ءداستۇرلى ەگىمشىلىككە وزگەرىس جاساپ، اۋىل شارۋاشىلىعىنىڭ دامۋىن جەبەدى

   ۇسىنىس ەتىلگەن ءتىلشى ساۋلە كەنجەبەك قىزى حابارلايدى. ساۋان اۋدانى ءۇرتىس دامۋداعى تىڭ كوزقاراستا تاباندى بولىپ، شارۋالار كىرىسىن ارتتىرىپ، اۋىل شارۋاشىلىعىندا ونىمدىلىكتى جوعارىلاتۋدى تىعىز توڭىرەكتەي وتىرىپ، قامداۋ جاعىنداعى قۇرىلىمدىق رەفورمانى ءتۇيىن ەتىپ، قۇرىلىمعا رەتتەۋ جۇرگىزۋ، ساپانى جوعارىلاتۋ،توعىسپالى دامىتۋدى ىلگەرىلەتۋ، وزىندىك قۇندى تومەندەتىپ، ولقىلىقتاردى تابۋ ءادىسى ارقىلى استىقتى ءداستۇرلى ەگۋ تاسىلىنە بۇرىلىس جاساپ،اۋىل شارۋاشىلىعىنىڭ ءۇرتىس دامۋىن جەبەدى. 

   بىرنەشە كۇننەن بەرى جينحى-يۋان شارۋالار  ەگىمشىلىك كاسىپتىك سەلبەستىك كووپەراتيۆىنىڭ  ەككەن 1100  مۋ جەردەگى ساپالى ءبيدايى ورۋ، ساتۋ كەزەڭىنە ءوتتى، بۇل كووپەراتيۆ وتكەن جىلى قىركۇيەك ايىندا قۇرىلىپ، التىنى ءبىر تۇتاس باسقارۋ ءادىسىن قولدانىپ، كاسىپورىندارمەن الدىن الا توقتام جاساسىپ،ءونىم مولشەرى مەن ساتىپ الۋ باعاسى جاعىندا بۇرىنعى جىلدارداعىمەن سالىستىرعاندا پارىق وتە زور بولدى. 

   جينحى-يۋان شارۋالار ەگىمشىلىك كاسىپتىك سەلبەستىك كووپەراتيۆىنىڭ  باستىعى سۇي چيڭگى: «ءبيداي پىسقان سوڭ،جينتيانباۋ تۇقىم كاسىبى سەرىكتىگىنە ساتىپ بەردىك، استىق تاسيتىن اۆتوكولىكتەر كەزەك كۇتىپ تۇرمادى، شارۋالاردىڭ زيان تارتۋ جاعدايى دا كورىلمەدى» دەدى. 

   تاياۋ جىلداردان بەرى ساۋان اۋدانى استىق ءوندىرۋ، مانەرلەۋ بارىسىندا ساقتالعان قامداۋ-قاجەتسىنۋ قۇرىلىمىنىڭ تەپە-تەڭدىگى بۇزىلۋ، ءوندىرىستىڭ وزىندىك قۇنى جوعارى بولۋ، بايلىقتان  ورىنسىز پايدالانۋ سياقتى ماسەلەلەردى وڭاۋ ءۇشىن، اۋىل شارۋاشىلىعىن كاسىپ سالالاندىرۋداعى ءتۇيىندى كوش باسشى كاسىپورىن تيانباۋ  جاسىل ءتۇستى ازىق-تۇلىك ءوندىرۋ شەكتى سەرىكتىگى 2015-جىلى تۇقىم كاسىبى سەرىكتىگى جانە ءبيداي ەگۋ سەلبەستىك كووپەراتيۆىمەن بىرلەسىپ، تيجارات قۇرىلىمىن ابزالداندىرىپ، دامۋعا  ورالعى بولاتىن فاكتورلاردى شەشىمدەدى. 

   تيانباۋ جاسىل ءتۇستى ازىق-تۇلىك ءوندىرۋ شەكتى سەرىكتىگىنىڭ ورىنباسار ديرەكتور ۋاڭ پىڭ: «تاياۋداعى ەكى جىلدان بەرى سەرىكتىگىمىز تۇقىم كاسىبى سەرىكتىگىمەن بىرلەسىپ، ساپالى ءبيداي ەگۋدى جالپىلاستىردى، بيىل 41 مىڭ مۋ جەرگە ساپالى تۇقىم ەگىپ، قامداۋ-قۇرىلىم رەفورماسىن اتقارىپ، كاسىپورىنداردى تاڭداۋلى ءونىم جاراتۋعا جەبەدى» دەدى. 

   2016-جىلى ساۋان اۋدانى استىق قامداۋ جاعىنداعى قۇرىلىمدىق رەفورما سىناق ءتۇيىنى قىزمەتىن رەسمي اتتانىسقا كەلتىرىپ، بيىل تاعى اۆتونوميالى رايون جاعىنان قامداۋ جاعىنداعى قۇرىلىمدىق رەفورما  سىناق   ءتۇيىنى اۋدانى بولىپ، قازىرگە دەيىن دۇمبە ءبيداي مەن جازعى ءبيدايدىڭ سورتىن تاڭداۋ، جەتىلدىرۋ قىزمەتىن ءساتتى ورىنداپ بولدى. 

   ساۋان اۋداندىق اۋىل شارۋاشىلىق مەكەمەسى اۋىل شارۋاشىلىعىن كاسىپ سالالاندىرۋ كەڭسەسىنىڭ جاۋاپتىسى ۋاڭ يۋانجىڭ: «بيىل ساۋان اۋدانى 41 مىڭ مۋ جەرگە ساپالى ءبيداي تۇقىمىن جەتىلدىرۋ بازاسىن قۇردى، اۆتونوميالى رايون مەن جەرگىلىكتى ۇكىمەت ساپالى ءبيداي ەككەن شارۋالارعا قوسىمشا قاراجات بەرىپ، مۋ باسىنان 400 دە 600 يۋان كىرىس كىرگىزىپ، شارۋالاردىڭ كىرىسى كورنەكتى ارتتى» دەدى.




   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.