ۇسىنىس ەتىلگەن ءتىلشى ريزا كامالبەك قىزى حابارلايدى. جازعى جيىن- تەرىن مەزگىلىندە ايماقتىق اۋىل شارۋاشىلىق ماشينالارى تاراۋلارى ەرتە ىسكە كىرىسىپ، اۋىل شارۋاشىلىق ماشينالارىن تەكسەرۋدەن وتكىزۋ،رەمونتتاۋ قىزمەتىنە بەلسەنە كىرىستى.
شاۋەشەك قالاسى ارگۇڭ قالاشىعى تاسقىن قىستاعىندا اۋىل شارۋاشىلىق ماشينالارىن باقىلاۋ-تەكسەرۋ پۋنكتىنىڭ قىزمەتكەرلەرى وتباسىلارىن ارالاپ، اۋىل شارۋاشىلىق ماشينالارىنا تەكسەرۋ جۇرگىزىپ،رەمونتتاۋ قىزمەتىنە كومەكتەسۋمەن بىرگە، شارۋالارعا وندىرىسكە قولدانىلاتىن ءورت ءوشىرۋ اسپاپتارىن پايدالانۋ جونىندە ساباق بەردى.
ءدوربىلجىن اۋدانى شاڭحۋ قالاشىعىنداعى بولات اۋىل شارۋاشىلىق ماشينالارى كاسىپتىك سەلبەستىك كووپەراتيۆى دە اۋىل شارۋاشىلىق ماشينالارىن رەمونتتاۋ قاربالاستىعىنا ءتۇستى. بۇل سەلبەستىك كووپەراتيۆتە 100 دەن استام مۇشە، 11 دەن استام اۋىل شارۋاشىلىق ماشينالارى بار بولىپ، اۋىل شارۋاشىلىق ماشينالارى ءبىر تۇتاس باسقارىلىپ، ءبىر تۇتاس جۇمىس جۇرگىزەتىندىكتەن جۇمىس ونىمدىلىگى جىل سايىن ارتىپ، ءار كومبايىننىڭ كۇندىك جۇمىس مولشەرى 600 مۋعا جەتىپ، جازعى جيىن-تەرىنگە ويداعىداي دايىندىق كوردى. بولات اۋىل شارۋاشىلىق كاسىپتىك سەلبەستىك كووپەراتيۆىنىڭ جاۋاپتىسى گو ۋانلياڭ: «كووپەراتيۆىمىزدىڭ 2 كومبايىنى جۇمىس جۇرگىزىپ، مولشەرمەن جىلىنا 10 مىڭ مۋدان استام جەردىڭ ءبيدايىن، 20 مىڭ مۋدان استام جەردىڭ جۇگەرىسىن ورادى. وتكەن جىلى ءبيداي جانە جۇگەرى ورۋدان كىرگەن كىرىىس ءبىر ميلليون 200 مىڭ يۋانعا جەتتى» دەدى.
ءدوربىلجىن اۋدانىنىڭ جەلاعاش قالاشىعى جەلاعاش قىستاعىنىڭ تۇرعىنى ۋاڭ چاۋچىڭ ءىنىسى ەكەۋى 2011-جىلى ءبىر كومبايىن ساتىپ الىپ، ءار جىلى جازعى جيىن-تەرىن كەزىندە قىستاق ماڭىنداعى اۋىل، قالاشىقتارعا بارىپ جۇمىس جۇرگىزىپ مول كىرىس تابادى. جۋىقتان بەرى ولار كومبايىندى تەكسەرىپ،رەمونتتاۋ قاربالاستىعىنا ءتۇستى. ۋاڭ چاۋچىڭ: «قازىر كومبايىندى تەكسەرىپ رەمونتتاپ بولدىق،ۋنيۆەرسال كومبايىندى ءبيداي ورۋعا دايىنداپ وتىرمىز، جۇگەرى ورۋ كەزەڭىندە قاتىستى جابدىعىن الماستىرىپ جۇگەرى ورۋعا پايدالانامىز» دەدى.
ماۋسىم ايىنان باستاپ، ءدوربىلجىن اۋدانىنىڭ اۋىل شارۋاشىلىق ماشينالارى مەكەمەسى اۋدانعا قاراستى ءارقايسى اۋىل، قالاشىق، فەرمالارداعى اۋىل شارۋاشىلىق ماشينالارىن تەكسەرىپ باقىلاۋشى قىزمەتكەرلەردى ءارقايسى قىستاقتاردىڭ اۋىل شارۋاشىلىق ماشينالارىنا جالپى بەتتىك تەكسەرۋ جۇرگىزۋ جانە ءورت اپاتىنان ساقتانۋ قۇرىلعىلارىن تەكسەرىپ رەمونتتاۋىنا كومەكتەسۋگە جىبەرىپ، ءوندىرىس بارىسىندا تۋىلاتىن ءتۇرلى كومەسكى قاتەردىڭ الدىن الىپ، تۇتاس اۋدانداعى 390 مىڭ مۋ ءبيدايدى تولىق قامبالاۋعا كەپىلدىك ەتتى.
ءدوربىلجىن اۋداندىق اۋىل شارۋاشىلىق ماشينالارى مەكتەبىنىڭ باستىعى چاڭ حۋسىڭ: «قازىر اۋدانىمىز ءبيداي ورۋعا 202 كومبايىندى دايىنداپ وتىر، جازعى جيىن-تەرىن كەزىندە قىزمەتكەرلەردى ءارقايسى قىستاقتىڭ حاۋىپسىز ءوندىرىسىن تەكسەرۋگە ۇيىمداستىرامىز، كەزەكتە، تۇتاس اۋداننىڭ اۋىل شارۋاشىلىق ماشينالارىن تەكسەرۋ قىزمەتى نەگىزىنەن اياقتالدى» دەدى.
ۇعىسۋعا قاراعاندا، بيىل ايماق بويىنشا ءبيداي، كۇرىش ورۋ ماشيناسىنان 545 ى بار بولىپ، قازىرگە دەيىن 500 گە جۋىق كومبايىن رەمونتتالىپ بولعان.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.