ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

سونەتتەر

جولدانعان ۋاقىتى : 2017/6/5 12:34:34

ۋيليام شەكسپير  (انگليا)

1
اسەم شىبىق ءوسسىن دەيمىز جەلكىلدەپ،
سۇلۋلىقتى ساقتاۋ ءۇشىن جۇدەتپەي.
راۋشاننىڭ سولعان ءبىرىن سوڭعىسى
جاسارتادى ەكى ارادا جىل وتپەي.
ال،سەن،سۇلۋ،اجارىڭا سۇقتانىپ
تارك ەتەسىڭ سوعان اسىل ءنارىڭدى:
جانىڭ _ قاتال جاۋىڭ بولىپ شىقسا انىق
جوقشىلىققا جۇمساعانىڭ بارىڭدى.
سەن تەك قانا ساندەنەسىڭ ءبىر بۇگىن،_
جارشىسىسىڭ كوكتەمنىڭ دە از كۇندىك.
كورگە تىعىپ كەلەشەكتىڭ ۇرىعىن
ساراڭ ساقي ءىس قىلعانىڭ _ ازعىندىق.
ءومىردى ايا، دەمە لاحات جەپ-ءىشسىن
كەلەشەكتىڭ بال-شىرىندى جەمىسىن!

 2
قىرىق قىستىڭ قاھارىنا شىداماي،
ايعىز-ايعىز اجىم تورلاپ،سولدى بەت.
پىشىنىڭە قاراپ تۇرىپ مىناداي،
ايتسىن كىمدەر اسا سۇلۋ بولدى دەپ.
دەسە بىرەۋ كوركىڭ قايدا بۇرىنعى،
ەسكە سالار ەسىل قىزىق كەزىڭدى.
نە دەمەكسىڭ؟ جاناردا ما جۇمۋلى،
وندا مازاق ەتتىم دەي بەر ءوزىڭدى.
مىنا ءسوزدى ايتپاي كوڭىل تولار ما:
جەلكىلدەگەن ۇرپاعىم بار ۇناعان.
تۇنىق شاعىم تۇر كۇلىمدەپ سولاردا،
كارىلىكتەن العان ەنشى-سىباعام.
سان جىلداردان سالقىن تارتقان ءوز قانىڭ،
جالعاسىڭنان جالىن اتسا _ وزعانىڭ!
              
3
كەسكىنىڭدى كورىپ تۇرىپ اينادان،
قايتالاۋعا اسىقپاساڭ سەن ەگەر.
سۋىنار دا،سۇيگەن ايەل ايمالاپ،
تابيعات تا وكپەلەر دەپ سەنە بەر.
قانداي ايەل جاس قۇشاعىن اشپاس-اۋ
پاك تانىنە قول تيمەگەن بولسا دا.
قاجەت دەسەڭ _ داڭق سەنەن قاشپاس-اۋ،
الدە وزىڭە عاشىقپىسىڭ سونشاما؟
انالاردىڭ كوزىندە سەن ەلەسسىڭ،
كوپ بۇرىنعى كوكتەم شاقتا جوعالعان.
قارتايعاندا سەن دە تەرىس دەمەسسىڭ،
جاستىق شاقتىڭ قادىر-سيىن ۇعا العان.
ال،وزىڭمەن ءومىر بىتسە ەسكىرىپ،
سەن ولگەندە بىرگە ولەدى كەسكىنىڭ.

    
4
ىسىراپقورىم،ءبىر باسىڭنان ارتپايدى،
ءوز مۇراڭدى _ شاشتىڭ بەكەر ەسىرىپ.
سۇلۋلىقتى تىرلىك سيعا تارتپايدى،
قارىز الدىڭ _ قايتار سونى ءوسىرىپ.
ساراڭ ساباز، يەمدەنسەڭ جانىڭ شات
كەيىنگىگە قالدىرعايسىڭ دەگەندى.
تىققانىڭنىڭ _ قيسابى جوق قىرۋار زات،
ءبىراق،سودان بايىماسسىڭ تەگى ەندى.
ءوزىڭ قۋىپ ار-ۇياتتى بەتتەن دە،
باسقا تەپتىڭ بارلىق بايلىق-ىرىستى.
اقىرعى ءسات ەسەپ تالاپ ەتكەندە
نە دەمەكسىڭ ىسىراپقورلىق ءجۇرىستى؟
كەلەشەگىڭ _ كوز كورمەگەن جالعاسىڭ،
جان تاپسىرار جەرگە تيسە جامباسىڭ.
           
5
نازىك مەزگىل ەپپەن كەلىپ ۇرلانىپ،
كورەر كوزگە سيقىرلى توي جاسايدى.
سول ۋاقىت وتە شىقسا،سۇرلانىپ
كوز الدىمىز كوپ قىزىقتان بوسايدى.
توسقاۋىلسىز ساعات پەن كۇن تاسقىنى،
جازدى قۇرتپاق قىسقى كەشكە اپارىپ.
اعاش سەمسە،ءوتىپ جازعى جاس كۇنى،
جەر _ ءبىر ارۋاق اق كەبىندە اپ-ارىق.
جالعىز عانا راۋشان گۇلدىڭ جۇپارى _
سورلى تۇتقىن تەرەزەدەن تەلمىرگەن.
تەك سول مىناۋ ۇسكىرىكتە جۇقارىپ،
وتكەن جازبەن ءوز تىرلىگىن تەڭ بىلگەن.
سولعانىمەن بۇرىنعى اسىل وتتى رەڭ،
سۇلۋلىقتى ول ساقتاپ قالدى دەپ بىلەم.

  6
بايقا،جىگىت، اق شاشتى قىس الجىعان
جاسىل باققا سۋىق قولىن سۇقپاسىن؛
سەن سەرۋەندەپ،گۇلدەرىنەن بال جيعان،
كوكتەم جەرگە كۇنى بۇرىن بۇقپاسىن.
ادامداي-اق،باعا جەتپەس زاتتان دا،
قاشان بولسىن پايدا تاۋىپ بايقاعان.
ءماز بولار ەڭ ءوزىڭدى-ءوزىڭ تاپقانعا،
زاڭدى جولمەن ون ەسە ەتىپ قايتادان.
جوق بولسا دا ءومىر سۇرمەك ون دۇركىن،
بالالارىڭ ون قايتارا جاساتار.
تاۋسىلعاندا ەڭ اقىرعى ءمولدىر كۇن،
اجال سەنى ازابىنان بوساتار.
تاعدىر ساعان وسىنشالىق نۇر بەرىپ،
بار سۇلۋلىق كەتپەك ەمەس بىرگە ءولىپ.

7
الاۋلاعان تاڭ شاپاعى الەمنىڭ
جالىن باسىن كوتەرگەندە توسەكتەن،
جەردەگىلەر جەتكىزىپ كوپ سالەمىن،
نۇرلى حاققا اق پەيىلىن كورسەتكەن.
شاڭقاي تۇستە دەر شاعىندا قىزىقتى،
تاس توبەدەن جارقىراسا نۇرلى كۇن.
ميلليون كوزدەر قايران التىن جۇزىكتى
تاماشالاپ،تاپقان سودان تىرلىگىن.
باتار كەزدە كۇن ساپارىن اداقتاپ،
شارشاپ تامام تۇگەسكەندە ارايدى،
قۇلى بولعان تابىنعاندار مازاقتاپ،
سىرت بەرەدى،باسقا جاققا قارايدى.
ۇلىڭ قالسىن،جاستىق شاعىڭ توزباسىن،
سول ەرتەڭگى كۇننەن كوزىن جازباسىن!

 8
سەن _ اۋەنسىڭ،سويتە تۇرىپ اۋەندى
تۇيىق كۇيدە تىم جابىرقاۋ تىڭدايسىڭ،
نەگە سونشا جانىڭ دەرتكە تاۋەلدى،
نەگە ازاپتان راقات ىزدەپ تىنبايسىڭ؟
نەگە بۇنى جۇمباقتايدى جۇمىر باس؟
ءبىر-بىرىمەن جاراسىمدى جارالعان
كوپ دىبىستىڭ جالعىزدىققا جانى قاس.
الدە سول ما دەرتىڭ بويعا تارالعان؟
تىڭداپ كورشى قىل ىشەكتەر تاماشا
تاتۋ-ءتاتتى ۇيلەسىمدى ءۇن قوسقان،_
اكە،شەشە،جاس بالاسى وڭاشا
اسەم ءبىر ءان شاقىرعانداي تىنباستان.
كونسەرتتەگى كوپ-كوپ ۇندەس ىشەك مىناۋ
جالعىزىلىك ولىممەن تەڭ دەپ تۇر-اۋ.

 9
قورقىپ،بالكىم،كوز جاسىنان جەسىردىڭ،
جار سۇيۋگە باتپاي جۇرگەن شىعارسىڭ.
سەن ولەردە،كەرى كەلىپ كەسىردىڭ،
بۇكىل دۇنيە كوزدىڭ جاسىن سىعار شىن.
شەرلى جەسىر جاس ءسابيىن كورگەندە
سودان تاپپاق سۇيگەنىنىڭ كەيپىن دە،
ال،سەن ارتتا قالدىرمايسىڭ ءبىر پەندە،
جارىق دۇنيە جۇبانىشىم دەيتىن دە.
ىسىراپقوردىڭ شاشىپ-توككەن ىرىسى
ءوز مەكەنىن وزگەرتەدى تۇرمىستا.
ال،سۇلۋلىق ءىزسىز-توزسىز جىلىسىپ،
جاستىق داۋرەن قۇرىپ كەتپەك قۇر بوسقا.
ءوزىن-ءوزى ساتاتىندار ۇيالماي
ءومىر كەشپەك وزگە جاندى سۇيە الماي!

  10
شىنىڭدى ايتشى: ناق سۇيەرىڭ كىم سەنىڭ؟
ساعان عاشىق كوپ ەكەنىن بىلەسىڭ.
تيگىزەر-اۋ قايران البىرت كۇن سەبىن،
ال،سەن سۇيمەي،جالعان ويناپ-كۇلەسىڭ.
قاسكۇنەم-اۋ،اياۋشىلىق قىلماستان
كۇندە وزىنە ىستەپ ءجۇرسىڭ زياندى،_
ءۇي _ مۇرا عوي اتا ورنىن ۇل باسقان،
سەن تالقانداپ ءبىتىردىڭ سول ۇياڭدى.
جونىڭە كەل _ وكپە ارتپاي-اق قويايىن،
دوستىقتى ءسۇي،دۇشپاندىقتى قوزدىرماي.
اجارىڭداي جانىڭ بولسا،ايايىن،
ءوز جانىڭدى بايىتشى تەك توزدىرماي.
كەلىستى رەڭ كەرەك پە ەدى تەك بۇگىن؛
يەمدەنسىن ەندى سەنىڭ تەكتى ۇلىڭ.

 11
تەز سولامىز، ءوسىپ ءومىر باعىندا؛
ءوسىم _ ۇرپاق _ جاڭا ەگىن جايقالار.
سالقىن جىلدار سارتاپ قىلار شاعىندا
ارتىق كۇشىڭ ارتتاعىدان بايقالار.
دانالىق پەن سۇلۋلىقتىڭ زاڭى سول،
ونسىز قارتتىق،ەسۋاستىق _ ەكى جاۋ.
سولار سۇقسا تىرشىلىككە سۋىق قول،
الپىس جىلدا-اق تامام بولار ەدىك-اۋ.
جەر مەن ءومىر جاقتىرمايتىن بەتسىز بەن
داڭعوي ولسە،ءىزسىز-توزسىز قۇرىسىن.
ال،سيلىقتى،ءومىر ساعان وتكىزگەن،
قانشا دۇركىن قايتىپ بەرسەڭ _ ىرىسىڭ.
عاسىرلارعا قالدىرار ءوز تاڭباسىن
شەبەر ويعان ارىپتەرمەن تەڭ باسىڭ.

اۋدارعان _ حاميت ەرعاليەۆ
 
  رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى

 

 
powered by IlgharCMS 3.2 www.ilghar.cn