ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

زالىم بالا

جولدانعان ۋاقىتى : 2017/6/19 12:09:24

ا. چەحوۆ (اڭگىمە)
    سىرت ءپىشىنى ءسۇپ-سۇيكىمدى عانا يۆان يۆانوۆيچ لاپكين دەيتىن جاس جىگىت پەن اننا سەمەنوۆنا زامبليتسكايا دەگەن قايقىش مۇرىن جاس قىز تىك كەمەردەن ءتۇستى دە، كىشكەنە وتىرعىشقا كەلىپ وتىرا كەتتى. وتىرعىش سۋدىڭ تاپ جاعاسىندا، جاس تالدىڭ قالىڭ بۇتاقتارىنىڭ اراسىندا ەدى. وتە جايلى ورىن! بۇل جەردە بۇكىل الەمنەن تاسا بولاسىز، ءسىزدى سۋداعى بالىقتار مەن سۋ بەتىندە زىرعىپ جۇرگەن سۋ ورمەكشىلەرىنەن باسقا ءبىر جان كورمەيدى. ەكى جاس قارماق، قول سۇزەكى، قۇرت سالعان قۇتى جانە باسقا دا بالىق اۋلاۋ جابدىقتارىن الا كەلگەن. ەكەۋى دە وتىرعان بويدا قارماقتارىن سۋعا لاقتىردى.

   _ ءساتى ءتۇسىپ وڭاشا كەتكەنىمىزگە قۋانىپ وتىرمىن،- دەپ باستادى ءسوزىن لاپكين، جان جاعىنا قارانىپ الىپ،- سىزگە ايتارىم كوپ، اننا سەمەنوۆنا... ءتىپتى كوپ... مەن ءسىزدى العاش كورگەنىمدە... قارماعىڭىزدى تارتىپ جاتىر... نە ءۇشىن ءومىر ءسۇرۋىم كەرەگىن، ادال ەڭبەكپەن كۇنەلتەتىن ءومىرىمدى ارنايتىن قاعبامنىڭ قايدا ەكەنىن سوندا ۇقتىم... ءسىرا، ۇلكەن بالىق پا دەيمىن شەرتىپ جۇرگەن... ءسىزدى كورگەندە-اق العاشقى ىستىق ماحابباتىم پايدا بولدى! الماي تۇرا تۇرىڭىز... جاقسىلاپ تارتسىن... قۇداي اقىڭا ايتىڭىزشى، قىمباتتىم، مەنىڭ دامەم-دامە دەگەندە،ءسىزدى دە مەنشە سۇيەدى دەگەنىم ەمەس، جوق! وعان مەن ارزىمايمىن دا، ولاي ويلاۋعا    ءتىپتى باتىلىم دا بارمايدى، مەنىڭ دامەم... تارتىڭىز!

   اننا سەمەنوۆنا قارماق ۇستاعان قولىن جوعارى سەرپىپ قالدى دا، ايعايلاپ جىبەردى. سول كەزدە كوگىلدىر كۇمىس بالىق تا اۋادا جارق ەتە قالعان ەدى.

   _  قۇدايىم - اۋ، الابۇعا عوي! اح، اح... تەزىرەك! ءتۇسىپ كەتتى!

   قارماقتان بوسانعان الابۇعا ءشوپتىڭ بەتىندە شورشي تۋلاپ، اتا مەكەنىنە قاراي جاقىنداي بەردى دە، سۋعا شولپ ەتتى!

   بالىقتى ۇستايمىن دەپ ءجۇرىپ لاپكين بالىق ورنىنا قاپىلىستا اننا سەمەنوۆنانىڭ  قولىن ۇستاي الىپ، اڭداۋسىزدا ەرنىنە باسا قويدى... اننا سەمەنوۆنا ارى-بەرى بۇلقىنعانىمەن ەشتەڭە شىعارا المادى، ءتىپتى   قاربالاستا ەرىندەرى دە جابىسىپ سۇيىسە قالدى. بۇل ءوزى، ءتىپتى بايقاۋسىزدا  بولعان ەدى. دەگەنمەن ءسۇيىس ارتىنان  ءسۇيىس كەتتى، سەرت، ۋادە ايتىلىپ  جاتتى... نە دەگەن باقىتتى مەزەتتەر دەسەڭىزشى! ءبىراق تا بۇل جالعاندا شىن باقىت جوق قوي. تەگىندە باق دەگەننىڭ ءوزىنىڭ بويىندا ۋى بولادى نەمەسە ول سىرت ءبىر جاعدايدان ۋلانادى. مىنە، بۇل جولى دا تاپ سولاي بولدى دا شىقتى. ەكى جاس ءسۇيىسىپ جاتقان كەزدە كەنەت ءبىر   سىڭعىرلاعان كۇلكى ەستىلدى. ەكەۋى وزەن جاققا جالت بۇرىلىپ، سىلەيىپ تۇرىپ   قالدى. بەلۋارىنان سۋ كەشكەن جالاڭاش بالا بۇلارعا قاراپ تۇر ەكەن. ول _ اننا سەمەنوۆنانىڭ ءىنىسى گيمنازيست كوليا بولاتىن. سۋدىڭ ىشىندە ەكى جاسقا كەزەك قاراپ، اجۋالاي جىميادى.

   _  ا-ا-ا... ءسۇيىسىپ جاتىرسىڭدار  ما؟-دەدى ول،_  جاقسى! ماماما ايتايىن.

   _ ءسىزدى اق نيەتتى ادام عوي دەپ  ۇمىتتەنىپ... _  دەپ مىڭگىرلەدى لاپكين قىزارا ءبورتىپ،_  اڭدىپ ءجۇرۋ _  زالىمدىق بولادى، ال جۇرتقا جايۋ _  پاسىقتىق، زۇلىمدىق، زىمياندىق... ءسىزدى ادال  جۇرەكتى، تەكتى ادام عوي دەپ...

   _  ءبىر سوم بەرىڭدەر، ايتپايمىن! - دەدى تەكتى ادام،- بەرمەسەڭدەر ايتامىن.

   لاپكين قالتاسىنان ءبىر سوم الىپ بەردى. كوليا اقشانى سۋلى ۋىسىنا قىسىپ الىپ، ءبىر ىسقىردى دا ءجۇزىپ كەتە بەردى. ەكى جاس وسىدان كەيىن سۇيىسكەن جوق.

     كەلەسى كۇنى لاپكين قالادان كولياعا ءار ءتۇرلى بوياۋلار مەن دوپ اكەلىپ بەردى، ال اپاسى دارىدەن بوساعان ساۋىتتاردى سيعا تارتتى.
  
    كەيىن ءيت تۇمسىقتى تۇيمەلەرىن دە بەرۋگە تۋرا كەلدى. وسىلارى زالىم بالاعا، ءتىپتى، ۇناپ قالسا كەرەك، ەندى ول تاعى دا كوبىرەك سيلىق الۋ ءۇشىن بۇلاردى اڭدي ءتۇستى. ىلعي لاپكين مەن اننا سەمەنوۆنانىڭ ءىزىن باقتى. ەكەۋىن ءبىر مينۋت تا وڭاشا قالدىرمادى.

   _  زالىم ەكەن! - دەيدى لاپكين تىستەنە سويلەپ، - قارشاداي باسىنان نە دەگەن جاۋىز ەدى! وسە كەلە قانداي بولار ەكەن؟

   كوليا ماۋسىم ايىنىڭ باسىنان اياعىنا دەيىن وسى سورلى ەكى عاشىققا كۇن كورسەتپەي-اق قويدى. ىزدەرىنە ءتۇسىپ الىپ، ايتامىن دەپ قورقىتىپ، اۋىزباستىرىق الىپ ءجۇردى. العاندارىنا قاناعات ەتپەي، اقىرىندا   ءتىپتى قالتا ساعات اپەر دەگەندى شىعاردى. امال نە، ساعات اپەرەم دەپ تە ۋادە ەتۋگە تۋرا كەلدى.

   ءبىر جولى تۇسكى اس ۇستىندە داستارقانعا ۆافلي اكەلىنگەن كەزدە، كوليا كەنەت قارقىلداپ كۇلىپ، لاپكينگە قاراپ كوزىن قىسىپ:

   _  ايتايىن با وسى؟ ا ؟ - دەدى.

   لاپكين ورتتەي قىزارىپ، ساسقانىنان ۆافليدىڭ ورنىنا سۋلىق ورامالدى اۋزىنا سالىپ شايناي بەردى. ال اننا سەمەنوۆنا ورنىنان اتىپ تۇرىپ، باسقا بولمەگە قاشا جونەلدى.

   ءسويتىپ، تامىزدىڭ اياعىندا لاپكين اننا سەمەنوۆنانى ايتتىرعان كۇنگە دەيىن ەكى جاس وسىنداي حالدە بولدى. سول كۇن نە دەگەن باقىتتى كۇن بولدى دەسەڭىزشى! قىزدىڭ اكە-شەشەسىمەن سويلەسىپ،ولاردىڭ ريزاشىلىعىن العاننان كەيىن لاپكين ەڭ الدىمەن باققا قاراي جۇگىردى. كوليانى ىزدەپ، ونى تاپقان بەتتە قۋانعانىنان جىلاپ جىبەرە جازداپ، زالىم بالانىڭ قۇلاعىنان شاپ بەرىپ ۇستاي الدى. سول ارادا اننا سەمەنوۆنا دا كوليانى ىزدەپ ءجۇر ەكەن، ول دا جۇگىرىپ كەلىپ كوليانىڭ ەكىنشى قۇلاعىنا جابىستى. كوليا:

   _  اينالايىندار، ساداعاڭ كەتەيىندەر، باۋىرلارىم، قويايىن! ءاي، ءاي، كەشىرە كورىڭدەر! - دەپ جىلاپ،بەزەك قاعىپ جالىنعان كەزدەگى ەكى عاشىقتىڭ سۇيسىنگەن تۇرلەرىن كورسەڭىزدەر!

   كەيىن ەكەۋى دە ءبىرى-بىرىنە عاشىق بولىپ جۇرگەن كەزدەرىندە تاپ الگى زالىم بالانىڭ قۇلاعىن تارتقان ساتتەگىدەي باقىتتى، بوي بيلەگەن ءلاززاتتى ەشقاشان دا كورە الماعاندارىن ايتىپ ءجۇردى.
  دايىنداعان – 
 قاجىبەك ايدارقان ۇلى

   رەداكتورى : اراي ەركىن قىزى

   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

    مسالى: «تارباعاتاي اقپارات تورابىنان» الىندى

 
 
powered by IlgharCMS 3.2 www.ilghar.cn