ەەڭ جاڭا مازمۇندار
قۋاتتى الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ دەنساۋلىعىن قورعاۋدى پارمەندى قامتاماسىزداندىرۋ كەرەك
تەگىن تاۋىق تاراتىپ،مۇگەدەكتەردىڭ كىرىستەرىن ارتتىرۋىنا كومەكتەستى
جەردى اينالىمعا سالۋدىڭ ونىمدىلىگى جوعارى بولىپ،قىستاق تۇرعىندارىنىڭ كىرىسى ارتتى
اۋقاتتانۋ جولىنا باستاعان ازامات
جەرگىلىكتى ۇگىت-لەكسياشىلار تاماشا كەلبەتتى ايگىلەپ،وزگەرىستەردى باياندادى
«ساباق مىنبەسىنەن ءومىر بويى قول ۇزگىم كەلمەيدى»
2020-جىلى 6-ايدىڭ 5-كۇنى 115-سان
نەگىزگى تاقىرىپتىق پارتيا كۇنى قيمىل وتكىزىپ،پارتياعا كىرگەندەگى سەرتتەرىن ەسكە ءتۇسىردى
وركەنيەتتىلىككە،اقاۋسىزدىققا بىرگە ۇمتىلايىق
تۇزىمدە شوعىرلى جاڭالىق اشۋدى كورنەكتى ورىنعا قويىپ ەركىن ساۋدا پورتىن جوعارى ساپامەن، جوعارى ولشەممەن قۇرۋ كەرەك
شينحۋا اگەنتتىگىنىڭ وكىلەتتىگىمەن «جۇڭحۋا حالىق رەسپۋبليكاسىنىڭ ازاماتتىق زاڭناماسى» جاريالاندى
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرى مەن مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ قاز-قالپىندا تياناق
سۋرەتتەر اۋىل-قىستاقتاعى وراسان زور وزگەرىستەرگە كۋا بولدى
كەدەيلىك قالپاعىن الىپ تاستاپ،تاماشا تۇرمىسقا كەنەلدى
تۇتىنۋ ارقىلى كەدەيلەردى سۇيەمەلدەۋدى جاقسى ىستەدى
اۋلا شارۋاشىلىعىن دامىتىپ،كەدەيلىكتەن ارىلۋىنا كومەكتەستى
قىستاقتا كوتەرمە جۇمىس ىستەپ كىرىستى ارتتىردى
2020-جىلى 6-ايدىڭ 4-كۇنى 114-سان
قاز باعىمشىلىعىمەن شۇعىلداندى
قاجىرلىلىقپەن ءبىلىم ۇيرەنىپ، مۇرات - سەنىمدى بەكەمدەپ، بەرىك ەرىك - جىگەردى شىڭداپ، دەنە شىنىقتىرىپ دەنساۋلىقتى كۇشەيتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاي - قاشاندا دايىن تۇرايىق
جاپپاي دوڭگەلەك داۋلەتتى قوعام ورناتۋداعى ولقىلىقتاردى تولىقتاۋ ماسەلەسى جونىندە
ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ جاڭا جەڭىسىن قولعا كەلتىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
تارباعاتاي ايماقتىق اكىمشىلىك مەكەمەسى مەن جۇڭگو ونەركاسىپ-ساۋدا بانكەسىنىڭ شينجياڭ بولىمشە بانكەسى سەلبەستىك ورناتۋ جۇلگەلىك كەلىسىمىنە قول قويىستى
قالا كوركىنىڭ تولىمدى اجارلاندىرۋشىسى بولايىق
2020-جىلى 6-ايدىڭ 3-كۇنى 113-سان
ەكى ءماجىلىس رۋحىن ۇيرەنىپ،تاس جول ىستەرىنە ۇلەس قوسامىز
2020-جىلى 6-ايدىڭ 2-كۇنى 112-سان
ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتكىلىكتى تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك
ۇكىمەت قىزمەتىنەن بايانداما
باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتىپ، جاپپاي دوڭگەلەك داۋلەتتى قوعام ورناتۋ كەرەك

قۇماننىڭ قاسيەتى

جولدانعان ۋاقىتى : 2017/6/15 18:19:00

نۇقان كاكاشا ۇلى
  قۇمان _ تازالىقتىڭ جارشىسى. اتاپ ايتار بولساق، قۇمانداعى سۋمەن اۋىز شايىلادى، بەتى ـ قول جانە اياق جۋىلادى. ءتىپتى، ۇلى دەنەسىن قۇيىنۋمەن بىرگە،بارلىق اس ـ سۋ  اسپاپتارى سىندى ىدىس ـ اياق تۇگەلىمەن تازالانىپ جۋىلادى. ءارقانداي ۋاقىتتا ەڭ الدىمەن قۇماندى ىسكە سالىپ، قول شايىلىپ بارىپ باسقا جۇمىس باستالادى. ايتار بولساق، ات سوعىپ الىستان جولاۋشى    ءجۇرىپ، ارىپ ـ شارشاپ ات باسىن تىرەگەن ءارقانداي قوناققا اس-تاماق الدىندا قۇمانمەن قولىنا سۋ قۇيامىز.

  قازاق وتباسىندا وزگە بولماسا دا، ءوزىم بىلگەندە قۇمانسىز وتباسى بولماسا كەرەك دەپ بىلەمىن. كىمدە-كىم بولماسىن بەتى-قول جانە دەنە تازالىعىن الدىڭعى ورىنعا  قويادى. باسقاسىن باسا ايتپاساق تا قول   تازالىعى بارىنەن ماڭىزدى.

  ارقىراپ اعىپ جاتقان وزەننەن، سىلدىراپ اققان بۇلاقتان نەمەسە باستاۋدىڭ باسىنان توتەلەي ەمەس، كاتەلدەپ نەمەسە شەلەكپەن ۇيگە تاسىپ اكەلىنگەن سۋدى ءشومىش تەكتەس شاعىن ىدىسپەن قۇمانعا قۇيامىز، شىنىمەن قۇمانعا سۋ قۇيمايدى. ەستە بولاتىنى تاڭەرتەڭگى تاماقتىڭ الدىنداعى بەتى-قول جۋعاندا قولعا ءوزارا قۇمانمەن سۋ قۇيىسپايدى دا، قالعان جاعدايدىڭ ءبارىن دە ادامدار ءبىر-بىرىنە سۋ قۇيىپ،قۇمان   ارقىلى دا قۇرمەتىن ءبىلدىرىسىپ جاتادى.

  قۇمان سۋى ءارقاشان دا ىستىق، الدە سۋىق بولماي جىلىمان بولۋى شارت. ۇلتىمىز كەلىنگە ءجۇزىنىڭ جىلىلىعىمەن قوسا، قۇمانداعى سۋىنىڭ جىلىلىعىنا دا قاراپ باعا بەرگەن. ايتساق، قۇماننىڭ قۇر تۇرماۋى ءارى قۇمانداعى سۋدىڭ جىلى تۇرعانى سول شاڭىراقتىڭ كەلىنىمەن تىكەلەي قاتىستى دەپ قاراعان. كەلىننىڭ كۇندەلىكتى مىندەتى دە ەرتە تۇرىپ، جاي جاتىپ تۇندىك اشقاننان كەيىن ەڭ العاش ەسكەرەتىنى قۇماننىڭ  ءىشىن تازالاپ، سۋىن تولتىرىپ،كوزىن  ءسۇرتىپ، جاققان وتتىڭ جانىنا شاۋگىمنەن بۇرىن قۇماندى قويىپ، اتا ـ ەنەسىنىڭ، ۇلكەندەردىڭ دارەت الاتىن سۋىنا دايىندىق جاساۋدان باستالادى. ارينە، اعىپ جاتقان   اعىندى سۋ بولسىن، قۇدىق سۋى الدە قۇبىر سۋ ارقىلى نەمەسە تەگەنە تەكتەس ىدىسپەن  دارەت الۋ امالسىزدىڭ ءىسى سانالىپ، وعان قاراعاندا قۇمان وتە قولايلى، قۇمان سۋ   ۇنەمدەۋدىڭ يكەمدى قۇرالى ەكەنىن ويلاپ، قۇماننىڭ قۇدىرەتىن ودان دا كوپ ادام سەزە الاتىن بولادى.

  ءارقانداي ادام سۋ تولتىرىلعان قۇماندى بىرەۋگە بەرەردە ەڭ الدىمەن ءوز قولىنا قۇيىپ كورىپ، ودان قوناقتىڭ قولىنا قۇمانمەن سۋ قۇيۋ قوناققا دەگەن ۇلكەن قۇرمەت ەسەپتەلىنسە، دالا زاڭىندا قۇمانداعى سۋ قالىپتان تىس ىستىق الدە مۇزداي سۋىق بولعاندا قارسى جاق ايىپ تارتتىرۋىنا ابدەن ۇقىقتى دەلىنگەن. تاباق تارتىلار الدىندا  قوناقتاردىڭ قولدارىنا قۇمانمەن قۇنتتاپ سۋ قۇيىلادى. سۋ قۇيىلار الدىندا سۋلىق ورامالدى دايىنداپ الىپ،سول وتباسىنداعى قولعاناتقا جاراعان بالا نە بولماسا جاسى ەڭ كىشىسى قوناقتىڭ قولىنا وڭىنان باستاپ سۋ قۇيادى. ەت جەلىنىپ بولىپ،تاباق جينالعاننان كەيىن سولىنان باستاپ قۇمانمەن  قايىرىپ قۇيىپ، سۋ قۇيۋشى قوناقتاردان باتاسىن الادى. سوڭعى قۇيىلعان بۇل سۋ، ارينە،قولدىڭ مايىن الاتىنداي جىلى بولۋى كەرەك.

  ادەتتە، قۇمان كۇندىز-ءتۇنى وتباسىنان ۇزىلمەيتىندىكتەن، ىستىققا ءتوزىمدى، مىس، كۇمىس نەمەسە جەز، قالاي، قالا بەرسە قالىڭ قاڭىلتىردان ءتۇرلى فورمادا   اشەكەيلى ەتىپ جاسالادى. ءتىپتى، ەسكەرگەندەر ەستەلىك رەتىندە كونەنىڭ كوزى قۇتتى قۇمان دەپ قۇنتتاپ، اتادان قالعان اسىل قازىنا،باعالى بۇيىم رەتىندە  سورەدەن ورىن بەرىپ وتىرعان وتباستارى ودان كوپ.

   ارامىزدا ۇنەمى ايتىلاتىن:
  «كۇمىس قۇمان ـ اي،
  وتتا تۇرعان ـ اي!
  اينالايىن كوزىڭنەن،
  اشىپ ـ جۇمعان ـ اي!» نەمەسە،
  «قۇمان العان،
  سۋعا بارعان،
  سۇلۋىڭدى ساعىندىم» دەگەن سياقتى ويناقى ايتىلاتىن ءان اۋەنىندەگى ولەڭ  جولدارىندا دا قۇماننىڭ قۇدىرەتىن سۇلۋلاردىڭ بويىنان ىزدەگەن.

  قۇماننىڭ يەسىنەن بۇرىن،كيەسى بارلىعىن اۋزى دۋالى اپالارىمىز اۋزىنان ايتىلعان «قۇمان قۇر تۇرسا جاتىرداعى بالا جاتىرقايدى» دەگەن ىرىم-تيىمدارىمىز بارلىق وتباسىنا باسا ايتىلىپ، قۇماننىڭ قۇر تۇرماۋىن ەرەكشە ەسكەرتسە، قاتىستى ماقال ـ ماتەلدەر ارقىلى دا ماراپاتىن جەتكىزگەن.
   
  «ەل جاتسا دا ەلەكەم جاتپايدى» دەپ قۇماندى ەلدەن ەرەك ەلگەزەك، ەڭبەكشىل ەتىپ كورسەتسە، «وتباسىندا قۇمان، ەكى كوزىن جۇمعان»، «قۇمانداي عانا بويى بار، اۋدارىپ كيگەن تونى بار» دەگەن سياقتى جۇمباقتار دا شىعارعان حالقىمىز.

  ەندەشە، قۇماننىڭ قۇدىرەتىن كىمدەر ءبىلىپ، كىمدەر تۇسىنەر دەگەنگە كەلسەك، قۇماننىڭ ءوز بەرەكەسى وزىندە بولىپ، ءبىر قۇمان سۋمەن ءبىر ءۇيلى جان بەتى-قولىن جۋسا، قۇمانسىز ءبىر تەگەنە سۋ ءبىر بەتكە جەتپەي قالاتىنىن بىلەمىز. سوسىن دا،قۇمانمەن  قۇيىنىپ جۋىنۋ مەن قۇيىلعان سۋمەن جۋىنۋ جونىندە مەديتسينا ماماندارى جاعىنان ەگجەي ـ تەگجەيلى قورىتىندىلانىپ،«تەگەنەگە قۇيىلعان سۋمەن بەت جۋۋ ءوز كىرىڭدى ءوز بەتىڭە جاققانمەن تەڭ» دەگەن  قورىتىندى شىعارعان.

  قورىتىپ كەلگەندە، اتا ـ بابامىزدىڭ اتام زاماننان تارتىپ پايدالانىپ كەلگەن قۇماندايىن تازالىق قۇرالىنىڭ قۇدىرەتىن قۋدالاۋ  ارقىلى ۇرپاقتارعا قۇماننىڭ كوزگە كورىنبەيتىن قۇپيالىعىن ۇعىندىرا جۇرگەنىمىز ابزال.

  رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى
 

 
powered by IlgharCMS 3.2 www.ilghar.cn