ۇسىنىس ەتىلگەن ءتىلشى ساۋلە كەنجەبەك قىزى حابارلايدى. قارتتاردى كۇتىمدەۋ كاسىبىن ىشكەرىلەي دامىتۋ ءۇشىن، ساۋان اۋدانى بەلسەندى شارا قولدانىپ،حالىقتىق كاپيتالداردى قارتتاردى كۇتىمدەۋگە قىزمەت وتەۋ كاسىبىن دامىتۋعا قاتىناستىرىپ، بازاردىڭ بايلىقتى ورنالاستىرۋ بارىسىنداعى شەشۋشى رولىن تولىق ساۋلەلەندىرىپ، قوعامدىق كۇشتەردى ۇيىستىرىپ، قارتتاردى كۇتىمدەۋگە قىزمەت وتەۋ كاسىبىن دامىتۋعا كۇش سالدى.
جۋىقتان بەرى شاڭحۋدي اۋىلىنىڭ نيەجياچۇي قىستاعى ايرىقشا دۋمانعا بولەندى،ويتكەنى ساۋان اۋدانى دۇڭلايفۋ قارتتاردى كۇتىمدەۋگە قىزمەت وتەۋ شەكتى سەرىكتىگى قارجى قوسىپ قۇرعان اۋداندىق دۇڭلايفۋ قارتتار دەمالۋ، كۇتىنۋ ورتالىعى نىسانى رەسمي قۇرىلىپ، جۇمىس باستادى. شاڭحۋدي اۋىلى نيەجياچۇي قىستاعىنىڭ تۇرعىنى جاڭ شىڭباۋ: «بۇل ءبىز سياقتى جاستاردىڭ اۋىرتپالىعىن جەڭىلدەتىپ، قارتتارعا باقىت جاراتىپ، يگىلىككە كەنەلدىردى» دەدى.
ساۋان اۋدانى دۇڭلايفۋ قارتتار دەمالۋ، كۇتىنۋ ورتالىعى اۋدان قالاشىعىنىڭ سولتۇستىگىنەن قاشىقتىعى 30 كيلومەتر جەردەگى شاڭحۋدي اۋىلى نيەجياچۇي قىستاعىنىڭ باتىسىنا ورنالاسقان، اۋدان جولى 813 - لەنياسىمەن شەكارالاسىپ جاتادى، نىساننىڭ يەلەگەن جەر اۋماعى 273 مۋ، جوسپارداعى قۇرىلىس اۋماعى 32 مىڭ 300 شارشى مەتر، بۇعان 60 ميلليون يۋان قارجى قوسۋدى جوسپارلاعان، نىسان باستىسى قارتتاردىڭ كۇتىمى مەن دەمالۋىنا ارنالعان، سونىمەن بىرگە،شارۋالاردىڭ توي - تومالاق وتكىزۋىنە، ساياحاتتاپ، بالىق اۋلاپ، باعىمشىلىقپەن شۇعىلدانۋىنا بولادى ەكەن.
ساۋان اۋدانى دۇڭلايفۋ قارتتار دەمالۋ، كۇتىنۋ ورتالىعى نىسانىنا قارجى قوسقان جاقتىڭ جاۋاپتىسى جاڭ ىرلاي: «شاڭحۋدي اۋىلىنىڭ تۇرعىنىمىن، قارتتاردى كۇتىمدەۋ قۇرىلعى قۇرىلىسىمەن شۇعىلدانىپ، قارتتاردى كۇتىمدەۋ قىزمەتىن جاقسى ىستەپ، سوڭعى ومىرلەرىن الاڭسىز وتكىزۋلەرىنە تاماشا شارت - جاعداي ازىرلەۋگە كۇش سالامىز» دەدى.
ۇعىسۋعا قاراعاندا، ساۋان اۋدانى دۇڭلايفۋ قارتتار دەمالۋ، كۇتىنۋ ورتالىعى نىسان قۇرىلىسى ەكى مەرزىمگە ءبولىنىپ جۇرگىزىلەدى، كەزەكتە،جەردى تەگىستەۋ، قۇبىر تورابى مەن ورمان بەلدەۋى قۇرىلىسى ورىندالىپ بولدى، بيىل 30 ميلليون يۋان قارجى قوسىلعان كۇتىنۋ ورتالىعىنىڭ نەگىزگى ينجەنەرياسى سالىنىپ، 2019-جىلى جاپپاي اينالىمعا ءتۇسىپ، پايدالانۋعا بەرىلەتىندىگى جوسپارلانۋدا.
شاڭحۋدي اۋىلىنىڭ ورىنباسار باستىعى لي شياۋوۋ: «دۇڭلايفۋ قارتتار دەمالۋ، كۇتىنۋ ورتالىعىنىڭ قۇرىلۋى اۋىلىمىزدىڭ قارتتار ىستەرىنىڭ دامۋىنا ۇلەس قوستى، قارتتاردىڭ ءبىر جاعىنان وتباسىندا وتىرىپ، قارتتاردى كۇتىمدەۋدى جۇزەگە اسىرۋمەن بىرگە، قارتتاردى كۇتىمدەۋدەگى تىڭ ادىستەردەن يگىلىكتەندىرىپ، ارتىق ەڭبەككۇشتەردى كاسىپتەندىرۋگە تاماشا تەكشە ازىرلەدى» دەدى.
قازىر ساۋان اۋدانىندا 60 جاستان اسقان 29 مىڭ 484 قارت بار، تۇتاس اۋدان بويىنشا، اينالىمعا ءتۇسىپ، پايدالانۋعا بەرگەن قارتتار كۇتىمدەۋ ورنىنان ەكەۋى بار، بيىل ساۋان اۋدانى 3 ميلليون يۋان قارجى قوسىپ، قارتتاردى كۇتىمدەۋ كاسىبىن دامىتۋعا پايدالانىپ، اناعۇرلىم كوپ حالىقتىق كاپيتالداردى بەلسەندى قاتىناسۋعا شابىتتاندىرىپ، قارتتاردى كۇتىمدەۋ كاسىبىن اقاۋسىز دامىتۋدى جۇزەگە اسىرۋ جوسپارلاندى.
ساۋان اۋداندىق حالىق ىستەر مەكەمەسىنىڭ ورىنباسار باستىعى جۋ چىڭچياڭ: «كەزەكتە مەملەكەتتىڭ ابزال ساياساتىنىڭ جەبەۋىندە حالىقتىق كاپيتالدار قارتتاردى كۇتىمدەۋ كاسىبىن دامىتۋعا ات سالىستى، ساۋان اۋدانى جونىنەن العاندا، جۇرتشىلىقتىڭ قارتتاردى كۇتىمدەۋگە دەگەن قاجەتى زور، بيىل تۇتاس اۋداندا حالىقتىق كاپيتالدار قارتتاردى كۇتىمدەۋ ورىندارىنان 4 ورىنعا قارجى قوستى، دۇڭلايفۋ قارتتار دەمالۋ، كۇتىنۋ ورتالىعى قىستاقتا سالىنىپ، شاڭحۋدي اۋىلى مەن كورشىلەس اۋىل، قالاشىقتاعى قارتتارعا جوعارى ولشەم، جوعارى ساپا، جوعارى دەڭگەيدە قىزمەت وتەۋ قىزمەتىن تىڭعىلىقتى ىستەپ، قارتتاردىڭ سوڭعى ومىرلەرىن الاڭسىز وتكىزۋىنە شارت - جاعداي ازىرلەپ، باقىتتى تۇرمىستان يگىلىكتەندىرۋگە كۇش سالامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.