تىلشىلەرىمىز جۇماجان بەگزاتقان ۇلى، ايبىنبەك مۇسايىر ۇلى، چىن لۋمان، لي چۇنلايلار حابارلايدى. ايماقتىڭ 21-كەزەكتى اقىندار ايتىسى، مادەنيەت-ساياحات مەرەكەسى 21-ماۋسىم كۇنى تولى اۋدانىنىڭ قوڭىروبا سازىندا باستالدى.
ايماقتىق اكىمشىلىك مەكەمەسى ۇيىمداستىرىپ، ج ك پ تولى اۋداندىق كوميتەتى مەن تولى اۋداندىق حالىق ۇكىمەتى جاۋاپتى بولىپ وتكىزگەن وسى رەتكى اقىندار ايتىسى، مادەنيەت-ساياحات مەرەكەسىندە اقىندار ايتىسى نەگىز، تەرمە ايتۋ، دومبىرا شەرتۋ، قوبىز تارتۋ جارىستارى قوسىمشا بولىپ، قازاق حالقىنىڭ ءداستۇرلى مادەنيەتى شوعىرلى بەينەلەنۋدەن تىس، كۇرەس، بۇقا تارتىس، دويبى، شاحمات جارىستارى مەنءتۇرلى كورگىزبەلەر وتكىزىلەدى.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى بىلاي دەدى: «بۇل رەتكى اقىندار ايتىسى، مادەنيەت-ساياحات مەرەكەسى جۋىق جىلداردان بەرى، اسىرەسە ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسى اشىلعاننان بەرى ايماعىمىزدىڭ ەكونوميكا، قوعامدىق ىستەر جاعىندا قولعا كەلتىرگەن سۇبەلى ناتيجەلەرىن ايگىلەپ، پارتيا جاقسى، سوتسياليزم جاقسى، رەفورما، ەسىك اشۋ جاقسى، ۇلى وتان جاقسى، ءار ۇلت حالقى جاقسى دەگەن ءداۋىر اۋەنىن اسقاقتاتىپ،ءار ۇلت حالىق جۇرتشىلىعىن ءبىر نيەت،ءبىر تىلەكتە بولا وتىرىپ، قوعام ورنىقتىلىعى مەن باياندى تىنىشتىقتى ويداعىداي قورعاۋعا جىگەرلەندىرەدى».
مۇقيات جارمۇحامبەت ۇلى بىلاي دەدى: « ءار دارەجەلى پارتكومدار مەن ۇكىمەتتەر اقىندار ايتىسىنىڭ مادەنيەت، ۇگىت قىزمەتىندەگى ماڭىزدى ورنى مەن رولىن ايقىنداپ، اقىندار قوسىنى قۇرىلىسىن ۇزدىكسىز كۇشەيتۋى كەرەك. اقىن، تەرمەشىلەر قاتارلى مادەنيەت-كوركەمونەر قىزمەتكەرلەرىنىڭ يىقتارىنا جۇكتەلگەن بورىشتارىن ايقىن تانىپ،‹ەكى ءۇشىن قىزمەت وتەۋ› باعدارى مەن ‹جالپى جارىسا ءۇن قاتۋ،بارلىق گۇل شەشەك اتۋ› باعىتىنا تاباندى بولىپ، اقىندار ايتىسىن اناعۇرلىم دامىتىپ جانە گۇلدەندىرىپ، ۇيرەنۋدى كۇشەيتىپ، كوركەمونەر جولىندا تالىقپاي ىزدەنىس جاساپ، جاراسىمدى، قونىستانۋعا جايلى، ەكولوگياسى جاقسى تارباعاتاي قۇرۋعا ۇلەس قوسۋلارىن ءۇمىت ەتەمىز».
باستالۋ سالتىندا ايماق پەن تولى اۋدانىنىڭ ونەرپازدارى كورەرمەندەرگە دارالىق ەرەكشەلىككە يە مادەنيەت-كوركەمونەر نومىرلەرىن تارتۋ ەتتى.
ايماق باسشىلارىنان گو حۇڭچۋان، سەرىك ورازبەك ۇلى، الي، يان فىڭ، كارىم دۇيسەنباي ۇلى باستالۋ سالتىنا قاتىناستى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى