سۋرەتتە: اقىسىز قىزمەت وتەيتىن «قايقاڭ» مەيىر باعىشتاۋ اۆتوكولىك اترەتىندەگى جەكە كاسىپكەرلەر
ءتىلشىمىز جۇماجان بەگزاتقان ۇلى حابارلايدى.ءدوربىلجىن اۋدانى قاراەمىل قالاشىعى مال شارۋاشىلىق 2-قىستاعىنىڭ تۇرعىنى جەكە كاسىپكەر تاسقىن نازىمبەك ۇلى جوعارى مەكتەپ ەمتيحانى قارساڭىندا تاۋلان ارميا ۇلى، ءجۇرسىن نازىمبەك ۇلى، قۇرمانتاي جۇماتاي ۇلى، ايدىن نازىمبەك ۇلى قاتارلى ازاماتتاردى ۇيىمداستىرىپ، جوعارى مەكتەپكە ەمتيحان بەرەتىن اۋىل- قىستاق وقۋشىلارى مەن وقۋشىلاردىڭ اتا-انالارىن اقىسىز تاسۋ ءۇشىن، «قايقاڭ» مەيىر باعىشتاۋ اۆتوكولىك اترەتىن قۇرىپ، قالاشىق ۇكىمەتكە ءوتىنىش ەتىپ، اۋداندىق پارتكوم ۇگىت ءبولىمى جاعىنان بەكىتتىرىپ، جولعا ىركىلىسسىز قاتىناۋ كۋالىكتەرىن الدى.
جەكە كاسىپكەر تاۋلان ارميا ۇلى: «جوعارى مەكتەپ ەمتيحانى مەزگىلىندە ءۇش كۇن وقۋشىلارعا اقىسىز قىزمەت وتەۋدەگى ماقساتىمىز وقۋشىلاردىڭ ەمتيحان مايدانىنا كىرىپ، الاڭسىز ەمتيحان بەرۋىن قولداۋ، بۇگىنگى جاراسىمدى قوعامدا ءوز قيمىلىمىز ارقىلى ازدا بولسا قوعامعا ۇلەس قوسساق، ءبىز جەتپەگەن بيىكتەن سولار كورىنىسىن دەگەن تىلەك قانا »دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى