ەەڭ جاڭا مازمۇندار
2018-جىلى 11 -ايدىڭ 16-كۇنى 253-سان
2018-جىلى 11-ايدىڭ 15-كۇنى 252-سان
كاسىپ جاعىنان شينجياڭعا باعىتتامالى كومەكتەسۋ جەرلىك ورىننىڭ ەكونوميكالىق دامۋىن جەبەدى
قىستاقتا تۇرۋ قىزمەتىن تىڭعىلىقتى ىستەدى
وتباسى كىرىسىن ارتتىرۋىنا جەبەۋشى بولدى
پارتيانىڭ قامقورلىعىنا العىس ايتىپ، پارتياعا ىلەسۋگە ۇندەدى
وتباسى كىرىسىن ارتتىردى
پارتيانىڭ مەيىر-شاپاعاتىن ەستە بەرىك ساقتاپ، كورىكتى اتا مەكەنىمىزدى باتىل قورعايىق
جۇدىرىقتاي جۇمىلىپ، «ءۇش ءتۇرلى كۇشتىڭ» تامىرىنا بالتا شابايىق
ايماقتىق پارتكوم كەدەيلىكتەن قۇتىلدىرۋدان قامال الۋدى ارالاپ تەكسەرۋ قىزمەتىنە جۇمىلدىرۋ ءماجىلىسىن اشتى
ءدوربىلجىن اۋدانىنداعى قارتتاردىڭ باقىتتى تۇرمىسى
19-رەتكى جۇڭگو تىلشىلەر مەرەكەسىن قىزۋ قۇتتىقتايمىز
«قينالساق قىزمەت اترەتىن ىزدەيتىن بولدىق»
2018-جىلى 11-ايدىڭ 14-كۇنى 251-سان
ىنتىماعى جاراسقان اعا-ءىنى
قىستاق تۇرعىندارىنىڭ القاۋىنا بولەندى
قارتتاردىڭ تۇرمىس ورتاسىنىڭ حاۋىپسىز بولۋىنا كەپىلدىك ەتتى
2018-جىلى 11-ايدىڭ 13-كۇنى 250-سان
2018-جىلى 11-ايدىڭ 12-كۇنى 249-سان
2018-جىلى 11-ايدىڭ 10-كۇنى 248-سان
«ءبىز قىزمەت اترەتىنە العىس ايتامىز»
مۇقيات حالىق تۇرمىسى قۇرىلىسى نىساندارىنا تەكسەرۋ-زەرتتەۋ جۇرگىزدى
ءدوربىلجىن اۋدانىندا اۋلاعا ەگىلگەن ساپالى جەمىس-جيدەك، كوكونىستەردى سارالاۋ جارىسى ءوتتى
مەملەكەتتە ءبىرتۇتاس قولدانىلاتىن ءتىل-جازۋدى ۇيرەنۋ ارناۋلى ايدارى
2018-جىلى 11-ايدىڭ 9-كۇنى 247-سان
2018-جىلى 11-ايدىڭ 8-كۇنى 246-سان
2018-جىلى 11-ايدىڭ 7-كۇنى 245-سان
ماقتا تەرۋ قىزمەتى ءساتتى اياقتالدى
حالىق بۇقاراسىنا پارتيا مەن ۇكىمەتتىڭ قامقورلىعىن سەزىندىردى
قىستاق تۇرعىندارىنىڭ قيىنشىلىقتارىن شەشىم ەتىپ كەلەدى

راكقا شالدىعۋ قاتەرىنەن اۋلاق بولۋدا 10 ءىرى شارانى ەستەن شىعارماڭىز

جولدانعان ۋاقىتى : 2017/6/8 10:48:33

جاڭ كاي
  جۇڭگونىڭ راك اۋرۋىنان ءولۋ سالىستىرماسى الەمنىڭ ورتاشا ورەسىنەن جوعارى تۇرادى. الۋان ءتۇرلى راكتاردىڭ ىشىندە قىزىل وڭەش راگى، اسقازان راگى، ىشەك راگى، باۋىر راگى، وكپە راگى، ومىراۋ راگى قاتارلى التى ءتۇرلى راكتان ءولۋ مولشەرى الدىڭعى ورىندى ۇستايدى. ونىڭ توركىنىن زەرتتەگەندە، ناۋقاس ادام تەكسەرىلۋ ۋاقىتىن وتكىزىپ العان. مىنە بۇل راكتان ءولۋ مولشەرىنىڭ وتە جوعارى بولۋىنا ىقپال كورسەتەتىن ماڭىزدى فاكتور. سوندىقتان ەرتە تەكسەرىلىپ، ەرتە ەمدەلۋدى كۇشەيتۋ – راكتىڭ الدىن الۋدىڭ ماڭىزدى شاراسى سانالادى.

  زەرتتەۋلەر مەن ءامالي ناتيجەلەر %40 راكتى تەكسەرۋ ارقىلى ەرتە بايقاۋعا ءارى  ەمدەپ ساۋىقتىرۋعا بولاتىندىعىن كورسەتتى. تەمەكىنى قويۋ، اقاۋسىز تاماقتانۋ، دەنە شىنىقتىرۋ جانە راكپەن جۇعىمدالۋدىڭ الدىن الۋ ارقىلى راكتىڭ ۇشتەن ءبىرىنىڭ الدىن الۋعا بولادى ەكەن. كەيبىر ناشار تۇرمىس داعدىلارىنىڭ راكقا دۋشار ەتۋ حاۋپى بار، ەندەشە راكتان اۋلاق بولعىڭىز كەلسە، ون ۇلكەن شارانى ەسىڭىزدە بەرىك ساقتاڭىز.
 
  ءبىرىنشى قاتەر: كوكونىس جانە جەمىس – جيدەكتى تۇتىنۋدىڭ جەتكىلىكسىز بولۋى.

  قارسى شاراسى: كوكونىس جانە جەمىس – جيدەك وكپە راگى، اسقازان راگى، اۋىز    قۋىسى راگىنىڭ قاتەرىن تومەندەتەدى. ءار  ءتۇرلى كوكونىس، جەمىس – جيدەكتەردى، قارا استىقتاردى جانە بۇرشاق تۇرلەرىن كوبىرەك جەگەن ءجون. ءار كۇنى بەس ۇلەس، جارىم كيلوگرام مولشەرىندە كوكونىس جانە  جەمىس- جيدەك جەۋگە كەپىلدىك ەتۋ كەرەك. ءبىر ۇلەس كوكونىس پەن جەمىس. ءبىر شىنى پىسىرىلماعان كوكونىس بولۋى مۇمكىن. مىسالى، شيكى كوكونىس؛ جارىم كەسە پىسىرىلعان كوكونىس. مىسالى، بايساي، كاپوستا، باكلاجان،ءسابىز؛ ەكى تال شاعىن جەمىس. مىسالى، الحور جەمىسى (李子)؛ءبىر تال ورتاقال جەمىس. مىسالى، اپەلسين، الما؛ جارتى ءىرى جەمىس. مىسالى،       بانان، تسيترۋس(西柚)، تورتتەن ءۇش    بولەك قانت قوسىلماعان جاس جەمىس شىرىنى. ( ميلليليتر 180)شارشى گۇلدىلەر كلاسىنداعى كوكونىستەر توق ىشەك جانە قالقانشا بەز راگىنا شالدىعۋ مولشەرىن تومەندەتەدى. سارىمساق، ۋسارىمساق،ءسابىز، پاميدور(قىزاناق) جانە ماندارين-اپەلسين تەكتەس جەمىستەر وكپە راگى، اسقازان راگى جانە قۋىق راگىن باسەيتۋگە پايدالى.
 
  ەكىنشى قاتەر: سەمىزدىك - دەنەدەگى گورموننىڭ مولشەرىن وزگەرتەتىندىكتەن، سەمىزدەر قىلتاماق، ۇيقى بەزى راگى، توق ىشەك- تىك ىشەك راگى، جاتىر راگى، بۇيرەك راگى جانە ومىراۋ راگى سياقتى التى ءتۇرلى راككە وڭاي شالدىعادى.
 
  قارسى شاراسى: دەنە سالماعىن تەجەۋ دە راكتىڭ الدىن الۋداعى ماڭىزدى شارانىڭ ءبىرى. قالىپتى دەنە سالماعى كولەمىندە قانشالىقتى   ارىق بولسا، سونشا جاقسى بولادى. دەنە سالماعىن اقاۋسىز دەنە سالماعى كورسەتكىشى(BMI) كولەمىندەگى ەڭ تومەنگى شەك  ىشىندە ساقتاۋعا قۇلشىنۋ كەرەك.  ەنەرگيا تىعىزدىعى ءبىرشاما تومەن ازىقتىقتاردى (كوكونىس، جەمىس- جيدەك، بۇرشاق تەكتەستەر )تاڭداۋ، قانتتى سۋسىندىقتاردى ىشۋدەن اۋلاق بولۋ، سونىمەن بىرگە جوعارى ەنەرگيالى  ازىقتىقتاردى جەۋدى تەجەۋ ءارى ازىقتىق مولشەرىنە كوڭىل ءبولۋ كەرەك.
 
  ءۇشىنشى قاتەر: تەمەكى تارتۋ. %85 - %90 وكپە راگىنىڭ تەمەكى تارتۋمەن قاتىسى بار. ىرىقسىز تەمەكى ءتۇتىنىن ءسىمىرۋ جۇكتى ايەلدەردىڭ، بوبەكتەردىڭ دەنساۋلىعىن ەرەكشە زياندايدى.
 
  قارسى شاراسى: تەمەكىدەن تيىلۋ راك قاتەرىن ازايتاتىن ەڭ قاراپايىم، ەڭ ۇنەمدى ءارى ەڭ ءونىمدى ءادىس. تەمەكىدەن تيىلساق بارىنە ۇلگىرەسىز، دەنساۋلىق جاعدايى دا تەز ارادا جاقسارادى. ساناققا نەگىزدەلگەندە، ءبىر جىل تەمەكىدەن تيىلسا، ايدارشا ارتەريانىڭ قابىنۋىنان بولاتىن جۇرەك اۋرۋىنىڭ قاتەرىن جارىم  ەسە تۇسىرسە؛ تەمەكىدەن جەتى جىل تيىلعاندا، وكپە راگىنىڭ تۋىلۋ مۇمكىندىگى تەمەكى تارتپايتىنداردىكىمەن ۇقساس دارەجەگە تۇسەدى ەكەن.
 
  ءتورتىنشى قاتەر: جۇعىمدالۋ. ساناققا نەگىزدەلگەندە، راكتىڭ بەستەن ءبىرىن سوزىلمالى حاراكتەرلى جۇعىمدالۋ كەلتىرىپ شىعارادى ەكەن. مىسالى، B ءتيپتى باۋىر قابىنۋىنىڭ ۆيرۋسى باۋىر راگىنە دۋشار ەتسە، اسا    قاتەرلى ومىراۋ ءۇرپىسى وسپە ۆيرۋسىمەن ۇزدىكسىز جۇعىمدالۋ جاتىر مويىنى راگىن پايدا قىلاتىن بىردەن – ءبىر سەبەپ ەكەن.
 
  قارسى شاراسى: سول ۆيرۋسقا قارسى  ۆاكسينانى قويدىرسا، الدىن الۋعا بولادى. دەنەنى تازا ۇستاپ، ەسىرتكىدەن اۋلاق بولۋ، امال بار قان قۇيعىزۋدان جانە قان   ونىمدەرىن ىستەتۋدەن اۋلاق بولۋ كەرەك. بۇدان سىرت، ەڭ جاقسىسى، بولەك تاماقتانۋ ءتۇزىمىن اتقارعان ءجون.
 
   بەسىنشى قاتەر: اراق ءىشۋ. ۇزاق ۋاقىت  اراق ءىشۋ – باۋىردىڭ مايلاسۋىن كەلتىرىپ شىعاراتىن باستى سەبەپ سانالادى. %5 سالماقتى باۋىر مايلاسۋى بىرتىندەپ باۋىر راگىنە اينالۋى مۇمكىن.
 
 
  قارسى شاراسى: اراق ءىشۋدى تەجەۋ    قاجەت. سپيريت قۇرامدى سۋسىندىقتاردى شامالاپ ىشسە، جۇرەك اۋرۋلارىنىڭ الدىن الۋعا كومەگى بار. سپيريت قۇرامدى سۋسىندىقتاردى وقتا-تەكتە كوبىرەك ءىشىپ قويساق تا دەنساۋلىعىمىزعا زالال جەتكىزەدى. اسىرەسە، كەيبىر اراق ىشە سالىسىمەن بەتى قىزارىپ شىعا كەلەتىندەردە وسپەگە وڭاي شالدىعاتىن سەزىمتال گەن بولادى. سوندىقتان بۇندايلار اراقتى قاتاڭ تەجەگەنى ءجون. ەگەر سپيريت قۇرامدى سۋسىندىق ءىشۋ كەرەك بولسا، ەرلەر ءار كۇنى ەكى ستاكاننان اسىرماۋى، ال ايەلدەر ءبىر ستاكانمەن شەكتەلۋى كەرەك.
 
  التىنشى قاتەر: قۋىرداقتى (مىسالى، سيىر ەتى، قوي ەتى)، مانەرلەنگەن ەتتى( ىستاعان، تۇزداعان، بۇزىلۋدىڭ الدىن الاتىن   ءدارى قوسىلعان ەت تۇرلەرى)  كوپ مولشەردە جەسە، توق ىشەك راگىنە وڭاي شالدىعادى.
 

  قارسى شاراسى: اپتاسىنا تۇتىناتىن قۋىرداق 500 (پىسقانداعى سالماعى)گرامنان اسپاۋى، جەگەن كەزدە قارا كەسەگىن تاڭداپ، مايلى جەرىن الىپ تاستاۋدى ۇسىنىس ەتەمىز. بالىق ەتى مەن وسىمدىك سيپاتتى بەلوكتار (مىسالى، بۇرشاقتار) ەت ورنىنا جەۋگە بولاتىن تاماشا تاعامدار.
 
  جەتىنشى قاتەر: تۇزىن شىعارىپ جەۋ. تۇزى مول ازىقتىقتار اسقازاننىڭ كىلەگەي پەردەسىن بۇلدىرەدى، سونداي – اق شالا توتىقتى   ازوت قىشقىلىنىڭ تۇزدارى مەن كوپ ساقينالى حوش ءيىستى كومىر – سۋتەكتەر قاتارلى راك پايدا قىلاتىن زاتتار اسقازان راگىنە وڭاي دۋشار ەتەدى.
 
  قارسى شاراسى:  تۇزدى ازىقتىقتاردىڭ ورنىنا كوكونىس جانە جەمىس – جيدەكتەردى   كوبىرەك جەۋ، مۇمكىندىك بار ۇيدە تاماق پىسىرىپ، جاڭا  كوكونىستەر مەن جەمىس – جيدەكتەردى شيكىزات ورنىنا ىستەتكەن ءجون. دامدەندىرگىش زات، اس كوك، ۋسارىمساق جانە ليمون قاتارلىلاردى تۇز ورنىنا ىستەتۋ نەمەسە تۇزدىڭ مولشەرىن بىرتە- بىرتە ازايتىپ، اس پىسىرعاندا نەمەسە تاماق جەگەن كەزدە ەندىگارى تۇز ىستەتپەۋ كەرەك.
 
  سەگىزىنشى قاتەر: كەيبىر جوعارى دوزاداعى قۋاتتاندىرعىش دارىلەردى ءىشۋ.
 
  قارسى شاراسى: ەڭ جاقسى قورەكتىك  قاينارى – ازىقتىق. قۋاتتاندىرعىش ءدارىنى بايقاپ ءىشۋ، سونىمەن قاتار قاجەتىنە، مولشەرىنە قاراۋ كەرەك. الايدا كەيبىر قۋاتتاندىرعىش دارىلەردىڭ ءىشىنارا ادامدارعا پايداسى بار. مىسالى: جۇكتىلىكتىڭ باستاپقى كەزەڭىندەگى ايەلدەر فولي قىشقىلىن ىشۋىنە بولادى، بۇدان سىرت، ۆيتامين D ازىقتانۋ ارقىلى  قابىلدانبايتىندىقتان، ۇيلەسىمدى مولشەردە قۋاتتاندىرعىش ءدارى ارقىلى تولىقتانادى.
 
  توعىزىنشى قاتەر: ارەكەتتەنبەۋ.
 
  قارسى شاراسى: قيمىل يممۋنيتەت جۇيەسىن كۇشەيتىپ، اسقازان – ىشەكتىڭ اقاۋسىزدىعىن ساقتاپ، سالماقتى تىزگىندەيدى. ءارقانداي تۇردەگى ارەكەتتىڭ ءبارى راكقا شالدىعۋ حاۋپىن تومەندەتۋگە پايدالى. مىسالى،تەز   ءجۇرۋ. ءار كۇنى 60 مينۋت ورتاشا كۇشەمەلىكتەگى قيمىل (مالتاۋ، بيلەۋ، باسپالداقپەن شىعۋ، ءۇي جۇمىستارىن ىستەۋ قاتارلىلار) جاساسا نەمەسە 30 مينۋتتاي شۇعىل ارەكەت    (باياۋ جۇگىرۋ، تاۋعا شىعۋ، ۆەلوسيپەت ءمىنۋ، گيمناستيكا، تەڭبىل دوپ تەبۋ سياقتىلار) جاساسا، ەڭ تاماشا دەنە شىنىقتىرۋ   ونىمىنە قول جەتكىزۋگە بولادى.
 
  ونىنشى قاتەر: ناشار كوڭىل كۇي، مۇقالعان رۋح.
 
  قارسى شاراسى: %90 تەن جوعارى راك اۋرۋى ادامنىڭ پسيحولوگياسى، كوڭىل كۇيمەن قاتىستى كەلەتىندىكتەن، كوڭىل كۇيدى تەڭشەپ، پسيحيكالىق اقاۋسىزدىقتى ساقتاۋ دا راك اۋرۋىنان اۋلاق بولۋدىڭ تاماشا ءادىسى.
 
اۋدارعان-باعدات نۇرمۇقاش ۇلى
 
  رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

     مسالى: «تارباعاتاي اقپارات تورابىنان» الىندى