ەەڭ جاڭا مازمۇندار
2017-جىلى 20-قىركۇيەك 208-سان
2017-جىلى 19-قىركۇيەك 207-سان
2017-جىلى 18-قىركۇيەك 206-سان
2017-جىلى 16-قىركۇيەك 205-سان
قىزمەت اترەتى پارتيانىڭ تيىمدى ساياساتتارىن مالشىلار وتباسىنا جەتكىزدى
حاۋىپسىز ءوندىرىس قىزمەتىن مىقتى ۇستادى
عىلىم-تەحنيكا ىستەرى قارىشتاپ دامىدى
«اقىن بولۋ ءوز ەركىڭ...»
ايماعىمىز اۆتونوميالى رايوننىڭ حاۋىپسىز ءوندىرىس جۇرگىزۋدى ارالاپ تەكسەرۋىن قارسى الۋ قىزمەتى ءماجىلىسىن اشتى
اۆتونوميالى رايوننىڭ «ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسىنىڭ باقىلاۋ-تەكسەرۋ قىزمەتىنەن جاۋاپ قايتارۋ ءماجىلىسى اشىلدى
شاعانتوعاي اۋدانىنداعى ءار ۇلت جۇرتشىلىعى قورشاعان ورتانى قورعاۋدى باقىلاۋ - تەكسەرۋ قىزمەتىن القادى
باس نىسانانى جۇزەگە اسىرۋعا قۇدىرەتتى وڭ ەنەرگيا ۇيىستىردى
2017-جىلى 15-قىركۇيەك 204-سان
اۆتونوميالى رايوننىڭ « ۇكىمەت قىزمەتىنەن بايانداماداعى» ءتۇيىندى مىندەتتەردىڭ تياناقتانۋ جاعدايىن باقىلاۋ-تەكسەرۋ گرۋپپاسى ايماعىمىزعا كەلدى
مەيربان انالار قيىنشىلىعى بار وقۋشىلاردان قال سۇرادى
قىزمەت اترەتىنىڭ كومەگى بۇقارانىڭ جۇرەگىندە
قىزمەت اترەتى مالشىلاردىڭ شىعىنسىز ءتول الۋىنا تاماشا شارت جاعداي ازىرلەدى
اۋەلگى ماقساتتى ۇمىتپاي، پارتياعا ىلەسىپ، ايقىن تۋ ۇستاپ، بولشەكتەۋشىلىككە قارسى تۇرامىن
بۇگىنگى شينجياڭدى بۇلدىرۋگە استە جول بەرمەيمىز
قانجاردى «ءۇش ءتۇرلى كۇش» پەن «ەكىبەتكەيلەرگە» قادايىق
ايماعىمىزداعى ءار دارەجەلى ساياسي كەڭەس مۇشەلەرى «ءۇش ءتۇرلى كۇشكە» باتىل ءۇن قاتىپ، ايقىن پوزيتسيا ءبىلدىردى
شيحۋ قالاسىنىڭ ەكولوگيالىق ورتاسى جاقسارا ءتۇستى
جاپون شاپقىنشىلارىنا قارسى سوعىستى ەسكە ءتۇسىرۋ كۇنىندە ءتۇرلى فورماداعى قيمىلدار ورىستەتتى
ماڭىزدى ءسوز رۋحىن مالشىلارعا جەتكىزدى
2017-جىلى 14-قىركۇيەك 203-سان
«تارباعاتاي گازەتى» مەكەمەسى جۇمىسشى -قىزمەتشىلەردىڭ مادەني تۇرمىسىن جاقسارتتى
ارتىق ەڭبەككۇشتەردىڭ كاسىپتەنۋىن جەبەدى
قامقور جاندارعا العىس ايتتى
قىزمەت اترەتى ءورت وشىرۋ بىلىمدەرىن ۇگىتتەدى
ساياحات،سەرۋەن قالاسىن قۇرۋعا بەرىك نەگىز قالادى

«ون كىتاپقا» ءۇش پارا ءسوز

جولدانعان ۋاقىتى : 2017/7/17 18:05:30

(باسى 14-شىلدەنىڭ سانىندا)
 
قيالدان قانات تاعىنىپ، قيانعا وي كومگەن جىرلار
 
   وسى جولعى «ون كىتاپتىڭ»ۇلكەن  تابىسى مەن جاڭالىعى سول _ سيمۆوليزم ستيلىندەگى جىرلاردىڭ كولەمى مەن   سانىنىڭ مولدىعى بولماق. ال،ساپاسى تۋرالى سارابدال سىنشىلارىمىزدىڭ الدا باعا بەرەرى انىق. وسى قاتاردا ەرلان نۇردىقان ۇلىنىڭ «عاسىرلىق كۇز»، قاجىبەك ايدارقان ۇلىنىڭ «ۋاقىت _  كەڭىستىك بەدەرى»، وركەن سالۋباي   ۇلىنىڭ «تاس بوياۋ» اتتى جىر كىتاپتارىنىڭ «جاپىراعىنا» سايالاپ،«تامشىسىنان» سۋسىنداپ،«مۇڭىنان» ءلاززاتتانىپ،     «قيالىنا» ىلەسىپ كورەلىك:

  5. ەرلان نۇردىقان _ «عاسىرلىق كۇز»
 6. قاجىبەك ايدارقان _ «ۋاقىت _ كەڭىستىك بەدەرى»
  «سانامداعى سان عاسىرلىق تۇرمەمدى،
  تاستاپ شىقتىم!
  كولەڭكەنى نۇر جەڭدى...
  ەرمەن وسكەن ەسكى جولدىڭ شەتىنەن
  تاۋىپ الدىم مەن ءوزىمنىڭ مۇردەمدى»  (ەرلان،«جوعالتۋ»،79-بەت).

    نە سەزىندىڭىز؟مۇنداي ولەڭدى وقۋدا وقىرماندا پويەزيالىق جوعارى ساۋات بولۋدى قاجەت ەتەدى. بۇل شۋماقتا زەردەلەسەڭىز جوعالعان سانا،جوعالعان رۋح مەڭزەلىپ تۇر. ءداستۇرلى ۇلگى  بويىنشا اشىق ايتىپ تۇرعان جوق. «تۇرمە،ەسكى جول، كولەڭكە، نۇر، مۇردە»سوزدەرىنەن كوركەم دە جاندى سيمۆول جاساپ،ويدى جاسىرىپ تۇر. ال،     قاجىبەكتى قاراڭىز:
«اداسقان ماڭايىم شىتىرمان،
كوز الدى اق تۇمان.
كوپ كۇمان!..
قاڭسىعان قاۋعاداي ورتەيدى-اۋ،
اسپاننان اق كۇمىس وت قۇلاپ!
 
سانانىڭ باعدارى جالعىز تال،
جارىق بار ىلىنگەن وزەككە!
انامنان ءنار ىشكەم،
بابامنىڭ
 تامىرىن قيۋدى ءسوز ەتپە!..» («سانانىڭ باعدارى»،18-بەت). مىنە،بۇل «مەننىڭ» سانا اعىمى _ «اداسقان سانا،ماڭگىرگەن پەندە». ۇلتىمىزدىڭ قازىرگى زاتتىق جانە رۋحاني الەمىندەگى جەلكەنسىز قايىقتاي قالىقتاعان تاعدىرى. سانا _  ءبىر ادامنىڭ،ءبىر ۇلتتىڭ، ءبىر مەملەكەتتىڭ تاعدىرىنىڭ جەتەكشى يدەياسى. مۇندا،ۇلكەن فيلوسوفيالىق تولعانىستار جاتقاندىعى بەلگىلى. اقىن بۇل باعداردى  «انامنان ءنار ىشكەم،بابامنىڭ تامىرىن قيۋدى ءسوز ەتپە» دەپ ۇلتتىق سانادان ايرىلىپ قالماۋدى ۇستانادى. «كەڭىستىكتى سەزىنۋ» دەگەن ولەڭىندە جانە سانا تۋرالى: «... ۇشپاق ەدى سانامنىڭ      ءمولدىر قۇسى،قاناتىنان بۇتاققا بايلانىپ تۇر» دەپ ساناداعى شىرمالۋدى،داعدارۋدى ەسكەرتەدى. ەكى جيناقتاعى ورتاقتىق  ولەڭدەردىڭ ۇلكەن سۇلباسىندا «سانا،رۋح، جان» كەيدە قۇس بولىپ،كەيدە جىلقى  بولىپ،كەيدە جاپىراق بولىپ،جەر مەن كوكتىڭ،ۋاقىت پەن كەڭىستىكتىڭ اراسىندا كەزدەسىپ،وقىرمانىن ويعا سالىپ،رۋحىن تازارتىپ،جىگەرىن شىڭداپ جاتادى.

«ەي، شەكسىزدىك! 
تەرەڭدىك ھام بيىگىم...
اداممىن عوي مەن اجالدىڭ ءبيىمىن!
وي-سانامدى دومالاتىپ ويناۋدا
كوكجيەكتىڭ كوزىندەگى ءيىرىم» («ءيىرىم»،33-بەت). ەرلان «ادامدى    اجالدىڭ ءبيى» دەپ قۇدايدىڭ ورنىنا قويىپ، سانانىڭ تاعدىرىن ادامنىڭ قولىندا ەكەنىن مەڭزەسە:
«ءولىم قالقيدى كۇننىڭ استىندا،
بولمىس ونەدى سانا ءتۇبىنەن!..
قيال كولبەۋ تەربەلەدى،
ۋاقىت تۋرالادى تىگىنەن» («كوز جەتكىزۋ»،46-بەت) دەپ قاجىبەك بولمىستىڭ سانادان ونەتىندىگىن مەڭزەيدى. كوردىڭىز بە؟ەكى اقىنداعى شەكسىزدىكتەن فيلوسوفيا،شەكسىزدىكتەن كوركەمدىك ىزدەۋدەگى قيالىن.  وسى ەكى ولەڭنىڭ وزىنەن كادىمگى ديسسەرتاتسيالىق ماقالا قورعاۋعا بولاتىنداي. ەرلان مەن قاجىبەك جىرلارىنىڭ كەرەمەتى دە،جاڭالىعى دا وسىندا.   ولەڭدەرىندە سيمۆولدىق ءتاسىلدى مىقتى ۇستانادى.

     بۇل ەكى جيناقتى وقۋدا ادەبيەتتەگى مىناداي قاعيدالارعا دا جۇگىنىپ كورەيىك. اي چيڭ: «اقىننىڭ ەڭ ماڭىزدى ءبىر  قابىلەتى ــ ونىڭ قيالداي ءبىلۋى بولماق،اقىن ءبىر-بىرىنە كوپ قاتىسى بولماعان ىستەردى دە قيالداۋ ارقىلى جىپكە تىزگەن مارجانداي ەتىپ،ءبىر تۇلعاعا اينالدىرا الادى» دەسە؛اسقار  سۇلەيمەنوۆ: «ونەردىڭ تۇبىنە سورپا  بەتىندەگى مايداي  قالقىعان تۇسىنىكتى يدەيا جەتەدى. جازۋشىنىڭ ءبىر مىندەتى _ وي-يدەيانى اشۋ ەمەس،ونى  مۇنارتقا كومىپ،مۇنارمەن بۇركەۋ»  دەيدى. وسى تۇرعىدان قاراعاندا،ەكى  اقىنداعى وي مەن قيالدىڭ،رەالدىق پەن رومانتيكانىڭ،كۇردەلىك پەن كوركەمدىكتىڭ توعىسقانىنا قاراپ،مىنالار ءوزى ادامزات پا،باسقا زات پا؟دەپ تە قالاسىز. ەكى اقىندا ۇلى تابيعاتتاعى ءار قيلى رەڭ،ءيىس جانە دىبىستار ءوزارا سايكەستىرىلگەن،ءتىپتى،اۋەلى ءبىر-بىرىنە  الماستىرىلعان جانە ءبىر جاعىنان،زات پەن زاتتىڭ،زات پەن ادامنىڭ ىشكى بايلانىسى ءوزارا توعىستىرىلعان. ەرلان ستيلىندە زات پەن قۇبىلىستىڭ جارىق-كولەڭكە تۇستارىنا،قۇبىلمالى تۇسىنە كوپ ءۇڭىلىپ،كەيدە ءتىپتى دىبىسقا دا ءتۇس (رەڭ) بەرۋگە بارادى. ماسەلەن،«قىزعىلىت دىبىس، جاسىل دىبىس» سياقتى      تۇسپەن وبراز جاساۋ ءار بەس ولەڭىنىڭ بىرىندە كەزدەسەدى دەسەم ارتىق ەمەس. بۇدان تىس،ەرلاننىڭ لەكسيكاسىندا «تامشى،تابىت،كوز جاسى،ەلەس،كىرپىك،ءولىم،كۇز»  سياقتى سوزدەر مولىنان كەزدەسەدى. ەرلاندا وسىنداي نازىك  فيلوسوفيلىق سىلتەمەلەر ءجيى ۇشىرايدى.

   قاجىبەك ستيلىندەگى تاعى ءبىر ەرەكشەلىك _ زاتتار مەن قۇبىلىستاردىڭ  بولمىسىن،ىشكى ءمانىن ءيىس ارقىلى سەزىنەتىندىگىندە. ونىڭ لەكسيكاسىندا «ءيىس،ءدام،ءنىل،تامىر،ءنار،بۇرشىك» سياقتى سوزدەر كوپ قولدانىلادى،اسىرەسە زاتتار مەن بولمىستاردان ءيىس  ارقىلى وبراز جاسايتىندىعىندا. ماسەلەن،  «القىزىل ءيىس،جىپ-جىلى ءيىس،ءنىلىن يىسكەۋ،تۇلپاردىڭ ءيىسى،عارىشتىڭ  ءيىسى،ءولىمنىڭ ءيىسى،دىبىستىڭ ءيىسى»، ت.ب.

  ەكى اقىنداعى دارالىق ءتىل قولدانۋ جاعىنان كورىنەدى،ياعني  داعدىلى قولدانىپ جۇرگەن ستيلستيكالىق تاسىلدەردى وزگەشە قولداناتىندىعىندا،اسىرەسە اسىرەلەۋ، تەڭەۋ مەن كەيىپتەۋدى اۋىز ادەبيەتىمىزدىڭ قورىنان،ياعني «تازشانىڭ قىرىق وتىرىگى»،«ەرتوستىك»   ەرتەگىسى سياقتى قيال-عاجايىپ ەرتەگىلەردەن جاڭعىرتىپ قولدانادى. مىسالى:

«شاڭىراعىنان جۇلدىز تامعان اۋىلدى،
ءسال قالجىراپ ەسىنەگەن تاۋىمدى،
قاس-قاعىمدا سارقىپ ءىشىپ العان كىم؟» (ەرلان،108-بەت) دەسە،ال،قاجىبەكتىڭ «ىشەرمىن مەن عارىش تەكتى مىنەزبەن،كۇننىڭ نۇرىن كوكىرەگىم شولدەسە» (قاجىبەك،51-بەت) دەگەن تىركەسىنە قاراڭىز،ءداستۇرلى كەيىپتەۋدە جانسىز زاتتارعا ادامدىق مىنەز،قيمىل بەرىلسە،مۇندا كەرىسىنشە ادامعا      عارىشتىق مىنەز،قارا جەردىڭ،ءتۇننىڭ قاسيەتى بەرىلىپ،ەرتوستىكتىڭ جانىنا توپتاسقان «كول تاۋىسار» سياقتى كەيىپكەرلەر ەلەستەيدى. ولاردان تاعى ءبىر بايقاعانىم ولەڭدەرىن دارالاپ،تاقىرىپقا جىكتەۋگە دە كەلمەيدى ەكەن. سوندىقتان دا شىعار،جيناقتاعى كوپتەگەن   ولەڭدەرىنە ات تا قويىلماعان،بۇل     «ءبىر ولەڭدە تەك ءبىر عانا وي ايتىلىپ،ءبىر عانا تاقىرىپ جىرلانۋداي» ءداستۇردى بۇزعاندىعى  بولار.

  7. وركەن سالۋباي _ «تاس بوياۋ»
وسى جولداعى اقىننىڭ ءبىرى  وركەن سالۋبايدىڭ دا «تاس بوياۋىندا»:
«تاۋسىلدى مەنىڭ دە سابىرىم،
جاپىراق قازعاندا مەزگىلدىڭ قابىرىن.
ءولىمدى ەلەمەي ول ەندى،
ىزدەپ ءجۇر ءوزىنىڭ تامىرىن» («جاپىراق تاعدىرى»،36-بەت) دەپ جىرلاعان كەرەمەت ليريكا بار. مۇنى جاي تابيعات ليريكاسى دەۋگە كەلمەيدى. استارىندا تەكتىلىك جاتىر. جوعارىدا ايتقان سيمۆوليزم ستيلى دەگەن مىنە وسى. مۇندا جاپىراق پەن تامىر دەگەن ەكى سيمۆولدىق زات بار. جاپىراقتى عۇمىردىڭ سيمۆولى    دەسەك،ال تامىردى تەكتىڭ سيمۆولى دەيمىز. مۇنداعى جاپىراقتا جان-سەزىم بار،جىلدامدىق،كەڭىستىك بار،«ءوزىنىڭ تامىرىن (تەگىن) ىزدەۋدەي» رۋح تا بار. وسى سەكىلدى جيناققا ەنگەن ولەڭدەرىندە  ءداستۇرلى كەيىپتەۋ ءتاسىلىن بۇزىپ،زاتتاردىڭ ماتەريالدىق قاسيەتىنە قاراي ەمەس،ىشكى ماندىك قاسيەتىنە قاراي كەيىپتەپ وتىراتىن ستيل بايقاتادى. «كولەڭكەم كەپ قۇلاپ جاتقان جار قاباق»، «ءولدى ەندى ەرنىمدەگى ءسوز قۇلاپ»، «قاراڭعى ءتۇن ءىش مەنى»،ت.ب تىركەستەرىن قاراڭىزشى،قيسىنسىز دەپ  قالاي ايتۋعا بولسىن؟ءبىرتالاي ولەڭدەرىندە رەال ءومىردى قايىرشىنىڭ كوزىمەن كورىپ،قايىرشىنىڭ تۇيسىگىمەن  ءتۇيسىنىپ،قايىرشىنىڭ قيالىمەن قيالدايتىن وبرازدار كەزدەسەدى. وسىعان قاراعاندا،اۆتور جاسامپازدىعىندا «قايىرشى» دەگەن ليريكالىق كەيىپكەر قالىپتاسا باستاعان دا سىڭاي بىلىنەدى. كەلتىرە بەرسەك وركەننىڭ جىر كىتابىندا جاقسى   ولەڭدەر  باسىم ساندى ۇستايدى ەكەن،ەسكەرتەرىمىز قيالدان قانات تاعىنعان   اقىنىمىز كەيدە وي جەلىسىنەن القىپ  شىعىپ،ءسوز ويناتۋعا عانا دەن قويىپ،ايتپاقشى ويىنا يە بولا الماي قالاتىن دا تۇستارى كەزدەسەدى. ماسەلەن،«رومانتيكا» (8-بەت) اتتى ولەڭىن وقىپ كورەلىك:

«اسپاننىڭ جاپىراق قۇستارى،
وت جۇققان قاۋىرسىن ۇشتارى،
ال سەنى قورعايدى جولىڭدا،
كەڭىستىك جاساعى قىرىلىپ.
تاكاپپار دۇنيە قارايدى،
كورمەگەن ارتىنا بۇرىلىپ.
ساۋساعى قان جوسا،
سۇپ-سۇلۋ جۇرەگىن سۋىرىپ»    دەگەندەي، ساباعىنان ءۇزىلىپ كەتكەن شۋماقتار «تەڭسىزدىك» (30-بەت)،    «قۇشتارلىق» (46-بەت)،«ماحاببات  پەرىشتەسىنە» قاتارلى ولەڭدەرىندە دە ءجيى ۇشىرايدى. وركەننىڭ جيناعىنداعى ولەڭدەرىنەن قاراعاندا،قيال مەن  كوركەمدىك نەداۋىر جەتىلگەن. الايدا، ايتپاقشى ويىن جيناقتاي المايتىن   جاعداي بايقالادى.

 8. شالقار قانىكەي ۇلى _  «قۇس _ قالام»
داستۇردەن سۋسىنداپ،جاڭالىققا تالپىنىپ،وزىنشە ءسوز تۇرلەندىرگىسى كەلىپ جۇرگەن جاستىڭ بىرەۋى شالقار قانىكەي ۇلى. ول قولىمداعى «قۇس _ قالام» اتتى جيناعىنىڭ بەتاشارىندا:
«مەزگىل كەتىپ بارا جاتىر كوردىم مەن،
وعان ساعات ولشەم ەمەس تورگە ىلگەن.
ۇستاپ الىپ سۇيگىم كەلدى ۋاقىتتى،
ەرىتىلگەن شوق تامىزىپ ەرنىمنەن.
 
ءبارى سەندە شەكسىزدىك تە،ەركىن كۇش،
ال بىزدىكى سول ءبىر شەڭبەر،سول تۇرمىس.
انام بەلى يىلگەندە كوردىم مەن،
مەزگىل سەنى ەس بىلگەندە ەڭ تۇڭعىش» («مەزگىل كەتىپ بارا جاتىر»،3-بەت) دەپ باستالعان ولەڭىنەن-اق، بولمىستى سەزىنۋىندەگى دارالىعىن يشارالايدى. اناسىنىڭ بەلىنىڭ يىلگەنىنەن   ۋاقىتتىڭ وتكەنىن سەزىنۋى _ اقىندىق سەزىنۋ،وسىدان بىلايعى ولەڭدەرىن  وقىپ كورسەڭىز،شالقاردىڭ قاراپايىم قيمىلداردان رومانتيكالىق سۋرەت   جاساپ،جاڭا اعىمعا ۇمتىلۋداي تىرىسشاڭدىعى بىلىنەدى.

«وتكەننەن سەزىنگەنىم،بايقاعانىم،
تالايدىڭ جازىپ كەتەم ايتار ءانىن.
كىرەردە جەر انانىڭ قۇشاعىنا،
كوگىنە قۇس _ قالامدى قايتارامىن». 
«قۇس _ قالامى» اقىندىق شابىتىنىڭ سيمۆولى. مۇندا،ءتان مەن رۋحتى   ءبولىپ قاراپ،رۋحتىڭ نەمەسە شابىتتىڭ تاعى ءبىر يەسىنە جالعاساتىنى مەڭزەلەدى.

  «جۇلدىز ءمىنىپ اعاتىنداي تۇرامىن»(33-بەت) ولەڭى شالقاردىڭ وي جاسىرىپ،ءسوز ويناتۋداعى تابىستى شىققان ولەڭدەرىنىڭ ءبىرى بولسا كەرەك.

«جۇلدىزداردىڭ جارالاعان كىرپىگى،
جۇرەگىمنىڭ جامالماستان جىرتىعى.
نامىسىمنىڭ نايزاعايىن ويناتىپ،
مەن دە ومىردەن وتەرمىن-اۋ ءبىر كۇنى» دەپ كەلەتىن ولەڭى ادەمى ءورىلىپ:

«قاباق ءتۇيىپ قابىرىما قاراپ اي،
بالكىم جىلاپ كەمسەڭدەي مە بالاداي.
باتىراشتار بالتاسىن اپ ۇشاما،
بەيتىمە كوكتەپ شىقسا قاراعاي...» دەپ رەال مەن قيالدىڭ،سانا مەن بولمىستىڭ اراسىندا رۋبايلىق ۇلگىدە رومانتيكا  جاسايدى. «تەرەزە»،     «ءۇرىمجى»،«ارعىماق _ جىر»،      «ايناش» قاتارلى جىرلارى شالقاردىڭ ادەمى پويەزياسى دەۋگە بولادى.

   شالقاردىڭ جيناقتاعى ولەڭدەرىنىڭ ۇلكەن سورابىنان قاراعاندا،شالقىعان سەزىم مەن ويناقى وي ايتۋعا ىڭعاي بايقاتىپتى. ءيا،شالقاردىڭ قالامى ءالى جاس،الدا كوپ ىزدەنسە،كەمەلدى اقىن بولىپ كورىنەرى داۋسىز.
 
 ساليقالى سارى تابان جىرلار
 
   9. مۇرال توقتار ۇلى _ «كوگىلدىر ساعىنىش»
اقىن مۇرال توقتار ۇلىنىڭ «كوگىلدىر ساعىنىش» اتتى جىر توپتاماسى دا وسى قاتاردا قولىمىزعا ءتيىپ،جىرعا دەگەن  ءشولىمىزدى قاندىرعانداي بولدى. الدىمەن («ارىمسىڭ،التاي»،96-بەت)  جىرىن وقىدىم.

«كوگىلدىر ساعىنىش...
كەيۋانا توقساننان اسقان.
التايدى اڭسايدى
ەمەس پە ءبارى ۇقساس اسپان.
اتا جۇرتىنا جوق ەشكىم الا كەتەتىن،
شەرتىلەدى قاشانعى ەرتەگى باستان،
ۇركەردەي بىتىراپ ۇرىككەن ەل    وسىلاي بوسقان...» 
كەشەگى الماعايىپ زاماننان سىر شەرتىپ،كونەنىڭ كوزىنەن،تۇلپاردىڭ    تۇياعىنان قالعان اجەنىڭ تۋعان جەرگە دەگەن ساعىنىشى «ەلىم-اي» اۋەنىنىڭ جالعاسىنداي بەينەلەنگەن ايتاقالسىن  جاقسى ولەڭ.

«دالا،قالا قالايشا تەڭەسپەدى؟
جاڭا كوزىم ىلىنگەن ەمەس پە ەدى.
جاسىل مەكەن تۇسىمە جاننات كىرىپ،
ول ماعان اۋىلىم بوپ ەلەستەدى» (112-بەت). 
بۇل دا اۆتوردىڭ اۋىلعا بولعان ىستىق ساعىنىشى.
«دۇنيە،ءسۇيدىم،ىزدەدىم،
ىزدەدىم كۇدەر ۇزبەدىم.
بۇلاڭداپ كوزدىڭ ۇشىندا،
بۇلعاعان جاۋلىق قىز با ەدىڭ؟..»(122-بەت) دەپ قىزىعى مول،بەرەرى كوپ دۇنيەگە دەگەن اڭسارى مەن ساعىنىشى تاعى جىرلانعان. مىنە وسىنداي ساعىنىش جيناقتىڭ تۇتاس تۇلعاسىنا نەگىزگى جەلى بولىپ تارتىلعان ەكەن. بايقاعانىم جيناقتا «قازاندا قايتقان قۇس ءانى» (94-بەت)،«جەتىم بوبەك» (18-بەت)، «ماحابباتتى ۇمىتۋ» (9-بەت)،«توقىراۋ  جىرى» (6-بەت)،«ءبىز ەكەۋىمىز» (132-بەت)،«اپەكەمە» (75-بەت)  قاتارلى ليريكالىق سەزىمى قويۋ،اقىندىق شابىتى شالقىعان جاقسى ولەڭدەرى وقىرمانىن جەلپىندىرىپ-اق تاستايدى. سونىمەن  بىرگە،جيناقتا ءالى پويەزيا ورەسىنە   كوتەرىلە الماعان،بىرەر قايناۋى ىشىندەگى ولەڭدەر مەن شۋماقتار دا كەزدەسىپ  قالادى. 

    ۇزىن ءسوزدىڭ قىسقاسى،مۇرالدىڭ بۇل جىر جيناعىن ونىڭ اقىندىق ورەسىنىڭ بيىگى دەۋگە كەلمەيدى،ىزدەنۋ  ۇستىندە جۇرگەن اقىن ەكەندىگى اڭعارىلادى،ياعني وي استارلاۋى مەن فورمالىق جاقتا ازداپ ومارعازى ستيلى دە بايقالادى.

   10. عىلىمبەك سولتانيا ۇلى _ «تۋعان جەرىم تۇعىرىم»
ءارى اعارتۋشى،ءارى اقىن عىلىمبەك سولتانيا ۇلىنىڭ «تۋعان جەرىم تۇعىرىم» اتتى جىر جيناعى دا ون كىتاپتىڭ ىشىندەگى شاحانوۆشا ولەڭ ستيلىمەن،وي بەينەلەۋدەگى دارالىعىمەن سومدالعان جاقسى جيناق. مۇنداعى ولەڭدەردىڭ كوبى  كەزىندە وقىرماندارىنىڭ جاقسى  اڭىسىن قوزعاعان ولەڭدەر،اسىرەسە «شولىركەۋ» (7-بەت) اتتى ولەڭى مەن «سەن باقىتسىز ەمەسسىڭ» اتتى پوەماسىمەن عىلىمبەك كوپكە تانىس بولسا كەرەك.

«مۇزداي سۋىق شىق ەتەتىن ميىڭا،
عاسىر بويى كۇن جارىعىن كورمەگەن.
دارىگەر-اۋ،
مىناۋ مەنىڭ ىشىمدە،
قۇمايت جاتىر سول بۇلاق دەپ شولدەگەن...
قۋقىل ءوڭدى شال ەلەستەيد،
كەتسە قايتەم ءبىر تارپىپ،
دارىگەر-اۋ بولساڭ راس قۇتقارماق،
جونەلت بىرەۋ مەنىڭ تۋعان جەرىمە،
مەنىڭ تۋعان ەلىمە،
جىلاپ اققان (قار تۇستەس)،
جوق،جوق ءوڭى تۋعان جەرمەن  ۇقساستاۋ،
ارشالى ساي ىشىندە،
مۇزداي سۋىق بار بولاتىن ءبىر    باستاۋ...» (7-بەت). 
«تۋعان جەر» اقىن اتاۋلىنىڭ شابىتىن شالدىرىپ،ءتىلىن جونداندىراتىن ۇلكەن تاقىرىپ. بۇل تاقىرىپتا جازىلعان ولەڭ سان مىڭ شىعار. ونىڭ سارالىسى عانا  سانادا جاتتالىپ،ءان بولىپ التىن قوردا جالعاسۋدا. ال،عىلىمبەكتىڭ مىنا ولەڭى دە،جانى مۇرىننىڭ ۇشىنا كەلگەن پەندە دە تۋىلاتىن شىنايى اڭساۋ سەزىمنەن شىققان ءبىرتۋار ولەڭ دەۋگە بولادى. مۇمكىن،مۋزيكاسى جازىلىپ،انگە دە    اينالعان شىعار؟الايدا،وسى ولەڭنىڭ سوڭعى شۋماعىنىڭ قاجەتى جوق،دارىگەرگە ودان ارى ءتۇسىندىرۋىڭ،جالىنۋىڭ وي قايتالاۋعا جاتادى ءارى ولەڭدەگى ۇزىلە شولىركەۋدىڭ زارىعى باسىلىپ قالادى.

   قورىتىندى ءسوز: بۇل ون اۆتورىمىزدىڭ ون جيناعى ەلىمىز قازاق پويەزياسىنداعى ۇلكەن تابىس. بۇل جيناقتاردان پويەزيامىزدىڭ قازىرگى ورەسىن، بولاشاق بەتالىسىن اڭعارعانداي بولدىق،سونداي-اق پارتيامىز بەن ۇكىمەتىمىزدىڭ مادەنيەتىمىز بەن ادەبيەتىمىزگە وسكەلەڭ كوڭىل ءبولۋىنىڭ مول جەمىسىن كوردىك. اۆتورلارىمىزدىڭ الداعى جەردە شىت جاڭا شابىت الىپ،پويەزياداعى   ارتىقشىلىقتارىمىزدى ارى قاراي دامىتىپ،كەمشىلىكتەرىمىزدى ۇزدىكسىز تۇزەتىپ، قالىڭ وقىرمانعا جۇڭحۋا مادەنيەتىنەن،جۇڭحۋا وركەنيەتىنەن تابىستى شىعارمالار سيلايتىندىعىنا سەنىمىمىز كامىل!





   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.