ەەڭ جاڭا مازمۇندار
2018-جىلى 10-ايدىڭ 19-كۇنى 229-سان
حاۋىپسىز ءوندىرىس قىزمەتىنە باسا ءمان بەردى
مول ءونىم شاتتىعىنا شومدى
شينجياڭعا كومەككە كەلگەن وقىتۋشىلار رولىن بەلسەنە ساۋلەلەندىردى
كەستەشى قىز كەستەسىمەن باقىتتى تۇرمىسىن كەستەلەۋدە
عىلىم-تەحنيكا كورمەسى ساۋان اۋدانىندا اشىلدى
2018-جىلى 10-ايدىڭ 18-كۇنى 228-سان
عىلىم-تەحنيكانىڭ ءتىلسىم كۇشى بالا ارمانىنا قانات ءبىتىردى
وقۋ-اعارتۋ شەبىن تاپجىلماي قورعاپ، يدەيا قامالىن بەكەمدەيمىن
باس نىسانانى جۇزەگە اسىرۋعا ايبىندى كۇش ۇيىستىرايىق
باس نىسانانى بەكەم، باتىل تياناقتاندىرامىن
وڭ ەنەرگيا جەتكىزىپ، ۇلتتار ىنتىماعىن قورعايمىن
ايماق ەكونوميكالىق قىزمەتتى ىلگەرىلەتۋ ءماجىلىسىن اشتى
ايماعىمىزدىڭ ماقتا جيناۋ جۇمىسى جاپپاي باستالدى
قۇلىستاي قويناۋى بەزگەلدەكتىڭ قۇت مەكەنىنە اينالدى
2018-جىلى 10-ايدىڭ 17-كۇنى 227-سان
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق كەدەيلەردى سۇيەمەلدەۋ- وركەندەتۋگە باسشىلىق ەتۋ گرۋپپاسى ءماجىلىسىن اشتى
حاۋىپسىز ءوندىرىس قىزمەتىن جاقسى ىستەدى
قالا تۇرعىندارىنا تازا دا جانعا جايلى ورتا جاراتتى
قاتىناس كولىكتەرىنىڭ قاتىستى كۋالىكتەرىنە تەكسەرۋ جۇرگىزدى
جاسىل، ورگانيكالى ونىمدەر شارۋالاردىڭ اۋقاتتانۋىنا جارقىن جول اشتى
كۇزگى جيىن-تەرىن مەزگىلىندەگى قاتىناس حاۋىپسىزدىگىنە كەپىلدىك ەتتى
ايماق كەدەيلەردى سۇيەمەلدەۋ سالاسىنا باقىلاۋ جۇرگىزۋ، ءتارتىپ اتقارۋ، جاۋاپكەرلىكتى قۋزاستىرۋ قىزمەتى جونىندەگى ءۇشىنشى رەتكى تاراۋلار بىرلەسكەن ءماجىلىسىن اشتى
ءدوربىلجىن اۋدانى باعىمشىلىق كاسىبىن زەردەلى باسقارۋدى الدىمەن اتقاردى
2018-جىلى 10-ايدىڭ 16-كۇنى 226-سان
2018-جىلى 10-ايدىڭ 15-كۇنى 225-سان
2018-جىلى 10-ايدىڭ 13-كۇنى 224-سان
2018-جىلى 10-ايدىڭ 12-كۇنى 223-سان
ساحارانىڭ كوز تارتقان كۇزگى كورىنىسى

بويجەتكەندەرگە كەڭەس

جولدانعان ۋاقىتى : 2017/6/14 12:03:35

تۇركىستان قايىسپاي ۇلى
 
  قىز بالانى حالقىمىز «قىزى بار اۋىل كوڭىلدى، قىز قىلىعىمەن سۇيكىمدى، قىزدىڭ ەرلىگى قىرىق جاسىندا بىلىنەدى، ايەل دەمەي الدىنا جاۋ جۇگىنەدى، قىز حالىقتىڭ دا، ساۋىقتىڭ دا گۇلى، گۇل وسسە جەردىڭ كوركى، قىز وسسە ەلدىڭ كوركى»  دەپ جاتامىز، ەندى بىردە قىز _ قوناق دەپ تورىنە شىعارىپ، قىز تورىنە شىققان ۇيدە قۇت قالادى دەپ قادىرلەگەن. ءيا، قىز بالا _   بولاشاق انا. سوناۋ تاريحتا اتى قالعان قىزاي _ انا، اباق _ انا، تاس _ انا،ءداريعا _ انا. مىنە، بۇلار  بۇكىل ەلگە ۇران بولعان، كىندىگىنەن ۇرپاق ءوسىپ-ونگەن اسىل انالار. سوندىقتان بۇگىنگى قىز _ ەرتەڭگى انا،بالاسىنا دۇرىس تاربيە بەرۋ ءۇشىن، ول بويىنا ىزگى قاسيەتتەردى جيىپ ءوسۋى كەرەك. ءبىز بۇگىن نازىك جاندى  قىزدارىمىزعا كۇندەلىكتى ومىرىنە قاجەتتى كەز كەلگەن ورتادا ءوزىن جاقسى قىرىنان تانىتا الاتىن،ءوزىن ادەمى كورسەتۋگە كەڭىرەك كەڭەستەردى ۇسىنباقپىن. حالىق  دانالىعى قورىتىندىلاعان بۇل كەڭەستەرىمىزگە قۇلاق سالىڭىز: كوڭىلدى بولىڭىز. ۇنەمى  ءوزىڭىزدى بەلسەندى ءارى سەنىمدى ۇستاڭىز. قاسىڭىزداعى ادامدار ءسىزدىڭ بويىڭىزدان  ۇنەمى جاقسى كوڭىل كۇيدى سەزىنسىن،  ءتىپتى ءسىزدى ەسكە العاندا،
كوز الدىنا شۋاقتى كۇن ەلەستەيتىندەي ادام بولۋعا قۇلشىنىڭىز.

  ەڭسەڭىزدى تۇسىرمەڭىز. ەڭ كەرەمەت قىزدار ۇنەمى ەڭسەسىن بيىك ۇستاپ، تەك قانا العا قارايدى.

  ەرنىڭىزگە ەرەكشە ءسان بەرەتىن جىلتىر ەرىن بوياۋىن جاعۋدى ۇمىتپاڭىز. مۇنداي ادەمى ەرىندەردەن شىققان يبالى سوزدەردى جىگىتتەر ەستۋدەن جالىقپايدى.

  باسقالاردىڭ دا ءسوزىن تىڭداي ءبىلىڭىز. وزگە ادامنىڭ دا ويىن سيلاي ءبىلىڭىز. ءوز پىكىرىڭىزدى تىقپالاي بەرمەڭىز.

  قاسىڭىزعا كۇتىم جاساۋدى ۇمىتپاڭىز. كوز _ بۇل ىشكى دۇنيەنىڭ جان ايناسى.

  وزگەرۋدەن قورىقپاڭىز. ءاردايىم قۇلشىنا العا جىلجىڭىز،ءار قىرىڭىزدان تانىلۋعا ۇمتىلىڭىز. ۇنەمى ىزدەنۋ ۇستىندە بولىڭىز.

  ءوز ءىسىڭىز بولسىن. وزىڭىزگە ساي ءيىس سۋدى تاۋىپ، ۇنەمى قولدانۋدان باس تارتپاڭىز. سەبەبى،كەز كەلگەن ءيىس بەلگىلى ءبىر ادامدى ەسكە تۇسىرەدى.

  بەتىڭىزگە وپا-دالاپ جاقپاڭىز. كوپ ۋاقىتىڭىزدى تازا اۋادا سەرۋەندەۋگە جۇمساڭىز. تازا اۋا بەتىڭىزگە تابيعي ادەمى ءوڭ بەرەدى.

  ءوزىڭىز قىزىعاتىن ءىسىڭىز بولسىن. مىسالى،دالا سەيىلىن قۇرىڭىز، جاز كۇندەرى وزەن سۋلارىنا شومىلىڭىز.

  ەشكىمگە ەلىكتەمەڭىز. وزىڭىزگە جاراسىمدى، ەرەكشە ستيل تابىڭىز.

  ۋاعىندا دۇرىس تاماقتانىڭىز. اياق الىسىڭىزعا مۇقيات بولىڭىز. ءجۇرىسىڭىز نازىك جاندى قىزعا ساي ادەمى بولسىن. كوشەدە تومەن  قاراپ جۇرمەڭىز، ەڭسەڭىزدى تۇسىرمەڭىز، سابىرلى ءجۇرىڭىز.

  كوپ ءبىلىم الىڭىز. كوپ مالىمەت بەرىپ، ءتۇرلى تاقىرىپتا اڭگىمە قوزعاي الاتىن اداممەن ءاردايىم سويلەسكەن قىزىق.

  ماقساتىڭىز بولسىن. الدىڭىزعا ماقسات  قويىپ، سول باعىتقا قاراي جىلجىڭىز. ماقسات بار ادامدار تارتىمدى كورىنەدى.

  اسپازدىق ونەرىڭىز بولسىن. تىم بولماعاندا ءبىر تاعامدى ءدامدى دايىنداپ، دوستارىڭىز بەن وتباسىڭىزدى قۋانتىڭىز.

  شاش ۇلگىڭىز وزىڭىزگە ساي بولسىن. قۇپيا قالپىڭىزدى ساقتاي ءبىلىڭىز. جىگىتپەن ءبىرىنشى رەت كەزدەسكەن ساتتە ءوزىڭىز تۋرالى بارلىق مالىمەتتى جايىپ سالۋدان ساق بولىڭىز، جىگىتتەرگە قۇپيالىعى باسىم قىزدار ۇنايتىنىن ەستەن شىعارماڭىز.

  تەز اشۋلانىپ كەتپەڭىز. قانداي جاعداي   بولماسىن سابىرلىلىق قالپىڭىزدى ساقتاي ءبىلىڭىز. تىم اقىلدى بولىپ كەتپەڭىز. جىگىتتەرگە ءوزىن تىم اقىلدى كورسەتەتىن قىزدار مۇلدەم ۇنامايدى.  ءبارى ءوز ورنىمەن بولعانى دۇرىس.

  دوستارىڭىز بەن تۋىستارىڭىزعا تارتۋ ۇسىنا ءبىلىڭىز. مەيلى كىشى-گىرىم قولدان جاساعان تارتۋ بولسادا ۇسىنىپ،قۋانا دا قۋانتادا ءبىلىڭىز. سەبەپسىز وقىس قيمىل جاساۋدان ساق بولىڭىز. مىسالى، قولىڭىزبەن داستارقانداعى نان ۇگىندىلەرىن جيناماڭىز، مۇرنىڭىزدى  شۇقىماڭىز، سىرت كوزگە سولەكەت كورىنەدى.

  تىم اشىق كيىنبەڭىز. قولىڭىزدى كۇتىمدەڭىز،ۇنەمى كۇلىمسىرەپ ءجۇرىڭىز. اينالاڭىزداعى ادامدار ءسىزدىڭ جايدارمان ەكەندىگىڭىزدى ءبىلسىن. ءوزىڭىز تۋرالى از سويلەڭىز، ادامدار وزدەرى اڭگىمەلەسەتىن بولسىن.

  جىلاماڭىز، كەيبىر قىزدار جىلاپ جىگىتتىڭ اياۋشىلىعىن تۋدىرامىن دەپ ويلايدى،ءىس جۇزىندە وعان جىگىت بوساي قويمايدى.

  ۇناعان جىگىتتىڭ كوزىنە تىك قاراپ ۇيرەنىڭىز. باسقا جاققا قاراۋ ول ادامنىڭ جىگەرسىزدىگىن بىلدىرەدى. ماقتاي ءبىلىڭىز. اينالاداعى  ادامداردىڭ تينامداي ەرەكشەلىگى بولسا دا ماقتاي ءبىلىڭىز،ءبىراق ورنىمەن، شىنايى بولسىن.

  ازىلدەسىپ ۇيرەنىڭىز. ءبىر ارنادا بولىڭىز، جىگىتتەرمەن ازىلدەسكەندە،سول ازىلىڭىزدەن اسەر قالاتىن بولسىن. قاراپايىم بولىڭىز،تۇيمەدەيدەن تۇيە جاساماڭىز.

  ۇيدە از وتىرىڭىز. سەبەبى، جانىڭىزدا   قىزىقتى نارسەلەر كوپ. ءومىردى زەرتتەپ، قىزىقتى ساتتەردى دوستارىڭىزبەن بولىسەءبىلىڭىز. سىرتىمنان قالاي كورىنىپ تۇرمىن دەپ ويلاماڭىز. بويىڭىزدى ەركىن ۇستاپ، ءار مينۋتتان ءلاززات الا ءبىلىڭىز.

  قۇتتىقتاۋدى ۇمىتپاڭىز. ءارقانداي قۇتتىقتاۋلار بولسا قاتىناسىڭىز، ول ارالاستىققا باستايدى. ادەمى كيىنىڭىز. كيىنگەن ساتتە وزىڭىزگە ءتان ەرەكشە ستيلىڭىز بولسىن. ساندەنۋ الەمىنەن دە حابارىڭىز بولسىن.

  ەشكىمدى قىزعانباڭىز. قولىڭىزدا بارعا  قاناعات ەتىڭىز،ءوز سەزىمىڭىزدى جەتكىزە ءبىلىڭىز. جاقسى كورەتىن ادامدارىڭىزعا ۋاقىتىمەن جىلى سويلەۋگە داعدىلانىڭىز.

  دوس بولا ءبىلىڭىز. سىزگە قادىرلى ادامداردىڭ جاماندىعىن ايتۋعا جول بەرمەڭىز.  بىرەۋدىڭ وعاشتىعىن ءسوز ەتۋگە داعدىلانباڭىز.

  سۇيىكتىڭىزدىڭ قىزىعاتىن ىسىنە ورتاقتاسا ءبىلىڭىز. ول ءسىزدى ءتىپتى دە سۇيەتىن  بولادى. ءوزىڭىزدى سۇيە ءبىلىڭىز. اينالاڭىزداعى ءار نارسەگە ماحابباتپەن قاراڭىز. سوندا عانا باسقالاردىڭ مەيىرباندىعىنا بولەنەسىز.

  مادەنيەتتى، دارىندى بولىڭىز. دارىنى بار قىزداردى جىگىتتەر ۇناتادى. ۋاقىتتى قادىرلەي ءبىلىڭىز. ونى پايدالى ەتىپ قولدانىڭىز. ادامداردى كەمسىتپەڭىز. بىرەۋدىڭ ءجۇرىس- تۇرىسىن،ءسوز-ارەكەتىن ءسوز ەتسەڭىز، توپ ورتادا ۇياتقا جولىعاسىز.

  ءان ايتۋدى، تولىعىمەن بىرەر ءان ايتۋدى ءبىلىپ الىڭىز. بىرەر ءاندى سۇيگەنىڭىزگە، دوستارىڭىزعا ارناڭىز. مىناۋ مادەنيەتتى زامان ەكەندىگىنە كۋا بولىڭىز.

  بۇرىنعى جىگىتتەرىڭىز تۋرالى جامانداۋشى بولماڭىز.  ويتكەنى مۇمكىن ونى دا ۇناتقان جاقتارىڭىز بولعان شىعار، جىگىتتەر دە سويلەسكەن قىزدارىن جاماندىققا قيمايدى. 

   وتىرىك ايتۋعا اۋەستەنبەڭىز. بويىڭىزعا بۇل قىز شىنشىل دەيتىن قادىرلى ءسوز ءسىڭىرىڭىز. ادامدارمەن سارالاپ سويلەسىڭىز. تىم اشىق بولماڭىز.

  ءالسىز بولۋدان قورىقپاڭىز. كەيدە ەركەلەي دە ءبىلىڭىز. جاتتاندى قىلىقتان، بىرەۋدى  كورىپ ساندەنۋدەن اۋلاق بولىڭىز. تابيعي بولىڭىز.

  ەڭبەكتى سۇيە ءبىلىڭىز، سپورتتان قول ۇزبەڭىز. دەنە تۇلعاسى سىمباتتى قىزدار ءارقاشان تارتىمدى كورىنەدى. ۇندەمەس بولماڭىز، اسىرەسە جىگىتتەردىڭ قاسىندا ءوز پىكىرىڭىزدى ايتۋدان ۇيالماڭىز. ءار ءىستى ءوز  قولىڭىزعا الىپ،ءوزىڭىز باستاڭىز. مۇقيات بولىڭىز. سالبىر-سالاقتان اۋلاق بولىڭىز.

  ءارقانداي ىستە وزىڭىزگە سەنىڭىز. شەشىمدى ءوزىڭىز جاساڭىز. كومەك قولىڭىزدى سوزا ءبىلىڭىز، وسىدان ءسىزدىڭ مەيىرباندىعىڭىز كورىنەدى. اسىعىس شەشىم قابىلداماڭىز، ادامدارعا تاعى دا ءبىر وراي بەرىڭىز.

  داۋ تۋدىراتىن جاعدايلاردان اۋلاق بولىڭىز.ءار ادامنىڭ سۋىن تابا ءبىلىڭىز. باتىلدىقپەن كەسىم جاسايتىن قايسارلىعىڭىز بار بولسىن.  باسىم كوپ ساندى ادامدارعا سەنىڭىز، سوندا كوپتىڭ قۇرمەتىندە بولاسىز.

  قيىندىق، قيىن-قىسپاق كەزدەردە اقىل تابا ءبىلىڭىز. قيىندىق ءسىزدى شىڭدايدى. بارعا دا، جوققادا شىدامدى بولىڭىز. استىڭ جاقسىسىن باسقالارعا بەرىڭىز. داڭقىڭىزدى اسىرادى.

  سۇيگەن جىگىتىڭىزدىڭ دوستارى الدىندا ولپى-سولپى قىلىقتارىن ءسوز ەتپەڭىز. ونى قولپاشتاپ وتىرىڭىز، ويتكەنى جىگىتىڭىز توپ الدىندا سىزدەن ءلاززاتتانۋدى قانشالىق ماقتانىش ەتەتىندىگىن ءسىز بىلمەيسىز.

  اقىلدى، ادەمى، تاربيەلى، بيازى، كوڭىلدى، مەيىرىمدى، باقىتتى الدىڭىزعا اكەلەتىن ادامگەرشىلىك قاسيەتىڭىزدى ساقتاي ءبىلىڭىز.

   رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى