شۋە بين ايماققا توتە قاراستى ورىندار مەن شاۋەشەك قالاسىندا قوعام ورنىقتىلىعى سياقتى قىزمەتتەرگە تەكسەرۋ-زەرتتەۋ جۇرگىزدى

24-مامىر كۇنى تۇستەن بۇرىن شۋە بين شاۋەشەك قالالىق 1-باستاۋىش مەكتەپتە تەكسەرۋ-زەرتتەۋ جۇرگىزۋدە.
 

  ءتىلشىمىز  چىن ۋىن حابارلايدى. 24-مامىر كۇنى، ايماقتىق پارتكومنىڭ شۋجيى شۋە بين شاۋەشەك قالاسى مەن ايماققا توتە قاراستى قاتىستى ورىنداردا جانە باقتى وتكەلىندە قوعام ورنىقتىلىعى، ورتا-باستاۋىش مەكتەپ وقۋ-اعارتۋى، وتكەلدىڭ دامۋى سىندى قىزمەتتەرگە تەكسەرۋ-زەرتتەۋ جۇرگىزدى.

  شۋە بين شاۋەشەك قالاسىندا قوعام ورنىقتىلىعى قىزمەتىنە تەكسەرۋ-زەرتتەۋ جۇرگىزگەندە، ءتۇيىندى ورىنداردى كوزدەن كەشىرىپ، شاۋەشەك قالاسىنىڭ ورنىقتىلىقتى قورعاۋعا قاتىستى ءتۇرلى شارالاردى تياناقتاندىرۋ قىزمەتىنەن جاساعان دوكلاتىن تىڭداپ،نەگىزگى ساتىداعى حالىق ساقشىلارىمەن، شەكارا قورعانىسى قارۋلى ساقشى كوماندير-جاۋىنگەرلەرىمەن اڭگىمەلەسىپ،جاعداي ۇعىستى. شۋە بين مىنالاردى باسا دارىپتەدى: كوزالداعى لاڭكەستىككە قارسى تۇرىپ، ورنىقتىلىقتى قورعاۋ جاعدايى قاتاڭ. باس نىسانانى تىعىز توڭىرەكتەپ، اۆتونوميالى رايوندىق پارتكومنىڭ ورنالاستىرۋ، تالاپتارى بويىنشا، ورنىقتىلىقتى قورعاۋدىڭ ۇدايىلانعان مەحانيزمىنە تاباندى بولىپ، ورنىقتىلىقتى قورعاۋ سىندى ارقاۋدى ءارقاشان شيراتىپ ۇستاپ، قوعامدىق ساقتانۋ-مەڭگەرۋدى  جاپپاي  كۇشەيتىپ، ءتۇيىندى كورنەكتىلەندىرىپ، ءتۇرلى شارالاردى قاتاڭ تياناقتاندىرۋ؛ ورنىقتىلىقتى قورعاۋدىڭ ولشەمدى، جۇيەلى، ۇزاق ونىمدىلىككە يە قىزمەت مەحانيزمىنە تاباندى بولىپ، شۇعىل جاعدايعا توتەپ بەرۋ، ناقتى شايقاس جۇرگىزۋ قابىلەتى قۇرىلىسىن كۇشەيتىپ، شۇعىل جاعدايدى  جەدەل، باتىل ءبىر جايلى ەتۋگە كەپىلدىك ەتۋ؛ سالعىرت، كەرەناۋ  يدەيانى  الاستاپ، پارتيا، ۇكىمەت، ارميا، ساقشى، حالىق جاساعى سايكەسە قيمىلداۋ، بۇقارالىق ساقتانۋ، وڭاۋ  مەحانيزمىن كەمەلدەندىرىپ، قالا مەن اۋىلدىڭ ورنىقتىلىقتى قورعاۋ تورابىن شىن مانىندە جىمداستىرىپ، ەشقانداي ساڭلاۋ، ەسكەرۋسىز جەر، بوستىق قالماۋعا كەپىلدىك ەتىپ، جاۋعا ەشقانداي وراي قالدىرماۋ كەرەك.

  باقتى  وتكەلىندە  شۋە بين شەكارانى باسقارۋ-مەڭگەرۋ قىزمەتىن تياناقتاندىرۋ جاعدايىن ۇعىستى. شۋە بين مىنالاردى اتاپ كورسەتتى: باقتى وتكەلى شەكارانىڭ ءبىرىنشى شەبىنە ورنالاسقاندىقتان شەكارانى كۇزەتۋ، شەكارانى  بەكەمدەۋ  جاۋاپكەرلىگى توتەنشە اۋىر. وتكەلدەگى بىرلەسىپ تەكسەرۋگە جاۋاپتى ءارقايسى ورىندار ءوزارا تىعىز سايكەسىپ، بۇقارالىق ساقتانۋ، وڭاۋداعى رولدارىن ساۋلەلەندىرىپ، شەكارانى، مەملەكەت قاقپاسىن جاقسى كۇزەتۋ كەرەك. ايماق پەن شاۋەشەك قالاسى وتكەلدىڭ ورنىقتى بولىپ، ەشقانداي احۋال تۋىلماۋىنا كەپىلدىك ەتۋمەن قاتار، وتكەلدىڭ نەگىزدىك قۇرىلعى قۇرىلىسىن جەدەلدەتىپ، شاۋەشەك قالاسىنداعى شەكارا ەكونوميكالىق سەلبەستىك رايونىنىڭ ابزالدىلىعى مەن رولىن شىن مانىندە ساۋلەلەندىرىپ، باقتى وتكەلى ەكونوميكاسىنىڭ دامۋىن جەبەۋ كەرەك.

  وسىدان سوڭ، شۋە بين شاۋەشەك قالاسىنداعى شينحۋا جولى مەشىتى مەن ايماقتىق سوتسياليزم ينستيتۋتىندا تەكسەرۋ-زەرتتەۋ جۇرگىزدى. ول مىنالاردى باسا دارىپتەدى: ءدىني ىستەردى باسقارۋدى زاڭ بويىنشا كۇشەيتىپ،ءدىني قيمىلداردى،ءدىني قايراتكەرلەردى، ءدىني قيمىل ورىندارىن جانە دىنگە سەنەتىن  بۇقارانى تاربيەلەۋ، باسقارۋ جانە ولارعا  قىزمەت  وتەۋدى جاقسى ىستەپ، مەشىتتەرگە « جەتىنى جەتكىزۋ،ەكى بولۋ» قۇرىلىسىن تياناقتى ىلگەرىلەتىپ،ءدىني قيمىلداردىڭ زاڭ،قاعيدا بويىنشا جۇيەلى ورىستەتىلۋىنە كەپىلدىك ەتۋ كەرەك.

  شينحۋا جولى مەشىتىندە، شۋە بين ءدىني قايراتكەرلەرمەن ىقىلاستى اڭگىمەلەسىپ، ءدىني قايراتكەرلەردى ءشاريعات سويلەۋ، تاپسىرلەۋ قىزمەتىن جاقسى ىستەپ، ءارقاشان تۋرا سالتتى  تاراتۋشىلاردان، امالياتتا ايگىلەۋدىڭ ۇلگىسى بولۋعا؛ دىنگە سەنەتىن بۇقارانىڭ اقىل-پاراساتتارى مەن كۇش-قۋاتىن ءوندىرىستى دامىتۋعا، قاجىرلىلىقپەن ىستەپ اۋقاتتانۋعا،تۇرمىستارىن جاقسارتىپ، تۇرمىس ورەسىن جوعارىلاتۋعا، دىنگە سەنەتىن بۇقارانىڭ زاتتىق جانە رۋحاني تۇرمىسىنا اناعۇرلىم پايدالى ىستەرمەن شۇعىلدانۋ ىسىنە شوعىرلاندىرۋعا شابىتتاندىردى.

  ايماقتىق سوتسياليزم ينستيتۋتىندا شۋە بين وقىتۋشىلار  قوسىنى جاعدايىن  ەگجەي- تەگجەيلى ۇعىسىپ،وقىتۋ شارت-جاعدايىن كوزدەن كەشىردى. ول مىنالاردى تالاپ ەتتى: وتانشىل ءدىني قايراتكەرلەردى تاربيەلەۋدى كۇشەيتىپ، ءدىني قايراتكەرلەردىڭ ساياسي ساپاسىن جوعارىلاتىپ، زاڭدىق ءبىلىمى مەن ءدىني ءبىلىمىن مولايتۋ كەرەك.

  سول كۇنى شۋە بين شاۋەشەك قالالىق 1-باستاۋىش مەكتەپتە تەكسەرۋ-زەرتتەۋ جۇرگىزدى. مەكتەپتى ارالاپ كوزدەن كەشىرىپ، ورنىقتىلىقتى قورعاۋ شارالارىن تياناقتاندىرۋ جاعدايىن ۇعىستى. شاۋەشەك قالاسىنىڭ وقۋ-اعارتۋ قىزمەتى جونىندەگى دوكلاتىن تىڭداعاننان كەيىن شۋە بين مىنالاردى اتاپ كورسەتتى: ورنىقتىلىق  بارلىعىن باسىپ تۇسەدى يدەياسىن بەرىك ورناتىپ، مەكتەپتىڭ حاۋىپسىزدىگى مەن ورنىقتىلىعىن قورعاۋ قىزمەتىن مىقتى ۇستاپ، ەشقانداي احۋال تۋىلماۋىنا كەپىلدىك ەتۋ كەرەك. ءار دارەجەلى پارتكومدار وقۋ-اعارتۋعا وسكەلەڭ ءمان بەرىپ،ءارقايسى جاقتىڭ كۇش-قۋاتىن وقۋ-اعارتۋدى دامىتۋعا شوعىرلاندىرۋ؛ ءار دارەجەلى وقۋ-اعارتۋ  تاراۋلارى  وسكەلەڭ  جاۋاپكەرلىك تانىممەن، بورىشتىلىق تانىممەن،كوكەي تەستىلىك تانىممەن مىندەتتى وقۋ-اعارتۋدىڭ بىركەلكى دامۋىن جەبەۋ جانە مەملەكەت ءتىلى وقىتۋى قىزمەتىن جاقسى ىستەۋ؛ وقىتۋ ساپاسىن جوعارىلاتۋدى وزەكتى مىندەت ساناپ، «ەكى  قوسىن» قۇرىلىسىن بارىنشا كۇشەيتىپ، جوعارى ساپالى ورتا، باستاۋىش  مەكتەپتى  بەلسەنە  قۇرۋ كەرەك.

  ايماق باسشىلارىنان ياڭ جۇنشىڭ، جۋ گاڭ، جاڭ ياۋحۋا، مايسان زاعىپار  ۇلى  قاتارلىلار جانە ايماقتىق قوعام حاۋىپسىزدىگى مەكەمەسىنىڭ، ايماقتىق وقۋ-اعارتۋ مەكەمەسىنىڭ، ايماقتىق ۇلت، ءدىن ىستەرى كوميتەتىنىڭ جاۋاپتى جولداستارى تەكسەرۋ-زەرتتەۋدە بىرگە بولدى.

  رەداكتورى: اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.