ۇسىنىس ەتىلگەن ءتىلشى ساۋلە كەنجەبەك قىزى، ەرىكتى ءتىلشى ماينۇر قابدوللا قىزى حابارلايدى. ساۋان اۋدانى ۇلانۇس قالاشىعى قۇرامىندا سەلەن مولشەرى مول اۋىل شارۋاشىلىق ونىمدەرىنەن تاڭداۋلى ماركا جاراتىپ، اۋىل شارۋاشىلىعىنىڭ دامۋ اياق الىسىن جەدەلدەتىپ، اقاۋسىز، جاسل ءتۇستى، ورگانيكالى، حاۋىپسىز دامىتۋ كوزقاراسىن ورناتىپ، ەگىنشى-مالشىلاردىڭ كىرىسىن ارتتىردى.
ساۋان اۋدانى حۇيمينيۋان شارۋالار ەگىمشىلىك كاسىپتىك سەلبەستىك كووپەراتيۆى ۇلانۇس قالاشىعىنىڭ وڭىرلىك ابزالدىلىعىنا سۇيەنىپ، «قۇرامىندا سەلەن مولشەرى مول اۋىل شارۋاشىلىق ونىمدەرىنە باي، ەرەكشە ءتۇس العان شاعىن قالا-قالاشىق قۇرۋ» ەگىنشىلىك ەكسكۋرسيا ساياحات كاسىپ باقشاسى نىسانىن قۇردى. بۇل نىساننىڭ يەلەگەن جەر اۋماعى 1200 مۋ بولىپ، قۇرىلىسى ءۇش مەرزىمگە ءبولىنىپ جۇرگىزىلەدى، مەجەمەن 3 تە 5 جىل ىشىندە سالىنىپ بولادى ەكەن، كەزەكتە، نەگىزدىك قۇرىلعىلار قۇرىلىسى ءتارتىپتى جۇرگىزىلۋدە.
ساۋان اۋدانى حۇيمينيۋان شارۋالار ەگىمشىلىك كاسىپتىك سەلبەستىك كووپەراتيۆىنىڭ كاسسىرى تاۋ چاڭحۇڭ: «ءبىرىنشى مەرزىمدە 300 مۋ جەرگە 20 ميلليون يۋان اينالاسىندا قارجى قوسىلدى، كەزەكتە، نەگىزدىك قۇرىلعىلار قۇرىلىسى، جول،اۆتوكولىك توقتاتۋ الاڭى، ماشينامەن تەرىلەتىن ەگىمشىلىك باقشاسى جانە جەمىس-جيدەك باقشاسى قاتارلىلاردى سالۋ جۇمىسىمەن اينالىسىپ جاتىرمىز»دەدى.
ۇلانۇس قالاشىعى كاڭچۋان كاسىپتىك سەلبەستىك كووپەراتيۆىندە قۇرامىندا سەلەن مولشەرى مول 5 مىڭ مۋ ەگىستىك جەر بار، بۇل كووپەراتيۆ وتكەن جىلى قۇرامىندا سەلەن مولشەرى مول كۇرىش، ءبيداي، ءتاتتى كارتوپ، جۇگەرى قاتارلى داقىلداردى ەگىپ، بازارداعى ءوتىمى جاقسى بولىپ، مول پايداعا كەنەلگەن ەدى. ۇلانۇس قالاشىعى كاڭچۋان كاسىپتىك سەلبەستىك كووپەراتيۆىنىڭ القا باستىعى جاڭ شيڭشان: «وتكەن جىلى ونىمدەرىمىزدى بازارعا سالعان سوڭ، ءوتىمى جاقسى بولدى، مۋ باسىنان مىڭ يۋان اينالاسىندا تازا كىرىس كىرگىزدىك» دەدى.
كاڭچۋان كاسىپتىك سەلبەستىك كووپەراتيۆى ۇلانۇس قالاشىعىنداعى 11 ەگىمشىلىك كاسىپتىك سەلبەستىك كووپەراتيۆىمەن بىرلەسىپ، قۇرامىندا سەلەن مولشەرى مول ەگىس داقىلدارىن ەگۋ كولەمىن كەڭەيتىپ، 18 مىڭ مۋعا جەتكىزدى. ەگىس داقىلدارىنىڭ ساپاسىنا كەپىلدىك ەتۋ ءۇشىن ورگانيكالىق تىڭايتقىش پايدالانىپ، جۇڭتاي حيميا اۋىل شارۋاشىلىق سەرىكتىگى، شينجياڭ كى-يۇن سەرىكتىگى قاتارلى كاسىپورىندارمەن بىرلەسىپ، سەلبەستىك كووپەراتيۆ جانە كاسىپورىن بىرلەستىگىن قۇرىپ، قامداۋ-ساتۋ توقتامىنا قول قويدى.
بيىل شىلدە ايىنىڭ باسىندا كاڭچۋان كاسىپتىك سەلبەستىك كووپەراتيۆىنىڭ القا باستىعى جاڭ شيڭشان ىشكى ولكەگە ەكسكۋرسياعا بارىپ كەلگەننەن سوڭ، ۇلانۇس قالاشىعىنىڭ يازىچۋان قىستاعىندا قۇرامىندا سەلەن مولشەرى مول قويان ءشوپتى(甘草) سىناق رەتىندە ەگىپ، ساۋان اۋدانىندا تۇڭعىش رەت قويان ءشوپتى سىناق رەتىندە ەككەن سەلبەستىك كووپەراتيۆ بولدى. جاڭ شيڭشان: «ەگەر سىناق رەتىندە ەگۋ ءساتتى بولسا، كەلەر جىلى قويان ءشوپ مانەرلەۋ زاۆودىن قۇرىپ، مانەرلەگەن سوڭ قوراپتاپ، ەكسپورت ەتپەكشىمىز، سىناق رەتىندە ەگىلگەن قويان ءشوپتى كەلەر جىلى ءساۋىر ايىندا بازارعا شىعارۋعا بولادى، قازىر قويان ءشوپتىڭ ءوسۋى وتە جاقسى» دەدى.
كاڭچۋان كاسىپتىك سەلبەستىك كووپەراتيۆى قۇرامىندا سەلەن مولشەرى مول كۇرىش پەن قارا استىقتى 5 مىڭ مۋ جەرگە ەگۋدى جوسپارلادى، سونىمەن بىرگە، ۇلانۇس قالاشىعىندا قۇرامىندا سەلەن مولشەرى مول اۋىل شارۋاشىلىق ونىمدەرىن ەگۋ، مانەرلەۋ، ءوندىرۋ، ساتۋدى ءبىر تۇلعالاندىرىپ، قۇرامىندا سەلەن مولشەرى مول اۋىل شارۋاشىلىق ونىمدەرىنەن تاڭداۋلى ماركا جاراتىپ،1-،2-،3-كاسىپتەردىڭ تەز قارقىنمەن دامۋىن ىلگەرىلەتىپ، اۋدان ەكونوميكاسىنىڭ دامۋىن جەبەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.