ۇسىنىس ەتىلگەن ءتىلشى ساۋلە كەنجەبەك قىزى، ەرىكتى ءتىلشى جانار بولسىن قىزى حابارلايدى. ساۋان اۋدانىنداعى قاتىستى ورىندار ناقتىلى شارالار قولدانىپ، تۇراقتى مۇلىككە قارجى قوسۋ قىزمەتىن ءتارتىپتى ىلگەرىلەتتى. الدىڭعى جارىم جىلدا تۇتاس اۋدانداعى تۇراقتى مۇلىككە قوسىلعان قارجى 4 ميلليارد 930 ميلليون يۋان بولىپ، وتكەن جىلعى ۇقساس مەزگىلدەگىدەن %5. 42 ارتتى. اۋدانداعى ىرگە تەپكەن ونەركاسىپ باقشا رايونى كاسىپورىنداردى اتتانىسقا كەلتىرۋ قاتارلى فورمالارمەن باقشا رايوننىڭ نەگىزدىك قۇرىلعىلارىن كەمەلدەندىرىپ، اۋداننىڭ جانە باقشا رايوننىڭ شارت-جاعدايىنا نەگىزدەلىپ، ساۋداگەر باۋراپ، قارجى ەنگىزىپ، تۇراقتى مۇلىككە قارجى قوسۋدى ناقتىلى تياناقتاندىرۋدى ىلگەرىلەتتى. ماۋسىمنىڭ سوڭىنا دەيىن ساۋان اۋدانىنداعى ونەركاسىپ باقشا رايونىنىڭ جالپى ءونىم قۇنى 2 ميلليارد 830 ميلليون يۋان بولىپ، جىل باسىنداعى جوسپاردىڭ %3. 35 ورىندالدى، تۇراقتى مۇلىككە قوسىلعان قارجى 880 ميلليون يۋان بولىپ، جىل باسىنداعى جوسپاردىڭ %4. 31 ى ورىندالدى، ونەركاسىپتىڭ ارتۋ قۇنى 850 ميلليون يۋان بولدى، باقشا رايونعا قونىستانعان كاسىپورىن 65 كە جەتىپ، كولەمدەنگەن كاسىپورىننان 32 سى بار بولىپ، كاسىپتەندىرگەن ادام سانى 6802 گە جەتتى.
ساۋان اۋداندىق ونەركاسىپ باقشا رايونىن باسقارۋ كوميتەتى جوسپار قۇرىلىس مەكەمەسىنىڭ باستىعى چىن يۋان: «شىلدە ايىنان باستاپ جازعى قۇرىلىس سالۋ مەزگىلىندەگى ورايدى مىقتى ۇستاپ، قۇرىلىسقا جاۋاپتى كاسىپورىنداردىڭ نىساندى دەركەزىندە ساپالى ورىنداۋىنا كومەكتەسەمىز، قازان ايىنىڭ سوڭىنا دەيىن ورىنداپ بولۋعا ءتيىستى نىسان قۇرىلىسىنا ءبىر ميلليارد 500 ميلليون يۋان قارجى قوسىلادى» دەدى.
ۇستەگى جىلى ساۋان اۋدانى 193 ءتۇيىندى قۇرىلىىس نىسانىن باستاۋدى جوسپارلاعان، بۇل نىساندارعا جالپى 35 ميلليارد 660 ميلليون يۋان قارجى قوسىلىپ، جىلدىق جالپى قوعامدىق تۇراقتى مۇلىككە قوسىلاتىن قارجىنى 11 ميلليارد 930 ميلليون يۋانعا جەتكىزۋ جوسپارلانعان، قازىرگە دەيىن تۇتاس اۋدان بويىنشا، 166 نىسان قۇرىلىس باستاپ، نىسانداردىڭ قۇرىلىس باستاۋ سالىستىرماسى % 86 كە جەتىپ، تۇراقتى مۇلىككە قوسىلعان قارجى 4 ميلليارد 930 ميلليون يۋانعا جەتىپ، ۇقساس مەزگىلدەگىدەن %5. 42 ارتىپ، ايماق تۇسىرگەن جوسپار مىندەتتىڭ %4. 41 ىن ورىندادى، ءتۇيىندى نىساندار ساۋان-اراسان تاس جول قۇرىلىسى، قورقىس وزەنىنىڭ سۋ باستاۋ توعانىنداعى قاتەرلى بولەكتەرىن بەكەمدەپ وڭاۋ ينجەنەرياسى، دەنە تاربيە ورتالىعى، كاسىپتىك وقىتۋ ورتالىعى، التىنقول سۋ قويماسى، تيانتاي تالشىق ءوندىرۋ شەكتى سەرىكتىگىنىڭ جىلىنا ءجۇز مىڭ توننا جابىسقاق تالشىق ءوندىرۋ نىسانى، جىجياڭ توقىما بۇيىمدارى عىلىم-تەحينكا كاسىپ باقشاسى، كونە بازار ساۋدا شاعىن رايون نىسانى قاتارلىلاردى قامتيدى.
ساۋان اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اۋدان اكىمى جياڭ چۋانجۇن: «كەلەسى كەزەكتە ساۋان اۋدانى ءتۇيىندى نىسان قۇرىلىسىن جەدەلدەتىپ، ساياساتتان ۇتىمدى پايدالانىپ، سايكەستىرۋ قىزمەتىن تىڭعىلىقتى ورىنداپ، قۇرىلىستاردى سۋ، ەلەكتر، ەڭبەككۇش جانە قارجىمەن تولىق قامداۋعا كەپىلدىك ەتىپ، تۇراقتى مۇلىككە 11 ميلليارد 900 ميلليون يۋان قارجى قوسۋ مىندەتىن تولىق ورىنداۋعا كۇش سالادى» دەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.