ەەڭ جاڭا مازمۇندار
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك
كورىنىسى كوركەم ەگىنجاي
ايماقتىق حالىق قۇرىلتايى قىزمەت كوميتەتى 2020-جىلعى 2-رەتكى ءماجىلىسىن اشتى
شاعانتوعاي: كۇمىس شاعالانى قۇتقاردى
تومەنگى قاراۇڭگىر قىستاعى كىشى-گىرىم ىستەردەن ەلەۋلى ناتيجە جاراتتى
كەدەيلەردى سۇيەمەلدەۋ جولىندا شىنايى سۇيىسپەنشىلىگى ارقىلى بۇقارانىڭ سەنىمىنە يە بولدى
ساۋان اۋدانى رايون ىشىندەگى سەلبەستىك ارقىلى ءپايزاۋات اۋدانىنىڭ كەدەيلىكتەن ارىلتۋدان قامال الۋىنا كۇش ۇستەدى
ساقا پارتيا مۇشەلەرىنەن حال سۇرادى
قىستاق تۇرعىندارىنىڭ تازالىق دارەتحاناسىن سالۋىنا كومەكتەستى
«كەلىنى جاقسى ءۇيدىڭ كەرەگەسى التىن»
مىڭ مەترلىك گۇل ءدالىزىنىڭ كوركى كوز تارتادى
تەلەگراف الدامشىلىعىنان ساقتانۋ ۇگىتىن جۇرگىزدى
شي جينپيڭ جۇڭگو-اراب ەلدەرى سەلبەستىك تالقى مىنبەرىنىڭ 9-كەزەكتى مينيستر دارەجەلىلەر ماجىلىسىنە قۇتتىقتاۋ حات جولدادى
شاۋەشەك 995 شۇعىل جاعدايعا توتەپ بەرۋ بويىنشا قۇتقارۋ-كومەكتەسۋ اترەتى قۇرىلدى
شاعانتوعاي: «ۇيرەنۋدە قۋاتتى ەل» ۇيرەنۋ ىنتاسىن قاۋلاتتى
جوعارى مەكتەپ ەمتيحانى باستالدى
قىستاقتا تۇرىپ،بار زەيىنىمەن حالىقتىڭ مۇڭ-مۇقتاجىن شەشتى
ۇلتتار ىنتىماعىنداعى وزات كوللەكتيۆتەر مەن وزات جەكەلەردى ماداقتاپ-سيلادى
قوقىر-قوقسىقتى تۇرگە ايىرۋدى ۇگىتتەدى
بولماشى ءىس _ ارەكەتىمەن ىستىق مەيىرگە بولەپ،كەدەيلىكتەن ارىلۋعا دەم بەردى
وتباسىلارىن ارالاپ،اقىسىز تەكسەرۋ جۇرگىزدى
2020-جىلى 7-ايدىڭ 9-كۇنى 142-سان
ءبارى دە وسىناۋ جاسىل اۋماقتى قورعاۋدىڭ قامى ءۇشىن
رەفورماعا سۇيەنىپ وزگەرىستەرگە توتەپ بەرىپ، جاڭا جاعداي اشىپ، ەكونوميكالىق، قوعامدىق دامۋعا قوزعاۋشى كۇش قوسۋ،ومىرشەڭ كۇش ۇستەۋ كەرەك
شاۋەشەك قالاسى: 500 مەيىر جەتكىزۋ اۆتوموبيلى جوعارى مەكتەپ ەمتيحانىنا دەم بەردى
جوعارى مەكتەپ ەمتيحانى مايدانىنا جەتۋگە كومەك كورسەتىلدى
جازعى استىق جيناۋ-ساتىپ الۋ قىزمەتى ءساتتى جۇرىلۋدە
2020-جىلى 7-ايدىڭ 8-كۇنى 141-سان
عىلىم-تەحنيكا تۇرمىسقا جەتەكشىلىك ەتتى

سۋسىن جانە ىرىمشىك

جولدانعان ۋاقىتى : 2017/6/8 11:52:10

باقىتبەك قۇمارقاجى ۇلى
  قازاق حالقىنىڭ بايىرعى   سۋسىندىقتارى جانە ونىڭ دارىلىك رولدارى

  سۋسىن دەگەنىمىز ءشولدى باسىپ، رۋحتى سەرپىلتۋ ءۇشىن ارناۋلى دايىندالعان ىشىمدىك. ونىڭ قورەكتىك ءارى دارىلىك قاسيەتتەرى ەرەكشە كۇشتى. قىشقىل سۋسىن باۋىرعا پايدالى، اشتى سۋسىن جۇرەككە پايدالى، كەرمەك سۋسىن وكپەگە پايدالى،  ءتاتتى سۋسىن كوكباۋىرعا پايدالى، تۇزدى سۋسىن قالىپتى ىشسە، ساۋ ادامداردىڭ بۇيرەگىنە پايدالى، تەك ونى ورىندى قولدانا بىلۋدە.

  1. قىمىزدىڭ رولى: قىمىز _ قانتامىرداعى كەدەرگىلەردى اشىپ، رۋحتى سەرپىلتەدى.قىمىز قۋاتتى، جاعىمدى رايلى. ول سۋسىندىق ازىقتىق ءارى شيپالى ءدارى.

  قىمىزدىڭ جاسالۋ تۇرلەرى وتە كوپ، ونى تابيعاتىڭىزعا قاراي تالعاپ پايدالانۋىڭىزعا بولادى. قىمىزدا ادام ورگانيزمىنە جان-جاقتىلى اسەر ەتەدى، اس قورىتۋدى، نەرۆ جۇيەلەرىن، جۇرەك-قان تامىرلارىنىڭ قىزمەتىن جاقسارتادى. نەرۆ جۇيەسى اۋرۋلارىنا ەم. تۋبەركۋلەز اۋرۋىنا شالدىققاندار قىمىزدى ۇزبەي ءىشىپ وتىرسا، تۋبەركۋلەز تاياقشا ميكروبى اسەرىنەن بۇزىلعان زات  الماسۋدى رەتكە سالادى. جۇرەك-قان تامىر جۇيەسىنىڭ قىزمەتىن قالپىنا كەلتىرەدى ءارى دەنە ورگانيزمىندە جۇرىلەتىن فيزولوگيالىق بيوحيميالىق بارىستى كۇشەيتەدى.

  2. ايراننىڭ رولى: ايران  _  سيىر، قوي، ەشكى ءسۇتىن ساۋىپ العاننان كەيىن جاقسى پىسىرىپ، سالقىنداتىپ بارىپ ۇيتقى قوسىپ اشىتادى. ايران ءتاتتى ءدامدى، جىلى رايلى، جاعىمدى سۋسىن ءارى قۋاتتىق تاعام. اسقازاندى كۇشەيتىپ،  باۋىردىڭ قۋاتىن ارتتىرىپ، بۇيرەك قىزمەتىن جاقسارتادى، اس قورىتۋعا پايدالى.

  3. قاتىقتىڭ (سۇزبەنىڭ) رولى: قاتىق _ ۇيىعان ايراندى ءسۇزىپ، سارى سۋىن  شىعارعاننان كەيىنگى ءسۇزىندىنى قاتىق  نەمەسە سۇزبە دەپ اتايدى. قايناعان سۋ، تۇز قوسىپ شالاپ جاساپ،سۋسىن ءارى دارىلىك تاعام ءۇشىن پايدالانادى. بۇل    ءشولدى باسىپ،دەنەنى قۋاتتاندىرادى.
  4.شۇباتتىڭ رولى: شۇبات _ تۇيە   سۇتىنەن عانا اشىتىلاتىن سۋسىن ءارى شيپالىق دارىلىك تاعامدار قاتارىنا جاتادى. تۇيءسۇتىنىڭ ماي قۇرامى، كالتسي قۇرامى جوعارى بولىپ، قىمىز سياقتى شۇبات تا سۋسىندىق ءارى شيپالى ءدارى. ول ىشەك، اسقازان، وكپە اۋرۋلارىنا، كالتسي قۇرامى كەم بولعان اۋرۋلارعا توتەنشە شيپالى. ىستىق سوعىپ اۋىرعان ادامنىڭ ماڭدايىنا (ەڭبەگىنە)، جۇرەك تۇسىنا شۇبات كوپىرشىگىن جاعىپ، سالقىن جەردە تىنىقتىرسا،تەز سەرگىپ،  ساۋىعىپ كەتەدى.

  جوعارىداعىدان باسقا سۇتتەن جاسالعان كوكىردىڭ قورەكتىك قۇرامى ەڭ جوعارى بولادى، قالىپتى ىشسە قاندى وڭاپ،ميكروبتى جويىپ،دەنەنى قۋاتتاندىرۋدا تابىلمايتىن كۇشتى دارىلىك تاعامداردىڭ ءبىرى.

   5. بوزانىڭ رولى: بوزا _ تارى،كۇرىش، جۇگەرى،قوناق قاتارلى استىقتاردان جاسالاتىن تاعام ءارى سۋسىن. بوزا قۇرامىندا تيىرمەنگە تارتىلعان تارى نەمەسە قوناق،جۇگەرى جارماسى بولادى. بۇلاردى سۋعا قايناتىپ،قويۋ بوتقا جاسايدى. وعان اشىتقى (سۋعا ءبورتتىرىپ وندىرگەن تارى، ءبيداي، ارپادان جاسالعان اشىتقى) قوسىلادى. بوزا  مولشەرمەن 8 ساعاتتا اشيدى.  وعان قايناعان سۋ قوسىپ ارالاستىرادى دا، تازا ىدىسقا ءسۇزىپ قويادى. بوزانى ساقتالۋىنا جانە جاسالۋى، دايىندالۋ تەحنيكاسىنا قاراي، جاس بوزا جانە قورلانعان بوزا دەپ اتايدى.  جاس بوزانىڭ كۇشى 4 تە 6 سەلتسي گرادۋس، قورلانعان بوزا 12 دە 15 سەلتسي گرادۋس بولادى. بوزا _ قازاق، قىرعىز، سالا، حۇيزۋ حالىقتارىنىڭ ۇلتتىق سۋسىنى، قالىپتى ىشسە ءشولدى باسىپ رۋحتى سەرپىلتەدى.

   6.ءبيداي كوجەنىڭ رولى: ءبيداي    كوجە _ ءبيدايدى شاڭ-توزاڭنان تازارتىپ، ازداپ سۋ سەۋىپ دىمقىلداپ،كەلىگە ءتۇيىپ تۇكتەپ،قاۋىزىن شىعارىپ،جەلپىپ تازارتادى. قىپىق پەن قاۋىزدان تازارتىلعان ءبيدايدى از مولشەردە سۋ قۇيىپ كەلىگە ءتۇيىپ قايتا جانشيدى. وسىلاي جانشىلعان ءبيدايدى سۋعا نەمەسە سۇتكە سالىپ باپپەن قايناتىپ پىسىرادى. كوجە پىسقان سوڭ ايران، قاتىق، مەيىز، تۇز قوسىپ ىشەدى. اشىعان ءبيداي كوجە ءتىپتى دە جاعىمدى ءارى   دارىلىك تاعامدىق قاسيەتكە يە،دەنەنى    قۋاتتاندىرىپ، ءشولدى باسىپ، رۋحتى سەرپىلتەدى.

  7.ارپا كوجەنىڭ رولى: ارپا كوجە _   ارپانى سۋعا قايناتىپ، پىسىرىپ دايىنداۋ  بارىسى بەينە ءبيداي كوجەنى جاساۋ ادىسىمەن ۇقساس بولادى. ارپا كوجە جۇرەك اۋرۋىنا، قان قىسىم اۋرۋىنا، قان قۇرامىنداعى حولەستريندى تومەندەتۋگە پايدالى. دارىلىك رولى ءبيدايعا قاراعاندا ءتىپتى دە كۇشتى.

  8. تارى كوجەنىڭ رولى: تارى كوجە _ اقتالعان تارىدان 150 گرام، ءبىر ليتر سۋ، 100 گرام قاتىق، 15 گرام تۇز قوسىپ قايناتىپ ىشسە، كوزدىڭ كورۋ قۋاتىن ارتتىرىپ، ءشول باسۋ، دەنەنى قۋاتتاندىرۋداي دارىلىك رولى بار.

  9. كۇرىش كوجە: كۇرىش كوجەنىڭ  رولى _ دايىنداۋ بارىسى ءبيداي كوجەنى جاساۋمەن ۇقساس، ايتسەدە كۇرىش كوجە جاساۋ ءۇشىن ونشالىقتى كوپ كۇش كەتپەيدى. ادەتتە كۇرىش كوجەنى 100 گرام كۇرىش، ءبىر ليتر سۋ، 0.5 ليتر ايران (قاتىق)، 15 گرام تۇز، 50 گرام ءجۇزىم   قاتارلىلاردى قوسىپ جاسايدى. كۇرىش كوجەنىڭ ىستىق قايتارۋ، دەنە سۋسىزدانۋىنىڭ الدىن الۋ، ءشولدى باسۋ، دەنەنى قۋاتتاندىرۋداي تاعامدىق ءارى ەمدىك رولى بار.

  10. بۇرشاق كوجەنىڭ رولى: بۇرشاقتىڭ ءتۇرى كوپ: قىزىل بۇرشاق، جاسىل بۇرشاق، كوك بۇرشاق، قارا بۇرشاق، ورمە بۇرشاق، قۇرعاق ات بۇرشاق، تۇيە بۇرشاق قاتارلىلار. بۇرشاقتىڭ قۇرامىندا كوپتەگەن پايدالى ەلەمەنتتەر بار. تاۋ بۇرشاعى بارىنەن قۇندى. جاسىل بۇرشاقتان جاسالعان كوجە ىستىقتى قايتارادى، ونىڭ ىستىقتى  باسىپ، ۋىتتى قايتارۋ، باۋىردى جاقسىلاۋ رولى بار. ءشولدى باسىپ، سۋسىن بولۋدان تىس،جاعىمدى دارىلىك تاعامداردىڭ ءبىرى. كىشى قىزىل بۇرشاقتان جاسالعان كوجەنىڭ كوكباۋىر فۋنكتسياسىن جاقسىلاپ،نەسەپتى جۇرگىزۋ، دەزينفەكسيالاۋ، ۋىت قايتارۋ رولى بار سۋسىندىق ءارى دارىلىك تاعام  ەسەپتەلەدى. سوندىقتان جازدىڭ ىستىق كۇندەرى بۇرشاق كوجەسىن ءىشىپ تۇرۋدىڭ دارىلىك نەگىزى مەن زاڭدىلىعى بار.

  قازاق حالقىنىڭ بايىرعى   تاعامدارىنىڭ ‘بىرى ىرىمشىك

  ىرىمشىك _ قازاق حالقىنىڭ ەرەكشە ءتۇس العان ءسۇيىپ جەيتىن تاعامدارىنىڭ ءبىرى. ونىڭ ازىقتىق قۋاتى جوعارى بولعاندىقتان،مالشىلار قاۋىمى ىرىمشىكتى  قىس كۇندەرى كوبىرەك جەيدى. ىرىمشىكتىڭ اس قورىتۋ ورگاندارىنىڭ قىزمەتىن جاقسارتاتىن، ءتىستىڭ بوساپ ءتۇسىپ قالۋىنىڭ الدىن   الاتىن قاسيەتتەرى بار. ىرىمشىك  الىپ جۇرۋگە، ساقتاۋعا قولايلى بولعاندىقتان، جولاۋشى جۇرگەندە، اڭعا شىققاندا، اۋىل ارا سالەمدەمەلەرگە كوبىرەك قولدانىلادى.

  ىرىمشىكتىڭ جاسالۋ  تۇرلەرى

  ىرىمشىك ۇلكەن جاقتان اق ىرىمشىك، قىزىل ىرىمشىك بولىپ ەكى تۇرگە بولىنەدى.
  1. اق ىرىمشىك _ مال تولدەپ، ءتولىن ۋىزعا تويدىرىپ بولعان سوڭ قوي، ەشكى، سيىردىڭ جاڭا ساۋعان سۇتتەرىنەن دايىندالادى. قايسى تۇلىكتىڭ ءسۇتى بولسا دا   بولادى. بۇل دايىندالعان سۇتتەردى جەر وشاقتاعى قازانعا قۇيىپ، وشاقتىڭ استىنا وت جاعىپ قازانداعى ءسۇتتى ءبىر قايناعاننان كەيىن، قايناعان ءسۇتتىڭ ۇستىنە ءسۇتتىڭ مولشەرىنە قاراي ءبىر اياق (ءبىر شىنى)، نەمەسە جارىم اياق (جارىم شىنى) ايران  قۇيىپ، ءسۇت ابدەن ىرىگەندە الاشا دورباعا (قازاقتىڭ قول توقىعان دورباسى)، شىپتاعا (جىپپەن توقىعان ءشي) نەمەسە داكى دورباعا ءسۇزىپ، جارىم كۇن، كەشكى ءسۇت بولسا ءبىر تاڭ اتقانشا قويىپ، سارى سۋىنان ابدەن اجىراعان سوڭ ىرىمشىك جاسايدى.

  اق ىرىمشىك ەكى ءتۇرلى جاسالادى.

   (1)كەسەك ىرىمشىك

  ابدەن ءسۇزىلىپ سارى سۋىنان ارىلعان سۇزبەنى دوربادان نەمەسە شىپتادان الىپ شىعىپ، دوڭگەلەكتەپ نەمەسە ءتورت بۇرىشتاپ تۋراپ، ورەگە كەپتىرەمىز (ورە  دەگەنىمىز ءتورت اشا اعاشتى كيىز ءۇيدىڭ الدىنا ورناتىپ،اعاشتىڭ اشاسىنا ەكى ۇزىن اعاشتى ورنىقتىرىپ، كولدەنەڭ ءتورت-بەس اعاش ولشەپ قويىپ، ۇستىنە شيدەن توقىعان شىپتا قويىپ جاسايدى) دايىندالىپ جاسالعان ىرىمشىكتەردى ورەگە جايىپ كەپتىرەدى. ءبىراز توبارسىپ كەبە باستاعاندا، دوڭگەلەك جانە ءتورت بۇرىشتاعان ىرىمشىكتەردىڭ ورتاسىنان تەسىپ، ءجۇن ءجىپ وتكىزىپ، دوڭگەلەگىن ءبىرىڭعاي، ءتورت بۇرىشىن ءبىرىڭعاي بەس-وننان ءتىزىپ جانە كەپتىرەدى. ىرىمشىك ابدەن كەپكەندە، جاقسى كەپكەنىنە پىشاق وتپەيتىندەي بولادى. كۇز،قىس مەزگىلىندە بالالار مۇجىپ،  سورىپ جەيدى. ۇلكەن ادامدار ىستىق شايعا ءجىبىتىپ جەيدى.

   (2)ۇساقتاعان اق ىرىمشىك

  ابدەن ءسۇزىلىپ سارى سۋىنان ارىلعان سۇزبەنى دوربادان نەمەسە شىپتادان الىپ شىعىپ، قولمەن ۇنتاقتاپ، شىپتاعا كەپتىرەدى، ابدەن كەۋىپ بولعان سوڭ دورباعا سالىپ دايىنداپ الادى. بۇل ۇساق ىرىمشىكتى كوبىنەسە كۇز، قىس مەزگىلدەرىندە، تارىعا ارالاستىرىپ، تاڭەرتەڭ-كەش شايعا سالىپ، تارىمەن بىرگە ءجىبىتىپ جەيدى. 

  2. قىزىل ىرىمشىك _ مال تولدەپ،  ءتولىن ۋىزعا تويدىرىپ بولعان سوڭ، قوي،ەشكى، سيىردىڭ جاڭا ساۋعان سۇتتەرى دايىندالادى. قايسى تۇلىكتىڭ ءسۇتى بولسا دا بولادى. بۇل دايىندالعان سۇتتەردى جەر وشاقتاعى قازانعا قۇيىپ، وشاقتىڭ استىنا وت جاعىپ،قازانداعى ءسۇتتى ءبىر قايناعاننان كەيىن،قايناعان ءسۇتتىڭ ۇستىنە ءسۇتتىڭ مولشەرىنە قاراي ءبىر اياق (ءبىر شىنى) نەمەسە جارىم اياق (جارىم شىنى) ايران قۇيىپ،ءسۇتتى ابدەن ءىرىتىپ قايناتادى. قىزىل ىرىمشىك  ادەتتەگى قىزىل ىرىمشىك جانە  مايەكتى قىزىل ىرىمشىك بولىپ ەكى تۇرگە بولىنەدى. ادەتتەگى جاعدايدا كوبىنەسە جازعىتۇرىم جاسالادى. ءسۇتتىڭ  قاينارى مول بولسا قايسى ماۋسىمدا جاساي بەرۋگە بولادى.

  ادەتتەگى قىزىل ىرىمشىك جوعارىداعىمەن ۇقساس،دايىندالعان سۇتكە لايىعىنا قاراي ايران قۇيىپ، سارى سۋى سۋالعانشا قايناتقاندا، ءوڭى قىزىل نەمەسە سارعىش قىزىلعا اينالادى. قايناتۋ بارىسىندا كۇيىپ نەمەسە قارلىعىپ قالماۋ ءۇشىن ارلاستىرىپ تۇرۋ كەرەك.

  مايەكتى قىزىل ىرىمشىكتىڭ جاسالۋ بارىسى جوعارىداعىمەن ۇقساس بولىپ، ۇقسامايتىن جەرى، ءسۇت ءىرىپ بولعان سوڭ سوعىمنان قالعان قويدىڭ مايلى ءتوس شاندىرىنان ءبىر كەسەك الىپ (جاس مالدىڭ مايلى ءتوس  شاندىرى بولسادا بولادى)، قازانداعى ىرىگەن سۇتپەن بىرگە سارى سۋى سۋالعانشا قايناتقاندا مايلى قىزىل ىرىمشىك بولىپ شىعادى.

  قىزىل ىرىمشىكتىڭ جاسالۋ جولدارى ەكى ءتۇرلى بولادى.

  (1)كەسەك قىزىل ىرىمشىك _ قايناپ سارى سۋىنان ارىلعان قىزىل ىرىمشىكتى  قازاننان الىپ، كەسەك-كەسەگى بويىنشا ورەگە جايىپ كەپتىرەدى. توبارسىپ كەپكەن سوڭ ءجۇن جىپكە ءتىزىپ،جالعاستى كەپتىرەدى. كەۋىپ بولعان سوڭ دورباعا سالىپ الادى. ودان كەيىن داستارقانعا سالۋعا، جەۋگە نەمەسە سالەمدەمەگە سالۋعا دايىندايدى. نەگىزىنەن  كۇز، قىس مەزگىلدەرىندە كوپ جەۋگە پايدالانىلادى.

    (2) ۇساتىلعان قىزىل ىرىمشىك _  قايناپ سارى سۋىنان ارىلعان قىزىل ىرىمشىكتى قازاننان الىپ، كەسەك-كەسەك   ىرىمشىكتەردى قولمەن ۇساتىپ، ورەگە جايىپ كەپتىرەدى. ابدەن كەۋىپ بولعان سوڭ، دورباعا سالىپ جەۋگە دايىندايدى. ۇساتىلعان قىزىل ىرىمشىكتى نەگىزىنەن، تارىعا قوسىپ تاڭەرتەڭ-كەشكە شايعا سالىپ ءجىبىتىپ جەيدى. سيلى قوناقتارعا نەمەسە سالەمدەمەگە بەرەدى.

  3. ىرىمشىكتىڭ رولى

  ىرىمشىكتىڭ قۇرامىنداعى ماي مولشەرى ونىڭ قاي مالدىڭ سۇتىمەن جانە قالاي   دايىندالعانىنا بايلانىستى. ىرىمشىك مايىنىڭ ەرەكشەلىگى  دە ماي قىشقىلىمەن كوپ   قانىققاندىعىندا، ونداي مايلار قوي سۇتىنەن جاسالعان ىرىمشىكتە  كوپ كەزدەسەدى. ىرىمشىك نەگىزىنەن تابەتتى اشادى،قارىندى اشىرمايدى. قۇرامىندا بەلوك مول بولعاندىقتان،دەنەنى قۋاتتاندىرىپ،قارسىلىق قۋاتتى ارتتىرادى. بالالار  جانە قارتتاردىڭ كالتسي تولىقتاۋىنا تاماشا ءدارى ەسەپتەلەدى.

  رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مسالى: «تارباعاتاي اقپارات تورابىنان» الىندى


 
 
powered by IlgharCMS 3.2 www.ilghar.cn