ءتىلشىمىز ۋاڭ شۋشيا حابارلايدى. 26-شىلدە كۇنى ايماق اسكەر قابىلداۋ قىزمەتى تەلەۆيزور-تەلەفون ءماجىلىسىن اشىپ،مەملەكەتتىك جانە اۆتونوميالى رايوننىڭ اسكەر قابىلداۋ قىزمەتى تەلەۆيزور-تەلەفون ءماجىلىسىنىڭ رۋحىن دايەكتى تياناقتاندىرىپ، بيىلعى اسكەر قابىلداۋ قىزمەتىنە ورنالاستىرۋ جاسادى.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى مىنالاردى تالاپ ەتتى: ءار قايسى اۋدان،قالا، تاراۋ يدەيالىق تانىمدى بىرلىككە كەلتىرىپ، اسكەر قابىلداۋ قىزمەتىنە باسا ءمان بەرۋى؛ ءادىس-شارالاردى كۇشەيتىپ،اسكەر قابىلداۋ قىزمەتىنە تاماشا ورتا جاراتۋ؛وسكەلەڭ دارەجەدە جاۋاپتى بولۋ رۋحىمەن ۇيىمدىق باسشىلىقتى كۇشەيتىپ، ارميا مەن جەرلىك ورىن تىعىز سايكەسىپ، قىزمەت بىرلىك كۇشىن قالىپتاستىرىپ،ۇزدىكسىز قاداعالاپ،تەكسەرىپ، ءتۇرلى قىزمەتتى تياناقتاندىرۋدى كۇش سالا مىقتى يگەرىپ، جىلدىق اسكەر قابىلداۋ مىندەتىن تولىق ورىنداپ، ايماعىمىزدىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە اناعۇرلىم زور ۇلەس قوسىپ، پارتيا 19-قۇرىلتايىنىڭ جەڭىسپەن اشىلۋىن تابىستى ناتيجەلەرمەن قارسى الۋ كەرەك.
مۇقيات جارمۇحامبەت ۇلى بىلاي دەدى: «ءارقايسى تاراۋ قىزمەت جاعدايىن ايقىن تانىپ،ەرەكشە شارالار قولدانىپ،جاماعات پىكىرىندىك ۇگىتتى كۇشەيتىپ، ابزالدىلىقتى تولىق ساۋلەلەندىرىپ،ۇگىت تەبىنىن ارتتىرىپ،اسكەر قابىلداۋ قىزمەتى جونىندەگى ۇگىتتىڭ كومكەرىمدىلىگىن ارتتىرۋ؛ قامقورلىق جاساپ ورنالاستىرۋ قىزمەتىن تياناقتاندىرىپ، ورنالاستىرۋ جولدارىن اناعۇرلىم كەڭەيتىپ، ورنالاستىرۋ ساپاسىن جوعارىلاتىپ، اسكەر جاسىنا تولعان جاستاردى اسكەرلىككە تىزىمدەلۋگە شابىتتاندىرۋ؛ ارميانى قولداۋ جانە اسكەرلەر وتباسىنداعىلارعا قامقورلىق جاساۋ قىزمەتىن ويداعىداي ىستەپ، اناعۇرلىم پارمەندى قامتاماسىزداندىرۋ شارالارىن بەلگىلەپ، اسكەر قابىلداۋ قىزمەتىنە تاماشا قوعامدىق ورتا جاراتىپ،اسكەري قوسىندى ساپالى اسكەرلەرمەن ۇزدىكسىز قامداۋ كەرەك» دەدى.
تارباعاتاي بولىمشە اسكەري رايوننىڭ قولباسشىسى لي ۋىن بىلاي دەدى: «بيىل ايماعىمىزدىڭ اسكەر قابىلداۋداعى باس نىساناسى _ ‹ءۇش جوق›،‹ەكىدە جاقسى›،‹بىردە جاڭالىق بولۋ› ياعني جاۋاپكەرشىلىك سەبەبىنەن اسكەردەن قايتارۋ،بەلگىلەمەگە،تارتىپكە قايشىلىق جاساۋ، جوعارىعا ارىزدانۋ ءجايتى جوق بولۋ،اسكەرلەردىڭ ساپاسى جاقسى، باعالاۋدا ۇزدىك بولۋ، ستۋدەنتتەردەن اسكەر قابىلداۋ سالىستىرماسىندا جاڭالىق بولۋ. ءار دارەجەلى،ءارقايسى تاراۋلار دۇرىس يگەرىپ، قارايلاپ وتىرماستان،ىرىقتى ارەكەتكە كەلىپ، اسكەر قابىلداۋ قىزمەتىن پارمەندى تياناقتاندىرۋى كەرەك».
ۇعىسۋعا قاراعاندا، ايماعىمىزدىڭ بيىلعى اسكەر قابىلداۋ قىزمەتى 1-تامىزدا باستالىپ، 30-قىركۇيەكتەن بۇرىن اياقتالادى ەكەن.
اكىمشىلىك مەكەمەسىنىڭ ورىنباسار ۋاليى الي، سونداي-اق ايماقتىق اسكەر قابىلداۋ قىزمەتى باسشىلىق گرۋپپاسىنداعى بارلىق مۇشەلەر نەگىزگى ءماجىلىس مايدانىندا ماجىلىسكە قاتىناستى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.