ەەڭ جاڭا مازمۇندار
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك
2020-جىلى 7-ايدىڭ 2-كۇنى 136-سان
كاسىپ قۇرىلىمىن رەتتەپ،كىرىستىڭ ارتۋىن جەبەدى
تارباعاتاي كاسىپتىك تەحنيكا شۋەيۋانى ۆيۋەسكا ءىلدى
شينجياڭ جۇڭتاي توبى ۋاكىلدەر ۇيىرمەسى ايماعىمىزدا تەكسەرۋ جۇرگىزدى
ايماق ورگاندار پارتيا قۇرىلىسى قىزمەتى ءماجىلىسىن اشتى
ءدوربىلجىن اۋدانىنداعى قىستاق تۇرعىندارى شارۋاشىلىق قۇرۋ،جۇمىستانۋ جاعىندا كوپ تيىمدىلىككە كەنەلدى
جۇمىستانۋعا تاربيەلەۋ تەحنيكالىق شەبەرلىكتى جوعارىلاتتى
جەردى قورعاۋ ورتاق جاۋاپكەرشىلىگىمىز
شاعانتوعاي 3900 اۋىل-قىستاق تازالىق دارەتحاناسىن سالىپ،قونىس ورتاسىن جاقسارتپاقشى
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
اۋەلگى ماقساتتان اينىماي،بورىش ارقالاپ،ماڭگى كۇرەس جۇرگىزەمىز
2020-جىلى 7-ايدىڭ 1-كۇنى 135-سان
پارتيانىڭ مەيىرىن جىرلاپ،اۋەلگى ماقساتتان اينىمادى
شي جينپيڭ تاسقىننان ساقتانۋ،اپاتتان قۇتقارۋ قىزمەتى جونىندە ماڭىزدى نۇسقاۋ بەردى
قول ۇستاسا وتىرىپ ۇكىمەت،بانكە،كاسىپورىن سەلبەستىگىنىڭ ۇلگىسىن قالىپتاستىرىپ،سەلبەستىك ورناتىپ،ءوزارا پايدا جەتكىزىپ،تەڭ يگىلىككە كەنەلۋدىڭ جاڭا پاراعىن بىرگە جازۋعا كىرىستى
پارتيالى كادرلار قىستاق تۇرعىندارىنىڭ ماقسارى گۇلىن تەرۋىنە كومەكتەستى
بوس تۇرعان اۋلا كىرىس باقشاسىنا اينالدى
پارتيا مۇشەلەرى مەن كادرلار ۇزدىكتەردەن ۇيرەنىپ، ىشكى قوزعاۋشى كۇشتى تاسقىنداتتى
پانجياجۋاڭ قىستاعى ۇشقىشسىز ۇشاقپەن ءدارى شاشىپ،ەڭبەككۇش پەن ۋاقىتتى ۇنەمدەدى
جابايى كەندىردى وتادى
باعىمشىلىقپەن شۇعىلدانىپ اۋقاتتانۋ جولىنا ءتۇستى
تاماعىنا سۇيەك تۇرىپ قالعان بالانى شۇعىل قۇتقاردى
جالپاق شاپتولدىڭ حوش ءيىسى اڭقىپ،شارۋا وتباسى شاتتىققا شومدى
«1-شىلدەنى» قارسى الىپ،پارتيانىڭ مەيىرىن جىرلاپ،اۋەلگى ماقساتتان اينىمادى
بال اراسى اۋىل شارۋاشىلىق وندىرىسىنە كومەگىن تيگىزدى
ەركىن تۇنياز ايماعىمىزدا تەكسەرۋ-زەرتتەۋ جۇرگىزدى
اۆتوكولىك تۇتىنۋىن ورنىقتى ۇلعايتايىق
جاڭا نۇسقاداعى سالىق جيناۋ تيىمدىلىك ساياساتى باعدارناماسى جاريالاندى!

تابيعي،تازا ونىممەن،كورىنگەن تابىس تورىنەن

جولدانعان ۋاقىتى : 2017/5/26 17:30:33

_ تولى اۋدانى ءمولدىربۇلاق قازاقى ازىق-تۇلىك مانەرلەۋ سەرىكتىگىنىڭ «قوڭىروبا» ماركالى ونىمدەرى جايىندا
جارقىن نۇرابىلدا ۇلى
  پارتيا، ۇكىمەتتىڭ ءتۇرلى ءتيىمدى ساياساتىنىڭ جەبەۋىندە جەر-جەردە،  اسىرەسە، از ۇلتتار قونىستانعان رايونداردا زامان تالابىنان شىعۋعا ۇمتىلعان، قوعامدىق ونىمدىلىك پەن ەكونوميكالىق ونىمدىلىكتى ۇشتاستىرا بىلگەن ۇلتتىق ونىمدەر كاسىبىندە تىڭ تەبىن بايقالدى.

  تولى اۋدانى قالاشىعى ىرگەسىنە ورنالاسقان اقتايىنشا مالشىلار وتىرىقتانۋ تۇيىنىندەگى شاعىن اۋلادا ءار كۇنى دۋماندى ەڭبەكتىڭ كورىگى قىزىپ تۇرادى. اۋلاعا كىرگەن جەردەن قوراپتالعان ءسۇت،  ايران، شۇبات، قۇرت-ىرىمشىك ونىمدەرىن شاعىن اۆتوموبيلگە تيەپ، تاپسىرىس بەرگەندەرگە جەتكىزۋگە قامدانىپ جاتقان جانداردى كورەسىز. ىشكە وزىپ،ودان  شاعىن ءوندىرىس سەحنا كىرسەڭىز، شارۋالاردان ساتىپ اكەلىنگەن ءسۇتتى ءسۇت ساقتاۋ كۇبىلەرىنە قۇيىپ،كىلەگەيىن ارناۋلى اسپاپپەن ايىرىپ، قاربالاستانعان؛ كول-كوسىر ايران ۇيىتىپ، قۇرت-ىرىمشىكتىڭ ءتۇر-ءتۇرىن جاساپ، جايىپ كەپتىرىپ جاتقان؛ءمولدىربۇلاقتىڭ الۋان ءتۇرلى ونىمدەرىن  ادەمى قوراپتاپ جاتقان قىزمەتكەرلەردى كورەسىز. كورەسىز دە مىناۋ قازاقى ونىمدەردىڭ بازاردا باعىن جاندىرۋعا بارىن سالعان ەڭبەككەر جانداردىڭ قۇلشىنىسىنا بارەكەلدى ايتاسىز. جاستىقتىڭ جىگەر-قايراتىن قىرپۋلى ەڭبەك،قيان-كەسكى بازاردا سىناپ، زامانا كوشىنەن ءوز ەنشىسىن الىپ، شاعىن اۋلاسىندا شاراپاتتى شارۋاسىنىڭ ءبالزامىن تاتقان تولى اۋدانى «قوڭىروبا» ماركالى ءمولدىربۇلاق قازاقى ازىق-تۇلىك مانەرلەۋ سەرىكتىگىنىڭ  قوجايىنى دۋمان داۋلەتباي ۇلى مەن   جانارگۇل مازان قىزىنىڭ ۇمتىلىسىنا ءتانتى بولاسىز.

  1990-جىلى ورتالاۋ مەكتەپ ءبىتىرىپ، قوعام تابالدىرىعىن اتتاعان تولى اۋدانى كۇپ اۋىلى ەسداۋلەت قىستاعىنداعى مالشى بالاسى دۋمان وقۋىن جالعاستىرا الماعانىنا جاسىمادى. توي-تومالاق، جەلىك قۋۋمەن ۋاقىتىن بوسقا زايا ەتۋدى نامىس ساناپ، ەكى بىلەكتى ءتۇرىنىپ ەڭبەك ىستەپ، اتا-اناسىنا قولعانات بولدى. سونان جۇك اۆتوموبيلىمەن مايلى-جايىردىڭ اپايتوسىندە جەلدەي ەسىپ، مالشىلاردىڭ كوشى-قون جۇگىن،جەم- ءشوبىن تاسىپ، تەرى-تەرسەك الىپ، مال ساۋداسىن ىستەپ، ءۇي اعاش  ساتۋمەن اينالىسىپ، اشتى ەڭبەكتىڭ ءتاتتى جەمىسىن تاتا باستايدى. كوپ ۇزاماي جانارگۇلمەن باس قۇراپ، جاس وتاۋلارىن جالىندى ەڭبەكپەن جايناتادى. ولاردىڭ العاشقى تالعامى _ جالاڭ مال باعىپ، ەگىن ەگۋگە عانا سۇيەنۋ ەمەس، قايتا ساۋدا ىستەپ،كاسىپتەنۋ جولىن  ىزدەۋ بولدى. ارينە، ولاردىڭ العاشقى قادامدارى بىردەن وڭايعا تۇسە قويمادى. «اۋىل ءدامى» تاعامجايىن اشىپ، مايلىق، سۋلىق بولىپ، تاماق جاساپ، اس-سۋ  ازىرلەپ ساياحاتپەن دە شۇعىلداندى؛ الارماننىڭ اڭىسىن اڭدىپ، تىكەسىنەن تىك تۇرىپ ەرەن بازار دا اشتى. قوماقتى تابىسقا قورجىندارى تولماسا دا، كاسىپ كوزىن تابۋ تالپىنىسىن، استە، توقىراتپادى، قايتا ءساتتى-ءساتسىز جاعدايلاردان مول تاجىريبە توپتادى. كۇندەر وتە كەلە بازاردى باعامداپ، تىڭعا تۇرەن سالىپ، قازاقى ۇلتتىق ونىمدەردى ءوندىرۋ بەكىمىنە كەلەدى. ويتكەنى ءار ۇلت الارماندارىنىڭ وسى تاعامدارعا ىقىلاسى جاقسى بولاتىن. مىنە، بۇل 2012 -جىلدىڭ العاشقى كوكتەمى ەدى. دۋمان مەن جانارگۇلدىڭ وندىرگەن ايراندارىنىڭءدامى باستابىندا الارماندارعا ونشا تاتىماعاندىقتان، بازارى تىم شىركىن-اي بولمادى. ءتىپتى، الۋشى شىقپاي، جيىلىپ قالعان ەكى توننا ايراندى قايتا مانەرلەپ قاتىق شىعارعاندارى ءالى جادىندا. دەسەدە، تارتقان زيانىن ەمەس، قايتا بازاردىڭ بابىن تابا الماعاندارى جايىندا كوبىرەك تولعانعان ولار جىگەرىن جانىپ، تىنباي العا ۇمتىلدى. مالشىلاردىڭ قولىنان تازا ءسۇتتى ساتىپ الىپ، ميكروبسىزداندىرىپ سالقىن جەردە ساقتاعاننان كەيىن اجەلەرىمىزدىڭ، اپالارىمىزدىڭ ەشقانداي قوسپاسىز ايران ۇيىتۋ ادىسىمەن تابيعي ايراندى تاعى دا بازارعا سالدى. باستابىندا توسىرقاي قاراعانمەن دە، ۋاقىت وتە كەلە تابيعي، تازا ايرانعا تامسانعان الارماندار كوبەيىپ، كۇنىنە 200 دە 300 كيلوگرام ءسۇتتى مانەرلەدى. ۇيىمنىڭ ۇندەۋى جانە ءبىر ءبولىم شارۋالاردىڭ بەلسەنە قاتىسۋىمەن 2012-جىلى 500 مىڭ يۋان قارجى توپتاپ سەلبەستىك كووپەراتيۆ قۇرادى. ءمولدىربۇلاقتىڭ ءونىم ءتۇرى  العاشقى ايران عانا ۇيىتۋدان سۇزبە، قۇرت، ىرىمشىك، شۇبات سىندى جەلىلەس ونىمدەرگە ۇلاستى. ولار ءتۇرلى مانەرلەۋ جابدىقتارىن ساتىپ الىپ،ءوندىرىس  كولەمىن كەڭەيتىپ، تيجارات ءادىسىن  كەمەلدەندىرىپ، باسقالاردان كىشى پەيىلدىكپەن ۇيرەنىپ، ساۋدانى جۇرگىزەءتۇستىءارى كووپەراتيۆكە مۇشە بولۋشىلاردى قولداپ، اۋىل-قىستاقتارداعى بوس ەڭبەككۇشتەردى كاسىپتەندىرۋگە ۇمتىلىس جاسادى. زاماننىڭ دامۋ بەتالىسىنا سايكەسۋ، ۇكىمەتتىڭ ءتيىمدى ساياساتتارىنان كوبىرەك يگىلىكتەنۋ ماقساتىمەن ەندىگى جەردە سەرىكتىك بولىپ قۇرىلۋعا قۇلشىندى. قاتىستى تاراۋلاردىڭ رۇقساتىمەن 2014-جىلى مامىر ايىندا تولى اۋدانى «قوڭىروبا» ماركالى ءمولدىربۇلاق قازاقى ازىق-تۇلىك مانەرلەۋ سەرىكتىگى بولىپ شاڭىراق كوتەردى.

  دۋمان داۋلەتباي ۇلى بىلاي   دەدى: «سەلبەستىك كووپەراتيۆى قۇرىلعاندا 500 مىڭ يۋان مولشەرىندە قارجى شىعارعانبىز. كەيىن قوسىلاتىن قارجىنى جىل سايىن مولايتىپ، جاڭادان قاجەتتى جابدىقتار اكەلدىك، ىستەيتىن ادام دا  كوبەيدى، قازىر 20 عا تارتا ادام ءسۇت پىسىرۋ، قۇرت-ىرىمشىك الۋ، قوراپتاۋ جۇمىستارىن ىستەيدى. ماڭايىمىزدا 30 دا 40  وتباسى سيىر سۇتىمەن تۇراقتى قامدايدى. مۇنىمەن قوسا قارا باۋىر، كوكباستاۋ دەگەن جەرلەردە جەتى وتباسىنا ارناۋلى تۇيە ساۋدىرامىز. مىنە وسىنداي ءسۇت، شۇبات، قىمىز ازىرلەپ بەرەتىندەر مەن تاسىمالدايتىنداردى جانە ونىمدەرىمىزدى ساتاتىنداردى قوسقاندا جالپى 137 ادام ءبىزدىڭ سەرىكتىگىمىزدىڭ جەتەگىمەن كاسىپتەنىپ كەلەدى. ال، تولى اۋدانىندا ارناۋلى اۆتوكولىكپەن جەتكىزىپ بەرگەن ونىمدەرىمىزدى كۇندەلىكتى قابىلداپ، ساتىپ وتىرعان دۇكەننىڭ ءوزى 44 كە جەتتى. تارباعاتايدىڭ باسقا اۋدان، قالالارى مەن كۇيتۇن، ءۇرىمجى، بۇراتالا قالاسىندا دا ءبىزدىڭ ونىمدەرىمىزدى تۇراقتى ساتاتىن ارناۋلى دۇكەندەر بار. قازىر اۋدانىمىزدا ءبىزدى ۇلگى ەتىپ، مال شارۋاشىلىق ونىمدەرىن مانەرلەۋمەن شۇعىلداناتىنداردىڭ سانى دا بەستەن اسىپ وتىر».

  پارتيا، ۇكىمەتتىڭ يگىلىك جاراتۋعا ۇمتىلعان شارۋالاردى جەبەۋ ساياساتى دۋمان مەن جانارگۇلگە دە شابىت سيلادى. ۇكىمەت نىسان وبيەكتىسى ارناسىمەن بۇرىن-سوڭدى 300 مىڭ يۋان قارجىنى  وسى سەرىكتىكتىڭ ءوندىرىستى وركەندەتۋىنە بەردى. جاس جۇبايلاردىڭ كۇندەلىكتى كۇيبىڭىنە نازار سالار بولساڭىز، جانارگۇل ەرتەدەن كەشكە دەيىن ءوندىرىس باسىندا بولىپ، مانەرلەۋ باسقىشتارىن قاداعالاپ،جەتەكشىلىك ەتەدى. ال، دۋمان سەرىكتىكتىڭ سىرتتان شيكىزات ەنگىزۋ، ونىمدەردى ساتىپ شىعارۋ جۇمىستارىمەن جارعاق قۇلاعى جاستىققا تيمەي شاپقىلايدى. ميحىناتتى ەڭبەكتىڭ ماۋەلى جەمىسىن تاتقان ولار بۇل كۇندەرى كۇنىنە 2 توننا ءسۇت مانەرلەپ، شۇبات، ايران، قۇرت، ىرىمشىك، سۇرلەنگەن ەت سىندى 16 ءتۇرلى  تابيعي ءونىمىن بازارعا شىعارۋدا. 2016 -جىلى ولار جىلدىق ساتىپ شىعارۋ قۇنىن 7 ميلليون 500 مىڭ يۋانعا جەتكىزىپ، جۇرت نازارىن اۋداردى. سەرىكتىگىنءتىپتى دە سەرپىندى قاداممەن العا ىلگەرىلەتكەندىكتەن، جىلىنا 400 مىڭ يۋاننان استام تازا كىرىس كىرگىزىپ كەلەدى ەكەن. ولار وسى وتىرىقتانۋ تۇيىنىندەگى ءبىر ءبولىم ادامدارعا كاسىپتەنۋ ورايىن جاراتۋمەن بىرگە، ۇزاق جىلداردان بەرى جوق- جىتىك، ناۋقاس، وتباسى قيىنشىلىعى اۋىر جاندارعا قارايلاسۋدى، مۇگەدەكتەردى قارجى جاقتان جەبەۋدى ازاماتتىق بورىش ساناپ كەلدى. ولاردىڭ ەڭبەگىن ەسكەرگەن اۋىل، اۋدان، ايماقتاعى قاتىستى تاراۋلار تالاي رەت ماراپات تورىنە كوتەردى. جانارگۇلدىڭ 2015-جىلى اۆتونوميالى رايون جاعىنان «قالا-  اۋىل ايەلدەرىنىڭ جۇمىس ورنىندا ۇلەس قوسۋ ۇلگىسى» جانە 2015 -جىلى ىلە  وبلىسى جاعىنان «ەڭبەك وزاتى» بولىپ سيلانۋى بۇل ءسوزىمىزدىڭ جاندى دالەلى.

  قول جەتكىزگەن تابىستارىن ەمەس، قايتا كەلەسى قادامداعى الار قامالى جايلى كوبىرەك ويلاناتىن دۋمان مەن جانارگۇل بىلاي دەدى: «ۇكىمەت بەرگەن 5 مۋ جەرگە ءبىر ميلليون 500 مىڭ يۋان قارجى جۇمساپ، تاجىريبەحاناسى، ونىمدەردى مانەرلەۋ، قوراپتاۋ سەحى سياقتى بارلىق بۋىندارى كەمەلدەنگەن، وسىزاماندانعان زاۆود سالۋ جۇمىسىن رەسمي باستاپ كەتتىك. ويتكەنى كۇنىنە 2 توننادان ارتىق ءسۇت مانەرلەۋگە قازىرگى زاۆودىمىز شاعىنداۋ بولىپ تۇر،كەلەشەكتە جاڭا زاۆود ىسكە تۇسسە، كۇنىنە 5 توننادان ارتىق ءسۇت مانەرلەيتىن بولامىز. زاۆود تولىق سالىنىپ بولعاننان كەيىن ءتۇرى مول، ساپالى ونىمدەر ءوندىرىپ، اناعۇرلىم كوپ ادامدى كاسىپتەنۋگە جەتەلەپ، قوعامدىق، ەكونوميكالىق ونىمدىلىكتى تەڭ جوعارىلاتپاقشىمىز».

  مال شارۋاشىلىعى وڭىرلەرىندە توماعا-تۇيىقتىقتان ارىلىپ، مال شارۋاشىلىق ونىمدەرىن مانەرلەۋ كاسىبىمەن شۇعىلدانىپ، بازارعا باتىل قادام تاستاعان؛ قاراپايىم اۋىل ادامدارىنا كاسىپتەنۋ، داۋىرگە ساي العا باسۋ جاعىندا ونەگە بولعان؛ تابىس كوزىن اشىپ،يگىلىك جاراتۋ بەكىمىمەن تاباندىلىق تانىتقان دۋمان مەن جانارگۇلدىڭ ەرتەڭى ءتىپتى دە نۇرلى،  «قوڭىروبا» ماركالى ءمولدىربۇلاق قازاقى ازىق-تۇلىك مانەرلەۋ سەرىكتىگىنىڭ تابىسى مول بولعاي!

  رەداكتورى: اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 

 
powered by IlgharCMS 3.2 www.ilghar.cn