ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

بالانىڭ سۇراعى

جولدانعان ۋاقىتى : 2017/7/18 13:05:26

ورال قۇرمانباي ۇلى     (شاعىن اڭگىمە)
 
   قوس ءتىلدى بالالار باقشاسىنا كىرگەنشە اتا-اجەسىنىڭ قاراۋىندا بولعان تىنىس قازىر سەگىزدەن اسسا دا تۇنىق تا جاتتىق سويلەيتىن.  اۋىلدان ناعاشى اتا-اپاسى كەلگەلى ءتىپتى دە سايراۋىق بولىپ كەتتى. بالكونداعى ارقالى ورىندىقتا قالانىڭ اۋماعىن تاماشالاپ وتىرعان ناعاشى اتا-اپاسىنىڭ قاسىنا كەلگەن تىنىس قولىنداعى سۋرەتتى جۋرنالدىڭ بەتتەرىن اقتارىپ كورسەتە باستادى.

   ــ اتا،مىنا اعاشتار سىزدەر جاقتا بار ما؟-دەدى كوزدەرى دوڭگەلەنگەن تىنىس  جۋرنالداعى توراڭعى سۋرەتتەرىن سۇيكىمدى ساۋساعىمەن كورسەتىپ.

   ــ بۇل ءزاۋ توراڭعىلار بۇرىن كوپ  بولعان،قازىر ازايدى،ــ دەدى ناعاشى اتاسى.

   ــ مىنا قۇساعان جان-جاعىنا شوپتەر وسكەن قۇدىقتار بار ما؟-دەپ سۇرادى سۋرەتتى جۋرنالدىڭ تاعى ءبىر بەتىن اشقان جيەنى.

   ــ مۇنى قۇدىق دەمەيدى،بۇلاق،باستاۋ دەيدى. بۇل دا بۇرىن كوپ بولعان،قازىر سۋلارى ازايىپ كەتتى، ــ دەدى اتاسى.

  ــ ۇلكەن توراڭعىلار ازايىپ،بۇلاق   سۋلارى نەگە ورتالاپ كەتكەن؟-دەپ  ناعاشى اتاسىنىڭ قۇيرىعى ايعىزداي قۇرىسقان كوز شاناعىنا تىنىس سۇرانا قارادى.

   اشىق تۇرعان بالكون تەرەزەسىنە مويىن بۇرعان ناعاشى اتاسى تىنىسقا:

   ــ اناۋ تاۋدى كوردىڭ بە؟ سونداعى قار-مۇز ازايعان سوڭ ،ــ دەدى اتاسى.

   ــ ولار نەگە ازايادى، ــ دەدى اپتىققان جيەنى.

    ــ ورمان سيرەگەن سوڭ،-دەدى اتاسى.

   ــ سيرەگەن دەگەن ءسوزىڭىزدى تۇسىنبەدىم، ـ دەدى جيەنى.

    ــ ازايعان دەگەن ءسوز عوي، ـ دەدى اتاسى.

   ــ ورمان نەگە ازايادى، ــ دەدى جيەنى.

    ــ ىس-تۇتەك كوبەيگەننەن كەيىن،ــ دەدى اتاسى.

   ــ ول قايتىپ ورماندى ازايتادى،ــ دەدى جيەنى.

ــ ىس-تۇتەك اناۋ تاۋ باسىنداعى  قار-مۇزعا كوپ قونعان سوڭ،قار-مۇز تەز ەرىپ،مۇز شوقىلار ازايادى،-عوي. ەرىگەن قار-مۇز سۋلارىنان قۇرالاتىن وزەن سۋلارى ورتالاپ، بۇلاق سۋلارى ازايادى. وزەن سۋلارى جەتىسپەگەندىكتەن  ماشينالى قۇدىقتارمەن جەر استىنان سۋ شىعارىپ،  ەگىن سۋارامىز. جەر قاباتىنىڭ سۋ دەڭگەيى تومەندەسە، اۋاداعى ىس-تۇتەكتەردى   تازارتاتىن ورمان سيرەيدى.

   ــ وندا،ىس-تۇتەكتەردى ازايتسا بولدى عوي،– دەدى جيەنى.

    ــ ونى قالاي ازايتسا بولادى ەكەن،ءا؟ــ  دەپ تۇيتكىلسىپ قالدى اتاسى.

    ــ كوكتەمدە اعاشتاردى كوپ ەكسە بولدى عوي دەدى، ــ جانارى  وتتى تىنىس اتاسىنا.

    قارشاداي جيەنىنىڭ وسىنشاما كۇردەلى بولمىستى ويلاپ تۇرعانىنا رازى بولعان اتاسى جيەنىنىڭ ماڭدايىنان يىسكەپ: 

   ــ جارايسىڭ! قالعان سۇراۋلارعا جاۋاپتى ەرتەڭگە دەيىن تاپساڭ،تاعى دا وسىنداي سيلىق بەرەمىن،ــ دەپ ءتوس قالتاسىنان جيەنىنە جورالعى ۇستاتىپ جاتتى.

   ناعاشى اتاسىمەن بولعان اڭگىمەدەگى كەيبىر ساۋالداردىڭ جاۋابىن كەشتە اكە-شەشەسىنەن سۇراعان تىنىس ولاردان ماندىعان جاۋاپ الا المادى. اقىرى تۇندە بولمەسىندە جالعىز، توسەگىندە اۋناقشي جاتىپ،جارتى سۇراقتىڭ جاۋابىن ءوز كۇشىنە   سۇيەنىپ تابۋعا كىرىستى.

   ول جانعان كومىر،گاز،جانار مايدان ىس-ءتۇتىن شىعاتىنىن ويلانىپ جاتىپ    ۇيىقتاپ قالدى. ءتۇس كوردى. تۇسىندە ءبىر جاسىل ورماندى ۇلكەن قالاعا توكپەن ۇشاتىن ۇشاققا وتىرىپ بارىپتى. توكپەن جۇرەتىن جەڭىل ماشيناعا وتىرىپ،ءبىر اسحاناعا تۇسكەن ەكەن. توك شاينەككە قايناتىلعان شاي،توك قازانعا پىسىرىلگەن اس ءىشتى.

   ــ جارتى جاۋاپتى تاپتىم،اتا! ــ دەگەن ءوز دىبىسىنان ويانىپ كەتكەن تىنىس،باسىن كوتەرىپ وتىردى. ءتۇن ىشىندە قۋانىشتى ءتۇس كورىپ ويانعانىن سەزگەن ول قايتا جانتايدى. ءبىراق، تاڭنىڭ اتۋىن تاقاتسىزدانا كۇتكەن تىنىس اۋناقشىپ ۇيىقتاي المادى...

   ءتور ۇيدەگى سۇپىدا قوساعىنىڭ قاسىندا جاتقان قۇزار قارت تا قاۋمالاعان ويدان كىرپىگى ايقاسار ەمەس. باعانا جيەنى كورسەتكەن توراڭعى،بۇلاق،سەكسەۋىل سۋرەتتەرى قايدان تارتىلدى ەكەن،ءا؟ءتىپتى،تانىس كورىنىستەر عوي! ويحوي،دۇنيە-اي،دەسەڭىزشى! ــ دەپ،قارت ەرىكسىز ءبىر ءسات وي شۇڭەتىنە باتتى...

   جاس كەزىندەگى ءبىر بۇلاق سۋى ەسىنە ورالدى. ول سازدى جايلاۋدا ءبىر زامانداسىمەن باستەسىپ،ءبىر توقتىنىڭ ەتىن جالعىز ءوزى جەۋگە قول الىسادى. ءباس سوڭىندا كەرىلگەن اسقازانى اۋىرىپ،ونە بويى قىزعان قۇزار مۇزداي بۇلاق سۋىنا ءتۇسىپ،جانى ارەڭ قالعان.

   ەندى تاۋ وڭىرىندە جۇقپالى سار سۇزەك اۋرۋى تاراعان 1940-جىلدارى ەل اۋزىنداعى ءبىر اڭگىمەنىڭ ءىزى ەسىنە ءتۇستى. وندا تاۋداعى سۋىرلار قۇمدى القاپقا ءتۇسىپ،اۋىزدارىنا تىستەپ اكەلگەن سەكسەۋىل بۇتاقتارىن ىندەرىنىڭ اۋزىنا تاستاپ،سار سۇزەك دەرتىنەن ساقتانىپتى. مۇنى كورگەن تاۋ ەلى ويعا كوشىپ، سەكسەۋىلدى جال قۇمداردىڭ باۋىرىنا پانالاپ، جان ساقتاعان ەدى.

   قۇزار قارت قازىرگى ەكپە ورمان بەلدەۋلەرىن كورىپ جۇرگەن ۇرپاق تابيعي وسكەن بايىرعى توعاي ورتاسىن كوپ كورمەگەننەن كەيىن،ونىڭ قاسيەتتەرىن بىلمەيدى-اۋ دەپ ويلايتىن. جيەنىنىڭ تانىس تابيعات قيىقتارىنىڭ ءتول بەينەسىن كورۋگە ىنتىعىپ، قاسيەتتەرىن بىلۋگە اسىققانىنان  ۇلكەن ءۇمىت كۇتتى...

   جارتى سۇراعىنا جيەنىنىڭ جاۋاپ بەرىپ كەتەتىندىگىنە سەنىمى ارتا تۇسكەن قۇزار قارت ەندى ۇيقىعا باس قويدى.




   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn