
   
  تاريح ەڭ جاقسى ۇستاز. بۇل تاريح بىزگە ارالىق مەيلى قانشالىق الىس بولسىن، العاشقى قادامدى ەرلىكپەن باسىپ، قارسى باعىتتا جۇرە بەرسەك بولعانى، كەزدەسۋ، ءبىلىسۋ، بىرگە دامۋ جولىن اشىپ، باقىتتى دا تىنىش، جاراسىمدى دا تاماشا بولاشاققا بەت الۋعا بولاتىنىن ءتۇسىندىردى.
  
   حانىمدار، مىرزالار، دوستار!
   
  تاريح تۇرعىسىنان قاراساق، ادامزات قوعامى قاۋىرت دامۋ، قاۋىرت جاڭارۋ، قاۋىرت رەتكە ءتۇسۋ داۋىرىندە تۇر. دۇنيەنىڭ كوپ ۇيەكتەنۋى، ەكونوميكانىڭ جاھاندانۋى، قوعامنىڭ ينفورماتسيالانۋى، مادەنيەتتىڭ كوپ نەگىزدەنۋى ىشكەرىلەي دامۋ، بەيبىت دامۋدىڭ ۇلكەن بەتالىسى ءالى دە پارمەندى، وزگەرىس، جاڭالىق اشۋ قادامى ۇزدىكسىز العا ىلگەرىلەۋدە. ءار ەلدىڭ بايلانىسى ەجەلدەن ءدال بۇگىنگىدەي قويۋ بولماعان، دۇنيە    ءجۇزى حالقىنىڭ تاماشا تۇرمىسقا دەگەن تالپىنىسى     ەجەلدەن ءدال بۇگىنگىدەي كۇشتى بولماعان، ادامزاتتىڭ قيىنشىلىقتى جەڭۋ ءتاسىلى ەجەلدەن ءدال بۇگىنگىدەي الۋان ءتۇرلى بولماعان. 
   
  رەال تۇرعىدان قاراساق، ءبىز سايىستار دۇركىن - دۇركىن تۋىلعان الەمدە تۇرمىز. دۇنيە ءجۇزى ەكونوميكاسىنىڭ ارتۋى جاڭا قوزعاۋشى كۇشتى قاجەت ەتەدى، دامۋ اناعۇرلىم جاپپاي پايدا جەتكىزەتىن تەپە - تەڭدىكتى قاجەت ەتەدى، كەدەي مەن باي اراسىنداعى پارىق، الشاقتىق وڭاۋدى قاجەت ەتەدى. وڭىرلەردەگى تۇيىندەردە تولاسسىز دۇربەلەڭ تۋىلىپ، لاڭكەستىك ءورشىپ، ادامزاتقا لاڭ سالدى. بەيبىتشىلىك قىزىل سيفرى، دامۋ قىزىل سيفرى، جونگە سالۋ قىزىل سيفرى كۇللى ادامزات الدىنداعى قاتاڭ سىن - سايىس بولىپ وتىر. بۇل مەن ەجەلدەن تولعانىپ كەلگەن ماسەلە. 
   
  جىبەك جولى ەكونوميكالىق بەلدەۋى مەن 21 -عاسىرداعى تەڭىز جىبەك جولىن بىرگە قۇرۋدى، ياعني     «ءبىر بەلدەۋ، ءبىر جول» دارىپتەمەسىن 2013 - جىلى كۇزدە قازاقستان مەن يندونەزيادا العا قويعان ەدىم.      «ىزگى ىستەر ىستەلەر، باعاسىن بەرەر وزگەلەر». 4 جىلدان بەرى، دۇنيە جۇزىندەگى 100 نەشە مەملەكەت پەن حالىقارالىق ۇيىم «ءبىر بەلدەۋ، ءبىر جول» قۇرىلىسىن بەلسەندى قولدادى جانە ات سالىستى، ب م ۇ قۇرىلتايى، ب م ۇ - نىڭ حاۋىپسىزدىك القالار كەڭەسى سياقتىلاردىڭ ماڭىزدى قاۋلىلارىنا دا «ءبىر بەلدەۋ، ءبىر جول» قۇرىلىسى جونىندەگى مازمۇندار ەنگىزىلدى. «ءبىر بەلدەۋ، ءبىر جول» قۇرىلىسى بىرتىندەپ كوزقاراستان ارەكەتكە، بولاشاق جوسپاردان رەالدىققا اينالىپ، قۇرىلىستا سۇبەلى ناتيجەلەرگە قول جەتتى. 
   
  بۇل ساياسات جاعىنداعى قارىم - قاتىناس ۇزدىكسىز تەرەڭدەگەن 4 جىل. مەن «ءبىر بەلدەۋ، ءبىر جول» قۇرىلىسى بولەك قازان اسۋ، قۇلاتىپ تاستاپ قايتا قۇرۋ دەگەندىك ەمەس، قايتا، ستراتەگيالاردى ۇلاستىرۋدى، باسىمدىقتار ارقىلى ءبىرىن - ءبىرى تولىقتاۋدى جۇزەگە اسىرۋدى ماقسات ەتەدى دەپ كوپ رەت ايتقانمىن. ءبىز قاتىستى ەلدەرمەن ساياساتتاردى سايكەستىرەمىز، مۇندا رەسەي العا قويعان ەۆروپا - ازيا ەكونوميكالىق وداعى، شىعىس - وڭتۇستىك ازيا مەملەكەتتەر وداعى العا قويعان ءوزارا توعىسۋ، ءوزارا بايلانىس جاساۋ جالپىلىق جوباسىن، قازاقستان العا قويعان «نۇرلى جول»، تۇركيا العا قويعان «ورتالىق ءدالىز»، موڭعۇليا العا قويعان «دامۋ جولى»، ۆيەتنام العا قويعان «ەكى ءدالىز، ءبىر شەڭبەر»، ۇلى بريتانيا العا قويعان «انگليا سولتۇستىك ەكونوميكا ورتالىعى»، پولشا العا قويعان «يانتار جولى» سياقتىلار قامتىلادى. جۇڭگونىڭ لاوس، كامبودجا، بيرما، ۆەنگريا سياقتى ەلدەرمەن جوبالاردى ۇلاستىرۋ قىزمەتى دە جاپپاي ورىستەتىلۋدە. جۇڭگو 40 نەشە مەملەكەتپەن جانە حالىقارالىق ۇيىممەن سەلبەستىك كەلىسىمىنە قول قويىسىپ، 30 نەشە مەملەكەتپەن مەحانيزمدەنگەن ءوندىرىس قۋاتى سەلبەستىگىن ورىستەتتى. وسى رەتكى تالقى مىنبەرى كەزىندە ءبىز تاعى ءبىر توپ ۇشتاستىرۋ، سەلبەستىك جاساۋ كەلىسىمىنە جانە ارەكەت جوباسىنا قول قويىسىپ، 60 نەشە مەملەكەتپەن جانە حالىقارالىق     ۇيىممەن «ءبىر بەلدەۋ، ءبىر جول» ساۋداسىن ىركىلىسسىزدەندىرۋ سەلبەستىك دارىپتەمەسىن بىرگە العا قويامىز. تاراپتار ساياساتتى سايكەستىرۋ ارقىلى «بىرگە ءبىردى قوسسا ەكىدەن ۇلكەن بولادى» ءونىمىن ىسكە اسىردى. 

  -   بۇل قۇرىلعىلار جاعىنداعى بايلانىس ۇزدىكسىز  كۇشەيگەن 4 جىل. «جولدار تۇتاسسا، كاسىپتەر كوركەيەدى». ءبىز قاتىستى ەلدەرمەن بىرگە جاكارتا - باندۇڭ جوعارى قارقىندى تەمىر جولى، جۇڭگو - لاوس تەمىر جولى، ادديس ابەبا - جيبۋتي تەمىر جولى، ۆەنگريا -سەربيا تەمىر جولى سياقتى نىسانداردى جەدەل ىلگەرىلەتەمىز، گۋادار پورتى، پيراۋس پورتى سياقتى كەمەجايلاردى قۇرىپ، ءوزارا توعىسقان، ءوزارا بايلانىس جاساعان ءبىر توپ نىسانداردى جوبالاپ اتقارامىز. كەزەكتە جۇڭگو - پاكيستان، جۇڭگو- موڭعۇليا - رەسەي، جاڭا ازيا - ەۆروپا ۇلى قۇرلىق كوپىرى سياقتى ەكونوميكا ءدالىزىن جەتەكشى، قۇرلىق، تەڭىز، اۋە جولدارى مەن ينفورماتسيا جوعارى جىلدامدىقتى جولىن جۇلگە، تەمىر جول، پورت، قۇبىر جەلىسى سياقتى كەلەلى ينجەنەريالاردى تياناق ەتكەن بىرىككەن نەگىزدىك قۇرىلعى جەلىسى قالىپتاسىپ كەلەدى.

  -  بۇل ساۋدا جاعىنداعى ىركىلىسسىزدىك دەڭگەيى ۇزدىكسىز جوعارىلاعان 4 جىل. جۇڭگو «ءبىر بەلدەۋ، ءبىر جول» قۇرىلىسىنا قاتىناسقان ەلدەرمەن ساۋدا جانە قارجى قوسۋدى قولايلىلاستىرۋدى بارىنشا ىلگەرىلەتىپ، ساۋدا جۇرگىزۋ ورتاسىن ۇزدىكسىز جاقسارتتى. ۇعىسۋىمشا، قازاقستان سياقتى ورتا ازيا ەلدەرىنىڭ اۋىل شارۋاشىلىعى ونىمدەرىنىڭ جۇڭگو بازارىنا جەتۋ ۋاقىتى     %90 قىسقارعان. 2014 - جىلدان 2016 - جىلعا دەيىنگى ارالىقتا، جۇڭگونىڭ «ءبىر بەلدەۋ، ءبىر جول» جەلىسى بويىنداعى مەملەكەتتەرمەن بولعان ساۋدا جالپى سوماسى 3 تريلليون دوللاردان استى. جۇڭگونىڭ «ءبىر بەلدەۋ، ءبىر جول» جەلىسى بويىنداعى ەلدەرگە قوسقان جالپى قارجىسى 50 ميلليارد دوللاردان استى. جۇڭگونىڭ كاسىپورىندارى 20 نەشە مەملەكەتتە 56 ەكونوميكا - ساۋدا سەلبەستىك رايونىن قۇرىپ، قاتىستى ەلدەرگە ءبىر ميلليارد 100 ميلليون دوللارعا تاياۋ باجى جانە 180 مىڭ جۇمىس ورنىن ازىرلەپ بەردى. 

  -  بۇل قارجىنى اينالىسقا ءتۇسىرۋ اياسى ۇزدىكسىز كەڭەيگەن 4 جىل. قارجى قۇراۋداعى وسال تۇس - ءوزارا توعىسۋدى، ءوزارا بايلانىس جاساۋدى ىسكە    اسىرۋداعى كورنەكتى سايىس. جۇڭگو «ءبىر بەلدەۋ، ءبىر جول» قۇرىلىسىنا ات سالىسۋشى ەلدەرمەن جانە ۇيىمدارمەن الۋان ءتۇرلى فينانس سەلبەستىگىن ورىستەتتى، ازيا نەگىزدىك قۇرىلعىلار قۇرىلىسىن قارجىلاندىرۋ بانكەسى «ءبىر بەلدەۋ، ءبىر جول» قۇرىلىسىنا ات سالىسۋشى ەلدەردىڭ 9 نىسانىنا ءبىر ميلليارد 700 ميلليون دوللار قارىز بەردى، «جىبەك جولى قورى» 4 ميلليارد دوللار قارجى قوستى، جۇڭگو مەن ورتا، شىعىس ەۆروپانىڭ «16+1» فينانستىق جارنا تىزگىندەۋ سەرىكتەستىگى رەسمي قۇرىلدى، وسى جاڭاشا فينانس مەحانيزمدەر مەن دۇنيە بانكەسى سياقتى ءداستۇرلى، كوپ جاقتى فينانس قۇرىلىمدارىنىڭ اربىرەۋىنىڭ وزىندىك ءتۇيىنى بار، ءبىرىن - ءبىرى تولىقتايدى، قاتپارى ايقىن، العاشقى ادىمدا كولەم قالىپتاستىرعان «ءبىر بەلدەۋ، ءبىر جول» فينانس سەلبەستىك جەلىسىن سومدادى. 

  -  بۇل جۇرت تىلەگىنىڭ توعىسۋى ۇزدىكسىز كۇشەيگەن 4 جىل. «ەكى ەلدىڭ قارىم - قاتىناسى ەكى ەل حالقىنىڭ بارىس - كەلىسى نەگىزىندە ورنايدى، ەكى ەلدەگى حالىقتىڭ تىلەكتەرى توعىسقاندا عانا ءوزارا بارىس- كەلىس ورنايدى». «ءبىر بەلدەۋ، ءبىر جول» قۇرىلىسىنا ات سالىسۋشى ەلدەر جىبەك جولى رۋحىن ساۋلەلەندىرىپ، اقىل - پاراسات جىبەك جولى، سالاماتتىلىق جىبەك جولى سياقتى قۇرىلىستاردى قانات جايدىرىپ، عىلىم، وقۋ - اعارتۋ، مادەنيەت، دەنساۋلىق ساقتاۋ، حالىقتىق اۋىس - كۇيىس سياقتى سالالاردا كەڭ كولەمدى سەلبەستىك جاساپ، «ءبىر بەلدەۋ، ءبىر جول» قۇرىلىسىندا حالىق تىلەگى نەگىزىن بەكەمدەپ، قوعامدىق نەگىزدى كۇشەيتتى. جۇڭگو ۇكىمەتى قاتىستى ەلدەردى جىل سايىن 10مىڭ ادامدىق ۇكىمەتتىك وقۋ سيلىق قارجىسىمەن قامداپ كەلەدى، جەرگىلىكتى ۇكىمەتتەر دە جىبەك جولى ارناۋلى وقۋ سيلىق اقشاسىن بەلگىلەپ، حالىقارالىق مادەنيەت، وقۋ - اعارتۋ جاعىندا اۋىس - كۇيىس جاساۋعا شابىتتاندىردى. جىبەك جولى مادەنيەت جىلى، ساياحات جىلى، كوركەمونەر مەرەكەسى، كينو - تەلەۆيزيا كوپىرى، زەرتتەۋ تالقىسى،   اقىل - پاراسات قويما ديالوگى سياقتى گۋمانيتارلىق سەلبەستىك نىساندارى دا شەشەك اتىپ، ادامداردىڭ بارىس - كەلىسى جيىلەپ، اۋىس - كۇيىس بارىسىندا تىلەكتەرى دە توعىستى. 
    
  سۇبەلى جەتىستىكتەر «ءبىر بەلدەۋ، ءبىر جول» دارىپتەمەسىنىڭ ءداۋىر اعىمىنا ۇيلەسكەن، دامۋ قاعيداسىنا سايكەسكەن، ءار ەل حالقىنىڭ مۇددەسىنە ساي كەلگەن، جارقىن بولاشاققا يە دارىپتەمە ەكەنىن ايگىلەدى. 
    
  حانىمدار، مىرزالار، دوستار!

  جۇڭگولىقتاردا «بارلىق ءىستى باستاۋ قيىن» دەگەن ءسوز بار. «ءبىر بەلدەۋ، ءبىر جول» قۇرىلىسى العا قاراي نىق قادام تاستادى. ءبىز ۇتىمدى ورايدان پايدالانىپ العا ۇمتىلىپ، جاعدايعا قاراي ىسكە كىرىسىپ، «ءبىر بەلدەۋ، ءبىر جول» قۇرىلىسىن ورنىقتى قاداممەن باياندى العا ىلگەرىلەتىپ، اناعۇرلىم شۇعىلالى بولاشاققا قادام تاستاۋىمىز كەرەك. ەندى مەن ءوز كوزقاراستارىمدى ورتاعا قويا كەتپەكشىمىن.

  ءبىرىنشى، «ءبىر بەلدەۋ، ءبىر جولدى» بەيبىتشىلىك جولى ەتىپ قۇرۋىمىز كەرەك. بايىرعى جىبەك جولى بەيبىت زاماندا كوركەيىپ، جاۋگەرشىلىك زاماندا توقىراعان. «ءبىر بەلدەۋ، ءبىر جول» قۇرىلىسىن بەيبىت، تىنىش ورتادان بولە قاراۋعا كەلمەيدى. ءبىز سەلبەسە وتىرىپ تەڭ يگىلىككە كەنەلۋدى ۇيتقى ەتكەن جاڭاشا حالىقارالىق قارىم - قاتىناستى ورناتىپ، تىلدەسۋ، قارسىلاسپاۋ، سەرىكتەسۋ، وداقتاسپاۋ سىندى سەرىكتەستىك قارىم - قاتىناستى تۇلعالاۋىمىز كەرەك. ءار ەل ءبىر - ءبىرىنىڭ ەگەمەندىگىنە، اتاق - ابىرويىنا، تەرريتوريا تۇتاستىعىنا قۇرمەت ەتۋى، ءبىر - ءبىرىنىڭ دامۋ جولى مەن قوعامدىق تۇزىمىنە قۇرمەت ەتۋى، ءبىر- ءبىرىنىڭ وزەكتى مۇددەسى مەن باسا نازار اۋدارىپ وتىرعان تۇيىندەرىنە قۇرمەت ەتۋى كەرەك.
   
  بايىرعى جىبەك جولى بويىنداعى وڭىرلەر ءوز كەزىندە «سيىر ءسۇتى مەن بال سورعالاعان جەر» ەدى، ال بۇگىن كوپتەگەن جەرلەر قاقتىعىستىڭ، دۇربەلەڭنىڭ جانە حاۋىپ - قاتەردىڭ، سىن - سايىستىڭ اتىنا اينالىپ كەتتى. مۇنداي جاعدايدىڭ ەندىگارى جالعاسا بەرۋىنە بولمايدى. ءبىز ورتاق، جالپىلىق، سەلبەستىك، باياندى حاۋىپسىزدىك كوزقاراسىن ورناتۋىمىز، حاۋىپسىز جاعدايدى تۇلعالاۋىمىز، بىرگە قۇرۋىمىز، ونان بىرگە    يگىلىكتەنۋىمىز كەرەك. تولعاقتى تۇيىندەردى كۇش سالا شەشىپ، ساياسي جولمەن ءبىر جايلى ەتۋدەن جازباۋىمىز؛ كۇش سالا بەرەكەلەستىرىپ، جاراستىرىپ، ادىلدىككە، ادىلەتتىلىككە تاباندى بولۋىمىز؛ لاڭكەستىككە قارسى تۇرۋدى كۇش سالا العا ىلگەرىلەتىپ، ۇستىنەن وڭاۋ مەن تۇبىرىنەن وڭاۋدى بىردەي يگەرىپ، كەدەيلىكتى، مەشەۋلىكتى جانە قوعامداعى ادىلەتسىزدىكتى  الاستاۋىمىز كەرەك.
  
   ەكىنشى، «ءبىر بەلدەۋ، ءبىر جولدى» گۇلدەنىپ - كوركەيۋ جولى ەتىپ قۇرۋىمىز كەرەك. دامۋ ءارقانداي ماسەلەنى شەشۋدىڭ ءتۇبىرلى كىلتى. «ءبىر بەلدەۋ، ءبىر جول» قۇرىلىسىن العا ىلگەرىلەتىپ، دامۋ سىندى ءتۇبىرلى ماسەلەگە نازار اۋدارىپ، ءار ەلدىڭ دامۋ   كومەسكى كۇشىن ىسكە قوسىپ، ەكونوميكانى كەڭ كولەمدى توعىستىرۋىمىز، دامۋدا كەڭ كولەمدى بىرگە ارەكەتتەنۋىمىز، تابىستاردان كەڭ كولەمدى بىرگە يگىلىككە كەنەلۋىمىز كەرەك.
   
  كاسىپ سالاسى ەكونوميكانىڭ ارقاۋى. ءبىز كاسىپ سالاسى سەلبەستىگىن ىشكەرىلەي قانات جايدىرىپ، ءار ەلدىڭ كاسىپ سالاسىن دامىتۋ جوباسىنىڭ ءوزارا توعىسۋىن، ءبىرىن - ءبىرى جەبەۋىن العا ىلگەرىلەتىپ،  ءىرى نىسان قۇرىلىسىن تىڭعىلىقتى يگەرىپ، حالىقارالىق ءوندىرىس قۋاتى جانە جابدىق جاساۋ سەلبەستىگىن كۇشەيتىپ، جاڭا ونەركاسىپ توڭكەرىسىنىڭ دامۋىنداعى تىڭ ورايلاردى مىقتى يگەرىپ، جاڭا كاسىپ كۇيىن جەتىلدىرىپ، ەكونوميكالىق ارتۋدىڭ ومىرشەڭدىك كۇشىن ساقتاۋىمىز كەرەك.
  
   فينانس وسى زامانعى ەكونوميكانىڭ قانى. قان تامىرلار ىركىلىسسىز بولسا ءوسىپ - جەتىلۋ پارمەندى بولادى. ءبىز ورنىقتى، باياندى، حاۋىپ - قاتەرىن مەڭگەرۋگە بولاتىن فينانستىق قامتاماسىزداندىرۋ جۇيەسىن ورناتۋىمىز، قارجى قوسۋ جانە قارجى قۇراۋ فورماسىن جاڭالاۋىمىز، ۇكىمەت پەن قوعامدىق كاپيتالدىڭ سەلبەستىك اياسىن كەڭەيتۋىمىز، كوپ نەگىزدەنگەن قارجى قۇراۋ جۇيەسى مەن كوپ ساتىلى كاپيتال بازارىن ورناتىپ، جالپىعا ءتيىمدى فينانستى دامىتىپ، فينانستىق قىزمەت كورسەتۋ جەلىسىن كەمەلدەندىرۋىمىز كەرەك.
  
   قۇرىلعىلاردىڭ بايلانىسى سەلبەسە دامۋدىڭ نەگىزى. ءبىز قۇرلىقتا، تەڭىزدە، اۋەدە، جەلىدە ءتورت ءبىر تۇلعالانعان بايلانىستى كۇش سالا العا ىلگەرىلەتىپ، ماڭىزدى وتكەلگە، ماڭىزدى قالاعا، ماڭىزدى نىسانعا نازار اۋدارىپ، قۇرلىقتاعى تاس جول، تەمىر جول جەلىسى مەن تەڭىزدەگى پورت جەلىسىن بايلانىستىرۋىمىز كەرەك. ءبىز «ءبىر بەلدەۋ، ءبىر جول» قۇرىلىسىنىڭ 6 ءىرى ەكونوميكالىق ءدالىز جۇلگەسىن تياناقتاندىردىق، مۇنى تىڭعىلىقتى العا ىلگەرىلەتۋىمىز كەرەك. ەنەرگيا قۇرىلىمىن تىڭنان رەتكە سالۋ مەن ەنەرگيا تەحنيكاسىنىڭ وزگەرىس بەتالىسىن مىقتى يگەرىپ، دۇنيە جۇزىلىك ەنەرگيا جەلىسىن ورناتىپ، جاسىل، تومەن كومىرتەكتى دامۋدى جۇزەگە اسىرۋىمىز كەرەك. ءوڭىر اتتاعان زات اينالىمى جەلىسىن قۇرىلىسىن كەمەلدەندىرۋىمىز كەرەك. سونىمەن بىرگە، ساياسات، قاعيدا، ولشەم ءۇش ءبىر تۇلعالانعان بايلانىستى جەبەۋىمىز، بايلانىس جاساۋدى، حابارلاسۋدى مەحانيزم جاعىنان قامتاماسىزداندىرۋىمىز كەرەك.
   
  ءۇشىنشى، «ءبىر بەلدەۋ، ءبىر جول» قۇرىلىسىن   اشىق ۇستاۋ جولى ەتىپ قۇرۋىمىز كەرەك. اشىقتىق العا باسۋعا جەتەلەيدى، تۇيىقتىق مەشەۋلىككە ۇرىندىرادى. ءبىر مەملەكەت ءۇشىن، ەسىك اشۋ ءپىللا جارىپ، كوبەلەككە اينالۋ سياقتى مەزەتتىك قيىندىقتى باستان كەشكەنىمەن، اقىر - اياعىندا جاڭا ءومىر قۇشادى. «ءبىر بەلدەۋ، ءبىر جول» قۇرىلىسى اشىق ۇستاۋدى جەتەكشى ەتىپ، ەكونوميكالىق ءوسۋ مەن تەپە - تەڭدىك ماسەلەسىن شەشۋى كەرەك. 
  
  ءبىز اشىق ۇستاۋ سيپاتتى سەلبەستىك تۇعىرىن تۇلعالاپ، اشىق ۇستاۋ سيپاتتى الەم ەكونوميكاسىن قورعاپ جانە دامىتىپ، اشىق ۇستاپ دامۋعا ءتيىمدى ورتانى بىرگە ازىرلەپ، ءادىل، ۇيلەسىمدى، جاريا بولعان حالىقارالىق ەكونوميكا - ساۋدا قارجى قوسۋ قاعيداسى جۇيەسىن قالىپتاستىرۋدى العا ىلگەرىلەتىپ، ءوندىرىس فاكتورلارىنىڭ ءتارتىپتى اينالىمىن، بايلىقتىڭ ۇتىمدى جايعاستىرىلۋىن، بازاردىڭ تەرەڭدەي توعىسۋىن ىلگەرىلەتۋىمىز كەرەك. ءبىز ءار ەلدىڭ ءوز مەملەكەت جاعدايىمەن بىرلەستىرىپ، اشىق ەكونوميكانى بەلسەنە دامىتىپ، الەمدىك جونگە سالۋعا جانە الەۋمەتتىك ونىمدەرمەن قامداۋعا قاتىسۋىن، كەڭ كولەمدەگى مۇددە ورتاق تۇلعاسىن بىرگە تۇلعالاۋىن قارسى الامىز. 

  ساۋدا ەكونوميكالىق ءوسۋدىڭ ماڭىزدى قوزعالتقىشى. بىزدە «سىرتقا نازار اۋداراتىن» سانا بولۋ كەرەك، كوپ جاقتى ساۋدا ءتۇزىلىسىن قورعاۋ، ەركىن ساۋدا رايونى قۇرىلىسىن ىلگەرىلەتۋىمىز، ساۋدا مەن قارجى قوسۋدى ەركىندەستىرۋدى، قولايلىلاندىرۋدى جەبەۋىمىز كەرەك. ارينە، ءبىز دامۋداعى بىركەلكىسىزدىك، جونگە سالۋداعى قيىنشىلىق، سيفرلارداعى الشاقتىق، ءبولىس پارقى   سياقتى ماسەلەلەردى كۇش سالا ءبىر جايلى ەتىپ،     اشىق، سيىسىمدى، جاپپاي پايدا جەتكىزەتىن، بىركەلكى، تەڭ يگىلىككە كەنەلەتىن ەكونوميكالىق جاھاندانۋدى جۇزەگە اسىرۋىمىز كەرەك.
   
  ءتورتىنشى، «ءبىر بەلدەۋ، ءبىر جول» قۇرىلىسىن جاڭالىق اشۋ جولى ەتىپ قۇرۋىمىز كەرەك. جاڭالىق اشۋ دامۋدى جەبەيتىن ماڭىزدى كۇش. «ءبىر بەلدەۋ، ءبىر جول» قۇرىلىسىنىڭ ءوزى جاسامپازدىق، «ءبىر بەلدەۋ، ءبىر جول» قۇرىلىسىن ويداعىداي جۇرگىزۋدە دە جاڭالىق اشۋدان قوزعاۋشى كۇش الۋ كەرەك. 
   
  ءبىز جاڭالىق اشۋ ارقىلى دامۋعا دەم بەرۋدەن جازباي، ەلەكتروندىق ەكونوميكا، جاساندى ينتەللەكت، نانومەتر تەحنولوگياسى، كۆانتتىق كومپيۋتەر سياقتى  وزىق سالالارداعى سەلبەستىكتى كۇشەيتىپ، ءىرى ساندى مالىمەت، بۇلتتىق ەسەپتەۋ، ينتەللەكتتى قالا قۇرىلىسىن ىلگەرىلەتىپ، 21 - عاسىرداعى سيفرلى جىبەك جولىن قۇرۋىمىز كەرەك. عىلىم - تەحنيكانىڭ كاسىپ سالاسىمەن، عىلىم - تەحنيكانىڭ فينانسپەن ىشكەرىلەي توعىسۋىن جەبەپ، جاڭالىق اشۋ ورتاسىن جاقسارتىپ، جاڭالىق اشۋ بايلىعىن شوعىرلاندىرۋىمىز كەرەك. ينتەرنەت داۋىرىندەگى ءار ەل جاستارىنا شارۋاشىلىق قۇرۋ كەڭىستىگىن، شارۋاشىلىق قۇرۋ ورنىن ازىرلەپ بەرىپ، بولاشاق ۇرپاق جاستاردىڭ ارمانىنا جول اشۋىمىز كەرەك.
  
   ءبىز جاسىل دامۋ جاڭا ۇستانىمىن امالياتتا ايگىلەپ، جاسىل، تومەن كومىرتەكتى، اينالمالى، باياندى ءوندىرىس، تۇرمىس ءتاسىلىن دارىپتەپ، ەكولوگيالىق ورتانى قورعاۋ جونىندەگى سەلبەستىكتى كۇشەيتىپ،  ەكولوگيالىق وركەنيەت قۇرىپ، 2030 - جىلعا دەيىنگى باياندى دامۋ نىساناسىن بىرگە جۇزەگە اسىرۋىمىز كەرەك.
   
  بەسىنشى، ءبىز «ءبىر بەلدەۋ، ءبىر جولدى» وركەنيەت جولى ەتىپ قۇرۋىمىز كەرەك. «ءبىر بەلدەۋ، ءبىر جول» قۇرىلىسى وركەنيەتتىك بارىس - كەلىس ارقىلى وركەنيەتتەگى بوگەتتەردەن اسىپ ءتۇسۋىمىز، وركەنيەتتە ءوزارا ۇلگى الۋ ارقىلى وركەنيەتتىك قاقتىعىستاردان اسىپ ءتۇسۋىمىز، وركەنيەتتە بىرگە ءومىر ءسۇرۋ ارقىلى وركەنيەتتەگى مەنمەندىكتەن اسىپ ءتۇسۋىمىز، ءار ەلدىڭ ءوزارا ءتۇسىنىسۋىن، ءوزارا قۇرمەتتەسۋىن، ءوزارا سەنىم ارتۋىن جەبەۋىمىز كەرەك.
   
  ءبىز كوپ قاتپارلى گۋمانيتارلىق سەلبەستىك مەحانيزمىن ورناتىپ، ءتىپتى دە كوپ سەلبەستىك تۇعىرىن قالىپتاستىرىپ، ءتىپتى دە كوپ سەلبەستىك ارنالارىن اشۋىمىز كەرەك. وقۋ - اعارتۋ سەلبەستىگىن جەبەپ،  ءوزارا وقۋشى جىبەرۋ كولەمىن كەڭەيتىپ، سەلبەسىپ وقۋ - وقىتۋ دەڭگەيىن جوعارىلاتۋىمىز كەرەك. اقىل - پاراسات قويماسى رولىن ساۋلەلەندىرىپ، اقىل - پاراسات قويماسى وداعى جانە سەلبەستىك جەلىسىن قۇرۋىمىز كەرەك. مادەنيەت، دەنە تاربيە، دەنساۋلىق ساقتاۋ جاعىنداعى سەلبەستىك ۇلگىسىنە جاڭالىق ەنگىزىپ، ناقتى نىسانداردى ىلگەرىلەتۋىمىز كەرەك. تاريحي، مادەني مۇرالاردان ويداعىداي پايدالانىپ، جىبەك جولى ەرەكشەلىگىندەگى ساياحات ونىمدەرىن بىرگە جاساۋىمىز جانە مۇرالاردى قورعاۋىمىز كەرەك. ءبىز ءار ەل پارلامەنتتەرىنىڭ، ساياسي پارتيالارىنىڭ، حالىقتىق ۇيىمداردىڭ بارىس - كەلىسىن كۇشەيتىپ، ايەلدەر، جاستار، مۇگەدەكتەر سياقتى ادامداردىڭ بارىس - كەلىسىن جيىلەتىپ، سيىسىمدى دامۋدى جەبەۋىمىز كەرەك. ءبىز جەمقورلىققا قارسى تۇرۋ جونىندەگى حالىقارالىق سەلبەستىكتى دە نىعايتىپ، «ءبىر بەلدەۋ، ءبىر جولدى» پاكتىك جولىنا اينالدىرۋىمىز كەرەك. 
   
  حانىمدار، مىرزالار، دوستار!
   
  كەزەكتە جۇڭگو دامۋدىڭ تىڭ بەلەسىنە كوتەرىلدى. ءبىز جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ دامۋ جاڭا قالىبىنا ۇزدىكسىز ۇيلەسىپ، يگەرىپ، جەتەكشىلىك  ەتىپ، قامداۋ جاعىنداعى قۇرىلىمدىق رەفورمانى بەلسەنە ىلگەرىلەتىپ، باياندى دامۋدى جۇزەگە اسىرىپ، «ءبىر بەلدەۋ، ءبىر جولعا» مىعىم قوزعاۋشى كۇش قوسۋىمىز، دۇنيە ءجۇزىن تىڭ دامۋ ورايىنا يە ەتۋىمىز كەرەك.

  -   جۇڭگو بەيبىت قاتار تۇرۋدىڭ بەس پرينسيبى   نەگىزىندە، «ءبىر بەلدەۋ، ءبىر جول» قۇرىلىسىنا ات سالىسقان ەلدەرمەن دوستىق سەلبەستىكتى دامىتۋدى قالايدى. جۇڭگو دامۋ تاجىريبەلەرىن دۇنيە جۇزىندەگى ەلدەرمەن بىرگە يگىلىكتەنۋدى قالايدى، ءبىراق وزگە ەلدىڭ ىشكى ىسىنە كيلىكپەيدى، قوعامدىق ءتۇزىم مەن دامۋ ۇلگىسىن ۇسىنبايدى، وزگەلەرگە تىقپالاۋدان ءتىپتى دە اۋلاق. ءبىز «ءبىر بەلدەۋ، ءبىر جول» قۇرىلىسىن ىلگەرىلەتۋدە وڭىرلىك باسەكە سىندى كونە جولدى قايتا باسپايمىز، قايتا سەلبەسىپ بىرگە يگىلىككە كەنەلۋ تىڭ ۇلگىسىن اشامىز؛ ورنىقتىلىقتى بۇلدىرەتىن شاعىن توپ قۇرمايمىز، قايتا جاراسىمدى بىرگە ءومىر سۇرەتىن ۇلكەن شاڭىراق قۇرامىز.

  - جۇڭگو كوپتەگەن ەلدەرمەن «ءبىر بەلدەۋ، ءبىر جول» ناقتى سەلبەستىك كەلىسىمىنە كەلىستى، مۇندا قاتىناس - تاسىمال، نەگىزدىك قۇرىلعى، ەنەرگيا سياقتى قاتتى بولشەك بىرلەسكەن حابارلاسۋ نىساندارى مەن حابارلاسۋ، كەدەن، تەكسەرۋ، كارەنتيندەۋ سياقتى جۇمساق بولشەك بىرلەسكەن حابارلاسۋ نىساندارى، سونداي - اق ەكونوميكا - ساۋدا، كاسىپ سالاسى، ەلەكتروندىق ساۋدا ىستەرى، تەڭىز - مۇحيت، جاسىل ەكونوميكا سياقتى كوپ سالاداعى سەلبەستىك جوباسى جانە ناقتى نىساندار قامتىلعان. جۇڭگو قاتىستى ەلدەردىڭ تەمىر جول تاراۋلارىمەن جۇڭگو - ەۆروپا كەزەكشى پويەز سەلبەستىگىن تەرەڭدەتۋ كەلىسىمىنە قول قويادى. ءبىز وسى سەلبەستىك نىساندارىنىڭ ەرتەرەك اتقارىلىپ، ونىمدىلىگىنىڭ ەرتەرەك كورىلۋىن جەبەۋىمىز كەرەك.

  -    جۇڭگو «ءبىر بەلدەۋ، ءبىر جول» قۇرىلىسىن قارجىلاي قولداۋ تەبىنىن ارتتىرىپ، جىبەك جولى قورىن 100 ميلليارد يۋان تىڭنان ارتتىرىپ، فينانس قۇرىلىمدارىنىڭ شەتەلدەردەگى حالىق اقشاسى قورى كاسىبىن اشۋ جۇمىستارىنا دەم بەرەدى، كولەمى شامامەن 300 ميلليارد يۋان حالىق اقشاسىنداي بولادى. جۇڭگو مەملەكەتتىك اشۋ بانكەسى، يمپورت - ەكسپورت بانكەسى حالىق اقشاسىمەن جەكە - جەكە 250 ميلليارد يۋان جانە 130 ميلليارد يۋان ارناۋلى قارىز بەرىپ، «ءبىر بەلدەۋ، ءبىر جول» نەگىزدىك قۇرىلعى قۇرىلىسىن، ءوندىرىس قۋاتىن، فينانس سەلبەستىگىن قولدايدى. ءبىز ازيا نەگىزدىك قۇرىلعىلارعا قارجى قوسۋ بانكەسى، بريكس ەلدەرى جاڭا اشۋ بانكەسى، دۇنيە ءجۇزى بانكەسى  سياقتى باسقا دا كوپ جاقتى اشۋ قۇرىلىمدارىمەن سەلبەسىپ «ءبىر بەلدەۋ، ءبىر جول» نىساندارىنا قولداۋ كورسەتەمىز، قاتىستى جاقتارمەن بىرگە «ءبىر بەلدەۋ، ءبىر جول» بويىنشا قارجى توعىستىرۋعا جەتەكشىلىك ەتۋ پرينسيبىن بەلگىلەيمىز.

  -   جۇڭگو «ءبىر بەلدەۋ، ءبىر جول» قۇرىلىسىنا ات سالىسقان ەلدەرمەن ءوزارا پايدا جەتكىزۋ، يگىلىككە بىرگە كەنەلۋ سىندى ەكونوميكا - ساۋدا سەرىكتەستىك قاتىناسىن بەلسەنە دامىتىپ، قاتىستى ەلدەرمەن ساۋدا جانە قارجى قوسۋ ىستەرىنىڭ قولايلىلانۋىن جەبەپ،     «ءبىر بەلدەۋ، ءبىر جول» ەركىن ساۋدا جەلىسىن قالىپتاستىرىپ، وڭىرلەر مەن دۇنيە ءجۇزى ەكونوميكاسىنىڭ ارتۋىنا كومەك كورسەتەدى. وسى كەزەكتى تالقى مىنبەرى كەزىندە، جۇڭگو 30 نەشە ەلمەن ەكونوميكا - ساۋدا سەلبەستىك كەلىسىمىنە قول قويادى، قاتىستى ەلدەرمەن ەركىن ساۋدا كەلىسىمىن كەڭەسەدى. جۇڭگو 2018 - جىلدان باستاپ، جۇڭگو حالىقارالىق يمپورت كورمەسىن اشادى.

   -   جۇڭگو ءار ەلمەن جاڭالىق اشۋ بويىنشا سەلبەسۋدى كۇشەيتىپ، «ءبىر بەلدەۋ، ءبىر جول» عىلىم - تەحنيكادا جاڭالىق اشۋ قيمىل جوسپارىن اتقارىپ، عىلىم - تەحنيكالىق، گۋمانيتارلىق اۋىس - كۇيىس، بىرلەسكەن امبولاتوريا قۇرۋ، عىلىم - تەحنيكا باقشا رايونىن قۇرۋ سەلبەستىگى، تەحنيكا وتكەرمەلەۋ سىندى 4 ءتۇرلى قيمىل ورىستەتۋدى قالايدى. ءبىز الداعى 5 جىل ىشىندە 2500 جاس عالىمدى جۇڭگوعا كەلىپ قىسقا مەرزىمدىك عىلمي زەرتتەۋ قىزمەتتەرىمەن شۇعىلدانۋعا ورنالاستىرامىز. 5000 ادام - رەت عىلىم - تەحنيكا جانە باسقارۋ قىزمەتكەرلەرىن باۋليمىز، 50 بىرلەسكەن امبولاتوريانى اينالىمعا قوسامىز. ءبىز ەكولوگيالىق قورشاعان ورتا ءىرى ساندى مالىمەت قىزمەت وتەۋ تەكشەسىن ورناتىپ، «ءبىر بەلدەۋ، ءبىر جول» جاسىل دامۋ حالىقارالىق وداعىن قۇرۋدى دارىپتەيمىز، سونداي - اق قاتىستى ەلدەردىڭ كليمات وزگەرىسىنە توتەپ بەرۋىنە كومەك كورسەتەمىز.
 
  -   جۇڭگو الداعى 3 جىلدا «ءبىر بەلدەۋ، ءبىر جول» قۇرىلىسىنا ات سالىسقان دامۋ ۇستىندەگى ەلدەر مەن حالىقارالىق ۇيىمدارعا حالىق اقشاسىمەن 60 ميلليارد يۋان كومەك كورسەتىپ، حالىق تۇرمىسىنا قاتىستى اناعۇرلىم كوپ نىسان اتقارادى. ءبىز «ءبىر بەلدەۋ، ءبىر جول» بويىنداعى وركەندەپ كەلە جاتقان ەلدەردى 2 ميلليارد يۋان قارجىمەن قامداپ، استىق جاعىنان شۇعىل كومەك بەرەمىز. وڭتۇستىك پەن وڭتۇستىك سەلبەستىگى كومەك قارجى قورىن ءبىر ميلليارد دوللار ارتتىرامىز، جول  بويىنداعى ەلدەردە 100 «باقىتتى مەكەن»، 100 «مەيىر باعىشتاپ، قيىنشىلىعى بارلارعا كومەكتەسۋ»، 100 «سالاماتتىقتى قالپىنا كەلتىرۋ بويىنشا ەمدەۋ جاعىنان كومەك كورسەتۋ» سياقتى نىساندار اتقارامىز. ءبىز قاتىستى حالىقارالىق ۇيىمداردى ءبىر ميلليارد دوللارمەن قامداپ،    «ءبىر بەلدەۋ، ءبىر جول» بويىنداعى ەلدەرگە تيىمدىلىك جەتكىزەتىن ءبىرسىپىرا سەلبەستىك نىساندارىن تياناقتاندىرامىز.

   -    جۇڭگو «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنەن كەيىنگى بايلانىس مەحانيزمىن ورناتىپ، «ءبىر بەلدەۋ، ءبىر جول» قازىنانى دامىتۋدى زەرتتەۋ ورتالىعىن، «ءبىر بەلدەۋ، ءبىر جول» قۇرىلىسىن جەبەۋ ورتالىعىن، كوپ جاقتى اشۋ بانكەسىمەن بىرگە كوپ جاقتى اشۋ قارجى قۇراۋ سەلبەستىك ورتالىعىن، حالىقارالىق اقشا قور ۇيىمىمەن قابىلەت قۇرىلىسى ورتالىعىن سەلبەسىپ قۇرادى. ءبىز جىبەك جولى بويىنداعى حالىقتىق ۇيىمدار سەلبەستىك جەلىسىن قۇرىپ، اقپارات سەلبەستىك وداعى، مۋزيكا تاربيەسى وداعى جانە باسقادا گۋمانيتارلىق سەلبەستىكتىڭ تىڭ تۇعىرىن ازىرلەيمىز.
  
   «ءبىر بەلدەۋ، ءبىر جول» قۇرىلىسى جىبەك جولىنىڭ تاريحىنا تەرەڭ تامىر تارتقان، ازيا، ەۆروپا، افريكا ۇلى قۇرلىعىن ءتۇيىندى تۇردە بەتكە العان، سونىمەن قاتار بارلىق دوستارعا اشىق ۇستالعان. مەيلى ازيادان، ەۆروپادان الدە افريكا مەن امەريكادان كەلسىن، بارلىعى «ءبىر بەلدەۋ، ءبىر جول» قۇرىلىسىنىڭ حالىقارالىق سەلبەس سەرىكتەرى. «ءبىر بەلدەۋ، ءبىر جول» قۇرىلىسىن كوپشىلىك بىرگە اقىلداسىپ، «ءبىر بەلدەۋ، ءبىر جول» جەتىستىكتەرىنەن كوپشىلىك بىرگە يگىلىكتەنەدى.
   
   حانىمدار، مىرزالار، دوستار!
   
  «ەڭبەگى باردىڭ ونبەگى بار» دەگەندەي، «ءبىر بەلدەۋ، ءبىر جول» قۇرىلىسى − ۇلاعاتتى ءىس، ونى   اماليات بارىسىندا ايگىلەۋ قاجەت. ءبىز ونى مىزعىماي تاباندىلىقپەن اتقارىپ، ناقتى ونىمدىلىك شىعارىپ، دۇنيە ءجۇزى حالقى ءۇشىن باقىت جاراتۋىمىز كەرەك.
  
   وسى رەتكى جوعارى دارەجەلى باسشىلار تالقى مىنبەرىنىڭ تولىق تابىستى بولۋىن تىلەيمىن!
  
  كوپشىلىككە راقىمەت.
 
«شينجياڭ گازەتىنەن»

رەداكتورى: جازيرا قاجىكەن قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.