ورتالىق كوميتەتتىڭ ۇيىمداستىرۋ ءبولىمى، ادام كۇشى جانە قوعامدىق قامتاماسىزداندىرۋ مينيسترلىگى، مەملەكەتتىك ونەركاسىپ – ساۋدا باس مەكەمەسى، مەملەكەتتىك ۇكىمەت قىزمەتكەرى مەكەمەسى جاقىندا بىرلەسىپ «ۇكىمەت قىزمەتكەرى قىزمەتتەن بوساعاننان كەيىن كاسىپپەن شۇعىلدانۋىن جۇيەگە ءتۇسىرۋ جونىندەگى پىكىردى» باسىپ شىعارىپ، ۇكىمەت قىزمەتكەرى قىزمەتتەن بوساعاننان كەيىن كەمىندە 2 جىلعا دەيىن بۇرىنعى قىزمەتىمەن قاتىسى بار پايدا تاباتىن كاسىپپەن شۇعىلدانۋىنا بولمايتىنىن جاريالادى.
پىكىردە بىلاي دەلىندى: ءار دارەجەلى ورگاندارداعى باسشىلىق القاسىنىڭ مۇشەسى بولعان ۇكىمەت قىزمەتكەرلەرى، سونداي-اق اۋدان، باسقارما دارەجەلىدەن جوعارى ۇكىمەت قىزمەتكەرلەرى ۇكىمەت قىزمەتىنەن بوساعاننان كەيىنگى 3 جىل ىشىندە، بۇرىن ءوزى مىندەت اتقارعان ورىنعا قاراستى رايوندارداعى جانە كاسىپ سالاسىنداعى كاسىپورىنداردىڭ، دانەكەر قۇرىلىمداردىڭ نەمەسە باسقا دا پايداعا كەنەلۋگە بولاتىن ۇيىمداردىڭ قىزمەتكە ۇسىنىس ەتۋىن قابىلداۋىنا بولمايدى، بۇرىن ءوزى مىندەت اتقارعان ورىننىڭ باسقارۋىنداعى كاسىپ سالاسىنا قاتىسى بار پايداعا كەنەلەتىن قيمىلدارمەن شۇعىلدانۋىنا بولمايدى؛ باسقا ۇكىمەت قىزمەتكەرلەرى ۇكىمەت قىزمەتىنەن شەگىنگەننەن كەيىنگى 2 جىل ىشىندە، بۇرىنعى قىزمەت سالاسىنا قاتىستى كاسىپورىنداردىڭ، دانەكەر قۇرىلىمداردىڭ نەمەسە باسقا دا پايداعا كەنەلۋگە بولاتىن ۇيىمداردىڭ قىزمەتكە ۇسىنىس ەتۋىن قابىلداۋىنا بولمايدى، بۇرىنعى قىزمەت سالاسىنا تىكەلەي قاتىسى بار پايداعا كەنەلەتىن قيمىلدارمەن شۇعىلدانۋىنا بولمايدى.
«ءتاڭىرتاۋ تورابىنان»
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى