ۇسىنىس ەتىلگەن ءتىلشى جەڭىسحان اسقار ۇلى، ەرىكتى ءتىلشى اۋاحان تۇراپ قىزى حابارلايدى. قازاق ۇلتىنىڭ ءداستۇرلى مادەنيەتىنە جالعاستى مۇراگەرلىك ەتىپ جانە ونى ساۋلەلەندىرىپ، قىستاقتاعى قالىڭ جازدىق دەمالىسقا تاراعان بالالاردىڭ دەمالىسىن كوڭىلدى وتكىزۋى ءۇشىن، تارباعاتاي ايماقتىق مادەنيەت - دەنە تاربيە، راديو - تەلەۆيزيا مەكەمەسىنەن ساۋان اۋدانى بورتىنكو اۋىلى بورتىنكو قىستاعىنا تۇسكەن قىزمەت اترەتىندەگىلەر وزدەرىن نەگىزگى ساتىعا جىبەرگەن مەكەمە، ورنىمەن بەلسەندى تۇردە بايلانىس جاساپ، تارباعاتاي ايماقتىق مادەنيەت - دەنە تاربيە، راديو - تەلەۆيزيا مەكەمەسى مادەنيەت سارايىنىڭ كاسىپتىك دومبىرا ساباعىن بەرەتىن وقىتۋشىسىن ۇسىنىس ەتىپ، قىستاقتان دومبىرا كلاسى كۋرسىن اشتى. بۇل رەتكى كۋرس تامىز ايىنىڭ باسىنا دەيىن 20 كۇن مولشەرىندە تەگىن اشىلادى.
تەگىن دومبىرا كۋرسى اشىلادى دەگەن حابار تاراسىمەن بورتىنكو قىستاعىنىڭ جانە كورشىلەس قىستاقتاعى بالالار قىزعىندى تۇردە تىزىمدەلىپ، تەز ارادا دومبىرا ساباعىنان ساباق تىڭداۋعا اسىقتى.
مۇندا، ۇسىنىسپەن كەلگەن ەربولات مۇعالىم دومبىرانىڭ دىبىسىن تەڭشەۋدەن، مۋزيكا نەگىزگى قۇرلىم، نەگىزگى نازاريالىق بىلىمدەرىنەن باستاپ وقۋشىلارعا جالىقپاي ۇيرەتتى، ۇيرەتۋدە الدىمەن ۇلگى كورسەتىپ، سوڭىنان وقۋشىلاردىڭ وزدەرىنە ەرىكتى تۇردە تالداۋ جاساي وتىرىپ، دومبىرا شەرتۋ ماشىعىن الىپ باردى، ءارى بالالارمەن جاقىن دوستارىنداي بىرگە اڭگىمە شەرتىپ، بىرلىكتە دومبىرانىڭ قۇلاق كۇيىن تەڭشەپ، ۇيرەتكەندىكتەن، بالالاردا تەز ارادا دومبىرانىڭ نەگىزدىك بىلىمدەرىن العاشقى قادامدا تەز يگەرىپ الدى.
وقۋشى جانار: «بۇدان بۇرىن باسقا بالالاردىڭ دومبىرا شەرتكەنىن كورگەندە ەرەكشە اسەرلەنىپ قىزىعاتىنمىن، قازىر مىنە مەندە كاسىپتىك وقىتۋشىنىڭ قولىنان دومبىرا ساباعىن ۇيرەنىپ جاتىرمىن، مەن وسى ورايدا دومبىرانى جاقسى ۇيرەنىپ، كەلەشەكتە، ءسوزسىز ءبىر جاقسى ناتيجە جاراتامىن» دەدى.
وقۋشىلاردىڭ اتا-اناسى پاريدا: «قىزمەت اترەتىندەگى كادرلاردىڭ وسىنداي دومبىرا كۋرسىن اشىپ بەرگەنىنە راقىمەت، مەنىڭ بالام قىستاقتان شىقپاي- اق دومبىرا كۋرسىنا قاتىناسىپ، قاتىستى بىلىمدەردى ۇيرەندى، قازاق ۇلتىنىڭ ءداستۇرلى مادەنيەتىن ءسوزسىز، ۇرپاقتان - ۇرپاققا جالعاستىرىپ، بالالاردان باستاپ مىقتى ۇستاپ ۇيرەتۋىمىز كەرەك» دەدى.
سۋرەتتە: ايماقتىق بۇقارالىق مادەنيەت ءۇيىنىڭ قىزمەتكەرى ەربولات بالالارعا دومبىرا ۇيرەتۋدە.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.