ۇسىنىس ەتىلگەن ءتىلشى امان مەللات ۇلى ەرىكتى ءتىلشى دارقان داۋىل ۇلى حابارلايدى. تولى اۋداندىق قاتىناس- تاسىمال مەكەمەسىنەن ۇتى قالاشىعىنىڭ سارقامىس قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى جەرگىلىكتى ەرەكشەلىككە قاراي، ات ۇستىندەگى قىزمەت اترەتىن ۇيىمداستىرىپ، مال شارۋاشىلىق وڭىرلەرىن ارالاپ،پارتيا مەن ۇكىمەتتىڭءتۇرلى حالىققا ءتيىمدى ساياساتتارىن، زاڭ- ەرەجەلەردى جانە مال شارۋاشىلىعىنا قاتىستى تەحنيكالىق بىلىمدەردى ۇگىتتەپ،ءار ۇلت مالشىلارىنىڭ قارسى الۋىنا بولەندى.
قىزمەت اترەتىنىڭ باستىعى ليۋ شىچاڭ:«ات ۇستىندە شارلاۋ جۇرگىزۋ اترەتى مەن ۇگىت جاساۋ اترەتىن ۇيىمداستىرىپ، ءاربىر مالشى وتباسىنا ۇگىت ماتەريالىن تاراتىپ، ‹شينجياڭ ۇيعۇر اۆتونوميالى رايوننىڭ ۇشقارىلىقتى الاستاۋ ەرەجەسىن› ىشكەرىلەي ۇگىتتەدىك» دەدى.
ۇتى قالاشىعىنىڭ سارقامىس قىستاعىندا جالپى 268 مالشى وتباسى 24 قىستاۋلىق بار،ولار جىلىنا ءتورت رەت كوشەدى،بۇل قىستاۋلىقتاردىڭ قىستاق كوميتەتىنە ەڭ جاقىنى 5 كيلومەتر بولسا،ەڭ الىسى 20 كيلومەتر بولىپ، مالشىلاردىڭ كوبى تاۋلى وڭىرگە بىتىراي قونستانعان. قىزمەت اترەتى ءاربىر مالشى وتباسىمەن قويۋ قارىم-قاتىناس ورناتۋ ءۇشىن،قىستاق «ەكى كوميتەتى» باسشىلىق القاسىمەن بىرلىكتە، قىستاقتاعى پارتيا مۇشەلەرى، جاس تىرەكتى كادرلاردان ۇيىمداسقان ات ۇستىندە ۇگىت جاساۋ اترەتى، ات ۇستىندە شارالاۋ اترەتى جانە ات ۇستىندەگى كەشكى مەكتەپ سىندى ءۇش اترەتتى ۇيىمداستىرىپ، قىزمەت اتىرەتىندەگىلەردىڭ باسشىلىعىندا مالشى وتباسىلارىن ارالاپ، پارتيانىڭ حالىققا ءتيىمدى ءتۇرلى ساياساتتارىن ۇگىتتەپ، ءار ۇلت مالشىلارىنىڭ ءوندىرىس، تۇرمىس بارىسىنداعى كەزدەسكەن قيىنشىلىقتارىن شەشىم ەتتى. 78 جاستاعى ءدىلداباي قارتتىڭ اياعى اۋىراتىندىقتان ءجۇرىپ- تۇرۋى قولايسىز بولاتىن، ات ۇستىندە ۇگىت جاساۋ اترەتى كەلگەندە ول قاتتى قۋاندى.
ۇتى قالاشىعى سارقامىس قىستاعىنىڭ مالشىسى ءدىلداباي ماماي ۇلى: «ءبىز جايلاۋعا كوشىپ كەلگەن سوڭ، ات ۇستىندە ۇگىت جاساۋ اترەتى ۇيىمىزگە كەلىپ جاعدايىمىزدى ۇعىسىپ،پارتيانىڭ حالىققا ءتيىمدى ساياساتتارىن دەركەزىندە جەتكىزىپ،ناقتىلى قيىنشىلىقتارىمىزدى شەشىم ەتتى، ولارعا راقىمەت ايتامىز» دەدى.
قىزمەت اترەتىنىڭ باستىعى ليۋ شىچاڭ: «قىستاققا كەلگەننەن بەرى مال شارۋاشىلىق رايونىنىڭ ەرەكشەلىگىمەن ۇشتاستىرا وتىرىپ، پارتيانىڭ حالىققا ءتيىمدى ساياساتىن، زاڭ- ەرەجەلەردى مالشى بۇقاراسىنا جەتكىزدىك، سونىمەن قوسا، مالشى بۇقاراسىنىڭ قيىنشىلىقتارىن، ارمان- تالاپتارىن ەستەلىككە الىپ، دەركەزىندە ولاردىڭ قيىنشىلىقتارىن شەشىپ، بۇقاراعا پارتيانىڭ قامقورلىعىن سەزىندىردىك» دەدى.
ۇتى قالاشىعىنىڭ پارتكوم شۋجيى سۋ ليجۇن: «ات ۇستىندەگى قىزمەت اترەتى بۇل ءتاسىلدى تۇتاس قالاشىق كولەمىندە ورىستەتتى، ات ۇستىندەگى قىزمەت اترەتى پارتيا مەن ۇكىمەتتىڭ ءتيىمدى ساياساتى مەن قامقورلىعىن مال شارۋاشىلىق رايونىنداعى ءار وتباسىنا جەتكىزۋمەن بىرگە، كادرلار مەن مالشىلار اراسىنداعى سۇيىسپەنشىلىكتى تەرەڭدەتىپ، ۇلتتار ىنتىماعىن دارىپتەپ،ءار ۇلت حالقىمەن بىرلىكتە قوعام ورنىقتىلىعى مەن باياندى تىنشتىق باس نىساناسىن جۇزەگە اسىرۋعا قۇلشىنىس جاسادى» دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى