ءتىلشىمىز لي ميڭشىڭ حابارلايدى. جاقىنعى مەزگىلدەن بەرى شاعانتوعاي اۋدانى باتىل ءۇن قاتىپ، ايقىن پوزيتسيا ءبىلدىرۋ قيمىلىن جالعاستى ورىستەتىپ،ءار ۇلت،ءار سالا جۇرتشىلىعى ايقىن تۋ ۇستاي وتىرىپ «ءۇش ءتۇرلى كۇشكە» سايىس جاريالاپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قورعانىن بەكەمدەپ، ۇلتتار ىنتىماعىن قورعاپ، جاراسىمدى مەكەن قۇرۋ سەنىمدەرىن ءبىلدىردى.
جاقىندا شاعانتوعاي اۋداندىق مال شارۋاشىلىق-مال دارىگەرلىك مەكەمەسى پارتكومى قارابۋرا اۋىلى جالپاقتال قىستاعى جانە اقتوبە قىستاعىنىڭ مالشىلارىن اقشوقى جايلاۋىندا «شاعانتوعاي اۋدانىنىڭ مال شارۋاشىلىق رايوندارىنداعى مالشىلاردىڭ باتىل ءۇن قاتىپ، ايقىن پوزيتسيا ءبىلدىرۋ» قيمىلىن وتكىزۋگە ۇيىمداستىرىپ،ءار ۇلت جۇرتشىلىعىنا ۇلتتار ىنتىماعى مەن قوعامنىڭ جاراسىمدىلىعىن،ورنىقتىلىعىن قورعاۋدىڭ ماڭىزدىلىعىن ىشكەرىلەي سەزىندىرىپ،قوعامنىڭ جاراسىمدىلىعىن،ورنىقتىلىعىن جەبەۋگە كۇش قوسۋعا جەتەلەدى.
مەملەكەت انىمەن ىلەسە بەس جۇلدىزدى قىزىلتۋ اقشوقى جايلاۋىندا باياۋ كوتەرىلدى، مالشىلار، مال شارۋاشىلىق تاراۋلارىنىڭ كادرلارى بىرلىكتە مەملەكەت ءانىن شىرقادى. مەملەكەت تۋىنىڭ استىندا مالشىلار ۋاكىلى باتىل ءۇن قاتىپ، ايقىن پوزيتسيا ءبىلدىرىپ،كىشكەنتاي ىستەردەن باستاپ ىسكە كىرىسىپ، ۇلتتار ىنتىماعىن جاقسى قورعايتىندىقتارىن ءبىلدىردى.
مالشى مادەنيەتقان: «مەن شاعانتوعايدا ەسەيىپ-ەرجەتتىم، پارتيانىڭ ابزال ساياساتىنىڭ جەتەكشىلىگىندە تۇرمىس ورەمىز ۇزدىكسىز جوعارىلاپ،ءار ۇلت جۇرتشىلىعى ءبىر ءۇيلى جانداي تاتۋ-ءتاتتى ءوتىپ كەلەدى، ‹ءۇش ءتۇرلى كۇشتىڭ› اتا مەكەنىمىزدى بۇلدىرۋىنە باتىل قارسى تۇرۋمەن بىرگە، پارتيانىڭ، وتاننىڭ قامقورلىعىنا العىس بىلدىرۋىمىز كەرەك» دەدى.
شاعانتوعاي مال فەرماسى شاعانتوعاي قىستاعىندا تۇراتىن قىزمەت اترەتى دە قىستاق تۇرعىندارىن باتىل ءۇن قاتىپ، ايقىن پوزيتسيا ءبىلدىرۋ قيمىلىن ورىستەتۋگە ۇيىمداستىردى.
قىزمەت اترەتىنىڭ مۇشەسى سۇي كاي: «قىستاقتا تۇراتىن كادر بولعاندىقتان، ءار ۇلت بۇقاراسىن تىعىز ىنتىماقتاسۋعا جۇمىلدىرىپ، جۇرتشىلىققا ناقتى، جاقسى ىستەردى كوپتەپ ىستەپ، ولارعا پارتيا مەن ۇكىمەتتىڭ قامقورلىعى مەن مەيىرىن سەزىندىرۋىمىز كەرەك» دەدى.
شاعانتوعاي قىستاعى پارتيا ياچەيكاسىنىڭ شۋجيى تىلەۋ: «مۇرات-سەنىمدى اناعۇرلىم بەكەمدەپ،‹ورنىقتىلىق بارلىعىن باسىپ تۇسەدى› يدەياسىن بەرىك ورناتىپ، زورلىقتى كۇش لاڭكەستىك قيمىلىنىڭ سۇرقيا ءمانىن ىشكەرىلەي اشكەرەلەپ، ۇلتتار ىنتىماعىن باتىل قورعاپ، ۇشقارى يدەيانىڭ جالبىزبالاپ كىرۋىن تەجەپ،قوعام ورنىقتىلىعىن قورعاۋ مىندەتىمدى ادا ەتەمىن» دەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.