ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ءتاڭىردى ساتاسىزدار ما

جولدانعان ۋاقىتى : 2017/5/22 13:26:47

  20-عاسىردىڭ باس شەنى،  ا ق ش -نىڭ باتىسىنداعى ءبىر شاعىن قالاشىقتا تۇراتىن، ون جاس شاماسىنداعى ۇل بالا ءبىر دوللار اقشانى قولىنا قىسا ۇستاپ، كوشە بويىنداعى دۇكەندەردەن «ءتاڭىردى ساتاسىز با؟» دەپ بىردەن سۇراپ كەلەدى. كەيبىر دۇكەن قوجايىنى جوق دەسە؛ كەيبىرەۋى ونى اتەي مازاق ەتىپ تۇر دەپ ويلاپ، بوقتاپ قۋىپ شىعادى.

  قاس قارايىپ بارا جاتسا دا بالا دۇكەندەردى ءالى ارالاپ ءجۇر. ول 69 – دۇكەنگە كىردى، قوجايىن جاسى ەگدەلەۋ، ءتۇسى جىلى ادام ەكەن. بالا ودان «قوجايىن، سىزدە ساتاتىن ءتاڭىر بار ما ؟» دەپ ەدى.

  -بالام - اۋ، ءتاڭىردى ساتىپ الىپ قايتەسىڭ ؟ -دەدى قارت كۇلىمسىرەي.

  ءبىر ادامنىڭ بولسا دا وزىنە ادامشا جاۋاپ بەرگەنىنە بالا جۇرەگى ەلجىرەپ، جىلاپ جىبەردى. سوسىن ول اكە- شەشەسىنىڭ ەرتە  قايتىس بولىپ، قازىر اعايىنىڭ  قولىندا جۇرگەنىن، جۋىردا  قۇرىلىس ورنىندا جۇمىس ىستەيتىن اعايى قۇلاپ جازىم بولىپ، ەس-ءتۇسسىز جاتقانىن، شيپاگەرلەر دە  امالى  بولماي، تەك  ونى «ءتاڭىر قۇتقارادى» دەگەنىن ايتادى. بالانىڭ قيالىندا «ءتاڭىر» سونشاما عاجايىپ تۇلعا ەدى.

  -ەگەر مەن ءتاڭىردى ساتىپ  الىپ، اعايىما بەرسەم، مۇمكىن ول تاۋىرلەنىپ كەتەتىن شىعار؟- دەپ بالانىڭ مۇڭلى جانارى قارياعا بۇرىلدى.
قارشاداي بالانىڭ قاتىگەز تاعدىردىڭ سىنىنا ەرتە ىلىنگەنى قوجايىننىڭ جۇرەگىن ەزدى مە، كىم ءبىلسىن بالادان:

  -قانشا اقشاڭ بار؟ -دەپ سۇرادى قارت.

  -ءبىر دوللارىم بار.

  -ءيا ، اينالايىن، قازىر ءتاڭىردىڭ باعاسى ناق سول ءبىر دوللار بولاتىن، - دەپ بالانىڭ قولىنداعى ءبىر دوللاردى الدى دا سورەدەن بالاعا ءبىر بوتەلكە «ءتاڭىردىڭ لەبى» ماركالى سۋسىندىقتى الىپ،-الا عوي، بالام، مىنا «ءتاڭىردى» اعايىڭا ىشكىزسەڭ ول ساۋىعىپ كەتەدى، - دەپ بالاعا ۇستاتتى.

  بالانىڭ بۇل كەزدەگى قۋانىشىندا شەك جوق ەدى. بوتەلكەنى قوينىنا قىسىپ، شيپاحاناعا قاراي تۇرا جۇگىردى.  اۋرۋ بولمەسىنە كىرىسىمەن:

  -اعاي، مەن سىزگە ءتاڭىردى ساتىپ اكەلدىم، ەندى ساۋىعىپ كەتەسىز!- دەدى ەنتىگە داۋىستاي.

  كەلەسى كۇنى دۇنيە جۇزىندەگى ماڭداي الدى مەديتسينا ماماندارىنان ۇيىمداسقان ەمدەۋ گرۋپپاسى وسى شاعىن قالاداعى بالانىڭ اعايى جاتقان شيپاحاناعا بارىپ، اۋرۋعا  بىرلەسىپ  ەمدەۋ  جۇرگىزدى، ءسويتىپ ونىڭ اعايى ولىمنەن امان قالدى.

  بالانىڭ اعايى ساۋىعىپ شيپاحانادان شىققاندا، سونشاما كوپ ەمدەلۋ قاراجاتىن كورىپ كوزى قاراۋىتىپ، باسى اينالىپ، قۇلاپ قالۋعا شاق قالىپ ەدى. وعان شيپاگەرلەر وسى قالاداعى باندي اتتى بايدىڭ اقشاسىن تولەپ قويعانىن ءارى ونى ەمدەگەن بىرلەسىپ ەمدەۋ گرۋپپاسىنداعى مامانداردى دا سول ادام شاقىرتقانىن ايتتى.

  ولار بانديدىڭ اسقان باي ەكەنىن؛ الگى ءمالىش بۇيىمدار دۇكەنىنىڭ  اتا - باباسىنان قالعان  ميراسى ەكەنىن؛ بوس ۋاقىتىندا سول اراعا كەلىپ اينالىپ كەتەتىنىن ەستىپ، سول دۇكەنگە بارادى.

  دۇكەن قىزمەتكەرى قاريانىڭ ۇزاق ساپارعا كەتكەنىن، بۇل ىستەر جايلى كوڭىلدەرىنىڭ كۇپتى  بولۋىنىڭ  قاجەتسىز ەكەنىن ايتىپ، بالاعا قالدىرعان  حاتىن ولارعا ۇسىندى.

  اعايى حاتتى اشقاندا: «جىگىتىم، ماعان العىس ايتامىن دەپ اۋرە بولماڭىز. بارلىق قاراجاتتى نەمەرە ءىنىڭىز الدەقاشان تولەپ قويدى. مەنىڭ ايتپاقشىم، مىناداي نەمەرە ءىنىڭىز بار باقىتتى جان ەكەنسىز. ءسىزدى قۇتقارۋ ءۇشىن قان كوشەنى كەزىپ، ءبىر دوللارعا ءتاڭىردى ساتىپ الماق بولدى. تاڭىرگە راقىمەت. ءسىزدى قۇتقارعان سول بالا.  ەسىڭىزدە بولسىن ناعىز ءتاڭىر ادامدار اراسىنداعى سۇيىسپەنشىلىك» دەپ جازىپتى.

  كەيىن الگى بالا ەرجەتىپ، ءبىر مەديتسينا ينستيتوتىندا وقيدى. ول باياعى اعايىن قۇتقارعان باندي قارتقا العىس ايتۋ، جازا تايىم جازىم بولعان جاندارعا كومەكتەسۋ ءۇشىن جاراقاتقا جاپسىرعىشتى تاپقىرلاپ، وعان «باندي» دەپ ات قويدى.

  ومىردە كوپتەگەن تاڭعاجايىپتاردىڭ بولاتىنىنا سەنەيىك. وسى حيكمەتتەردىڭ تۋىلۋىنا سەبەپ بولاتىن نارسەنىڭ سۇيىسپەنشىلىك ەكەنىنە سەنەيىك. ادامدار اراسىندا شىنايى باۋىرمالدىق بولعاندا، قيىنشىلىق قىرىنا المايتىن بولادى.  ءبىر-بىرىمىزگە قولىمىزدان كەلسە كومەگىمىزدى ايامايىق.

 
اۋدارعان - ماحاببات قۇدايبەرگەن قىزى
 
  رەداكتورى: اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
 
 
powered by IlgharCMS 3.2 www.ilghar.cn