ۇسىنىس ەتىلگەن ءتىلشى جەڭىسحان اسقار ۇلى، ەرىكتى ءتىلشى اۋاحان تۇراپ قىزى حابارلايدى. ساۋان اۋداندىق دامۋ-رەفورمالاۋ كوميتەتىنەن نيۋجۋانزى مال فەرماسى قىزىلشوقى قىستاعىنا تۇسكەن قىزمەت اترەتى ءتۇرلى امال قاراستىرىپ،قىزمەت ادىسىندە جاڭالىق جاراتىپ، مالشىلاردى ۇيرەنۋگە جەتەلەپ، پارتيانىڭ حالىققا ءتيىمدى ساياساتتارىن حالىق بۇقاراسىنا جالپى بەتتىك ۇگىتتەدى.
قىزمەت اترەتىنىڭ مۇشەسى مادەي ىرىسبەك ۇلى وتباسىلارىن ارالاپ جاعداي ۇعىسۋ بارىسىندا، قىستاقتاعى جاستاردىڭ كوپ ساندىسى ءۇنحات تەكشەسىنە شىعىپ، ءتۇرلى ينفورماتسيالاردى كورەتىندىگىن بايقاپ، ءۇنحات تەكشەسىنەن پايدالانىپءۇنحاتتاعى تىلدىك دىبىس، كەسكىن، سۋرەت جانە جازبا ماتەريالدار ارقىلى پارتيا ساباقحاناسىن اشىپ، مەرزىم بويىنشا حانزۋشا، قازاقشا جازۋ ۇلگىسىندە جانە قىستىرما سۋرەت ارقىلى پارتيانىڭ حالىققا ءتيىمدى ساياساتتارىن ۇگىتتەپ، ەگىنشى- مالشىلاردىڭ ۇيرەنۋىنە كەپىلدىك ەتۋدى ورتاعا قويادى.
مادەيدىڭ بۇل ويى قىزمەت اترەتىندەگى كادرلاردىڭ قولداۋىنا يە بولدى. قىستاققا تۇسكەن قىزمەت اترەتىندەگى كادرلار مالشىلاردى ءبىر جەرگە جيناپ شوعىرلى تۇردە كەسكىن، اسپالى سۋرەت كورسەتىپ تاربيەلەپ، وتباسىلارىن ارالاپ جاعداي ۇعىسۋدان سىرت، تاعى دا ءۇنحات توبى، دوستىق شەڭبەرىنەن پايدالانىپ، مەرزىم بويىنشا حالىققا ءتيىمدى ساياساتتاردى، جۇمىس ورنىنا ادام قابىلداۋ ينفورماتسيالارىن جەتكىزىپ،قىستاق تۇرعىندارىنىڭ قىزۋ قارسى الۋىنا يە بولدى.
قىستاق تۇرعىنى قۋانىشپاي قاسەن ۇلى كومەكشى ساقشىسىندىق مىندەت وتەيدى. ول: «قىستاعىمىزدا ‹قوس ءتىلدى› قىزمەت اترەتى بولعاندىقتان عانا، ءتۇرلى حالىق تۇرمىسىنا ءتيىمدى ساياساتتار مەن جۇمىس ورنىنا ادام قابىلداۋ ينفورماتسيالارىنان دەركەزىندە حاباردار بولىپ بۇگىنگىدەي قىزمەتكە ورنالاستىم» دەدى.
قىستاق تۇرعىنى بەگزات جەڭىسبەك ۇلى مەن جۇبايى التىناي قامادىل قىزى دا ءۇنحات تەكشەسى ارقىلى جاريالانعان جۇمىس ورنىنا ادام قابىلداۋ ينفورماتسياسىنان وزدەرى قالاعان جۇمىس ورنىن تاۋىپ الدى. بەگزات: «پارتيانىڭ جاقسى ساياساتىنا راقىمەت، قىستاققا تۇسكەن قىزمەت اترەتىندەگى كادرلارعا راقىمەت، ولاردىڭ ارقاسىندا جۇبايىم ەكەۋىمىز وزىمىزگە ۇيلەسەتىن جۇمىس ورنىن تاۋىپ الدىق ءارى جۇبايىم تىككەن قولونەر بۇيىمدارىن توراپ ارقىلى ساتىپ، وتباسىمىزدىڭ كىرىسىن ارتتىردىق»دەدى.
بۇدان سىرت، قىستاققا تۇسكەن قىزمەت اترەتىندەگى كادرلار مالشىلاردىڭ بىتىراندى قونىستانۋ جاعدايىنا قاراي وتىرىپ،«جىلجىمالى قىزمەت وتەۋ اترەتىن» قۇرىپ، مالشىلاردىڭ جايلاۋى باتپاقبۇلاق، دازىمياۋ، قىزىل وزەن قاتارلى ورىندارعا بارىپ، مالشىلار قايدا كوشىپ بارىپ قونىستانسا، قىزمەت اترەتىندەگى كادرلار سوندا بارىپ ويداعىداي قىزمەت وتەدى.
سونىمەن قاتار، «جەرلىك فەرما پارتكومى قولداپ – قۋاتتاۋ، قىستاققا جىبەرگەن ورىن سۇيەمەلدەۋ، قىزمەت اترەتىندەگى كادرلار يگەرۋ، قىستاق ‹ەكى كوميتەتى› مەڭگەرۋ سىندى»، امالدار ارقىلى مال شارۋاشىلىق رايونىندا سەگىز «جىلجىمالى قىزمەت وتەۋ ورنىن» قۇردى. مۇندا مەملەكەت تۋىن شىعارۋ ارقىلى لەكسيا سويلەۋ جانە مالشىلار كەشكى مەكتەبىنەن پايدالانىپ، شوعىرلى تۇردە پارتيا ساباعىن ۇيرەنۋ، زاڭنان كەڭەس بەرۋ، عىلىم-تەحنيكا جالپىلاستىرۋ سىندى قىزمەتتەردى تىڭعىلىقتى ىستەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.