ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جەتكىزبەيدى قۋعانمەن كۇلىك _ ارمان

جولدانعان ۋاقىتى : 2017/7/18 12:32:01

داڭق باقتىمۇرات ۇلى
 
          قىزىلجار
سان ماۋسىممەن جارىسقان بالالىعىم،
كوكەيىمە قوندىرعان دالا جىرىن.
اسىق اتىپ،تاي مىنگەن سايراندى شاق، 
قىزىلجاردىڭ باسىندا قالا بەردىڭ.

كۇرەڭ بەلدىڭ توسىنەن قوي قايىرعان،
مۇشە الىپ قايتاتىن تويلى اۋىلدان.
قايران كەزدەر ساعىنتتىڭ ساعىم بولىپ،
ۋاقىت ۇرى ەنشىمنەن سەنى ايىرعان.

قيالىممەن قىرمىزى قيان كەزىپ،
ەن دالامنىڭ ءجۇرۋشى ەم گۇلىن تەرىپ.
اڭساۋمەنەن شارشادىم ءار توبەڭدى،
جۇردەك جىلدىڭ كەتكەن بە كوشىنە ەرىپ...

كەشكى شاپاق قۇيىلعان ساعىمعا وراي،
قىزىلجاردى جانىمنىڭ ساعىناعانى-اي.
بال داۋرەننىڭ بەسىگى بولعان مەكەن،
ساعىنىشىم سامعايدى ساعان قاراي.

ارايلى اق تاڭ اتادى كۇلىپ الدان،
جەتكىزبەيدى قۋعانمەن كۇلىك _ ارمان.
ءار ۋاقىت ىزدەيمىن الاسۇرىپ،
بالا كۇننىڭ بازارىن قىزىلجاردان.

        قالقام مەنىڭ
قالقام مەنىڭ،قاراقات كوز تۇڭعيىق،
جالىنىڭ تۇر جۇرەگىمە نۇر قۇيىپ.
كەتەم ءتاتتىم كۇلكىڭمەنەن كۇمبىرلى
كۇللى الەمدى كوكىرەگىمە سيدىرىپ.

ازىلىڭنەن جان شۋاعىن تابامىن،
تىلدەسپەسەڭ جابىرقاپ ءبىر قالامىن.
كەزدەسپەسەڭ ساعىنىشتان سارعايىپ،
وتكەن كۇندى قايتا-قايتا سانادىم.

تولعان ايداي تولىقسىعان جامالىڭ،
قانداي نۇردان جارالدىڭ سەن،قاراعىم.
جان ەركىمدى جاۋلاپ الدىڭ ارداعىم،
ىنتىق جۇرەك ەمىن قايدان تابامىن.

جانى جايساڭ جايدارلىم،
مىنەزىڭنەن اينالدىم.
ماحاباتتىڭ كيەسى،
قۇدىرەتىڭە بايلاندىم.

   ءتاتتى ارماندى الديلەپ
ساعىنۋمەن، سارعايۋمەن جۇدەتكەن،
قۇتقار مەنى مىناۋ ءتىلسىم تۇنەكتەن.
قايدا ءجۇرسىڭ،قايدان عانا تابارمىن،
اسىل ساۋلەم،جۇرەككە اسەم گۇل ەككەن.

ءسۇيۋ دەگەن نەتكەن عاجاپ قۇدىرەت،
عاشىق جۇرەك سەن دەپ سوعىپ تۇر بيلەپ.
كەتىپ تىنىم كەزدەسۋدى اڭساۋمەن،
وتىرامىن ءتاتتى ارماندى الديلەپ.

سىرىم سەلدەپ،جىرىم سەن دەپ اعىلدى،
ارمان شامىم ءوز قولىڭمەن جاعىلدى.
جەتسە ەدى-اۋ ءبىز قاۋىشار قىمبات كۇن،
بال شىرىندى باقىت تەربەر جانىمدى.

 ارمانىم مەنىڭ بيىك-تى
ارمانىم اسقاق ەر ەدىم،
تۇلەپ ۇشقان تۇعىردان.
ەلىمە كوپ بەرەرىم،
اق مونشاق ءمولدىر جىرىمنان.

تالعامى بيىك،تانىمى ءور،
تالعامپاز ەلدىڭ ۇلىمىن.
جاماندىق،جالعان جانىن جەر،
شىندىقتىڭ عانا قۇلىمىن.

بال جيعان بەينە اراداي،
تاتامىن تىرلىك شىرىنىن.
كوڭىلگە سىزات سالادى-اي،
لايلاساڭ ءومىر تۇنىعىن.

اقىل مەن قۋات سەرىگىڭ،
ءبىلىم ۇيرەن كەش قالماي.
تانيدى،قالقام،سەنى كىم،
ونەردەن قالسا كوش شالعاي.

ساناڭنان سايا تاپ ەلگە،
كوپ ويدىڭ شەشىپ سۇراعىن.
نۇر بولىپ قۇيىل الەمگە،
ءبىلىمنىڭ شاشىپ شۋاعىن.

ارمانىم مەنىڭ بيىك-تى،
قۇلاعانشا قۋامىن.
ەلىمە ماڭگى سۇيىكتى،
ارنالادى جىر-ءانىم.



 
   رەداكتورى: الماگۇل اقاتبەك قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.


 
 
 
 
powered by IlgharCMS 3.2 www.ilghar.cn