ەەڭ جاڭا مازمۇندار
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەكى جاعىن يگەرىپ، قوس جەڭىسكە جەتۋدىڭ ناقتى ناتيجەلەرىمەن تولىمدى ەمتيحان تاپسىرايىق
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەيىك
تارباعاتاي ايماعىنىڭ جانە ءارقايسى اۋدان، قالالاردىڭ ىندەتتەن ساقتانۋ-تىزگىندەۋ كەزىندەگى حالىققا قولايلى قىزمەت وتەۋ تىكە لەنياسىن جاريالاۋ جونىندەگى ۇقتىرۋ
ىندەتتەن ساقتانۋ-تىزگىندەۋدى ويداعىداي يگەرىپ، ءوندىرىستى قامتاماسىز ەتتى
دەنە تەمپەراتۋرانى قالاي ولشەۋدى بىلەسىز بە
ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماي مىقتى، ناقتى، ەگجەي - تەگجەيلى يگەرىپ، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ويداعىداي ىستەۋ كەرەك
ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ەگجەي - تەگجەيلى يگەرىپ، ناقتى يگەرىپ، تياناقتى يگەرىپ، ەكى جاعىن دا يگەرۋگە تاباندى بولىپ، قوس جەڭىسكە قول جەتكىزۋ كەرەك
ءبىر رەتكى ەرەكشە مەملەكەت تۋىن شىعارۋ سالتى
رۋحاني جاقتان ىندەتتەن ساقتانىپ، قيىنشىلىقتى بىرگە جەڭەيىك!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ قوس جەڭىسىنە تاباندىلىقپەن قول جەتكىزەيىك
سەنىمدى بەكەمدەپ، ۇزدىكسىز ەرلىكپەن كۇرەس جۇرگىزىپ، ىندەتتەن ساقتانۋ - تىزگىندەۋ حالىقتىق شايقاسىنىڭ جەڭىسىنە جالپى بەتتىك قول جەتكىزەمىز
تاسىمال مولشەرىن ارتتىرىپ، شيكى زاتپەن قامداۋعا كەپىلدىك ەتتى
كوكتەم جاقىنداپ، كۇن بىرتىندەپ جىلىندى، سۇيىسپەنشىلىك قويۋلاي ءتۇستى
الەۋمەتتىك اۋماق قىزمەتكەرلەرى ارەكەتتە
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداستى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندە ورنالاستىرۋ جاسادى
ەمدەۋ قىزمەتكەرلەرىنە قامقورلىق جاساپ، ولاردى ايالاپ، ەمدەۋ قىزمەتكەرلەرىنىڭ ىزگىلىگىن ارداقتايمىز
باعىتتامالى كومەكتەسۋ ارقىلى شەشۋشى جەڭىسكە كۇش توپتايىق
ايماعىمىز ءتۇرلى شارا قولدانىپ، كوكونىسپەن قامداۋدى قامتاماسىز ەتتى
قوعامداعى قاۋىمنىڭ ماسكى ىستەتۋ تۋرالى باعدارلاما
اسقاق جىگەردى ساقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز
رايونىمىزدىڭ كوپتەگەن تاراۋلارى شارا بەلگىلەپ، ىندەتكە قارسى اتتانۋدىڭ ءبىرىنشى شەبىندەگى قىزمەتكەرلەرگە قامقورلىق جاسادى
ءبىرىنشى شەپتە ەرلىكپەن شايقاس جاساپ جاتقان كومپارتيا مۇشەلەرىنە قۇرمەت بىلدىرەمىز
ولاردىڭ جاستىق كوكتەمى «ىندەت» پەن شايقاستا الاۋلادى
«84» زارارسىزداندىرۋ سۇيىقتىعىن ورىندى پايدالانايىق
ەمدەۋ قىزمەتكەرلەرىن قورعاۋعا، ولارعا قامقورلىق جاساۋعا، ولاردى ايالاۋعا، ءسوزسىز، وسكەلەڭ ءمان بەرىپ، ەمدەۋ قىزمەتكەرلەرىنىڭ ىندەتتى جەڭۋ كۇرەسىنە ۇزدىكسىز ساۋ - سالامات ات سالىسۋىنا شىنايى كەپىلدىك ەتۋ كەرەك
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جانە كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك
ءبىرىنشى شەپتە شايقاس جاساپ جاتقان الەۋمەتتىك اۋماق قىزمەتكەرلەرىنە قۇرمەت بىلدىرەمىز
ايماقتىق جۇقپالى اۋرۋلاردىڭ الدىن الۋ-تىزگىندەۋ ورتالىعى لاباراتورياسىندا ۆيرۋسپەن «بەتپە-بەت شايقاس»جاساپ جاتقان لابارانتتار
ۇيدە وتىرىپ ۇيرەنۋدە كوزدى قورعاۋ ءبىرىنشى ماسەلە
ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى عىلمي ءبىر تۇتاس جوسپارلاپ، جۇمىس باستاۋدى، ءوندىرىستى قالپىنا كەلتىرۋدى حاۋىپسىز، ءتارتىپتى ىلگەرىلەتىپ، تۇتاس جىلدىق نىسانا مەن مىندەتتەردى قۇلشىنا جۇزەگە اسىرۋ كەرەك

تولىسۋ ۇستىندەگى تولى قازاق ەمشىلىگى شيپاحاناسى

جولدانعان ۋاقىتى : 2017/5/23 12:18:44

جارقىن ءنۇرابىلدا ۇلى
  «بىردە تولى اۋداندىق قازاق ەمشىلىگى شيپاحاناسىنىڭ اۋدان ورتالىعىنا كوشىپ كەلۋى  الىس - جاقىننان كەلەتىن ناۋقاستارعا كوپ قولايلىلىقتار اكەلدى، اۋىلعا بارىپ اۋرۋ كورسەتەمىز دەپ اۋرە - سارساڭعا تۇسپەيتىن بولدىق دەسىپ ناۋقاستار ريزاشىلىقپەن اڭگىمەسىن ايتسا، بىردە، شيپاحانامىزعا سىرت اۋدان، ايماق، وبلىستاردان كەلىپ ەمدەلۋشىلەردىڭ قاتارى مول، شيپاحانامىزدىڭ قوسىن قۇرىلىسى دا بۇرىنعىدان كەمەلدەنىپ، بوگەنايى بولەك قازاق ەمشىلىگىنە مۇراگەرلىك ەتۋ جانە ونى دامىتۋ، اسىرەسە، ءار ۇلت بۇقاراسى ءۇشىن قىزمەت وتەۋ جاعىنداعى ابزالدىقتارى ءتىپتى دە كورنەكتىلەنىپ كەلەدى...» مىنە، بۇل تولى اۋدانىنداعى تىلشىلىك ساپارىمىزدا تولى اۋداندىق قازاق ەمشىلىگى شيپاحاناسىنداعى شيپاگەرلەر مەن ونداعى ناۋقاستاردىڭ اۋزىنان تىڭداعان تولى اۋداندىق قازاق ەمشىلىگى شيپاحاناسى جونىندەگى ەستىگەن اڭگىمەلەرىمىزدىڭ ءبىر ۇزىگى ەدى...

  ۇستەگى جىلى ءساۋىردىڭ 1 -كۇنى تولى اۋدان قالاشىعىنىڭ سولتۇستىك جاڭا رايونىنا ورنالاسقان تولى اۋداندىق قازاق ەمشىلىگى شيپاحاناسىنا ات باسىن بۇردىق. بۇل شيپاحانانىڭ جالپى جەر اۋماعى 22 مىڭ 789 شارشى مەتر، قۇرىلىس كولەمى 8 مىڭ 495 شارشى مەتر بولىپ، امبولاتوريا عيماراتى مەن بالنيتسا عيماراتى پايدالانۋعا بەرىلىپتى دە، شۇعىل قۇتقارۋ ورتالىعى سالىنۋ ۇستىندە ەكەن. ۇعىسۋىمىزشا، بۇل قۇرىلىسقا جالپى 32 ميلليون 500 مىڭ يۋان قارجى قوسىلىپتى (مۇنىڭ 18 ميلليون يۋانى ورتالىقتىڭ نىسان قارجىسى، 10 ميلليون يۋانى لياۋنيڭ ولكەسىنىڭ كومەك قارجىسى، 4 ميلليون 500 مىڭ يۋانى جەرگىلىكتى قازىنادان شىعارىلعان ەكەن). قۇرىلعىلارى كەمەلدى، كەڭ دە جارىق مىناۋ شيپاحانانىڭ  شارت - جاعدايى ونداعى قىزمەتكەرلەرگە دە، ناۋقاستارعا دا ەرەكشە قولايلى بولعان. شيپاحانانىڭ ورىنباسار باستىعى قادىلبەك نيازبەك ۇلى قازاق ەمشىلىگى شيپاحاناسىنىڭ كەشەگىسى مەن بۇگىنى جايىندا  بىلاي دەدى: «تولى اۋداندىق قازاق ەمشىلىگى شيپاحانامىز قازاق ەمشىلىگىن نەگىز ەتكەن اۋدانىمىزداعى 2 - دارەجەلى ۇلتتىق شيپاحانا. جاڭا قونىسقا كوشىپ كەلىپ قىزمەت باستاعانىمىزعا مىنەكي ءبىر اي  بولىپ قالدى. پارتيا مەن ۇكىمەتتىڭ ساياسات، قارجى جاقتان تەبىندى قولداپ - قۋاتتاۋىنىڭ ارقاسىندا اۋىلدان اۋدان ورتالىعىنا قونىس اۋىستىردىق. جوعارى دارەجەلى ورىنداردىڭ ۇزاق جىلدىق قولداۋى ناتيجەسىندە جۇڭگوشا ەمدەۋدىڭ قۇرامداس بولەگى بولعان قازاق ەمشىلىگىنە مۇراگەرلىك ەتۋ جانە ونى دامىتۋعا تاماشا نەگىز قالاندى، بۇعان العىسىمىز شەكسىز. وتكەنگە كوز جىبەرسەك، شيپاحانامىز 1959 - جىلى نە ءبارى ءۇش، ءتورت قىزمەتكەرمەن ‹قىزىلتۋ اۋىلى كوممۋنا شيپاحاناسى› بولىپ قۇرىلعان. كەيىن كۇپ اۋىلدىق شيپاحانا بولىپ وزگەرتىلگەن. 1978- جىلعا كەلگەندە ايگىلى وتاشى، ەمشى قالي بىتكە ۇلىن ۇسىنىس ەتىپ، شيپاحانامىزدا ارناۋلى قازاق ەمشىلىگى ءبولىمى قۇرىلعان. ول كىسى ناۋقاس كورۋمەن بىرگە،  اقات سادەن ۇلى، ءمۇسىرات قالي ۇلى، جاقيا قابيدەن ۇلى قاتارلى شاكىرتتەرىن قازاق ەمشىلىگى بويىنشا تاربيەلەۋدى قولعا العان. ناتيجەدە ءداستۇرلى ۇلتتىق ەمشىلىگىمىز ۇلتتىق ەرەكشەلىگى ارقىلى ءار ۇلت بۇقاراسىنا بارعان سايىن كەڭ تانىلا تۇسۋمەن بىرگە، شيپاگەرلەر قوسىنى دا مولايىپ، ءار ۇلت ناۋقاستارى  ءۇشىن جاپپاي قىزمەت وتەپ، شيپاحانانىڭ ەكونوميكالىق كىرىسى دە بىرتىندەپ ارتقان. 1994 - جىلى ‹كۇپ اۋىلدىق ۇلتتىق شيپاحانا› دەپ اتىن وزگەرتكەن. سودان  باستاپ وسى شيپاحانادا قازاق وتاشىلىعى، قاندالما  ءبولىمى سياقتى بولىمدەر قۇرىلىپ، سۇيەكتىڭ ءشىرۋى، سۇيەك قۇرت اۋرۋى جانە ءار  ءتۇرلى رەۆماتيزم  اۋرۋلارىن ەمدەۋدە ونىمدىلىگى جوعارى بولىپ، جۇرت القاۋىن الدى. جوعارى دارەجەلى ورىنداردىڭ قولداپ -  قۋاتتاۋىمەن 1999 - جىلى ‹تولى اۋداندىق قازاق ەمشىلىگى شيپاحاناسى› بولىپ دارەجەسى جوعارىلاپ، كۇپ اۋىلدىق سەنترلى شيپاحانامەن بىرلىكتە قىزمەت جۇرگىزدى. 2009 - جىلدان باستاپ قاتىستى تاراۋلاردىڭ سارالاۋىمەن بۇل شيپاحانا مەملەكەتتىڭ ۇلتتىق ەمشىلىكتى نەگىز ەتكەن شيپاحانالاردى ءتۇيىندى تۇردە دامىتۋ جوباسىنا ەنگىزىلدى. 2013 - جىلى ساۋىردە باستالعان ‹تولى اۋداندىق قازاق ەمشىلىگى شيپاحاناسى قۇرىلىس ينجەنەرياسى› بىرنەشە جىلدىق قۇلشىنىس ارقىلى 2017 - جىلدىڭ ناۋرىز ايىندا تولىق اياقتالىپ، رەسمي ىسكە قوسىلدى».

  بۇل شيپاحانادا «ىشكى ايىقتىرعى»،« سىرتقى ايىقتىرعى»،«قاندالما»،«وتاشىلىق»، « ايىقتىرۋ»، «بۇلاۋ»، «ساراپتاۋ»، «فيزيكالىق دارىمداۋ»، «شيپاشاقتى دارىمداۋ» سياقتى بولىمدەرى قۇرىلىپ، جاڭا ورتا، جالىندى قىزمەت وتەپ، حالىق بۇقاراسىنىڭ قارسى الۋىنا يە بولىپ وتىر. شيپاحانا قازاق ەمشىلىگى نەگىزىندەگى كوپ جىلدىق ەمدەۋ تاجىريبەسى بارىسىندا سۇيەك سىنۋ، بۋىن تايۋى، سۇيەكتىڭ ءشىرۋى، سور بۋىن، رەۆماتيزم، سۇيەك قۇرت اۋرۋى، ومىرتقا ارالىق تاباقشاسىنىڭ تومپايىپ شىعۋى، سۇيەك كەمىگىنىڭ ءوسۋى، سۇيەك قالتالى قۇرت اۋرۋى، تۋبەركۋلەز سياقتى ءتۇرلى سوزىلمالى سۇيەك اۋرۋىن ەمدەۋدە كورنەكتى ونىمدىلىككە قول جەتكىزگەن. قازىر مۇندا كەلگەن ناۋقاستاردىڭ كوبى شيپاحانانىڭ شاپتالىعى داۋالاۋ، قىزدىرما داۋالاۋ، فۋنكتسيالىق داۋالاۋ، ىسقىما ارقىلى داۋالاۋ، ەرمەن شوبىمەن ىستاپ داۋالاۋ تۇرلەرى بويىنشا ەم قابىلداپ، داۋالانعانداردىڭ كوبىنىڭ سىرقاتى جەڭىلدەپ، شيپاحاناعا العىسىن ايتىپ قايتىپ جاتىپتى.

  تىلشىلىك بارىسىندا ءبىزدىڭ نازارىمىزدى بۇرا بەرگەنى _ «قازاق ەمشىلىگىندەگى ايتۋلى ەمشى اقات سادەن ۇلى اتىنداعى مۇراگەرلىك قىزمەت وتەۋ ءبولىمى» بولدى. ءبىز شيپاحانا جاۋاپتىلارىنىڭ باستاۋىمەن ناۋقاس كورۋمەن قاربالاس قىزمەت ۇستىندەگى اقات شيپاگەرگە كەزدەستىك. ۇعىسۋىمىزشا، ول كىسى  2015- جىلدىڭ سوڭىندا مەملەكەتتىك جۇڭگوشا ءدارى - دارمەك باسقارۋ مەكەمەسى جاعىنان نەگىزگى ساتىداعى جۇڭگوشا ۇلتتىق ەمشىلىگىنىڭ ايتۋلى مامانى بولىپ باعالانىپتى. بۇل كىسىگە مەملەكەتتەن ارناۋلى نىسان قارجىسى ءتۇسىرىلىپ، شيپاحانادا «قازاقتىڭ ايتۋلى ەمشىسى اقات سادەن ۇلى مۇراگەرلىك قىزمەت وتەۋ ءبولىمى» قۇرىلىپ، وعان مەملەكەت كولەمىندە قازاق ەمشىلىگىنەن دەربەس شاكىرت قابىلداۋ ۇقىعى بەرىلىپتى. سونىمەن قازاقتىڭ ءداستۇرلى ەمشىلىگى مەن دارىمداۋىنا نەگىزدەلىپ ناۋقاس ەمدەۋمەن شۇعىلدانىپ كەلگەن اقات شيپاگەر قازىر 8 شاكىرتتى تاربيەلەپ وتىر ەكەن. ۇزاق جىلدار بويى وسى شيپاحانادا شيپاگەرلەر، شيپاحانا باستىعى مىندەتىن وتەگەن قازاق شيپاگەرلىگىنىڭ اعا مامانى اقات سادەن ۇلى بىلاي دەدى: «قوعامدىق قىزمەتكە قاتىناسقاننان بەرى وسى شيپاحانادا ىستەپ كەلەمىن. اعا بۋىنداردان بىزگە جالعاسقان اتا كاسىپتىڭ ايدىنىن كەڭەيتۋگە، بوگەنايى بولەك قازاق ەمشىلىگىنە مۇراگەرلىك ەتۋ،  ونىڭ كەرەمەتىن تانىتۋ _ مەنىڭ باستى ۇستانعان جولىم. ۇزاق جىلدار بويى سۇيەك قۇرت اۋرۋى، سۇيەك بۇزىلۋ اۋرۋى، شەمىرشەك ءوسۋ، نەرۆتەردىڭ قىسىلۋى، سور بۋىن، شور بۋىن، قور بۋىن اۋرۋلارى جانە مۇرىن قابىنۋ اۋرۋلارى سىندى ءتۇرلى اۋرۋلاردى ەمدەۋگە بارىنشا دەن قويدىق. ايتالىق، ۇرىمجىدەگى شيپاحانالاردان شاراسىزدىقتان بىزگە جىبەرىلگەن نە ءدارى ىشە المايتىن، نە وپەراتسيا جاساۋعا كەلمەيتىن، سۇيەك قۇرت اۋرۋىنا شالدىققان قارتتار مەن جاسى وتە كىشكەنە بالالاردىڭ ءبىر تالايىن قابىلدادىق. ءشوپ ءدارىنى سىرتىنان وراۋ، تۇيەنىڭ    ىرىمشىگىن تارتۋ، بۇلاۋ سىندى ەمدەۋ ادىسىمىزبەن باسىم كوپ ساندى ناۋقاستاردىڭ ناۋقاسىن جەڭىلدەتتىك نەمەسە ەمدەپ جازدىق. بۇل شىندىقتى وسىندا ەمدەلىپ قايتقان ناۋقاستاردىڭ قالدىرعان تەلەفون ءنومىرى ارقىلى حابارلاسىپ سۇراپ ۇعىسساڭىزدار دا بولادى». ايتسا - ايتقانداي جەر - جەردەن كەلىپ ساۋىعىپ قايتقان ناۋقاستاردىڭ كەڭسە قابىرعاسىن تولتىرعان العىس تۋلارى  اقات شيپاگەردىڭ سوزىنە كۋا بولىپ، ەڭبەك جەمىسىن ايگىلەي تۇسكەندەي.

   كەمەلدەنۋ ۇستىندەگى وسىناۋ شيپاحانانى  ارالار بولساڭىز، ۇلتتىق شيپاحانانىڭ زامانعا ساي تالابى بويىنشا سالىنىپ، جاڭا تيپتەگى اسپاپتارمەن جابدىقتالعان تىڭ بەت - بەينەنى كورەسىز. شيپاحانا كۇپ اۋىلىندا تۇرعان كەزدە بالنيتساسىندا نە ءبارى 28 توسەك بار ەدى، ال قازىر اۋدانعا كوشىپ كەلگەننەن كەيىن توسەك سانى 90 عا، ءتىپتى، كەيدە 120 توسەككە دەيىن جەتكەن. بۇل شيپاحانا التاي ايماقتىق قازاق شيپاحاناسى جانە وبلىستىق قازاق شيپاگەرلىگىن زەرتتەۋ ورنى سياقتى ورىندارمەن كاسىپتىك ىستەستىگىن كۇشەيتىپ كەلەدى. ماسەلەن، شيپاحانا بىرنەشە جىلدان بەرى جىلىنا التاي ايماقتىق قازاق شيپاحاناسىنا 4 - 5 جاس شيپاگەر جىبەرىپ، كاسىپتىك  تاربيەلەنۋگە قاتىناستىرىپ كەلەدى ەكەن. سونىمەن بىرگە، بۇل شيپاحانا تارباعاتاي كولەمىندەگى حالىق ەمكوستەرىنىڭ قولىندا بار شيپاشاقتاردى جيناۋ، رەتتەۋ جۇمىستارىن دا قولعا الىپ وتىرىپتى. الداعى جەردە  قازاق ەمشىلىگىنىڭ كلينيكاداعى قولدانىلۋىن ودان ارى كەمەلدەندىرۋگە؛ تىڭ تەحنولوگيامەن، قازىرگى زامان مەديتسيناسىمەن ۇشتاستىرۋعا؛ مەملەكەتتىڭ ابزال ساياساتتارىنان يگىلىكتەنىپ، اتاۋ - تەرمين، ءدارى اتتارىن، ەمدەۋ جوسپارلارىن بۇكىلدەي قازاق شيپاگەرلىگى نازارياسىمەن سايكەستىرۋگە ۇزبەي قۇلشىنباقشى ەكەن.

  پارتيانىڭ دانا ساياساتىنىڭ شۇلەن شۇعىلاسىندا ۇلتتىق شيپاگەرلىكتىڭ كەرەگەسىن كەڭگە جايىپ، تىڭ دامۋدىڭ داستانىن جازۋعا، ءار ۇلت حالقىنىڭ دەنساۋلىق اقاۋسىزدىعى جولىندا وزىندىك ۇلەسىن قوسۋعا تاس ءتۇيىن دايىندالعان تولى اۋداندىق قازاق ەمشىلىگى شيپاحاناسىنىڭ ەرتەڭى نۇرلى بولعاي!

رەداكتورى: اراي ەركىن قىزى

تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn