ءتىلشىمىز ياڭ يىڭ حابارلايدى. 29-ماۋسىم كۇنى شاۋەشەك قالاسى ابدىرا اۋىلى كۇجىباي وڭتۇستىك قىستاعىندا سەبەزگىلەپ جاڭبىر جاۋىپ تۇردى، كوشەلەر جىم-جىلاس بولعانىمەن، مادەنيەت ءۇيى ادامعا لىق تولىپ، قىستاق تۇرعىندارى «اۋىل-قىستاققا عىلىم-تەحنيكا جەتكىزۋ» قيمىلى بويىنشا بارعان مامانداردىڭ لەكسياسىن زەر سالا تىڭداۋدا.
سول كۇنى ايماقتىق ەكونوميكالىق قىزمەت كەڭسەسى ايماقتىق عىلىم-تەحنيكا قوعامى، اۋىل شارۋاشىلىق مەكەمەسى، مال شارۋاشىلىق-مال دارىگەرلىك مەكەمەسى، ايماقتىق قوعام حاۋىپسىزدىگى مەكەمەسىنىڭ ءورت ءوشىرۋ تارماق اترەتى، سونداي-اق ايماقتىق پارتكوم ءىس كەڭسەسى، ساياساتتى زەرتتەۋ ءبولىمى مەن ەكونوميكالىق قىزمەت كەڭسەسىنىڭ كۇجىباي وڭتۇستىك قىستاعىندا تۇراتىن «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» بىرلەسپە قىزمەت اترەتىمەن سەلبەسىپ، «اۋىل-قىستاققا عىلىم-تەحنيكا جەتكىزۋ» قيمىلىن ورىستەتىپ، كۇجىباي وڭتۇستىك قىستاعىنداعى تۇرعىنداردىڭ عىلىم-تەحنيكا، مادەنيەت ساپاسى، اۋىل شارۋاشىلىعى قولدانىلمالى تەحنيكا ورەسىن،ورتتەن ساقتانۋ بىلىمدەرىن جوعارىلاتتى.
قيمىل بارىسىندا ايماقتىق اۋىل شارۋاشىلىق مەكەمەسى مەن مال شارۋاشىلىق-مال شيپاگەرلىك مەكەمەسىندەگى ماماندار كۇجىباي وڭتۇستىك قىستاعىنىڭ ءىس جۇزىندىك جاعدايىمەن بىرلەستىرە وتىرىپ، قىستاق تۇرعىندارىنا تەحنيكالىق جاقتان اقىل-كەڭەس بەرىپ، ارناۋلى تاقىرىپتاعى تەحنيكالىق لەكسيالار سويلەپ، قىستاق تۇرعىندارىنىڭ عىلىم-تەحنيكا ۇيرەنۋ، عىلىم-تەحنيكادان پايدالانۋ قابىلەتتەرىن ءوسىرىپ، قىستاق تۇرعىندارىنىڭ كىرىسىن ارتتىرۋىنا جەتۋگە كومەكتەسسە؛ ايماقتىق عىلىم-تەحنيكا قوعامى مەن ايماقتىق قوعام حاۋىپسىزدىگى مەكەمەسىنىڭ ءورت ءوشىرۋ تارماق اترەتى عىلىم-تەحنيكاعا قاتىستى سۋرەت كورمەسىن اشۋ، تانىستىرۋ، عىلىم-تەحنيكاعا قاتىستى ماتەريالدار مەن ورتتەن ساقتانۋ حاۋىپسىزدىگىنىە قاتىستى كىتاپتاردى،ۇگىت كىتاپشالارىن تاراتۋ سياقتى تاسىلدەر ارقىلى كۇجىباي وڭتۇستىك قىستاعىنداعى قىستاق تۇرعىنداردىڭ وسى جاقتارداعى بىلىمدەرىن ءوسىردى.
قىستاق تۇرعىنى ايقىنبەك:« بۇگىنگى بۇل قيمىلدىڭ مازمۇنى وتە باي بولعاندىقتان، ءبىز عىلىم-تەحنيكا، ورتتەن ساقتانۋ، باعىمشىلىق، ەگىمشىلىك بىلىمدەرىن ۇيرەندىك. ۇيگە قايتقاننان كەيىن ماماندار بەرگەن بىلىمدەردى جاقسى ۇيرەنىپ، ءوزىمنىڭ باعىمشىلىق، ەگىمشىلىك تەحنيكامدى ۇزدىكسىز جوعارىلاتامىن» دەدى.
ايماقتىق پارتكوم ءىس كەڭسەسىنىڭ ورىنباسار مەڭگەرۋشىسى ۋ-ي:« وسى رەتكى قيمىلدى كوپ ورىن بىرلەسىپ وتكىزگەندىكتەن، مازمۇنى دا ەرەكشە باي بولدى. «اۋىل-قىستاققا عىلىم-تەحنيكا جەتكىزۋ» قيمىلىن وتكىزۋدەگى ماقسات -وزىق عىلىم-تەحنيكالىق جەتىستىكتەردى قىستاق تۇرعىندارىنا جەتكىزىپ، قىستاق تۇرعىندارىن شۇعىل قا جەتتى بىلىمدەرمەن، قابىلەتتەرمەن قامداپ، ءونىم مەن كىرىستەرىن ارتتىرۋىنا ءمان بەرىپ، حالىققا تيىمدىلىك جەتكىزۋ» دەدى.
قيمىل بارىسىندا «ۇشقارىلىقتى الاستاۋ» ۇگىت -لەكسياسى جۇرگىزىلىپ، لەكسيا اياقتاعاننان كەيىن ءار قايسى ورىننىڭ قىزمەتكەرلەرى، قىزمەت اترەتىنىڭ مۇشەلەرى، قىستاق كادرلارى، قىستاق تۇرعىندارى «ۇشقارىلىقتى الاستاۋ» كەرمە تۋىنا قول قويدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.