ەەڭ جاڭا مازمۇندار
ۇلتتار ىنتىماعىنىڭ بەرەكەلى شاڭىراعى
ءسوز مادەنيەتى تۋرالى
پارتياعا قاي - قاشان دا ادال بولىپ، كوممۋنيستەردىڭ اسىل قاسيەتىن ماڭگى ساقتايمىن
جاڭا داۋىردە جاڭا بەينەمەن تىڭ جۇمىستار تىندىرايىق
پارتيا 19 - قۇرىلتايىنىڭ رۋحىن جەتەكشى ەتىپ، جاڭا داۋىردە تىڭ جۇمىستار تىندىرامىن
پارتياعا ادالدىعىمدى ءىس جۇزىندىك ارەكەتىم ارقىلى ايگىلەيمىن
19-قۇرىلتاي رۋحىءار ۇلت حالقىنىڭ كوكەيىنە ۇيالادى
وتىرىكتىڭ سىباعاسى
«تۋىستاسۋ اپتالىعى» قيمىلىن ورىستەتتى
ايماعىمىزدا ۇلتتار ىنتىماعى بويىنشا « تۋىستاسۋ اپتالىعى» قيمىلى جاپپاي باستالدى
قۇرىلتاي رۋحى ءار جۇرەككە ءنار بەردى
مالدىڭ قىس قىرىنان امان-ەسەن وتۋىنە كەپىلدىك ەتتى
راديو قابىلداعىش ءوز رولىن كورسەتتى
ۇلى ارماندى ورىنداۋ ءۇشىن جۇڭگو كوممۋنيستىك پارتياسىنىڭ باسشىلىعىنا،ءسوزسىز،تاباندى بولۋىمىز كەرەك
«قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردى» باسىپ تاراتتى
پارتيا 19-قۇرىلتايىنىڭ رۋحىن ىشكەرىلەي دايەكتىلەندىرىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە تاباندىلىقپەن قول جەتكىزۋدى باسا دارىپتەدى
«اۋەلگى ماقساتتى ۇمىتپاي، بورىشتى ەستە ساقتايمىز»
پارتيا 19-قۇرىلتايى رۋحى قارتتارعا قۋات بەردى
لاشىقتار رايونىن وزگەرتىپ سالۋ ينجەنەرياسى بۇقارانى يگىلىككە كەنەلدىردى
ۇسىنىلىمدى ارتتىرىپ، حالىقتىڭ باقىت كورسەتكىشىن جوعارىلاتتى
ءدوربىلجىن اۋدانى قارامايلى ـ شاۋەشەك تەمىر جولى قۇرىلىسىن پارمەندى جەبەدى
سوتسياليستىك وزەكتى قۇن كوزقاراسى تاربيەسىن كۇشەيتتى
پارتيا مۇشەسىنىڭ «قول سومكەسى»
مەيىربان انالار كەدەي وتباسىلارعا جىلۋ اتادى
ەكى تامشى
ايقىن تۋ ۇستاپ، پارتياعا باتىل ىلەسەمىن
بورىشتى ەستە بەرىك ساقتاپ، نەگىزگى ساتىدا تامىر تارتىپ، باس نىسانانى ىسكە اسىرۋعا اقىل-پاراساتىم مەن كۇش-قۋاتىمدى ارنايمىن
شينجياڭدا جاساپ جاتقانىمدى ماقتانىش ەتەمىن
پارتيانىڭ ابزال ساياساتىنىڭ ارقاسىندا تاماشا تۇرمىسقا قول جەتكىزدىك
ءدوربىلجىن اۋدانى تۇراقتى مۇلىككە قارجى قوسۋ نىساندارىن ءتۇيىندى ىلگەرىلەتتى

قاۋسىلقان اڭگىمەلەرىندەگى بەينەلەۋىش سوزدەردىڭ قولدانىلۋى

جولدانعان ۋاقىتى : 2017/6/30 12:16:46

جىڭ شياچيڭ
 
  جۇڭگو قازاق جازۋشىلارىنىڭ اراسىندا تۇڭعىش رەت جەكە شىعارمالار جيناعىن شىعارعان،تۇڭعىش رەت حانزۋ تىلىندە شىعارمالار جيناعىن شىعارعان قاۋسىلقان قوزىبايەۆ ەكەن. جازۋشىنىڭ «العاشقى ادىمدا» دەگەن اڭگىمەسى حانزۋ تىلىنە،ودان اعىلشىن تىلىنە، اعىلشىن تىلىنەن ورىسشاعا اۋدارىلسا، ودان قازاقستاندا «باستاما» دەگەن اتپەن وقىرماندارىمەن بەت كورىسىپتى. «العاشقى ادىمدا» 1981-جىلى مەملەكەت دارەجەلى 1-دارەجەلى سيلىق العان ەدى. جازۋشىنىڭ شىعارمالارى ۇمىت بولىپ قالعان جوق، كۇنى وتكەن سايىن وقىرماندار مەن زەرتتەرمەندەردىڭ قىزىعۋىن قوزعاي بەرەتىنى حاق. سولاردىڭ ءبىرى، 2014-جىلى جازىلعان ۇشبۋ سىن ماقالا بولماق.

  قاۋسىلقان قوزىبايەۆ (1924-1979)  جايىرداعى كەدەي مالشى وتباسىندا تۋعان. 1943-جىلى ادەبيەت شەبىنە كەلىپ ارالاسىپ، تىرناق الدى شىعارماسىن جاريالايدى. «العاشقى ادىمدا»، «حات»، «جاڭا جايلاۋ »، «اۋىل كوكتەمى»، «ءسىلامنىڭ قۇرداسى» قاتارلى داڭسالى تۋىندىلاردىڭ اۆتورى. قاۋسىلقان ءوزىنىڭ شىعارماشىلىق تابىستارى ارقىلى جۇڭگو قازاق  پروزاسىنىڭ نەگىزىن قالاۋشىلاردىڭ بىرىنە اينالعان ەدى.

  ماتەريا كوزگە سىرتقى ءتۇسىنىڭ ۇقساماستىعى ارقىلى ءبىر-بىرىنەن پارىقتانىپ كورىنەدى. رەڭ-بوياۋ كۇندەلىكتى تۇرمىستا ماڭىزدى رول اتقارىپ عانا قويماي، سونىمەن بىرگە، ادەبي شىعارمالاردا دا وزىندىك ەرەكشەلىگىمەن دارلانادى. ۆاسلي كونستانسكي: «ءتۇستىڭ بەينەلىك ەرەكشەلگى _ ادام جانىنا تىكە ىقپال جاسايدى. ءوڭ-ءتۇستى رويالدىڭ تىلىنە ۇقساتساق،وندا كوز نوتاعا ۇقساپ  قالادى. ال، جۇرەك بابىنداعى رويالعا ۇقسايدى، جازۋشى وسى رويالدا كۇي وينايتىن قولعا ۇقسايدى، رويالدىڭ ءاربىر ءتىلىن ءداپ باسىپ، شەبەرلىكپەن  باسۋ ارقىلى ادام جانىن تەبىرەنتەر اسەم دە سازدى كۇي وينايتىن بولادى» دەيدى.

  قالامگەردىڭ ءوڭ-ءتۇستى بەينەلەپ بەرەتىن سىن ەسىمدىك ءسوز بايلىعى مول بولعاندا،تۇرمىستى ءوز قالپىندا،بەرەكەسىن قاشىرماي سۋرەتتەپ بەرىپ عانا قويماي،تەرەڭ مانىسىنەن الىپ ايتقاندا،ءوزىنىڭ قابىلداعان سۇتپەن بىتكەن تاربيەسى مەن ءوز ۇلتىنا ءتان بولعان بولمىس-ءبىتىمىن كورسەتىپ بەرە  الادى. ادەبي شىعارمادا ايتىلاتىن ءوڭ-ءتۇس تابيعات دۇنيەسىندەگى ماتەريانىڭ ءتۇسى ەمەس،قايتا وعان قالامگەردىڭ كوڭىل كۇيى مەن سەزىمى دە قامتىلىپ جاتادى.

  1. حايۋاناتتىڭ ءتۇر-ءتۇسىن بەينەلەپ بەرۋى.

  قاۋسىلقان پروزالىق شىعارمالارىندا ءتىل  بايلىعىنا سۇيەنە وتىرىپ، حايۋاناتتاردى ءوز بەينەسىندە سۋرەتتەپ، كوز الدىمىزعا اكەلە قويادى. «العاشقى ادىمدا» اڭگىمەسىندە مالدىڭ ءتۇسىن سۋرەتتەۋدە 13 ءتۇرلى ءتۇس قولدانعان ەكەن. قالامگەر ءتۇستى پارىقتاۋدا وتە شەبەر، جىڭىشكە، ءتۇستىڭ ەرەكشەلگىن تۇسىنەدى، تانيدى،ءداپ باسىپ ۇستاي الادى، وسى ارقىلى شىعارمانىڭ بوياۋىن قانىقتىرىپ، وقىرماننىڭ اۋەسىن قوزعايدى. مىسالى، جىلقى بالاسىنىڭ ءوزىن «بۇكىس جيرەن»، «جيرەن»، «شۇبالاڭ قۇيرىق قوڭىر ات»، «تورى»، «قۇلا جورعا»، «كۇزەكشىن جيرەن بيە»، «قورجانىڭ توبان اياق كۇن قاقتىسى»، «باران»، «سۇلىكتەي قارا»، «بوزشىبار» قاتارلى سىرتقى ءتۇسىن اتاپ، بوياۋعا قاتىستى ءسوز بايلىعىنىڭ مولدىعىمەن وقىرماندارىن تاڭىرقاتادى. مۇنىڭ بارلىعى قاۋسىلقاننىڭ جاساعان ورتاسىمەن تىعىز قاتىستى ەكەنى حاق.

  كوشپەلى مادەنيەت ەرەكشەلگىنە يە قازاق حالقىنىڭ حايۋاناتپەن بولعان جان دۇنيەلىك بايلانىسى ايرىقشا دەپ اتاۋعا بولادى. قازاقتار حايۋاناتتاردى ءوزىنىڭ توتەمى رەتىندە ۇستانادى، مىنە وسىنداي اتا-باباسىنان قالىپتاسقان ءداستۇرلى اڭىز-افسانالار ءاربىر قازاق بالاسىنىڭ جان دۇنيەسىنە تەرەڭ تامىر تارتقان، ادام بالاسىمەن حايۋانات-جانۋارلار اراسىنداعى سەزىمدىك جاقتاعى جاقىندىق جاساپ جاتقان  وبيەكتيۆ ورتامەن تىعىز قاتىناستى بولىپ كەلەدى. قازاق كوشپەلى ۇلت بولعاندىقتان دا كۇندەلىكتى تۇرمىس بارىسىندا ءۇي حايۋاندارىنان ايرىلا المايدى. حايۋاندار ولاردىڭ ازىعى بولىپ عانا قالماستان، قاتىناس قۇرالى،ءتىپتى ايرىلماس جان سەرگى دە. قاۋسىلقان شىعارمالارىندا حايۋاناتتاردى كىرگىزۋ ارقىلىءوزىنىڭ ۇلتتىق سۇيىسپەنشىلىگى مەن كوشپەندى ۇلت ۇلانىنا ءتان كوزقاراسىن بىلدىرۋمەن قاتار،ادام بالاسى مەن ۇلى تابيعات ورتاسىندا ۇزىلمەس ءبىر بايلانىستىڭ بارىن ايتادى.

  2. ءتۇستى كەيىپكەر وبرازىن جاراتۋدا  پايدالانۋى.

  كەيىپكەر ادەبي شىعارمانىڭ سۋرەتتەۋ وزەگى، سوندىقتان دا كەيىپكەر وبرازىن جاراتۋ _ادەبي شىعارمانىڭ ەڭ وزەكتى ماسەلەسى بولىپ تابىلادى. ادام بالاسى ءوزىنىڭ ۇلتتىق پسيحولوگيا، ۇلتتىق مادەنيەت، داۋىرلىك ەرەكشەلىكتەرىنىڭ ۇقساماستىعىنا قاراي وتىرىپ،ءوڭ-تۇرىقتا دا ۇقساماستىققا يە بولادى. ۇقساماعان تۇستەردى بابىندا بەرە بىلگەندە ادام بالاسىنىڭ بەينەلىك ەرەكشەلىگى اشىلىپ عانا قالماي، تەرەڭدەي ايتار بولساق، اۆتوردىڭ ەستەتيكالىق تالعامى مەن تۇسىنىگىن دە بىلدىرەدى.

  (1) «ماريانىڭ كۇمىس جۇزىككە ورناتقان قارا مەرۋەرتتەي كوزىنە ءتۇستى». «قوڭىر سالىمەن قورشاۋلى تۇرعان جۇپ-جۇمىر اق تاماقتان سىرعىپ بارىپ، توپ-توق ومىراۋىنا توقتاي قالدى» («العاشقى ادىمدا»).

  (2) «... اققۇبا ايەل شاپانىن جەلبەگەي  جامىلىپ،مەشكە قاراپ شاي قۇيىپ وتىر. وسى وتىرىسىندا جانىنا باتقان ناۋقاسى بار ادام نەمەسە اۋىر ءبىر ويدىڭ سالماعىنا شوگىپ وتىرعان ادام ەكەنى ونىڭ ويلى قوي كوزىنەن سەزىلىپ تۇر» («قاراجاننىڭ ەسەبى»). 

  (1) مىسالدا ماريانىڭ كوزىن سۋرەتتەپ، باس كەيىپكەردىڭ سۇلۋلىعى مەن تارتىمدىلىعىن كورسەتۋ ارقىلى قۇدياردىڭ قىزعانىشى مەن ونىڭ كەيىنگى كۇندەردەگى قاستىق قىلۋ  سەبەبىن تۇسىندىرەدى.

  (2) مىسالدا سايرانىڭ كوزىن سۋرەتتەپ، سايرانىڭ تۇرمىس بارىسىنداعى باقىتسىزدىعىن ەمەكسىتىپ كورسەتۋ ارقىلى وقىرماننىڭ جاناشىرلىعىن قوزعايدى.

  قالامگەردىڭ پروزالىق شىعارمالارىندا كەي كەزدەردە ءتۇس بەرۋ ارقىلى جاراتىلعان   كەيىپكەر ەسىمى دە ورنىندا پايدالانىلادى. «اۋىل كوكتەمىندەگى» كەيىپكەرلەر «بوجبان قارا»، «اق كەمپىر»،«جەر كوتەرمەس»،«باۋىرساق مۇرىن». بۇلاردىڭ بارلىعىن دا تەك بەت پىشىنىنە قاراپ عانا قويا سالعان بولسا دا وبرازدى شىعارمادا سۋرەتتەمەك بولعان كەيىپكەردىڭ وبرازىن ءداپ باسىپ كەلتىرۋمەن بىرگە، اۆتوردىڭ يۋمورلى، قالجىڭباس قالامىن دا اسپەتتەي تۇسكەن.

  3.ءتۇستىڭ كەيىپكەر جان دۇنيەسىن اشۋدا قولدانىلۋى.

  كەيىپكەردىڭ جان دۇنيەسى كوبىندە قۇپيا، قالتارىستا بولىپ،ءبازى بىرلەردە جان دۇنيەنىڭ كۇردەلىلىگىن قىل قالاممەن سۋرەتتەپ بەرۋگە ءتىل جەتپەي، شاباندىق تانىتاتىنى بار. ال، ونىڭ كەرىسىندە بەت ءپىشىن ميميكاسى ونشالىقتى كۇردەلى بولماستان، كوبىندە اشىق بولىپ قالاتىنى بار. سول ءۇشىن دە  كەيىپكەردىڭ ءوڭ-تۇسىندەگى وزگەرىستەر ارقىلى كەيىپكەردىڭ ىشكى دۇنيەسىندەگى  ارپالىستى سۋرەتتەۋ باسىم سانداعى قالامگەرلەردىڭ ماشىقتى قيمىلى. قاۋسىلقان ءوڭ-تۇستەگى وزگەرىس پەن سيمۆولدىق ءمان  ارقىلى شىعارمانىڭ باستى تاقىرىبىنا نەگىزدەلە وتىرىپ، ادامنىڭ كوڭىل كۇيى مەن پسيحيكالىق قاجەتىن ءوڭ-تۇستەگى وزگەرىس ارقىلى ايشىقتاي ءتۇسىپ،بوياۋلىق ەرەكشەلىكتىءتىپتى دە ستورولىق كورىنىسكە يە ەتەدى.

  (3) «شۇڭىرەيگەن سارعىش كوزى جاساۋراپ،قىزىل سارى بەتىنە شاقپا ءشوپتىڭ   تىكەنىندەي سارى تۇكتەر ءۇرپيپ شىعا كەلدى» («العاشقى ادىمدا»).

  (4) وسىنى ايتقان شاريپا ءوڭى بوزارىپ، ەرنى قۋقىلدانىپ وتىرىپ قالدى،ءجىبى ۇزىلگەن القانىڭ مارجانىنداي كەسەك-كەسەك كوز جاستارى كوز شاناعىنان دومالاي باستادى («ەستەلىكتەر»).

  (3) مىسالدا اۆتور جاپالاقتىڭ ءوڭى مەن كوزىن سۋرەتتەۋ ارقىلى ايەلىنىڭ «سۋىقءجۇرىسى» بار ەكەنىن ەستىگەن سوڭعى اشۋ-ىزاسى مەن قايعى-رەنىشىن بەينەلەپ بەرەدى.

  (4) مىسالدا لايىقتى بولعان ءتۇس قولدانۋ ارقىلى شاريپانىڭ وتكەن ىستەردى قايتا ەسىنە العىسى كەلمەيتىن قايشىلىقتى جان دۇنيەسى مەن ازاپتى كوڭىلىن ءدال سۋرەتتەپ بەرە العان.

  4. ءتۇس ارقىلى وزەكتى ويدى اشا تۇسەدى.

  ورىس سۋرەتشىسى رەپيىن «بوياۋدىڭ ءتۇسى دەگەنىمىز يدەيا» دەيدى. ەرلانديالىق اقىن، دراماتۋرگ ۋليام بوتلەر يەتس: «بارلىق دىبىس،ءتۇس، فورما اتاۋلى وزىندە بار بولعان كۇشى نەمەسە قابىستىرا ويلاۋ ارقىلى سۋرەتتەپ بەرۋگە ءتىل جەتپەيتىن سەزىمىمىزدى  قوزعايدى نەمەسە بىزگە بەلگىلى ءبىر كۇش بەرەدى، ولاردىڭ جان دۇنيەمىزدە قالعانءىزىن ءبىز سەزىم دەپ اتايمىز» دەيدى.ءتۇستىڭ ءوز بويىندا ەشقانداي دا يدەياسى نەمەسە سيمۆولى بولادى دەپ ايتۋعا بولمايدى. ايتسەدە، ادەبي شىعارمادا ءتۇس كىرگىزىلەر بولسا،اسىلگى قۇر ءسوز ارقىلى كوڭىل كۇي مەن پوزيتسيانى بەينەلەۋگە بولادى. قۇر ءسوزدى ءۇيىپ-توگىپ جازا بەرگەنمەن، كوڭىل كۇيىمىزدى بەينەلەپ بەرە المايمىز، وعان ەندى قوسىمشا ءتۇس بەرگەنىمىزدە  وبيەكتيۆ كوڭىل كۇيىمىزدى بەينەلەپ بەرە  الاتىن بولامىز، سوندا عانا  سۋرەتتەپ بەرەتىن  كورىنىس كولەمى تىپتەن تەرەڭدەي تۇسەدى. ءتۇس ارقىلى اۆتوردىڭ ويى مەن كوڭىلىن، شىعارمانىڭ باستى ماقساتىن جەتكىزىپ بەرۋ قاۋسىلقان شىعارمالارىنىڭ باستى شەبەرلگى. ال،التىنداي سارى ءتۇس شىعارمالارىنداعى كوپ ءتۇستىڭ ەڭ باستى ءبىر ءتۇرى.

  (5) «... ۇستىنە داعار-داعار التىنداي سارى ءبيدايدى تەكشەلەپ باسقان اۆتوكولىك شىعىسقا قاراي تارتا جونەلدى» («ون جىلدىقتىڭ وزاتى»).

  (6) «باتار كۇننىڭ التىنداي نۇرى تاۋ شوقىلارىن قىزعىلت نۇرعا بولەگەن ەدى» («جاڭا سايلاۋ»).

  (7) «وت شارعا ورانعان كۇن كوكجيەكتەن كوتەرىلىپ،ءوزىنىڭ شۇلەن نۇرىن ماساتىداي قۇلپىرعان جايلاۋعا، التىنداي تولقىعان ءبيدايعا، مەرەيگە تولى اۋىلعا توكتى. «1-شىلدە»مەرەكەسى دە التىنداي شۇلەن نۇرىن بارشا عالامعا شاشا باستادى» («ەستەلىكتەر»).

  وسى اتالعان سويلەمدەردە اۆتور سارى دەگەن تۇستىك انىقتامانى ەڭ كوپ قولدانادى. ونىڭ ۇستىنە، «التىن» ءتۇستى كوبىندە سويلەمنىڭ سوڭىندا قولدانادى.

  التىنداي سارى ءتۇس وقىرماندارعا ەستەن كەتپەس ىقپال قالدىرىپ عانا قالماستان، ونىڭ ۇستىنە،ءبىر ءتۇرلى سيمۆولدىق ءتۇس الادى. سارى ءتۇس كۇن نۇرى شىعاراتىن جەتى ءتۇرلى ءتۇستىڭ اراسىنداعى ەڭ جىلىسى، ادامدى قىتىقتاپ، وزگەشە تاسەر بەرە الادى، ادامنىڭ كوڭىلىنە جىلۋ باعىشتايدى، ول جىلۋدىڭ، جەڭىستىڭ سيمۆولى. ۆاسلي كونستانسكي: «ەرەكشەلىكپەن جاسايتىن ىقپالى جاعىنان الىپ ايتقاندا، جىلۋلىق باعىشتايتىن قىزىل ءتۇس پەن قويۋ سارى ءتۇس ۇقساپ قالادى. ول ادامعا كۇش، تىرلىك قۋاتىن، سەنىم مەن جەڭىس سيمۆولىن بەرە  الادى. وركەستىردەگى ترۋبانىڭ ءۇنى سياقتى اسقاق، تامىلجىعان بولادى. مۇندا، اۆتور التىنداي سارى ءتۇستى قولدانۋ ارقىلى باقىتتى تۇرمىس پەن باياشات كۇندەرگە بولعان اڭساۋى مەن ىنتاسىن ايتىپ، جۇڭگو كوممۋنيستىك پارتياسىنىڭ دۇرىس باسشىلىعىن ماداقتاۋمەن بىرگە، سوتسياليستىك قوعامدى جىرلايدى. وسى ارقىلى اۆتور شىعارمانىڭ تاقىرىبىن ونان ارى اشا ءتۇسىپ، شىعارمانىڭ باستى تاقىرىبى مەن وزەكتى ويىن كورسەتەدى.

  5. سىرگە جيار.

  قاۋسىلقاننىڭ باستى شەبەرلىگىنىڭ ءبىرى ءتۇستى ءوز بابىندا قولدانا بىلۋىندە. ماقالامىزدا ءتۇس-بوياۋ قولدانۋ جاعىنداعى ەرەكشەلىگىن ايتۋ ارقىلى اۆتوردىڭ كوركەمونەرلىك شەبەرلىگى مەن كوڭىل دۇنيەسىن اشا ءتۇسىپ،وسى ءبىر ءوز ۇلتىنىڭ قاسيەتىن بويىنا سىڭىرگەن جازۋشىنى تۇسىنۋىمىزگە قولايلىلىق جاراتىپ بەرۋدى كوزگە ۇستادىق. اۆتور سىرتقى ءتۇسى ارقىلى حايۋاننىڭ ەرەكشەلگىن، كەيىپكەر پورترەتىن كورنەكتىلەندىرىپ،قازاق حالقىنىڭ كۇندەلىكتى تۇرمىسىن كوز الدىمىزعا ەلەستەتىپ عانا قالماستان، شىعارمالارىنا از ساندى ۇلتتاردا بولاتىن ەرەكشەلىك پەن قاسيەتتى سىڭىرە تۇسەدى. سونىمەن بىرگە،ءتۇس ارقىلى كەيىپكەردىڭ جان دۇنيەسىن ايشىقتاپ، كوزگە ايقىنداپ كورسەتەدى. ءتۇس ارقىلى  اۆتور ءوزىنىڭ ويلارى مەن تۇيگەندەرىن كورسەتىپ، شىعارمانىڭ كوركەمدىك ورەسىن بيىككە شىعانداتادى. بوياۋلىق ءتۇس قاۋسىلقان شىعارمالارىنىڭ كوركەمدىك ورەسىن كوتەرىپ عانا قالماستان، وقىپ وتىرعان وزىمىزگە تاماشا ەستەتيكالىق ءلاززات پەن تۇسىنىستىك تە سيلايدى.
اۋدارعان-مۇرات قاسەن ۇلى

   رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى