بەرەكەلى قيمىل جۇرتتىڭ القاۋىن الدى

سۋرەتتە: قيمىلدان كورىنىس.
 

  ۇسىنىس ەتىلگەنءتىلشى ريشات سابىرباي ۇلى حابارلايدى. جۋىقتا تولى اۋدانى تولى قالاشىعى مادەنيەت جولى الەۋمەتتىك اۋماعى جانە قالا اكىمشىلىگى باۋ-باقشا ورتا تازالىعىن قورعاۋ باسقارماسىنداعى قىزمەتكەرلەر بىرلەسىپ « ىنتىماعىمىز جاراسقان بەرەكەلى، تولى ءبىزدىڭ جانۇيامىز مەرەكەلى» بىرلەسپە دوستىق قيمىلىن الىپ باردى.

  باي-مازمۇندى كونسەرت نومىرلەرىمەن باستاۋ العان قيمىل باي مازمۇندى ويىن تۇرلەرىمەن جالعاسىن تاۋىپ، بەرەكەسى جاراسقان كوپشىلىكتىڭ كوڭىلىن ءبىر سەرپىلتىپ تاستادى. بۇل رەتكى قيمىل ۇلتتار ىنتىماعىنىڭ جاراسىمدى اۋقىمىن بەينەلەۋمەن بىرگە،ءار ۇلت حالقىنىڭ باقىتتى دا، باياشاتتى تۇرمىسقا بولعان ىنتاسىن ايگىلەپ، ءوزىنىڭ وزگەشەلىگىن بىردەن تانىتتى.

  اۋداندىق باۋ-باقشا ورتا تازالىعىن قورعاۋ باسقارماسىنىڭ قىزمەتكەرى اسەمگۇل مامەت قىزى: «بۇگىنگى قيمىل وتە تاماشا ءارى قىزىقتى وتكىزىلدى. بۇرىن مۇنداي قيمىلدارعا كوپ قاتىناسىپ كورمەپپىن، وسىنداي قيمىل ۇيىمداستىرىپ بەرگەن باسشىلارعا العىس ايتامىن» دەدى.

  بۇل قيمىل الەۋمەتتىك  اۋماق قىزمەتكەرلەرى مەن ورتا قورعاۋ قىزمەتكەرلەرىنىڭ دوستىق سۇيىسپەنشىلىگىن ونان  ارى  تەرەڭدەتىپ، شاتتىققا بولەدى.

  تولى قالاشىعى مادەنيەت جولى الەۋمەتتىك اۋماعىنىڭ ياچەيكا شۋجيى ياڭ شۋەپين: «وسى رەتكى قيمىل ارقىلى دوستىعىمىز تەرەڭدەپ، بەرەكەمىز ارتا ءتۇستى، بۇدان كەيىن دە   وسىنداي قيمىلدىڭ كوپتەپ وتكىزىلۋىن ءۇمىت ەتەمىز» دەدى.

   رەداكتورى : اراي ەركىن قىزى

  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى