ءتىلشىمىز جۇماجان بەگزاتقان ۇلى حابارلايدى. ايماقتىڭ 21-كەزەكتى اقىندار ايتىسى، مادەنيەت-ساياحات مەرەكەسى تولى اۋدانىنىڭ ق وڭىروبا سازىندا 21-ماۋسىم كۇنى باستالىپ،2 جارىم كۇندىك ۋاقىتپەن سالتاناتتى وتەدى.
«كورىكتى مەكەن قۇرىپ، باي-باقىتتى تارباعاتايدى جىرلاپ، وتان ارمانىن جۇزەگە اسىرايىق» تاقىرىبىنداعى 21-كەزەكتى اقىندار ايتىسى، مادەنيەت-ساياحات مەرەكەسىن ايماقتىق اكىمشىلىك مەكەمەسىنىڭ ۇيىمداستىرۋىندا ج ك پ تولى اۋداندىق كوميتەتى مەن تولى اۋداندىق حالىق ۇكىمەتى جاۋاپتى بولىپ وتكىزەدى.
بۇل رەتكى 21-كەزەكتى اقىندار ايتىسى، مادەنيەت-ساياحات مەرەكەسى ج ك پ اۆتونوميالى رايوندىق 9-قۇرىلتايىنىڭ رۋحىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، از ۇلتتاردىڭ ۇزدىكءداستۇرلى مەرەكەسىن قولداۋ، ىشكەرىلەي دامىتۋ،ءار ۇلت حالقىنىڭ جاراسىمدى بەت-بەينەسىن ايگىلەۋ جانە پارتيا 19- قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ ماقساتىندا وتپەك.
ايماقتىڭ 21-كەزەكتى اقىندار ايتىسى، مادەنيەت-ساياحات مەرەكەسىنىڭ مازمۇنى باي، قامتيتىن كولەمى كەڭ بولىپ، بارشا قاۋىمعا رۋحاني ازىق سيلاپ قالماستان،مادەنيەت دەڭگەيىمىزدى كوككە كوتەرەتىن قيمىل بولماق، مۇندا، ايماعىمىزدىڭ 5 اۋدان، 2 قالاسىنان كەلگەن اقىن-ونەرپازدار ونەر كورسەتەدى.
ۇعىسۋعا قاراعاندا،ءبىرىنشى،وسى رەتكى قيمىلدا كوركەمونەر قيمىلدارى دابىرالى وتەدى.ماسەلەن، اقىندار ايتىسى، كوركەمونەر نومەرلەرى، تەرمە جارىسى، كۇي جارىسى،سىبىزعى تارتۋ جارىسى، قوبىز تارتۋ جارىسى، كيىز ءۇي باعالاۋ جارىسى وتەدى؛ ەكىنشى، دەنە تاربيە قيمىلدارىنان 23 كيلومەترلىك ات بايگەسى، 9 كيلومەترلىك ات بايگەسى، 6 كيلومەترلىك تۇيە جارىسى، بالۋان جارىسى جانە كۇش سىناسۋ، دويبى، شاحىمات جارىسى بولادى؛ ءۇشىنشى، ونەر كورسەتۋ ويىندارىنان كوكبار، تەڭگە ءىلۋ، قىز قۋار ويىندارى وتكىزىلەدى؛ ءتورتىنشى، قولونەر بۇيىمدارى،ۇلتتىق كيىم-كەشەك، ازىق-تۇلىك، كيىز ءۇي مادەنيەتى كورگىزبەسى، سونداي-اق حاتكەرلىك، فوتو سۋرەت، اسەمونەر تۋىندىلارى كورگىزبەسى وتكىزىلەدى ەكەن.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى