پارتيا 19-قۇرىلتايىن قارسى الىپ،ۇدەرە العا تارتقان بەس جىلدى ۇلىقتادى

سۋرەتتە: قيمىلعا قاتىناسقان بۇقارالارعا ەستەلىك بۇيىمىن تاراتۋدا.
 

  ۇسىنىس ەتىلگەن ءتىلشى ەرمۇرات قابىل ۇلى حابارلايدى. ءدوربىلجىن اۋدانى پارتيانىڭ 19-قۇرىلتايىنىڭ ءساتتى اشىلۋىن قارسى الۋ، ايماقتىق 21-كەزەكتى اقىندار ايتىسى، مادەنيەت-ساياحات مەرەكەسى قيمىلىنىڭ تابىسپەن اشىلۋىن قۇتتىقتاۋ ماقساتىمەن، جۋىقتا قاراەمىل قالاشىعىنداعى ەگىنشى -مالشىلارعا «پارتيانىڭ 19- قۇرىلتايىن قارسى الۋ، ۇدەرە العا تارتقان بەس جىل» اتىنداعى ۇگىت -تاربيە، مادەنيەت جەتكىزۋ قيمىلىن ورىستەتتى.

  بۇل رەتكى قيمىلعا اۋداندىق پارتكوم مەن ۇكىمەت تاراۋلارىنىڭ باسشىلارى، پارتيالى كادرلارى قاتىناسۋدان سىرت، 500 گە تارتا ءار ۇلت ەگىنشى-مالشى ۇگىت -لەكسيانى تىڭدادى .

  اۋداندىق پارتكومنىڭ ورىنباسار شۋجيى،اۋدان اكىمى ماقسۇتقان ءجامساپ ۇلى: «وتان ءۇمىتىن اقتاۋ، مەكەنىمىزدىڭ تىنىشتىعىن ساقتاۋ – ءبىزدىڭ بۇلتارتپاس بورىشىمىز. ەمىل بويىنداعى ءار ۇلت حالقى وسى بورىشتى بۇلجىتپاي اتقارىپ كەلەدى. ءبىز ءارقاشان باس نىسانانى ارقاۋ ەتە وتىرىپ، پارتيا ورتالىق كوميتەتىنىڭ شينجياڭدى جالپى بەتتىك وڭاۋ، گۇلدەندىرۋ جوباسىن باتىل  دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 -رەتكى اڭگىمە ءماجىلىسىنىڭ رۋحىن ىشكەرىلەي  ۇيرەنىپ، كادرلار  قوسىنىنداعى ‹ەكىبەتكەيلەرمەن› باتىل كۇرەس جۇرگىزىپ،قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ەسەلى ۇلەس قوسۋىمىز كەرەك» دەدى.

  ۇگىت -لەكسيا قيمىلىن اۋداندىق پارتكومنىڭ مۇشەسى،ۇگىت ءبولىمنىڭ باستىعى گۇلبارشىن قۇسايىن قىزى باسقاردى ءارى وسى رەتكى قيمىلدىڭ ماڭىزى جونىندە «ءبىز وسى رەتكى قيمىل ارقىلى ‹ءۇش ءتۇرلى كۇشكە› باتىل قارسى تۇرىپ، ىنتىماقتى دارىپتەپ، قوي ۇستىنە بوز تورعاي جۇمىرتقالاعان باقىتتى زاماندى، پارتيامىزدىڭ ابزال ساياساتىن جىرعا قوسىپ،ءار ۇلت بۇقاراسىن وسى زامانعى ءوندىرىس، تۇرمىس تاسىلىنە قادام تاستاۋعا ۇندەپ، ولارمەن بىرلىكتە ءبىر جاعادان باس،ءبىر جەڭنەن قول شىعارىپ، ىنتىماقتاسا وتىرىپ، اۋداننىڭ ءار سالا شارۋاشىلىعىنىڭ قارىشتاپ دامۋى ءۇشىن ورتاق قۇلشىنىس جاساۋىمىز كەرەك» دەدى.

  بۇل رەتكى قيمىل اقىندار ايتىسى، تەرمە،لەكسيا سياقتى باي مازمۇندارمەن تولىقتى، قيمىل قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدى، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن ۇگىتتەۋدى ماقسات ەتتى ءارى شەكار وڭىردەگى مالشىلاردى «ءۇش ءتۇرلى كۇشكە » باتىل قارسى تۇرىپ، باتىل ءۇن قاتىپ، ۇلتتار ىنتىماعىن نىعايتىپ، كورىكتى اتا مەكەنىمىزدى اناعۇرلىم جاراسىمدى ەتىپ قۇرۋعا جۇمىلدىردى.

  رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى