ەەڭ جاڭا مازمۇندار
2020-جىلى 12-ايدىڭ 2-كۇنى 234-سان
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، حالىق بۇقاراسى رازى بولاتىن باقىت وزەن، كولىن قۇلشىنا قۇرۋ كەرەك
قۇندى تاجىريبەلەر مەن جاقسى ادىستەردى مۇقيات ۇيرەنىپ،ۇلگى الىپ،كەدەيلىكتەن ارىلتۋدان قامال الۋ شەشۋشى شايقاسىنىڭ جالپى بەتتىك جەڭىسىنە باتىل قول جەتكىزەيىك
ايماقتىق ساياسي كەڭەس قىزمەت كوميتەتى 2020-جىلعى ءتورتىنشى توقسانداعى 2-رەتكى كەڭەس ءماجىلىسىن اشتى
جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرۋ كەرەك
زاڭمەن جونگە سالۋ ۇگىتىن اۋىل-قىستاققا جەتكىزدى
جاقسى قوجايىن بولىپ،جاڭا داۋىردە ەڭبەك سىڭىرەمىز
تۇندەلەتىپ قار كۇرەپ،قاتىناستىڭ ىركىلىسسىزدىگىنە كەپىلدىك ەتتى
ەڭبەك ەرلەرى رۋحىن اسقاقتاتىپ،كورىكتى مەكەندى بىرگە قۇرامىز
شاعانتوعاي: ەكپىندەي العا باسىپ،بەلسەنە قىزمەت ىستەيمىز
قويان باعىمشىلىعى زور ءۇمىت بايقاتتى
انار ءدانى بولىپ،ىنتىماق گۇلىن بىرگە قۇلپىرتتى
«دۋلىعا كيۋ،حاۋىپسىزدىك بەلبەۋىن تاعۋ» تاربيەسىن ورىستەتتى
ەلىكتىرۋدەن ساقتانىپ،ەسىرتكىدەن اۋلاق بولايىق
ءورت ءسوندىرۋ،ورتتەن ساقتانۋ حاۋىپسىزدىگى جونىندە ۇگىت جۇرگىزدى
قاتىناس حاۋىپسىزدىگى ۇگىتى بالالار باقشاسىنا جەتكىزىلدى
2020-جىلى 12-ايدىڭ 1-كۇنى 233-سان
شي جينپيڭ حات جولداپ ”كۇرەسكەر“ اتتى تۇتاس تەرەڭ تەڭىزگە ادام وتىرىپ سۇڭگۋ جابدىعىنىڭ 10 مىڭ مەترلىك تەڭىز تەرەڭدىگىنە سۇڭگۋ سىناعىن ءساتتى ورىنداعاندىعىن ءارى جەڭىسپەن قايتىپ ورالعاندىعىن قۇتتىقتادى
ەڭبەك ەرى رۋحىن بار كۇشپەن اسقاقتاتىپ، تىنىش شينجياڭ قۇرۋعا قۇلشىنىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ويداعىداي يگەرۋ كەرەك
ەڭبەك ەرى رۋحىن، ەڭبەك رۋحىن، ۇستا رۋحىن بار كۇشپەن اسقاقتاتايىق
ەڭبەك ەرلەرى رۋحىن،ەڭبەك رۋحىن،ۇستا رۋحىن بارىنشا اسقاقتاتايىق
ايماعىمىزدان ءبىر نىسان مەملەكەتتىك شارۋاشىلىق قۇرۋ،جاڭالىق اشۋ باسەكەسىندە 3-دارەجەلى سيلىققا يە بولدى
پارتيانىڭ ءۇنىن جۇرت جۇرەگىنە تەرەڭ ۇيالاتتى
جاڭا ساپاردا جاڭا ناتيجەلەر جاراتامىز
​ايماعىمىزدان 2 ادام مەملەكەتتىك ەڭبەك ەرى جانە وزات قىزمەتكەر بولىپ باعالاندى
قوس بالداققا سۇيەنە ءجۇرىپ قوراسىن مالعا تولتىرعان قايسار جان
شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ،دايەكتىلەندىرىپ،زاڭمەن جونگە سالىناتىن تارباعاتاي قۇرىپ،ىندەتتەن ساقتانۋ-تىزگىندەۋ جانە كەدەيلىكتەن ارىلتۋدان قامال الۋ سياقتى قىزمەتتەردى ءبىر تۇتاس جوسپارلاپ ىلگەرىلەتىپ،ناقتى ونىمدىلىككە قول جەت
بەتپە-بەت تۇسىنىك جاساپ،كوڭىل توعىستىرا پىكىر اۋىستىردى
حالىق ءۇشىن ىستەۋ اۋەلگى ماقساتىن ەستە بەرىك ساقتاپ،جاۋاپكەرشىلىگىمىزدى ادا ەتەمىز
ايماعىمىزدا ءبىر توپ ورىندار مەن جەكەلەر رۋحاني وركەنيەت قۇرىلىسى جونىندەگى مەملەكەتتىك ماداقتاۋ-سيلاۋ جينالىسىندا ماداقتالىپ-سيلاندى

باپكەر قىز _ راۋشان

جولدانعان ۋاقىتى : 2017/8/1 13:50:26

ريشات سابىرباي ۇلى

    ءالميساقتان، حالقىمىز قىز بالانى  باسىنان قۇس ۇشىرماي ماپەلەپ،قاتتى- قايىرىم ىستەرگە ارالاستىرماي،ايالاپ،    الپەشتەپ، ارداقتاپ كەلگەن حالىق.  

   ال، تاريحي دەرەكتەردە نازىك جاندىلار اراسىنان نە ءبىر دانىشپان انالار،نە ءبىر ايگىلى باتىرلار،نە ءبىر ايتۋلى    اقىن-جازۋشى سىندى قانشاما تۇلعالار ەستەلىكتەر بەتىنە التىن ەسىمدەرىن   قالدىرىپ كەتتى. 

  وتان ءۇمىتىن، ەل تىلەگىن ارقالاپ، تۋعان  توپىراعىنا، تۋعان ەلىنە ءوزىنىڭ قان-تەرىن ارناعان نار تۇلعالى، اتان جىلىكتى ەر ازاماتتاردىڭ قاتارىندا ءدال سولاردىڭ كۇش-قايراتىنان قالىسپاي، وزدەرىنىڭ ءبىر كىسىلىك ۇلەسىن قوسىپ كەلە جاتقان جەلەكتىلەرىمىز بەن قارا كوز قىزدارىمىز از ەمەس. انە،سونىڭ ايعاعى بىلەك پەن بىلىك قارىمى بىرىگىپ باسەكەگە تۇسەر كىلەم ۇستىندە قارسىلاسىن الىپ سوعار تالايلاعان الىپ بالۋاندارىمىزدىڭ باپكەرى بولىپ جۇرگەن تولى اۋداندىق مادەنيەت-دەنە تاربيە سارايىنىڭ قىزمەتكەرى راۋشان راۋىپ قىزى  ەدى.

   راۋشان راۋىپ قىزى 1984-جىلى ساۋىردە تولى اۋدانى دولاتى اۋىلىندا دۇنيەگە كەلگەن. باستاۋىش،ورتا مەكتەپتى ءوز اۋىلىندا تامامداپ،كىشكەنتايىنان سپورت قيمىلدارىنا اۋەس بولىپ وسكەن ول  1997-جىلى قىركۇيەك   ايىندا تارباعاتاي ايماقتىق كاسىپتەن سىرتقى دەنە تاربيە مەكتەبىنىڭ جاپونشا كۇرەس كومانداسىنا قابىلدانادى.

   ول ءوزىنىڭ سول كەزدەگى كوڭىل كۇيىن بىلاي جەتكىزگەن ەدى: «... قۋانىشىمدا شەك جوق،ۇيگە جۇگىرىپ بارىپ ايتىپ ەدىم (اكەم قىز بالاعا جاراسپايتىن كاسىپ)،بارمايسىڭ دەپ ۇنامادى،مەن بارامىن دەپ تۇرىپ الدىم،اكەم اقىرى ماقۇل بولدى...».

   ونەر جولىنداعى قايتپايتىن جىگەرى مەن قۇلشىنىسىنىڭ ارقاسىندا،1998-جىلى قاشقار قالاسىنداعى وتكىزىلگەن دەنە تاربيە جارىسىنا قاتىناسىپ،48 كيلوگرامدىق سالماقتاعىلاردىڭ كۇرەس تۇرىنەن 3-دارەجەلى،1999-جىلى 44 كيلوگرامدىق سالماقتاعىلاردىڭ كۇرەس تۇرىنەن 1-دارەجەلى بولىپ سيلانىپ قايتادى. كەيىن 2000-جىلى شينجياڭ جاپونشا كۇرەس كومانداسىنا قابىلدانىپ،جاپالى ماشىقتار ارقىلى شينجياڭ جاپونشا كۇرەس كومانداسىنىڭ ارناۋلى مۇشەسى بولىپ تۇراقتانادى. 2003-جىلى شينجياڭ وقۋ-اعارتۋ   ۋنيۆەرسيتەتىنە  قابىلدانىپ،سول ارادا ءبىلىم تولىقتىرادى. 

   2009-جىلى ءساۋىر ايىنان باستاپ تولى اۋداندىق مادەنيەت-دەنە تاربيە سارايىنا قىزمەتكە تۇرىپ،ءوزىنىڭ    بۇرىننان اڭساعان كاسىبىن باستاپ كەتەدى.

   قىزمەتكە تۇرىپ،كوپ وتپەي جاس وسپىرىمدەردى ارناۋلى بالۋاندىققا تاربيەلەۋ كلاسىن قۇرىپ،اۋدان كولەمىنەن 5جاستان 18 جاس ارالىعىنداعى ءار ۇلت بالالارىنان شاكىرت قابىلداي باستايدى. 

   كەلەر جىلىندا شاۋەشەك قالاسىنداعى بالۋاندار جارىسىنا شاكىرتتەرىن باستاپ بارىپ،تۇڭعىش ساپارىندا ءۇش التىن مەدال،ءۇش كۇمىس مەدال،ەكى مىس مەدال ەنشىلەپ قايتادى. 2013-جىلى وبلىستىق اقىندار ايتىسىنا التى شاكىرتىن ەرتىپ اپارىپ،ەكى التىن مەدال،ءبىر كۇمىس مەدال،ءۇش قولا مەدالعا يە  بولادى. ەڭبەگىنىڭ ناتيجەسىن باعامداپ، بۇدان كەيىنگى جارىستاردا بۇدان دا  جوعارى ناتيجەلەرگە قول جەتكىزىپ، جاس جەتكىنشەكتەردىڭ كۇرەس تەحنيكاسىن ودان ارى ارتتىرا ءتۇسۋ ماقساتىمەن سول جىلى شاكىرتتەرىن سۇرىپتاپ،ماشىقتى كەمەلدەندىرە تۇسەدى.

  وسى ءبىر كاسىپ جولىنداعى تاباندىلىعى مەن ەڭبەگىنىڭ جەمىستەرى ونىڭ  تالاي مارتە ۇزدىك قىزمەتكەر بولۋىنا نەگىز قالايدى. ايتالىق،2011-جىلدان 2016-جىلعا دەيىن ۇيىم جاعىنان جىل سايىن «ۇزدىك قىزمەتكەر» بولىپ باعالانىپ وتىرسا؛2013-جىلى اۆتونوميالى رايون دارەجەلى بۇقارالىق دەنە تاربيە سالاسىنداعى «ۇزدىك جەكە» بولىپ    سيلانادى. 

    2015-جىلى 20-كەزەكتى ايماقتىق  اقىندار ايتىسىنا قاتىناسقان شاكىرتتەرى ءۇش التىن،ءبىر كۇمىس،ەكى قولا مەدال ەنشىلەيدى،تاعى دا سول جىلى ءساۋىر ايىندا تۇڭعىش رەت ءدوربىلجىن اۋدانىنداعى ەركىن كۇرەس ءتۇرى جانە ءداستۇرلى كۇرەس تۇرىنە قاتىناستىرعان تالاپ سەنىم ۇلى،شالعىن قاتارلى كىشكەنتاي شاكىرتتەرى ءبىرىنشى دارەجەلى بولسا،وزگە شاكىرتتەرى دە كورنەكتى ناتيجەمەن ورالادى. 

   وتكەن جىلى وبلىستىق قازاق كۇرەس قوعامىنىڭ قازاقشا كۇرەس جونىندەگى ۇيرەنۋىنە قاتىناسىپ،ءبىلىمىن ودان ارى تولىقتىرعان راۋشان قايتىپ كەلگەن سوڭ تارباعاتاي ايماعىنداعى تۇڭعىش كەزەكتى  ورتا،باستاۋىش مەكتەپ وقۋشىلارىنىڭ قازاقشا كۇرەس جارىسىنىڭ وزدىرىلۋىنا ات سالىسادى. بىلتىر تامىزدا شينجياڭ جاس وسپىرىمدەر جاپونشا كۇرەس جارىسىنا قاتىناستىرعان شاكىرتتەرىنەن تالاپ سەنىم ۇلى 40 كيلوگرامدىق سالماقتاعىلاردىڭ جاپونشا كۇرەس تۇرىنەن 2-دارەجەلى  بولىپ،كۇمىس مەدالعا يە بولسا؛ءشاربات بولات ۇلى 60 كيلوگرامدىق سالماقتاعىلار بويىنشا 3-دارەجەلى بولىپ،قولا مەدال الادى. وزگە شاكىرتتەرى دە الدىڭعى قاتارداعى ناتيجەلەرمەن قۋاندىرادى. جەلتوقساندا  تارباعاتاي ايماعىنداعى «ىزگىلىك ارقىلى حالىققا تيىمدىلىك جاساۋدى» باس تاقىرىپ ەتكەن بالۋان جارىسىندا ونىڭ    تالاپ،ورەن،ۇلاعات،ادال،بەردىقان،ايبول قاتارلى التى شاكىرتى تۇگەلدەي التىن مەدالمەن ماراپاتتالادى دا،ەرنار،جاندوس قاتارلى ءتورت شاكىرتى 2- دارەجەلى داڭقپەن ورالادى. 

   بيىل راۋشاننىڭ باستاماشىلىعىمەن   اۋدانىمىزدا «قازاقشا كۇرەس» جارىسى  وزدىرىلادى. بۇعان اۋدانىمىزعا قاراستى اۋىل-قالاشىقتاردان سىرت،تارباعاتاي ايماعىنا قاراستى 7 اۋدان،قالادان دا  كوماندالار كەلىپ قاتىناسادى. بۇل جولعى جارىسقا 200 دىڭ ۇستىندە بالۋاندار   قاتىناسقان دودادان كوللەكتيۆ بويىنشا  تولى اۋدانى 1-دارەجەلى،ءدوربىلجىن اۋدانى 2-دارەجەلى،ءدام قىستاعى 3-دارەجەلى،قوبىقسارى اۋدانى 4-دارەجەلى بولىپ سيلانادى.

   22-ساۋىردە ءدوربىلجىن اۋدانى  وتكىزگەن كۇرەس جارىسىندا راۋشان باستاعان كوماندا كوللەكتيۆ 2-دارەجەلى بولىپ سيلانسا؛18-ماۋسىم قوبىقسارى اۋدانىندا وتكەن قازاقشا كۇرەس جارىسىندا كىشكەنتاي شاكىرتتەرى 13 التىن مەدال،8 كۇمىس مەدال،3 قولا مەدال الىپ، قوماقتى تابىسپەن ورالادى.

   بىلتىر ايماقتىق دەنە تاربيەگە جاۋاپتى باسشىلاردىڭ قولداۋىندا،ايماقتىڭ    جاپونشا كۇرەس گرۋپپاسىنىڭ قىزدار كومانداسىن باسقارۋ تولىمدىلىعىنا يە  بولعان. ونىڭ جەتەكشىلىگىندە،قازىرگە  دەيىن 5 جاستان 16 جاس ارالىعىنداعى 60 نەشە شاكىرتى بار.

   ونىڭ وسىنداي ناتيجەلەرگە يە بولعان 12 تالانتتى شاكىرتى وسى جىلى اۆتونوميالى رايوندىق دەنە تاربيە ۋنيۆەرسيتەتىنە قابىلدانسا؛التى قىز شاكىرتى    رايوندىق «روۋداۋ» ءتۇرى باسقارماسىنا قابىلدانادى.

   الدا اۋدانىمىزدىڭ قوڭىروبا سازىندا  ءوز مارەسىنە جەتكەن تارباعاتاي ايماعىنىڭ 21-كەزەكتى اقىندار ايتىسى،    مادەنيەت-ساياحات مەرەكەسىندەگى ۇلتتىق دەنە تاربيە قيمىلدارىندا راۋشاننىڭ تاربيەلەۋىندەگى شاكىرتتەرى ۇزدىك ناتيجەلەرگە قول جەتكىزەدى. اشالاپ  ايتار بولساق،ونىڭ شاكىرتتەرى حالىقارالىق شاحمات تۇرىنەن 1-دارەجەلى،دويبى جارىسىنان 2-دارەجەلى،62 كيلوگرامدىق سالماقتاعىلاردىڭ كۇرەس تۇرىنەن 1-دارەجەلى جانە 3-دارەجەلى،85 كيلوگرامدىق سالماقتاعىلاردىڭ كۇرەس تۇرىنەن 3-دارەجەلى،62   كيلوگرامدىق سالماقتاعىلاردىڭ بۇقاشا تارتىس تۇرىنەن 3-دارەجەلى بولۋداي داڭقتى ناتيجەلەردى قولعا كەلتىرگەن.
 
   وسى جاقىندا عانا،بۇكىل مەملەكەتتىك جاس وسپىرىمدەردىڭ «بولاشاق جۇلدىزدار» اتىنداعى جازعى شۋاق دەنە تاربيە قيمىلىنىڭ شينجياڭ كولەمىندەگى جارىسى 20-شىلدەدەن 24-شىلدەگە دەيىن   بۇراتالا قالاسىندا وتكىزىلدى. 

   رايونىمىز كولەمىندە وتكىزىلىپ وتىرعان بۇل رەتكى دەنە تاربيە جارىسىنا  ونىڭ باستاۋىمەن بارىپ،ۇيعۇرشا كۇرەس جارىس تۇرىنە قاتىناسقان اۋدانىمىز ساڭلاقتارىنان 56 كيلوگرامدىق سالماقتاعىلار بويىنشا تالاپ سەنىم ۇلى مەن 63 كيلوگرامدىق سالماقتاعىلار بويىنشا ەركىنبەك قاينار ۇلى 1-دارەجەلى بولىپ،التىن مەدالمەن ماراپاتتالسا؛70 كيلوگرامدىق سالماقتاعىلار بويىنشا قاتىناسقان ەرەن عالىم ۇلى اتالعان كۇرەس تۇرىنەن 2-دارەجەلى بولىپ كۇمىس مەدالعا يە بولۋمەن بىرگە،بۇقاشا تارتىستان 1-دارەجەلى بولىپ، التىن مەدال تاعىنۋداي قوس داڭققا بولەندى. 

   ءارقانداي ۇستاز بولسىن،باپكەر بولسىن،ءوزىنىڭ ەڭبەك جەمىسىن تاربيەلەگەن شاكىرتتەرىنىڭ مايدانداعى جەڭىسىمەن ولشەيتىنى انىق. ءتول شاكىرتتەرىنىڭ ارت-ارتىنان العان داڭق-ماراپاتتارى كوڭىلى نازىك راۋشاننىڭ كوزىنە قۋانىشتىڭ جاسىن ۇيالاتىپ:     «كومانداداعىلاردىڭ بۇل رەتكى قۋانتارلىق ناتيجەسى كوپ ۋاقىتتىق جاپالى جاتتىعۋدىڭ ارقاسىندا كەلدى،بۇدان كەيىن بۇدان دا ۇلكەن دودالارعا قاتىناسىپ،بۇدان دا زور ناتيجەلەرگە يە بولۋ ءۇشىن جالعاستى قۇلشىنىپ،  جاتتىعۋدى كۇشەيتەمىز. دەسەدە،   بۇگىنگى ناتيجەمىزگە ەرەكشە شاتتانىپ تۇرمىن» دەيدى ول داڭق   تورىندەگى شاكىرتتەرىنىڭ باسىنان سيپاپ تۇرىپ.

   قازىر اۋداندىق دەنە تاربيە سارايىندا كۇرەس،روۋداۋ،جەڭىل اتلەتيكا،تاق-تۇق دوپ،مۇز ءۇستى سپورت سىندى بەس تۇرگە كاسىپتەن سىرتقى سپورتشىلار تاربيەلەنەدى. 

   وتكەن جىلدان بەرى راۋشان جەتەكشىلىگىندەگى شاكىرتتەرىن اۆتونوميالى رايون،وبلىس،ايماقتارداعى بالۋانعا تاربيەلەۋ ورىندارىنا ۇزدىكسىز جىبەرىپ،بىلىمدەرىن تولىقتىرىپ وتىرۋعا ءمان  بەرىپ كەلەدى. بيىل دا ءۇش شاكىرتىن تارباعاتاي ايماقتىق  ءداستۇرلى كۇرەس كومانداسىنا ارناۋلى  جىبەرىپ،سول ارادا كۇرەس تەحنيكاسىن ودان ارى وسىرۋىنە مۇمكىندىك جاراتىپ بەردى. 

   جەتكىنشەكتەردىڭ دەنە تاربيە سالاسىنداعى جەتىلۋىنە ايرىقشا ءمان بەرەتىن راۋشان بۇنىمەن توقتاپ قالمايدى. ءار جىلعى اۋدانىمىز كولەمىندەگى ورتا،باستاۋىش مەكتەپتەردىڭ ءار كەزەكتى جەڭىل اتلەتيكا جارىستارى بولسىن، قىستىق ۇزاققا جۇگىرۋ جارىستارى  بولسىن بارىن سالىپ،جەتكىنشەكتەردىڭ دەنە تاربيە جاعىنداعى تەحنيكالىق    ارەكەتتەرىن كەمەلدەندىرۋىنە جەتەكشىلىك ەتىپ كەلەدى. 

   ءيا، ءارقانداي تابىس پەن ناتيجە ىستەگەن ىسىڭە تاباندى بولۋىڭنان  كەلەدى. كىشكەنتايىنان ءوزىنىڭ ارمانداعان ىسىنە بارىن ارناعان راۋشان   العان بەتىنەن قايتپايتىن قاجىرلى يراداسىنىڭ ارقاسىندا،تۋعان جەرى ءۇشىن،ارتىنان ەرگەن جاس جەتكىنشەكتەردىڭ ونەر ورىندەگى تالپىنىسى ءۇشىن    ءارقانداي جەكەلىك مۇددەلەرىن ءبىر جاققا قايىرىپ تاستاپ،قولعا العان  جۇمىسىنىڭ ناتيجەلى بولۋىنا كۇش  سالىپ،تەك داڭق ءتورىن جاراتۋعا قۇلشىنادى. 

   تاۋ قوپارار الىپ كۇشتىڭ يەسىندەي سوم دەنەلى بالۋان جىگىتتەرىمىزدىڭ قايراتىنا جىگەر ۇشتاپ،تەحنيكالىق   جاعىنان شىڭاپ كەلە جاتقان باپكەر  قىزىمىزدىڭ بۇدان كەيىنگى كۇرەس مايداندارىندا دا بابى مەن باعى بىردەي جانىپ،داڭق تورلەرىنەن عانا ورىن   الاتىندىعىنا سەنە وتىرىپ،بولاشاعىڭ نۇرلى،قىزمەتىڭ تابىستى،كۇندەرىڭ كوڭىلدى بولعاي دەگەن ىزگى تىلەگىمىزدى بىلدىرەمىز. 

   قىراندارىڭ شارىقتاي  بەرسىن باپكەر قىز! 




   رەداكتورى: الماگۇل اقاتبەك قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn