ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

قىرىققا تاياپ بارامىن...

جولدانعان ۋاقىتى : 2017/7/24 17:01:25

لي چيڭچيان
 
   تاڭەرتەڭ ورنىمنان تۇرىپ ايناعا قاراپ وتىرىپ، مويىلداي قارا شاشتارىمنىڭ اراسىنان تاعىءبىر تال اق شاشتى كوزىم شالدى.  كوڭىلىم سابىنداي بۇزىلا قالعانى،دەسەدە، اق شاشتى جۇلىپ تاستاسام قايتەدى دەگەن ويدان تەز ارىلدىم. وتكەن جىلى ما، جوق وسى جىلدان بەرى مە بىلمەدىم ،شاشىما ازداپ اق ارالاسا باستاعان. ارا-تۇرا كوزىم شالىپ قالىپ جۇرەتىن،  الايدا ابدەن ءساپ سالماعاندا  اق شاشتار ونداي  بايقالماۋشى ەدى، سولايدا  كوزىمە كورىنگەنىن جۇلىپ تاستاپ وتىراتىنمىن. ال بۇگىن مىنا ءبىر تال شاشتى جايىنا قالدىردىم.

   توقتاي تۇرشى، 36 جاس؟ مەن بيىل وتىزدىڭ ءىشىن ارالادىم ەمەس پە؟ قاشاننان بەرى ەكەنى بەلگىسىز ءوز جاسىمدى وزگە ەمەس، وزىمنەن دە جاسىراتىن بولعانمىن. جاسقا وسىنشاما ءمان بەرەتىن بولعانىما قايرانمىن. 

   مەكەمەگە جاڭا كەلگەن قىزمەتكەرلەر دەرلىك مەنەن كىشى 80-جىلدىڭ سوڭىندا تۋىلعاندار. ءتىپتى اۋەلى 90 -جىلدىڭ سوڭىن الا تۋىلعاندار دا بار، جاقىندا كەلگەن قىز بالانىڭ ءوزى 1993-جىلدىكى ەكەن، مەنەن تۇپ-تۋرا ءبىر مۇشەل كىشى. 

   ارا-تۇرا جوعارى مەكتەپتەگى نەمەسە ورتا مەكتەپتەگى ساباقتاستارمەن حابارلاسا قالعاندا «قانشا جىل بولدى كەزدەسپەگەنىمىزگە؟ بەس-التى جىل بولعان شىعار؟ جوعا، ون جىل بولايىن دەپتى عوي» دەپ كۇڭكىلدەسىپ قالامىز.

  ءتايىر-اي، ون جىل! ادام ومىرىندە نەشە ون جىل بولادى؟ ونىڭ قانشاۋى قالدى ەكەن؟

   ءبىر كۇنى وتىزعا جاقىنداعان ءبىر قىز مەنەن: 

   - اپەكە، ءسىز ءوز جاسىڭىزدان ۇرەيلەنەسىز بە؟ مەن وتىزعا تاياعان سايىن قۇتىم قاشىپ،تۇك تىندىرماعانىم جانىما ايازداي باتىپ ءجۇر،-دەدى ول مۇڭايىپ.

    بالام ءبىر جاسقا كەلگەنشە،ۇيدە بالا قارادىم. بالا قاراۋدان تىسقى ۋاقىتتا عالامتوردا شاعىن اڭگىمەلەر جازدىم، انە سول كەزدە مەن دە جاسىما قاراپ   ۇرەيلەنگەم. ونداي سەزىم مەنىڭ    باسىمدا دا بولعانىن مويىندايمىن.

   ۇرەيمەن ءجۇرىپ 35 جاسقا كەلىپ قالعانىمدى ويلاپ شوشىندىم. سوسىن ەسىمدى جيىپ، ەندى بۇلاي وت باسى،وشاق قاسىنا بايلانىپ ءومىر سۇرۋگە بولمايدى دەگەن شەشىممەن جۇمىس ىزدەدىم. مىنە سودان بەرى   كوزدى اشىپ-جۇمعانشا ءۇش جىل وتە شىعىپتى. جىل جارىم بۇرىن ءوزىمنىڭ بوس ۋاقىتىمنان پايدالانىپ، باسقالارعا ماتەريال جازىپ بەرۋدەي جۇمىستارمەن اينالىسا باستادىم. ءسويتىپ، قانشا قاربالاس بولسام دا ۋاقىتىمدى بوسقا وتكىزبەگەنىمە ءسۇيىندىم.

   قىرىققا قادام باسقان ايىمدار ءار كۇنگى قىزمەتتەن تىس، قولىندا قارت اكە-شەشەسى، اتا-ەنەسى، بالاسى بار. كۇندەرى دەرلىك قاربالاس، موينىنداعى جاۋاپكەرشىلىك پەن سالماق اۋىر.

   مەن تانيتىن قىرىققا  ىلىنگەن ايىمداردىڭ باسىم كوبى انالار. ولاردىڭ بىرەۋى كاسىپورىننىڭ باسقارۋ جۇمىسىندا، تاعى بىرەۋى ءوز الدىنا كاسىپ كوزىن اشىپ، بىلدەي كاسىپورىندى باسقارسا، بىرەۋى كۇنى-ءتۇنى دەمەي جازۋ-سىزۋدان باس المايدى. ايتەۋىر قوعامنىڭ ءار سالاسىندا قاربالاس جۇمىستا.  مۇمكىن ولار دا ءوز جاستارى جايلى توقتالعاندا، سول جاسقا قالاي كەلىپ قالعانىنا قايران قالار.   ءبىراق بۇل سۇراق ولاردىڭ اياعىنا تۇساۋ بولا بەرمەيدى. تاعى سول باياعىسىنشا ءوز شارۋاسىن جالعاستىرادى.  

    امالياتتا، ءبىز قىرىققا قاراي زىمىراعاندا، قىرىق جاستاعى ايەلدەر   ءومىردىڭ ناعىز كوركەم كارتيناسىن سالىپ جاتقانىن، ونىڭ ءار قادامىنداعى كوركەم اياق الىستى بايقايمىز. ولاردى تولىسقان ناعىز سىلقىم سۇلۋدىڭ ءوزى دەۋگە بولادى.

   كەشە جاتتىعۋ ۇيىندە جاتتىقتىرۋشىنىڭ الماسقانىن بايقادىم. ول ارادا ۆەلوسيپەد مىنگەندە تەرلەيتىندىكتەن، كوزىلدىرىگىمدى الىپ قوياتىنمىن. سودان بولار، مۇعالىمعا ءساپ سالىپ قاراپ كەتپەگەم، ساباقتان تۇسكەندە الگى مۇعالىمنىڭ وزىممەن بىرگە   ۆەليوسيپەد ءمىنۋ اترەتىندە جۇرگەن سەرىگىم  يا لي ەكەنىن بايقادىم.

   ول بيىل 39 جاستا، ءبىر جىلدىڭ الدىندا، دەنە شىنىقتىرۋ ماقساتىمەن ۆەلوسيپەد ءمىنۋ اترەتىنە قاتىناسقان، كەيىن كەلە ول وسى شىنىعۋ تۇرىنە جاتىلىپ، ودان وزگەشە ءلاززات تاپتى. 

   جۋىردا دەنە شىنىقتىرۋ سالونى   بولىمشە دۇكەنىن اشىپ، ونى ساباق بەرۋگە ۇسىنىس ەتىپتى.

  ونىڭ قىزى ورتالاۋ مەكتەپتىڭ 3-جىلدىعىن وقيتىن. قىزىنىڭ جوعارى ورلەپ وقۋى ءۇشىن، ەكى جىلدىڭ الدىندا  ول قىزمەتىنەن شەگىنىپ،  بالاسىنىڭ قىزمەتىندە بولادى. ۇيدە بۇلاي بوس وتىرىپ مازاسى كەتكەنىن كورگەن كۇيەۋى وعان دەنە شىنىقتىرۋ ۇيىنەن كارتۋچكا ءبىتىرپ بەرگەن   ەكەن. سول كەزدە كۇيەۋىن «اقشانى بوستان-بوسقا شاشاسىڭ دەپ» جەردەن الىپ، جەرگە سالعان ول:

   - سول كەزدە اقشاعا ءىشىم اشىعانى راس. قاراشى قازىر قىرىق جاسقا ەكى اي عانا قالدى، مەن مۇندا جاتتىقتىرۋشى بولدىم. تاعدىر دەگەن قىزىق-اق ەكەن،– دەدى ماعان جىميىپ. 

   مەن بۇل اراعا جاقىندا عانا كەلگەمىن، ونىڭ بۇرىن قالاي ەكەنىن بىلمەۋشى ەدىم. ۆەلوسيپەد ءمىنۋ اترەتىندەگى تاعى ءبىر قۇربىم ونىڭ بۇرىن، راسىندا، سونشاما كۇيگەلەك، كوڭىلسىز جۇرەتىنىن ايتقان ەدى.

    قازىر جۇزىنەن وندايدىڭ ءبىرىن كورمەيسىز،قاشان كورسەڭ جايراڭداپ جۇرەدى، ماشىق بارىسىنداعى ارەكەتى دە وتە ەبدەيلى، جاراسىمدى. ونىڭ بويىنان سپورت سيلاعان ءبىر تاماشا كوركەم كۇشتى سەزىنەسىز.

   قىرىققا جاقىنداعان ءاربىر ايىم ءۇشىن، مىنا الەم كومەسكىگە ءبىر ەسىكتى قالدىرادى ەكەن. يا لي ءوزىن سالىمدىمىن دەيدى. قىرىققا كەلگەندە ءوزى ۇناتاتىن جۇمىسىن تاۋىپ جانە ونىمەن اينالىسقان ادام، شىنىندا، باقىتتى، سالىمدى جان. ال ءار كەزەڭدەگى باقىت تاعى اينالىپ كەلىپ ەڭبەك ەتۋ مەن قۇلشىنۋدان  ايرىلا المايدى. ايتپەگەندە ءبارى بوس ءسوز بولارى انىق.

    سولاي، وزگەرتۋگە بولاتىن ءاربىر ورايدى قولدان بەرمەي،سىناپ كورگەننىڭ زيانى جوق. مازاسىزدانىپ،    جابىققان ايەل ادامعا سەنىم سيلاسا، باعىتى مەن باعدارىن تاپسا نەگە قۋانباسقا، نەگە سالىمدىمىن دەمەسكە؟

   ون جىلدىڭ الدىندا ءبىر قىز بالامەن سويلەسىپ قالدىم. ول كەزدە ءبارىمىز جيىرمانىڭ ىشىندەگى جاستار ەدىك.  ارا-تۇرا بولاشاق جايلى سىرلاساتىنبىز. ول قىز ماعان: «قىرىققا دەيىن جاساعىم كەلمەيدى، قارتايىپ كەتەسىڭ عوي» دەيتىن. قازىر ول دا قىرىقتىڭ تابالدىرىعىن اتتاپ،بالاسىن جەتەلەپ،ءۇيىنىڭ وتىنان كىرىپ، سۋىنان شىعىپ ءجۇر، ءتىپتى قولى بوساي قالعاندا، قولونەر شارۋاسىن دا تاستاماي الىپ جۇرگەنىن كورەمىن. قىرىق جاس ەندى وعان قورقىنىش سيلاۋدان قالعان سياقتى، ءومىرى ءتىپتى ءماندى ءوتىپ جاتىپتى، قاراپ تۇرىپ قىزىعامىن.

   مەن دە ون جىلدىڭ الدىنداعى ءدال سول كۇنى توسىننان ون جاس قارتايىپ كەتكەندەي سەزىمگە بولەنىپ،كوڭىل كۇيىم اپتەر-تاپتەر بولدى. سول كۇيمەن ءجۇرىپ 36 جاسقا دا ءىلىندىم.  جاڭ ايليڭ: «30 جاستان اسقان ايەلدەر ءۇشىن، سەگىز دە ون جىل جاي عانا ساۋساقپەن سانارلىقتاي ۋاقىت، ال جاستار جونىنەن العاندا، ءۇش تە بەس جىلدىڭ ءجۇزى ءبىر ءومىر» دەگەن ەكەن.  كوزدى اشىپ-جۇمعانشا مىنە مەن دە قىرىققا تايادىم. ماڭايىمداعى قىرىق جاستاعى ايىمدار سەكىلدى ءوز جاسىمدى ەش قارسىلىقسىز قابىلداي الاتىن ءارى وسى جاسقا ساي جاساۋعا تالپىناتىن بولدىم.

   سولاي، مەن دە قىرىق جاسقا   تايادىم. دەسەدە، ەندى جاسىما بولا ەلەڭدەيتىن، كوبەيىپ كەلە جاتقان ءاربىر تال اق شاش ءۇشىن قايعىراتىن ادام مەن ەمەسپىن. تەك ارايلاپ اتىپ كەلە جاتقان ءار تاڭىمدى امان-ەسەن، كوڭىلدى وتكىزسەم دەيمىن.

   كوركەمدىك تەك ادام تانىمەن عانا  ەمەس، قايتا ادامنىڭ احلاق-ءمورال، مىنەز-قۇلقىمەن، وزگەگە بەرەر اسەرىمەن، ومىرگە ۇستانعان پوزيتسياسىمەن ولشەنەدى. 

    قىرىق جاس قاجىتپاسىن قىزدار...
 
       اۋدارعان _ ماحاببات قۇدايبەرگەن قىزى




   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn