ۇسىنىس ەتىلگەن ءتىلشى جەڭىسحان اسقار ۇلى، ەرىكتى ءتىلشى اۋاحان تۇراپ قىزى حابارلايدى. ساۋان اۋدانى ۇلانۇس قالاشىعى ۋانجياساۋزى قىستاعى كوميتەتىنىڭ شارۋالار كەشكى مەكتەبىنىڭ ءىشى ادامعا لىق تولىپ، قاربالاستىققا ءتۇستى. قىستاق تۇرعىندارى ىلگەرىندى - كەيىندى كەلىپ، بىلەكتەرىنەن قان الدىرىپ، برۋتسەللەز اۋرۋىن (布病) تەگىن تەكسەرتتى.
بۇل بيڭتۋان 8 - ديۆيزياسى ۋانجياساۋزى قىستاعىنا تۇسكەن قىزمەت اترەتىندەگى كادرلار شىحىزى قالالىق اۋرۋدىڭ الدىن الۋ ورتالىعىمەن بايلانىس جاساپ، ۇلتتار ىنتىماعىن كۇشەيتۋدى جەبەپ، جەرلىك پەن بيڭتۋان ورنىنىڭ توعىسپالىعىن ىلگەرىلەتۋ ءۇشىن ىستەگەن ناقتى ءىسى.
قىستاققا تۇسكەن كادرلار وتباسىلارىن ارالاپ احۋال ۇعىسۋ بارىسىندا، قىستاقتاعى 50 دەن استام وتباسى سيىر، قوي، ءۇي قۇستارى سياقتى مال شارۋاشىلىعىمەن شۇعىلداناتىن بايقايدى. ارينە، ۇنەمى مال سوڭىندا جۇرەتىن ادامدارعا، مالداعى ءتۇرلى اۋرۋلار، اسىرەسە برۋتسەللەز اۋرۋى تەز جۇعىمدالادى. قىستاقتاعى كەيبىر تۇرعىندار برۋتسەللەز اۋرۋىنان قالاي ساقتانۋدى بىلمەيدى، سوندىقتان قىستاققا تۇسكەن قىزمەت اترەتىندەگىلەر قىستاق تۇرعىندارىنىڭ دەنساۋلىعىن قورعاۋعا كەپىلدىك ەتىپ، برۋتسەللەز اۋرۋىنان قالاي ساقتانۋ جونىندە ۇگىت قىزمەتىن كۇشەيتۋ ءۇشىن، قىستاق «ەكى كوميتەتىندەگى» كادرلار مەن قىستاققا تۇسكەن قىزمەت اترەتىندەگى كادرلاردىڭ ۇسىنىسىمەن 3 -تامىز كۇنى بيڭتۋان 8 - ديۆيزيا شىحىزى قالاسى اۋرۋدىڭ الدىن الۋ ورتالىعىنىڭ مەڭگەرۋشىسى ليۋ شىڭگاڭ باستاعان برۋتسەللەز اۋرۋىنىڭ الدىن الۋ شيپاگەرلەرى ۋانجياساۋزى قىستاعىنا كەلىپ، برۋتسەللەز اۋرۋىن تەگىن تەكسەرۋ قيمىلىن ورىستەتتى.
بۇل بارىستا، شىحىزى قالاسى اۋرۋدىڭ الدىن الۋ ورتالىعىنان ۇسىنىسپەن كەلگەن ماماندار قىستاق تۇرعىندارىنا الدىمەن برۋتسەللەز اۋرۋىنان قالاي ساقتانۋ جونىندە ارناۋلى ءبىر مايدان لەكسيا جاسادى ءارى قىستاق تۇرعىندارىنىڭ برۋتسەللەز اۋرۋى جايلى سۇراعان سۇراۋلارىنا جان - جاقتىل، تۇسىنىكتى ەتىپ، جاۋاپ قايتاردى جانە قىستاق تۇرعىندارىنا ءتۇرلى مالداردى باعۋ بارىسىندا مالداردان جۇعاتىن ءتۇرلى اۋرۋلاردان قالاي ساقتانۋدىڭ جولدارىن ۇيرەتتى. مۇندا، مالعا جەم - ءشوپ بەرگەندە، مال قورانى تازالاعاندا ماسكى تاعىپ ءجۇرۋىن، سيىر ساۋعاندا رازينكە قولباق كيىپ ساۋۋ كەرەكتىگىن ۇعىندىردى.
قىستاق تۇرعىندارى ەمدەۋ سالاسىنداعى مامانداردىڭ ەسىكتەرىنىڭ الدىنا كەلىپ تەگىن برۋتسەللەز اۋرۋىن تەكسەرگەندەرىنە ەرەكشە قۋاندى. قىستاق تۇرعىنى ما جىڭلين : «مەنىڭ وتباسىمدا 150 باس قوي بار،ءار كۇنى تاڭەرتەڭنەن كەشكە دەيىن قاتتى قاربالاسپىن. ادەتتەگى جاعدايدا شيپاحاناعا بارىپ دەنساۋلىق تەكسەرتىپ كورگەنىم جوق. بۇگىن شىحىزى قالاسىنىڭ دەنساۋلىق ساقتاۋ سالاسىنىڭ ماماندارى قىستاعىمىزعا كەلىپ تەگىن برۋتسەللەز اۋرۋىن تەكسەرىپ، پارتيا مەن ۇكىمەتتىڭ قامقورلىعى مەن مەيىرىن سەزىندىردى» دەدى.
بۇل رەتكى برۋتسەللەز اۋرۋىن تەگىن تەكسەرۋ قيمىلىنا قىستاق تۇرعىندارىنان 150 ادام رەت قاتىناستى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.