ەرىكتى ءتىلشى شۇي ۋىن حابارلايدى. 7-ماۋسىم كۇنى ساۋان اۋدانى سىداۋحىزى قالاشىعى يۇڭشىڭ قىستاعىنىڭ قىستاق كوميتەتى كەڭسەسىنە جينالعان ەگىنشىلەر اۋداندىق اۋىل شارۋاشىلىق مەكەمەسىنىڭ تەحنيگى پان جيانچۇنعا: «ماقتاعا قاي ۋاقتا، قانشا ءدارى شاشقان ءجون؟»،«ماقتاما دەرت ءتۇستى،قايسى دارىلەردى ىستەتكەنىم وڭ؟» دەگەن سۇراقتاردى باستىرمالاتىپ جاتتى.
قازىر ماقتا قاۋىرت وسەتىن ءارى دەرت-دەربەزگە وڭاي شالىناتىن مەزگىل. وسى جاعدايدى ەسكەرگەن ايماقتىق اۋىل شارۋاشىلىق مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ،توعىستىرۋ» قىزمەت اترەتى وزدەرىنىڭ كاسىپتىك ابزالدىلىعىن تولىق ساۋلەلەندىرىپ، ساۋان اۋداندىق اۋىل شارۋاشىلىق مەكەمەسىنىڭ تەحنيكا جالپىلاستىرۋ ورتالىعىنان پان جيانچۇن زەرتتەرمەندى ۇسىنىس ەتىپ، شارۋالارعا ماقتانى باپتاۋ جونىنەن ساباق وتكىزىپ، ناق مايداندا سۇراۋلارىنا جاۋاپ قايتارتتى.
وسى رەتكى كۋرستا پان جيانچۇن ماقتانىڭ كوكتەۋ، ءوسىپ-جەتىلۋ بارىسى، دەرت-دەربەزدەن ساقتانۋ سياقتى ناقتىلى جاعدايعا بىرلەستىرە وتىرىپ، باسقى سۋىن لايىقتى بەرۋ، دەرت-دەربەزدەن ۇيلەسىمدى ساقتانۋ سياقتى مازمۇنداردى قاراپايىم تىلمەن تاپتىشتەپ ءتۇسىندىرىپ، ماقتانى باپتاۋ بىلىمدەرىن جالپىلاستىردى.
قىستاق تۇرعىنى ياڭ شۋچيڭ: «قىزمەت اترەتى مەن قىستاعىمىز وسى رەتكى تەحنيكالىق تاربيەنى ۋاعىندا ورنالاستىردى. ماماننىڭ ساباعى دا كوپتەگەن ماسەلەلەرىمىزدى شەشىپ بەردى» دەدى.
قىستاق كوميتەتىنىڭ مەڭگەرۋشىسى ياڭ شۋگۇي: «ماقتا _ ەكونوميكالىق كىرىسىمىزدىڭ نەگىزگى قاينارى، وسى رەتكى كۋرستىڭ ءونىمى وتە جاقسى بولدى. مۇنان بىلاي دا وسىنداي قيمىلداردى مولىنان وتكىزسەك دەپ وتىرمىز» دەدى.
قىستاق پارتيا ياچەيكاسىنىڭ ءبىرىنشى شۋجيى لي شۋانلى: «ءوندىرىستى جەبەپ، مول ءونىم الۋعا كەپىلدىك ەتۋ _ بۇقارالىق قىزمەتتى جاقسى ىستەۋدەگى ماڭىزدى مىندەتتەردىڭ ءبىرى. مۇنان كەيىن وسىنداي تەحنيكالىق كۋرستاردى مولىنان ۇيىمداستىرىپ، جۇرتشىلىقتىڭ جولىققان ماسەلەلەرى مەن قيىنشىلىقتارىن ۋاعىندا شەشىم ەتىپ، پارتيا مەن جۇرتشىلىقتىڭ،كادرلار مەن جۇرتشىلىقتىڭ قاتىناسىن نىعايتا تۇسەمىز» دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى