ەەڭ جاڭا مازمۇندار
قالا مەن اۋىل ورتاسىنداعى «ءبىر يۋاندىق اۆتوبۋز» اقشا ۇنەمدەپ قالماستان،حالىقتىڭ كوڭىلىنەن شىقتى
 قوبىقسارى اۋدانى شينجياڭ بويىنشا قالا مەن اۋىل ورتاسىنا الەۋمەتتىك كوشە اۆتوبۋز قاتىناۋدىڭ تولىق قامتۋىن الدىمەن جۇزەگە اسىردى
سۇرلەمدىك جۇگەرىگە وراق ءتيدى
بارلىقتىڭ بالعىن «سارعالداعى»
ساۋان اۋدانىنىڭ تىزىمگە الدىرعان ماقتا سورتىن سىناق رەتىندە ەگۋ-ۇلگى كورسەتۋ بازاسى قۇرىلىسى تارتىپپەن ىلگەرىلەۋدە
«قولىنان نە كەلەر دەيسىڭنەن» «ول بولماسا بولمايدىعا» دەيىن
ارمانىن جۇزەگە اسىرىپ،جۇرت كوڭىلىن جادىراتتى
جالاڭاش ارپا ەگىپ،كەدەيلىكتەن ارىلتۋعا دەم بەردى
بابىمەن پىسىرىلعان سامسامىزدىڭ ءدامىن تاتىڭى
2020-جىلى 7-ايدىڭ 6-كۇنى 139-سان
راحاتتىڭ كەدەيلىكتەن ارىلۋ جولىنداعى وزگەرىستەرى
پارتيانىڭ جاڭا داۋىردەگى ۇيىمدىق لۋشيانىن جالپى بەتتىك دايەكتىلەندىرىپ، تياناقتاندىرىپ، پارتيانىڭ ۇيىمدىق قۇرىلىسىنىڭ تۇزىمدەنۋ، جۇيەلىلەنۋ، عىلميلانۋ دەڭگەيىن جوعارىلاتۋ كەرەك
2020-جىلى 7-ايدىڭ 4-كۇنى 138-سان
بۇكىل رايوننىڭ پارتيا قۇرىلىسى ساپاسى مەن دەڭگەيىن ۇزدىكسىز جوعارىلاتىپ، قوعام ورنىقتىلىعى مەن باياندى تىنىشتىققا ۇيىمدىق كەپىلدىك ازىرلەۋ كەرەك
بەيدوۋ جاساندى سەرىگىنىڭ الەمدىك تورى قۇرىلعاننان كەيىن، ءبارىمىزدىڭ تۇرمىسىمىزعا قانداي ىقپال كورسەتەدى؟
بۇقارانىڭ حال-جايىن كوڭىل تۇكپىرىندە ساقتاپ،قىستاق تۇرعىندارىنىڭ جاناشىرى بولدى
اتا مەكەنىنىڭ كوركەم كورىنىسىن اپپارات كوزىمەن ەستەلىككە الدى
اتا مەكەنىنىڭ كوركەم كورىنىسىن اپپارات كوزىمەن ەستەلىككە الدى
2020-جىلى 7-ايدىڭ 3-كۇنى 137-سان
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەنگەن ءسوز
حالىقتى ماڭگى ەڭ جوعارى ورىنعا قويايىق
گۇلدەنۋ مۇراتىن شىڭداپ، قالتقىسىز ادالدىقتى ماڭگى ساقتايىق
2019-جىلعى جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتىلەندىرىپ،تياناقتاندىرىپ، پارتيانى شىن مانىندە اناعۇرلىم بەرىك،پارمەندى ەتىپ قۇرىپ شىعۋ كەرەك
ايماقتىق پارتكوم كەڭسەسى پارتيا باس ياچەيكاسى،اكىمشىلىك مەكەمەسى كەڭسەسى پارتيا باس ياچەيكاسى «1-شىلدە» بايلانىسىمەن مەملەكەت تۋىن شىعارۋ سالتىن وتكىزدى
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
پارتياعا العىس ايتىپ،پارتيانىڭ سوزىنە قۇلاق اسىپ،پارتياعا ىلەسەمىز
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
اۋلا شارۋاشىلىعىن دامىتۋ،كەشكى بازار ەكونوميكاسىنىڭ ومىرشەڭدىك كۇشىن قاۋلاتۋ،نان كاسىبىنىڭ اناعۇرلىم جاقسى،اناعۇرلىم تەز دامۋىن كۇش سالا ىلگەرىلەتۋ كەرەك

كوڭىل كوگىمدەگى بەينە كەسكىندەر

جولدانعان ۋاقىتى : 2017/5/31 19:09:04

(بالالار مەرەكەسىنە ارنايمىن)
ءباتىش اقىن قىزى

 
  «بالالار  جاڭا  دۇنيەنىڭ  نەگىزىن  سالۋشى (سالعان)، اتا-انالاردان دا بەلسەندىرەك، اتا-انالاردان دا مادەنيەتتىرەك  بولۋلارى ءتيىس».م. گوركي

  تىرشىلىكتە تىپىرشىعان ءبىر كۇنىڭە نە جەتسىن دەپ تىربانىپ، ءومىردىڭ كەرۋەن كوش جولىندا، بايانسىز دۇنيەنىڭ بازارىندا، كەلتە عۇمىرىڭ تاۋسىلمايتىن كۇيبەڭىندە جۇرەمىز. شاڭىراعىنا شىراق، جارىنا قۋات، بالالارىنا بۇلاق بولعان انالار جونىنەن العاندا، بالا قامى _ ۇلت  قامى، سولار ءۇشىن جۇزىنە اجىم تۇسسە دە جۇرەگىنە اجىم  تۇسىرمەي كۇن كەشەدى.

  ءسويتىپ، قايىرلى كۇننىڭ سار تاڭىن  اماندىقپەن، ەسەندىكپەن اتقىزعانىنا شۇكىرلىك ەتىپ تىربانادى، شات زاماندا شارق  ۇرادى، الشاڭ باسادى، ارمانعا قول سوزادى، مەيىرىمەن بالا جۇرەگىن ورمەكشىدەي ۇيالاسادى، پارۋانا بولىپ قۇراق ۇشادى.

  جازدىڭ جايماشۋاق ءبىر كۇنى ەدى، ءمالىم ءبىر مەكتەپتىڭ قارسى الدىنداعى  الەۋمەتتىك كوشە اۆتوبۋزىنىڭ بەكەتىنە كەلدىم، مەكتەپ قاقپاسىنان ءار ۇلتتىڭ كيىمدەرىن كيىپ، جاسانعان ون شاقتى ورىمدەي وسپىرىمدەر شىعا كەلدى دە بەكەتكە كەلىپ ءتىزىلىپ تۇرا قالدى، مىنە كولىكتە كەلدى، مۇعاليماسى بولار، بالاپانىن قورعاعان قارلىعاشتاي قولدارىنان ۇستاپ ادامدار رەتىنىڭ سوڭىن الا تۇرعان ەدى، الگى بالالاردىڭ بىرنەشەۋى قارتتار مەن بالا كوتەرگەن، ەكىقابات ايەلدەردى، مۇگەدەك ادامداردى سۇيەپ شىعارىپ الەك بولدى دا وزدەرى ەڭ سوڭىندا شىعىپ تىكەلەرىنەن تىك تۇردى، مەندە سولاردىڭ سۇيەۋىمەن شىعىپ جايعاستىم، جانىمداعى بوس ورىنعا كوزاينەك تاققان كىشكەنتاي ايەل بالاعا وتىر دەگەندەي بولىپ ەدىم، ول وتىرماي راقىمەت ايتىپ  ءيىلىپ قۇرمەت ءبىلدىردى، ولار سول    تىكەسىنەن تىك تۇرعان بويى كولىككە شىققان، تۇسكەن ادامداردى سۇيەپ الەك بولدى، جاپا-تارماعاي راقىمەت ايتقاندارعا ولار يشاراتپەن قۇلاعىنىڭ ەستي المايتىندىعىن، كوزىنىڭ كورە المايتىندىعىن سەزدىرىپ، كىرشىكسىز ءسابي جۇرەگىنەن قول بۇلعاپ قوشتاسۋمەن بولدى، ءوزىم تۇسەتىن ايالداماعا كەلسەم دە قيماستىقپەن سولار تۇسەتىن بەكەتكە دەيىن بارۋعا بەكىدىم، ادامدار سيرەپ، بوس ورىندىقتار بولسادا ەشقايسىسى وتىرمادى، بىرەۋى قوياردا قويماي مۇعاليماسىن وتىرعىزدى، مۇعالىمى كىشىلەۋ بىرەۋىن قۇشاقتاي بارىپ وتىر ەدى، الگى بالا بەينە اناسىن ايمالاعانداي ونىڭ باسى-كوزىن سيپالاپ ەركەلەي باستادى، ولار وتىرعان ارت جاقتاعى بوس ورىندىققا ورىن اۋىستىرىپ وتىرا قالدىم دا مۇعالىمىنان بالالاردىڭ ءمان-جايىن ۇعىستىم، تارباعاتاي ايماقتىق فەداگوگيكا مەكتەبىنىڭ مۇگەدەكتەر كلاسىنداعى بالالار ەكەندىگىن، مەكتەپتەر ارا وتكىزىلەتىن كونسەرت جارىسىنا ويىن قويعالى بارا جاتقاندىقتارىن باياندادى، بالانىڭ بىلەگى سىرقىراسا انانىڭ جۇرەگى سىرقىرايدى   دەگەندەي، وتە اسەرلەنىپ جاسىرىن كىرپىگىمە جاس تىرەلدى، جانىمدا تۇرەگەلىپ تۇرعان بىرەۋى بايقاپ قالعانداي، باسىمدى قۇشاقتاپ، باس جاۋلىعىمدى تۇزەپ بايلاپ قويعانسىپ يىسكەپ قويدى، ونىڭ قولىنان   ءسۇيدىم، كەمتار بولسادا كوكىرەگى ساۋلەلى ساراي، ويى سۇلۋ، جانى سۇلۋ بالاقايلار-اي،دەسەڭىزشى!

  كەي كەزدەرى كەزىكتىرىپ تە جۇرەمىز، كولىككە تالاسا شىعىپ، باسا كوكتەپ بارىپ باپتالىپ وتىرا قالىپ، كورسەدە كورمەسكە سالىپ، كومەديكتەر ايتقانداي، «بالاقتاعى ءبيتتى تەرگەندەي» قولفونعا تەلمىرىپ، قارسى الدىنداعى قالتىراپ تۇرعان قارتتارعا، بەلى تالىپ بالاسىن كوتەرىپ تۇرعاندارعا قاراماي، تەرىس قاراپ وتىرىپ الاتىن، دەنە مۇشەسى ساۋ بولسادا كوكىرەگى كوك ساۋ پەندەشىلىككە نە دەرسىز؟! بالالار قيمىلى كورەر كوزگە قاراپايىمداۋ سەزىلگەنىمەن، كەيبىر ەرەسەك جاندارعا وي سالاتىن مادەنيەتتىڭ سيگنالى سەكىلدى. قازىر قالامىزدا جاراسىمدى قوعام سالتى كۇننەن-كۇنگە كوڭىلدەن شىعىپ كەلەدى. ەڭ ادەتتەگى قيمىل كۇندەلىكتى كوشە اۆتوبۋزىندا ءار ۇلت جاستارى ۇلكەندەرگە ورىن بەرەتىن،سۇيەپ شىعارىپ-ءتۇسىرىپ قوياتىن تاماشا داستۇرگە كوڭىلىمىز ورنىعادى، ريزا بولاسىز، ءيلايىم،سولاي بولا بەرگەي!

  سولاي دا سولاي، وسى كەمتار بالالاردىڭ كىرشىكسىز كوڭىلدەرىنىڭ كۋاسى بولۋ  ءۇشىن ولارمەن بىرگە كولىكتەن ءتۇستىم، ارتتارىنان ۇزاق قارادىم، ءبىرىنىڭ قولىنان ءبىرى ۇستاپ، ۇستازدارىنىڭ سوڭىنان قازداي ءتىزىلىپ، گۇلدەي جايناپ بارا جاتقان بالاپانداردىڭ رياسىز كۇلكىسى كوڭىل ەكرانىمنان قايتالانىپ، جۇرەگىمدە شاڭ باسپايتىن التىن ارحيۆ بولىپ ساقتالىپ قالا بەردى...

  اق قارداي كوڭىلدەرىنە ەرەكشە العىس   ايتىپ، باس بارماعىن شىعارىپ سۇيىنگەندەردىڭ،ءتانتى بولعانداردىڭ ءبىرى    بولدىم، بۇل كۇنىم تەبىرەنۋمەن ءوتتى.

  مەن تۇرەگەلىپ تۇرامىن «تاۋىقتىڭ تۇسىنە تارى كىرەدى» دەگەندەي، ايتەۋبىر بىلمەيمىن، جۇرگەن جەرىمدە بالالار قيمىلىن قالت جىبەرمەيمىن، كۇندەگى ادەتىم بويىنشا بوي جازىپ، جۇرىڭكىرەپ بارىپ اۆتوبۋز بەكەتىنە كەلدىم، جول بەرىپ، سۇيەپ كولىككە شىعارعاندارعا راقىمەت ايتىپ، بوس ورىنعا جايعاستىم، بالاسىن  جەتەلەپ شىققان جاستاۋ ايەلگە وتىرعانداردىڭ ءبىرى ورىن بوساتتى، ايەل راقىمەت ايتىپ وتىردى دا بالاسىن باۋىرىنا باستى، بالا دەگبىرسىزدەنىپ تىقىرشي باستادى، ەكى كوزىم سوندا،شەشەسى ابىرجىپ بالاسىنىڭ باسىن سيپالادى، «قۇلىنىم،تاعى قىزىپ  وتىرسىڭ با، دوحتىرعا قازىر جەتەمىز»، بالا شەشەسىنىڭ قولىنان تارتىپ تۇرەگەلدى.

  -شەشە ءبىز تۇرايىق، انا اتا وتىرسىن، مەن وتىرمايمىن! شەشەسى سوندا بارىپ بايقادى، جاندارىندا ەگدەلەۋ ادام تۇرعان  ەكەن، قوياردا قويماي الگى ادامدى وتىرعىزدى، بالاسى شەشەسىنىڭ اياعىنا جارماسىپ ءماز بولدى، ماقتانا ماعان قاراپ قويادى، جارايسىڭ دەگەندەي باس بارماعىمدى شىعاردىم، بايقاعان شەشەسى جانىمنان ءوتىپ بارا جاتىپ: -اپاي، دەنەم قىزىپ اۋىرىپ تۇرعان سوڭ قوزعالا قويماپ ەدىم، مىناۋ مەنى قاتتى ۇيالتتى، دەدى جىميا قاراپ، ولار تۇسكەن سوڭ دا اۆتوبۋز تەرەزەسىنەن قاراپ شەشەسىنە جابىسا جايراڭ قاعىپ بارا جاتقان « ر » دى « ل » دەيتىن ءتىلى تولىق شىعا قويماعان ءۇش-ءتورت جاستاعى سابيگە  سۇيىنە قاراپ كوزىمدى تايدىرمادىم، بولاشاق وسىلاردىكى!!!

  الدىمەن اپامدى قۇتقارامىن بيىلعى كۇز تولاسىز جاۋىن-شاشىندى بولدى، اۋىلداعى تۋىسىمنىڭ ۇيىندە ەدىم، اق جارقىن، قالجىڭباس، قوناعۋار ادامدارمەن بىرگە باس قوسۋدىڭ ءوزى ءبىر عانيبەت قوي! ءبىر جاساپ قالاسىڭ، اۋاشا ۇيدە جايلاپ ورىن سالىپ، دەمالدىرىپ جاتقىزىپ قويعان ەدى، ەستىپ جاتىرمىن، سىرتتان سۋعا مالشىنىپ كىرگەن شالىنا  قۇربىم قۇراق ۇشىپ قالجىڭعا باستى:

  _ قاقپاس-اۋ، مىنا جاڭبىردا قاقشاڭ  قاعىپ قاڭعىپ نەڭ بار ەدى، جىلىنعان ۇيىڭدە جاتا كەتپەي نەسىنە كەلدىڭ،-دەپ كيىمدەرىن شەشىپ الەك بولعان بايبىشەسىنە كوڭىلدەنە كەڭكىلدەپ، ول دا: «انا ايبولىم ءۇشىن ۇشىپ كەلدىم،ونى شاتىرلارىڭدى الىپ تەزىرەك شىعىپ، مەكتەپتەن اكەلىڭدەر، سۋعا مالشىنىپ اۋىرىپ قالماسىن»  دەدى. كەلىنى اپاسى ۇستاتقان ەكى شاتىردى الدى دا جاڭبىرلاتىپ مەكتەپ قاقپاسىنا جەتىپ كەلدى. بارلىق بالا تاراسا دا ايبول ەڭ سوڭىندا كەلدى. كەلە كەزەكشىلىك ىستەگەندىگىن، جالاڭ كەلگەن ساباقتاسىنا شاپانىن بەرىپ جولعا سالعاندىعىن،اسىعا سويلەپ تىپىرشىپ تۇرعان شەشەسىنە كەشىرىڭىز  دەگەندەي باسىن يزەدى. جاقسى ىستەدىڭ دەگەندەي، شەشەسى باسىنان سيپادى،ەكى شاتىردى قولتىقتاسا ۇستاپ كەلە جاتىر ەدى، ايبول الدىعا قارادى دا سىتىلا جونەلدى. كەلتە قيعان شاشىنان سۋ سورعالاپ بارا جاتقان  اناعا شاتىرىن ۇستاتا سالدى دا سۋ كيىمدەرىن ەلەڭ قۇرلى كورمەي ەكى سانىن شاپالاقتاپ جۇگىرىپ كەلەدى. شاتىر العان انا قولىن بۇلعاپ ءسال تۇردى دا قاراي-قاراي  كەتىپ بارادى،ءبىر شاتىردا جابىسا قۇشاقتاسىپ كەلە جاتقان شەشەسىنىڭ ءون بويىن بالا دەمى بالقىتىپ قۋانىشقا بولەدى، بالاسىن باۋىرىنا قىسا بەردى،ءبىر شاتىردا ۇرعىلاعان قالىڭ جاڭبىرعا مالشىنىپ كىرگەن ەكەۋىنە اپاسى تاڭدانا قارادى، اكاۋ، بۇل؟! كەلىنى جايبىراقات ماقتانا ءتۇسىندىرىپ جاتىر،اتاسى ايبولىن يىسكەپ قارقىلداپ كۇلە بەردى، بۇگىن كەلىستىرىپ جاڭبىرعا ءبىر مالشىندىق، بۇل جاقسىلىقتىڭ نىشانى. الايدا،مىنا داۋكەس اپاڭ ۇيدە وتىرىپ ءبىزدى جازعىرىپ جايپاپ وتىر.

  -اتا، سىزدە جاۋىنعا قالدىڭىزبا؟

  -قالعاندا قانداي؟!

  -ايبول، مىنا اپاڭ بار عوي، مەن سۋعا مالشىنعان ەمەس، سۋعا كەتسەم تۇنشىقتىرا سالاتىننىڭ ءوزى، ايبول تاق ەتە ءتۇستى.

  -اتا قورىقپا، مەن قۇتقارامىن.

  -قاراي گور، جامان اتاسىنا جانى اشىپ جاتقانىن، ايقۇلاقتانا قالعان اتاسى ايبولىنا قىزىعا قارادى.

  تەرەزەنى ۇرعىلاعان بوراندى جاڭبىر  تولاستار ەمەس،ءبارىمىزدىڭ كوڭىلىمىزدە، جۇزىمىزدە كوڭىلدىلىك، قۋانىش، بالالى ءۇيدىڭ بازارىندا بەرەكەلى داستارقانعا  جايعاستىق.

  ءار كۇنى قاناعاتشىل كولدەي كوڭىلدەرىمەن قايىرلى كۇندى شات-شادىمان وتكىزەتىن، ۇرپاعىن ديپلومسىز-اق تاماشا وتباسىندىق تاربيەمەن باۋليتىن كوكىرەگى ساراي دانا  قارتتارىم -اي، بولاشاعىنا التىن كوپىر بولعان ادال كوڭىلدەرىنە ءتانتى بولماي تۇرا المايسىز، «اعاش اعاشتان ماۋە الادى،ادام ادامنان ءتالىم الادى» دەگەندە وسى بولار!!!

  رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى
 


 
powered by IlgharCMS 3.2 www.ilghar.cn