ءمۇسىلىمجان ءشارىپقان قىزى
وتكەندەردىڭ،كەتكەندەردىڭ ەڭبەگى،
بۇگىنگىلەر جەتكەن جەرگە بەلگى ەدى.
ەسىمدەرى ەسكەرىلىپ جۇرگەنى،
ماڭدايىنان ەل دەپ توككەن تەرلەرى.
ۇلەستى ادام اتىن كوپكە ايگىلەر،
عۇمىرىندا سان كوبەڭدەپ،سان جۇدەر.
عازات اعا كەشكەن ادام ءماندى ءومىر،
اعارتۋعا ەڭبەك ەتكەن جانكۇيەر.
حالىق قازى باعبان دەپ ات قويعان.
ۇستاز اتى ماڭگى ايتىلار قاستەرلى ءان،
ارحيۆىنىڭ سۇراپ الام ايعاعىن،
مەكتەپتەگى قارا دوسكا،اق بوردان.
جايعاندا ەلىڭ مەيىرىمنىڭ قۇشاعىن،
دارقاندىقتىڭ تامىرلاتقان نىشانىن.
ەلەۋلى ەلگە ەستەلىك قىپ جالعاپتى-اۋ،
«اينىماس سەرت،اق ماحاببات» كىتابىن.
ازاماتتىق اقىندىعىڭ ءبىر توبە،
وت تامىزدىڭ ارمان اتتى بىلتەگە.
كۇبىرىڭدى كۇردەلى ويمەن سەپتەپ ەڭ،
وتىرساڭ دا قارا لاشىق،كۇركەمدە.
ۇستازداردان ساباق الىپ تۇلەدىك،
بۇرشىك اشتىق مەيىرىنەن نۇر ءوبىپ.
شاكىرتىنىڭ زەردەسىنە تۇنەتكەن،
ۇستازدار عوي ءبىلىم دەيتىن كيە قۇت.
ەنشىلەۋمەن اعارتۋشى دەگەن ات،
ۇستاز داڭقى اسقاق تۇرار سودان-اق.
ۇستاز _ ءۇمىت ۇشقان قۇسقا ارقاۋلاس،
شاكىرت ءۇشىن ارمان كومبە جوبالاپ.
ماڭدايىنىڭ قاتپارىندا تەرشىگەن،
تۇنىق مەيىرىم تامشىسى بار ەڭ شۇلەن،
الىپ قوسىن جەتىلدىرگەن ۇستازدار،
«اق ماحاببات،اينىمايتىن سەرتىمەن».
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.