ايماقتىق پارتكوم ساياسي كەڭەس قىزمەتى ءماجىلىسىن اشتى

2-ماۋسىم كۇنى ايماقتىق پارتكوم ساياسي كەڭەس قىزمەتى ءماجىلىسىن اشتى.
 

  ءتىلشىمىز چىن ۋىن، ۋاڭ چۇنلين حابارلايدى. 2-ماۋسىم كۇنى ايماقتىق پارتكوم ساياسي كەڭەس قىزمەتى ءماجىلىسىن اشتى. ايماقتىق پارتكومنىڭ شۋجيى شۋە بين ماجىلىسكە قاتىناستى ءارى ءسوز سويلەدى. ءماجىلىستىڭ باستى مىندەتى: پارتيا 18-قۇرىلتايى،پارتيا 18-كەزەكتى ورتالىق كوميتەتىنىڭ ءۇشىنشى،ءتورتىنشى، بەسىنشى، التىنشى جالپى ءماجىلىسى رۋحىن جانە شي جينپيڭ باس شۋجيدىڭ جەلىلەس ماڭىزدى ءسوزى رۋحىن ىشكەرىلەي دايەكتىلەندىرىپ،اۆتونوميالى  رايوندىق پارتكومنىڭ ساياسي كەڭەس قىزمەتىن كۇشەيتۋ جانە جاقسارتۋ جونىندەگى ورنالاستىرۋلارىن مۇقيات تياناقتاندىرىپ، جاراسىمدى، ەكولوگياسى جانعا جايلى تارباعاتاي قۇرۋدىڭ ءتىپتى دە كەڭ كولەمدى ساياسي نەگىزىن بەكەمدەۋ.

  شۋە بين جاڭا جاعداي استىنداعى حالىقتىق ساياسي ءماسليحات كەڭەسى قىزمەتىن اناعۇرلىم جاقسى ىستەۋ جونىندە تالاپتاردى ورتاعا قويدى. ول مىنالاردى باسا دارىپتەدى: ساياسي كەڭەس قىزمەتى _ سوتسياليستىك ساياسي وركەنيەتتى دامىتۋدىڭ ىشكى تالابى، قوعام  ورنىقتىلىعى  مەن باياندى  تىنىشتىق  باس نىساناسىن جۇزەگە اسىرۋدىڭ ماڭىزدى كەپىلى، جاپپاي دوڭگەلەك داۋلەتتى قوعام قۇرۋدىڭ ماڭىزدى جولى، پارتيانىڭ بيلىك جۇرگىزۋ قۋاتى قۇرىلىسىن ىلگەرىلەتۋدىڭ  ماڭىزدى  جاعى. يدەيالىق تانىمدى  جوعارىلاتىپ، مۇقيات ۇيرەنىپ، ءمانىن جەتە ءتۇسىنىپ، يدەيا مەن ارەكەتتى ورتالىق كوميتەتتىڭ شەشىم-ساياساتتارىمەن، اۆتونوميالى رايوندىق پارتكومنىڭ ورنالاستىرۋلارىمەن شىن مانىندە بىرلىككە كەلتىرىپ، حالىقتىق ساياسي ءماسليحات كەڭەسى قىزمەتىنىڭ ماڭىزدى ءمانىن جەتە ءتۇسىنىپ، جاڭا جاعدايدا ساياسي كەڭەس قىزمەتىن جاقسى ىستەۋدەگى جاۋاپكەرلىك تانىم مەن بورىشتىلىق تانىمدى اناعۇرلىم ارتتىرۋ كەرەك.

  شۋە بين مىنالاردى تالاپ ەتتى: نازاردى باس نىساناعا بار كۇشپەن شوعىرلاندىرىپ، حالىقتىق ساياسي كەڭەستىڭ زەيىن-زەردە، كۇش-قۋاتتى شوعىرلاندىرۋداعى ماڭىزدى رولىن ويداعىداي ساۋلەلەندىرۋ كەرەك. ايماقتاعى ءار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرى باس نىسانادان جازباي، باس نىسانانى تىعىز توڭىرەكتەپ،سانالى تۇردە باس نىساناعا بويسۇنىپ،باستىسى باس نىساناعا قىزمەت وتەپ، ءارقاشان دۇرىس ساياسي باعدارعا تاباندى بولۋدى تىرشىلىك ارقاۋى،قوعام ورنىقتىلىعىن قورعاۋدى باستى جاۋاپكەرشىلىك،رەفورما،دامۋعا قىزمەت وتەۋدى ماڭداي الدى مىندەت، حالىق ءۇشىن جاۋاپكەرلىكتى ادا ەتۋدى باستى ىزدەنىس، دەموكراتيالىق زاڭ-ءتۇزىم قۇرىلىسىن جەبەۋدى باستى بورىش، مىندەتىن وتەۋ قابىلەتى قۇرىلىسىن كۇشەيتۋدى باستى تالاپ ساناپ، ابزالدىلىقتى ساۋلەلەندىرىپ، مىندەتتى مۇقيات ادا ەتىپ، قىزمەتتى تياناقتى ىستەپ، ساياسي كەڭەس قىزمەتىنىڭ ورەسى مەن ناقتى ونىمدىلىگىن ۇزدىكسىز جوعارىلاتىپ، باس  نىسانانى  جۇزەگە اسىرۋعا اقىل-پاراسات، كۇش-قۋات توپتاۋ كەرەك.

  شۋە بين مىنالاردى اتاپ كورسەتتى: پارتيانىڭ باسشىلىعىن شىن مانىندە كۇشەيتىپ، ساياسي كەڭەس قىزمەتىنە تاماشا ورتا ازىرلەۋ كەرەك. ءار دارەجەلى پارتكومدار جالپى جاعدايدى مەڭگەرۋ،ءارقايسى جاقتى سايكەستىرۋ پرينسيبىنە تاباندى بولىپ، پارتيانىڭ حالىقتىق ساياسي كەڭەسكە بولعان باسشىلىعىن كۇشەيتىپ جانە جاقسارتىپ، ساياسي كەڭەس قىزمەتىن ماڭىزدى كۇن تارتىپكە ەنگىزىپ، ساياسي كەڭەس پارتيا باسشىلىق گرۋپپاسىنىڭ باسشىلىق ۇيتقىلىق رولىن تولىق ساۋلەلەندىرىپ، حالىقتىق ساياسي كەڭەستىڭ ۇكىمەت جۇمىسىنا ارالاسۋ،كەڭەس بەرۋىن جەبەۋ كەرەك.

  ءار دارەجەلى پارتكوم جانە ۇكىمەتتىڭ قاتىستى تاراۋلارى ساياسي كەڭەستىڭ ارناۋلى كوميتەتتەرمەن بولعان سەلبەستىكتى قويۋلاستىرۋى،ءار دارەجەلى تاراۋلاردىڭ قىزمەتكەرلەرى ساياسي كەڭەس مۇشەلەرىنىڭ پىكىرىن، سىنىن جانە ۇسىنىسىن دەن قويا قابىلداۋى،ساياسي كەڭەس مۇشەلەرى تۇرعان ورىندار مۇشەلەردىڭ ساياسي كەڭەستىڭ قيمىلدارىنا قاتىناسۋىن بەلسەنە قولداۋى كەرەك. ۇگىتتەۋ،جەتەكشىلىك ەتۋدى كۇشەيتىپ، ءارقايسى جاق ساياسي كەڭەس قىزمەتىنە تەگىس ءمان بەرىپ،قولداۋ كورسەتەتىن تاماشا جاعداي قالىپتاستىرۋ كەرەك.

  ايماقتىق پارتكومنىڭ ورىنباسار شۋجيى، اكىمشىلىك  مەكەمەسىنىڭ  ۋاليى  مۇقيات جارمۇحامبەت ۇلى ءماجىلىستى باسقاردى ءارى ءماجىلىس  رۋحىن  دايەكتى  تياناقتاندىرۋ جونىندە تالاپتاردى العا قويدى. ول مىنالاردى تالاپ ەتتى: ءماجىلىس رۋحىن دەرەۋ جەتكىزىپ، ساياسي كەڭەستىڭ دەموكراتيالىق باقىلاۋىن سانالى قابىلداۋ تانىمىن بەرىك ورناتىپ، ساياسي كەڭەستىڭ ۇسىنىس جوبالارى  مەن ۇسىنىستارىن ويداعىداي اتقارىپ، ساياسي كەڭەس قىزمەتىنىڭ پارمەندى، ءتارتىپتى، ءونىمدى ورىستەتىلۋىنە كەپىلدىك ەتۋ كەرەك. ايماقتىق ساياسي كەڭەس قىزمەت كوميتەتىنىڭ مەڭگەرۋشىسى  چىن جيانگو ايماعىمىزدىڭ جاقىنعى جىلداردان بەرگى ساياسي كەڭەس قىزمەتىن قورىتىندىلاپ،بيىلعى ءتۇرلى قىزمەت مىندەتىن ورنالاستىردى.
ءماجىلىس بەينە ەكران ءماجىلىسى فورماسىندا اشىلدى. ايماق باسشىلارىنان حوۋ بىنجى، الميرا ءۋالقان قىزى،ياڭ جۇنشىڭ،جۋ گاڭ،گو حۇڭچۋان، ليۋ لي، جۋ جىگان، الي،ايدىن تولەۋقان ۇلى،ما شۋە-ۋ قاتارلىلار،« ەكى مەكەمەنىڭ» باسشىلارى جانە ايماققا توتە قاراستى ورىنداردىڭ جاۋاپتى جولداستارى، ايماقتىق ساياسي كەڭەس قىزمەت كوميتەتىنىڭ جالپى مۇشەلەرى،ايماعىمىزداعى مەملەكەتتىك،اۆتونوميالى رايوندىق، ىلە وبلىستىق  ساياسي كەڭەستىڭ  ءبىر ءبولىم  مۇشەلەرى  نەگىزگى  ءماجىلىس زالىندا ماجىلىسكە قاتىناستى.  
 

2-ماۋسىم كۇنى ايماقتىق پارتكوم ساياسي كەڭەس قىزمەتى ءماجىلىسىن اشتى.