ءتىلشىمىز حان جيڭ حابارلايدى. 19-مامىر كۇنى قوبىقسارى موڭعۇل اۆتونوميالى اۋدانى قوستولاعاي قالاشىعى ورتالاۋ مەكتەبىنە بارعانىمىزدا پلاستىماسسا دەنە تاربيە مايدانى، كىتاپحانا،كىتاپ وقۋ بولمەسى سياقتى قۇرىلعىلار جاڭادان سالىنىپ،كلاستارعا تۇگەلىمەن كوپ مەديالى وقىتۋ جابدىقتارى ورناتىلعانىن، وقۋشىلاردىڭ رۋحاني بەت-بەينەسىنىڭ جاقسى ەكەنىن كوردىك.
بۇل قوبىقسارى اۋدانىنىڭ وقۋ-اعارتۋ ىستەرىنىڭ دامۋىنا ءمان بەرگەندىگىنىڭ جاندى مىسالى سانالادى.
جاقىنعى جىلداردان بەرى، قوبىقسارى اۋدانى «حالىق ريزا بولاتىن وقۋ-اعارتۋدى دامىتۋ» نىساناسىن تىعىز توڭىرەكتەي وتىرىپ، قالا مەن اۋىلداعى مەكتەپتەردىڭ وقىتۋ شارت-جاعدايى، وقىتۋشىلاردىڭ ءبىلىم دەڭگەيى، وقىتۋ ساپاسى سياقتى جاقتارداعى پارقىن بىرتىندەپ ازايتىپ، مەكتەپتەردىڭ ماندىك جاقتان دامۋىن جەبەپ، قالا مەن اۋىلداعى مىندەتتى وقۋ- اعارتۋ كەزەڭىندەگى مەكتەپتەردىڭ وقىتۋ شارت-جاعدايى، وقىتۋشىلار قوسىنى سياقتى جاقتاردان ءبىر تۇتاس، سايكەستى، بىركەلكى دامۋىن جۇزەگە اسىرىپ، اۋداننىڭ وقۋ-اعارتۋ ورەسىنىڭ جالپى تۇلعالىق جاقتان جوعارىلاۋى سىندى تاماشا جاعدايدى جۇزەگە اسىردى.
وقۋ-اعارتۋ قىزمەتكەرلەرىنىڭ كاسىپتەن ناتيجە جاراتۋ قىزعىندىلىعىن قوزعاۋ ءۇشىن، قوبىقسارى اۋدانى وقۋ-اعارتۋ دارىندىلارىن سيلاۋ قورىن قۇرىپ، جىلىنا ءبىر ميلليون يۋان قارجى شىعارىپ، وقىتۋ ناتيجەسى جوعارى وقىتۋشىلار مەن ۇزدىك وقۋ-اعارتۋ قىزمەتكەرلەرىن سيلاپ، دارىندىلاردىڭ كاسىپتەن ناتيجە جاراتۋ ورتاسىن ۇزدىكسىز ساپالىلاندىرىپ، ۇزدىكتەردىڭ دارىندارىن ساۋلەلەندىرىپ، وقىتۋ ساپاسىن جوعارىلاتۋعا شابىتتاندىرعان.
جاقىنعى جىلداردان بەرى قوبىقسارى اۋدانى 160 ميلليون يۋان قارجى شىعارىپ،وقۋ-اعارتۋ نەگىزدىك قۇرىلعىلارى قۇرىلىسىن اتقارسا؛10 ميلليون يۋاننان استام قارجى قوسىپ، وقىتۋشىلار جاتاعىنان 188 ىن جاڭادان سالىپ، 376 وقىتۋشىنىڭ جاتىن ورىن ماسەلەسىن شەشىمدەدى. «ءالسىز مەكتەپتەردى جاڭالاۋ» نىسانىن جاپپاي اتقارىپ، 2014-جىلدان 2016-جىلعا دەيىن 57 نىسان قۇرىلىسىن اتقاردى. كەزەكتە بۇل نىسان قۇرىلىستارى تولىق اياقتالدى.
سونىمەن بىرگە، قوبىقسارى اۋدانى وقۋ-اعارتۋ جاعىندا حالىققا تيىمدىلىك جەتكىزۋ ساياساتىن بار كۇشپەن اتقارىپ، 2010 -جىلدان باستاپ تۇتاس اۋدان بويىنشا « ەكىنى كەشىرىم ەتىپ، بىرگە تولىقتاما بەرۋ» ساياساتىن اتقارسا؛ 2012-جىلدان باستاپ، شينجياڭ بويىنشا ءبىرىنشى بولىپ ءۇش جىلدىق دايارلىق كلاس وقۋ-اعارتۋىن تەگىن جالپىلاستىرىپ، وقۋشىلاردىڭ بالالار باقشاسىنان تولىق ورتا مەكتەپتى بىتىرگەنگە دەيىنگى 15 جىلدىق تەگىن وقۋ-اعارتۋدى ىسكە اسىردى؛ شينجياڭ بويىنشا ءبىرىنشى بولىپ ارتقى شەپ باسقارۋ ورتالىعىن قۇرىپ، ەگىنشى-مالشىلار مەن قيىنشىلىعى بار وتباسىلاردىڭ بالالارىن ارتقى شەپ باسقارۋ ورتالىعىندا شوعىرلى جاتاققا جاتقىزىپ وقىتتى.
قوبىقسارى اۋدانى جەرلىك ەرەكشەلىككە نەگىزدەلىپ، مەكتەپتى كوزدە ۇستاي وتىرىپ مەكتەپتەردىڭ مادەني مازمۇندارىن بايىتىپ، « مەكتەپ سايىن ايگىلى تۋىندى جاراتۋ» قيمىلىن بەلسەنە ورىستەتسە؛ جاس وسپىرىمدەر قيمىل ورتالىعىن تەكشە ەتىپ،مەكتەپ وقىتۋى مەن قوعامدىق تاربيەنى ۇشتاستىرۋعا تاباندى بولىپ، حاتكەرلىك، سۋرەت، عىلىم-تەحنيكا، كوركەمونەر سىندى 5 ءىرى تۇردەگى 70 ونەرگە تاربيەلەۋ كلاسىن اشىپ، جاس وسپىرىمدەردىڭ كوڭىلدى، اقاۋسىز ءوسىپ-جەتىلۋىنە بەرىك نەگىز قالادى.
قوبىقسارى اۋداندىق پارتكومنىڭ ورىنباسار شۋجيى، ۋاقىتتىق اۋدان اكىمى چۇيحۇڭ: « الداعى جەردە ساپالى وقۋ-اعارتۋدىڭ قامتۋ كولەمىن ۇلعايتىپ، وقۋ-وقىتۋ ساپاسىن شىن مانىندە جوعارىلاتىپ، اۋدانىمىزدىڭ مىندەتتى وقۋ-اعارتۋىن بىركەلكى دامىتۋدان تىڭ ناتيجە جاراتۋعا قۇلشىنامىز» دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى