ەەڭ جاڭا مازمۇندار
قىس ىزعارى قايتىپ، شىعىستان كوكتەم سامالى ەستى
كەدەيلىكتەن ارىلتۋدان قامال الۋدى جاپپاي تەكسەرۋ قىزمەتىن جوعارى ساپامەن ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە ساندى مالىمەتتىك نەگىز ازىرلەۋ كەرەك
شاعانتوعاي اۋدانى كوكتەمگى تۇقىم ءسىڭىرۋ جۇمىسىن ءدال ۋاعىندا باستادى
ساۋان اۋدانى جۇگەرى تۇقىمىن ءسىڭىرۋ جۇمىسىن باستادى
ۋان جينگاڭ: بورىشى ءۇشىن ءومىرىن ارناعان ادال قورعاۋشى
گۇڭچۇي سىلي: باقىتتى مەكەندى تاپجىلماي كۇزەتكەن قارلى تاۋ قىرانى
لي حۇڭجۋان: قانعا بويالىپ جىعىلسا دا توناۋشىنى قويا بەرمەدى
«ءبىر ءۇيلى جاندار ءوزارا كوڭىل ءبولىپ تۇرۋى كەرەك»
قىزىعا كىتاپ وقىپ،اقاۋسىز ەرجەتەيىك
«جەتىلىم بوگەلىسى كۇنى» ۇگىتىن ورىستەتتى
قالا تۇرعىندارى قاجەتىنە قاراي تارتىپپەن جانارماي قۇيدىردى
2020-جىلى 4-ايدىڭ 5-كۇنى 66-سان
2020-جىلى 4-ايدىڭ 4-كۇنى 65-سان
بۇكىل ەلدىڭ جەر - جەرىندەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
قازا بولعانداردى ساعىنىشپەن ەسكە الىپ، قايسارلىقپەن العا ىلگەرىلەيىك
تۇتاس رايونىمىزداعى ءار ۇلت كادرلارى مەن بۇقاراسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى
ءسوزسىز جەڭىسكە جەتۋ سەنىمىن بەكەمدەپ، حاۋىپ - قاتەردى ورايعا اينالدىرۋعا شەبەر، قامال الىپ قيىندىقتاردى جەڭۋگە باتىل بولىپ، تۇتاس جىلداعى ەكونوميكالىق، قوعامدىق دامۋ نىسانالارىن، مىندەتتەرىن جاپپاي ورىنداۋعا شىنايى كەپىلدىك ەتۋ كەرەك
جىڭ جۇڭحۋا: حالىق ءۇشىن باسىن ءباي تىككەن قاتەردەن قۇتقارۋشى قاھارمان
لي جۋەرۇڭ: حاۋىپتى ساتتە گراناتتىڭ پىلتەسىن تارتقان سودىرعا تاپ بەردى
سۇڭ بينشي: قىزىل قانىمەن ەسكەرتكىش ورناتتى
ءورت ءوشىرۋ،ورتتەن ساقتانۋ اۆتوموبيلى جولىنا بەلگى سىزدى
دۋ جۋان 13 ساۋداگەردىڭ 260 مىڭ يۋان ماياقىسىن كەشىرىم ەتتى
«قاتىسسىز ىسكە» ارالاسۋعا جانى قۇمار ساقا پارتيا مۇشەسى گۋ شىچىڭ
تۋىستاسۋدان تۋىنداعان تەرەڭ سۇيىسپەنشىلىك
 ىندەتتەن ساقتانۋ-تىزگىندەۋ جانە ەكونوميكالىق،قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، بيىلعى ەكونوميكالىق،قوعامدىق دامۋ نىسانالارىن،مىندەتتەرىن قايراتتانا جۇزەگە اسىرۋ كەرەك
حاۋىپسىزدىكتىڭ تومەنگى شەگىن ويداعىداي ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتەيىك سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ وسىزاماندانۋىن جەدەل ىلگەرىلەتەيىك
پارتيا ورتالىق كوميتەتىنىڭ شەشىمدەرىن،اۆتونوميالى رايوندىق پارتكومنىڭ ورنالاستىرۋلارىن بۇلجىتپاي دايەكتىلەندىرىپ، دەڭگەيدى جوعارىلاتىپ،جاۋاپكەرشىلىك ارقالاۋدى كۇشەيتىپ،ءتۇرلى قىزمەتتىڭ ناقتى،ەگجەي-تەگجەيلى تياناقتانۋىن ىلگەرىلەتۋ كەرەك
اكىمشىلىك مەكەمەسى 2020-جىلعى 9-رەتكى پارتيا باسشىلىق گرۋپپاسى ءماجىلىسىن اشتى
اكىمشىلىك مەكەمەسى «تومەنگە بەرۋ،باسقارۋ،قىزمەت وتەۋ» رەفورماسىن ۇزدىكسىز تەرەڭدەتۋدى ىلگەرىلەتۋ ارناۋلى تاقىرىپتىق ءماجىلىسىن اشتى
قىستاق تۇرعىنى اياق استىنان ناۋقاستانىپ،قىزمەت اترەتىندەگىلەر دەر كەزىندە شيپاحاناعا جەتكىزدى

قانشالىق قينالساڭ دا بالاڭدى ءوزىڭ باق

جولدانعان ۋاقىتى : 2017/8/23 19:22:48



   ءوزىڭىز باققان بالانىڭ شاتتىعى مەن قاناعات سەزىمى قولىڭىزداعى ءارقانداي جۇمىستان ارتىق. بۇنداي سۇيىسپەنشىلىكتىڭ ورنىن ەشتەمە باسا المايدى.
 
-1-
 
   جوعارى مەكتەپ بىتىرگەنىمە ۇزاق بولماعان كەز ەدى،ساباقتاستار باس قوسا قالدىق. ارامىزدا ءبىر قىز ساباقتاسىمىز جىگىتىن ەرتىپ كەلىپتى. داستارقان    باسىندا،اركىم ءوز قيالىن ايتىپ،ۋلاپ-شۋلاپ وتىردىق. ءسوز اراسىندا بالا   جايىنا دا سوعا كەتتىك. سودان مەن ءوز بالاڭدى ءوزىڭ قاراعانىڭ ابزال عوي دەپ ءسوز قىستىرىپ قالىپ ەم. الگى  جىگىت رۋمكانى قولىنا الا لەپىرىپ: ءۇيتۋدىڭ قاجەتى جوق،بالانى كىشكەنە كۇنىندە ۇلكەندەرگە باقتىرساڭ،باس اۋرۋدان قۇتىلاسىڭ. بالا دەگەن پالە عوي. كىشكەنە بالا نە بىلەدى؟كىم  قاراسا دا ۇقساس ەمەس پە؟دەدى  استامسي.

   ءداپ سول كەزدە وعان نە دەرىمدى بىلمەي اڭىردىم دا قالدىم. ەگەر مەن قىز بالا بولسام،مىنا جىگىتتىڭ سول سوزىنە بولا-اق وعان قولىمدى ءبىراق سەرپەر ەدىم. ويتكەنى مەن قانشا قيىن بولسا دا بالانى ءاربىر اتا-انا وزدەرى قاراۋ   كەرەك دەگەن يدەيانى ۇستاناتىنمىن.

   بالا ءۇشىن ەڭ اۋىر سوققى _ ءسىزدى قاجەت ەتكەن كەزىندە،ءسىزدى كورە الماۋى. ول ەرجەتكەن سوڭ،كەرىسىنشە قىر سوڭىنان قالمايتىنىڭىز.

   بالانىڭ العاشقى 6-0 جاس ارالىعىنداعى مەزگىلى. بۇل مەزگىلدە ول اتا- اناسىمەن بىرگە بولاتىن،قۇشاعىندا    ەركەلەپ ۇيىقتاپ،اكە-شەشەنىڭ ەرتەك ايتۋىن اسىعا كۇتەتىن، سەرىك بولىپ بىرگە ويناۋدى قاجەت ەتەتىن مەزگىلى.

   بۇل مەزگىل جاراتقاننىڭ بىزگە اتا- انا بولۋدىڭ ەڭ ماڭىزدى،ەڭ ۇتىمدى ورايىن بەرگەن كەزى. وسىدان كەيىن، بۇل ورايلار بىرتىندەپ ازايا بەرەدى.  وسىدان كەيىن  بالانىڭ ءوز قۇربىسى، ءوزىنىڭ تۇرمىس ءتاسىلى،قىزىعۋ اۋەسى پايدا بولادى، ول دەربەستەنە باستايدى دا، ەندى ءبىزدىڭ ەتەگىمىزگە بۇرىنعىداي ورالا بەرمەيتىن بولادى.

   وتە-موتە،تولىق ورتا مەن جوعارى مەكتەپكە قادام قويعاندا،ءبىز تەك ونىڭ سوڭىنان ۇزاق-ۇزاق قاراپ قالا بەرەمىز نەمەسە سابىرسىزدانا جولىنا قارايمىز. 

   بالامەن بىرگە بولاتىن ۋاقىتىمىزدى قاستەرلەيىك،قانشا قيىن بولسا دا بالاڭىزدى ءوزىڭىز قاراڭىزشى...

  بالاعا ەڭ قاجەتتى كەزدە اتا-انالار بالا تاربيەسىنە نەمقۇرايدى قارايتىندىعى سەبەپتى،بولاشاقتا بالادا قارسىلاسۋ پسيحيكاسى بەلەڭ بەرگەندە،تەك اھ   ۇرىپ، وكىنەتىن بولامىز.
 
-2-
 
   كەزىندە كوپتەگەن باس-كوزسىز، ۇيىندە قالعان بالالاردىڭ تاعدىرىن كورىپ ىشتەي قاتتى ازاپتانىپ مازاسىزدانعامىن.

  سوراقىسى كوپتەگەن ەرەسەكتەر بۇل بالالاردى ءالى تولىق ەس توقتاتا قويماعان دەپ جەڭىل قارايدى. ەشكىم دە   ولاردىڭ جان دۇنيەسىنە ءۇڭىلىپ،ولاردىڭ ساناعا يە كەمەلىنە كەلگەن ادام    ەكەنىنە ءمان بەرمەيدى. 

   پسيحولوگيالىق زەرتتەۋلەردە،ءبىر جاستاعى نارەستەنىڭ ءوزى كەمەلىنە  كەلگەن ادام رەتىندە سانالادى ەكەن. استە،ءىشىپ-جەگەننەن باسقانى بىلمەيتىن ماقۇلىق ەمەس ەكەنىن ايتادى.

   اتا-انالار بالانىڭ كەمەلدى مىنەز- قۇلقىنا ءسال قاراعان كۇننەن باستاپ، ول بالاسىن زاقىمدايدى نە جوعالتادى. بالاعا نەمقۇرايدى قاراۋ بالانىڭ ىشكى جان الەمىندەگى پسيحيكالىق سۇرانىستى ەسكەرۋسىز قالدىرادى. 

   بىرنەشە كۇننىڭ الدىندا،باستاۋىش مەكتەپتى بىرگە وقىعان قۇرداسىممەن كەزدەسىپ،شۇيىركەلەسە قالدىم. ول: «جاقىندا تاعى ەكىنشى بالامىز ومىرگە كەلمەك،سوندا ونى كىم قارايدى؟  قاريالارعا  اپارىپ بەرسەم،ولار ءۇش جىل قاراپ بەرسە،سودان اكەلىپ بالا باقشاعا بەرسەم دەيمىن. تۇڭعىشىمدى دا سويتكەنمىن،ەكىنشىسى دە سولاي بولاتىن بولدى» دەدى قارقىلداي.

   الايدا، ول قاريالاردىڭ بۇل ماسەلەگە قالاي قارايتىنىن ويلادى ما ەكەن؟

   ءالى ەسىمدە، كوكتەم مەرەكەسى  قارساڭىندا،ونىڭ ءۇيىنىڭ ماڭىنان ءوتىپ بارا جاتقامىن،قارتتارعا كەزدەسە كەتىپ، ازداپ اڭگىمەلەستىك. سوندا ونىڭ تۇڭعىشى 3 جاستار شاماسىندا ەدى. مەنى كورە سالىپ ءسابي اجەسىنىڭ ارتىنا تىعىلىپ،ماعان جاۋتاڭداپ قاراپ تۇردى. 

   -بارا عوي،اكەڭنىڭ دوسى عوي،-دەدى اجەسى.

   -وقاسى جوق،دەدىم مەن.

   -بۇل بالا جايشىلىقتا وتە اقىلدى،  ءبىراق كىسىگە جولامايدى،سۋ جۇرەك،-دەدى اجەسى قىسىلا.

   سونداعى بالانىڭ جاۋتاڭداي قاراعان جانارى ءالى كۇنگە كوز الدىمدا.

   جاقىندا عانا ءبىزدىڭ اۋىلدا بولعان ءىس ەدى. شەشەم اۋىلعا بارىپ كەلگەن سوڭ،ماعان ناعاشىلارىمنىڭ اۋىلىنداعى مىنا ءبىر  بالا جايلى اڭگىمەنى ايتىپ بەردى.

   بالاقاي ەكى جاس شاماسىندا،وتە   اقىلدى،سۇيكىمدى ەكەن. قاپ-قارا  قاراقاتتاي قوي كوزدەرىنەن ءبىر قاراعاننان-اق ونىڭ زەرەكتىگى ءبىلىنىپ تۇراتىن. تاماقتى دا ءوزى جەيدى. ءبىر شىنى بىقتىرىلعان كۇرىشكە ءبىر قاسىق سورپانى قۇيىپ،جارتى شىنى تاماقتى  تاۋىسىپ الادى ەكەن. كىشى دارەتى   قىسىپ،بۇتىنا قويا بەرسە،تاياق جەيتىنىن ءبىلىپ تىعىلا قالاتىنى تاعى بار. اجەسى ۇستاپ السا  بىرەر جارىم شاپالاق تيمەيتىنى قايدا؟ تاياق جەسە دە جىلامايدى، جىلاعىسى كەلمەيدى ەمەس،جىلاعان سايىن تيەتىن تاياق جەڭىل بولماسىن  بىلەدى عوي دەدى شەشەم. بۇل بالانىڭ  اكە-شەشەسى سىرتتا جۇمىس ىستەيدى. ونى شەشەسىنىڭ اپايىنىڭ قولىنا اپارىپ   قويعان. قاريانىڭ قولىندا ونىسىزدا ءۇش بالا بار ەكەن،سىرتتان كەلگەن «كىرمەنىڭ» جوسىندى بولعانى كەرەك قوي  قالايدا.

   جۇرتتىڭ ءبارى بۇل بالانى وتە اقىلدى،جۋاس،باپقا كونەدى دەسەدى.  مەنىڭشە بالاعا،شىنىندا،وبال. سونشاما كىشكەنە ءسابي باسقانىڭ قاباعىنا قاراپ جاۋتاڭدەپ جۇرسە،ءىشىڭ قالاي اشىماسىن. مۇنداي ورتادا وسكەن بالانىڭ پسيحيكاسىندا مۇمكىن ەرجەتكەندە كىنارات بايقالار. 

   پسيحولوگ ۋننكودد جەكە باسىندىق دامۋعا توقتالعاندا: «بالانىڭ ومىرىندەگى العاشقى جىلدارداعى كوڭىل كۇي سەزىمىنىڭ دامۋ ادامزاتتىڭ تۇلعالىق پسيحيكالىق اقاۋسىزدىعىن قالىپتاستىرۋدىڭ نەگىزى» دەيدى. 

   كوپتەگەن بالالارعا قاتىستى دەلو   دەرەكتەرىندە: باسىم كوپ ساندى مىنەزدەمەسىندە كىنارات بار بالا كىشكەنە  كۇنىندە ۇنەمى تەكتەۋگە ءجيى ۇشىراعان، بالاعاتتان جۇرەگى جارالانعان ءتىل العىش،جۋاس بالالاردا كوبىرەك بولاتىنىن. وسى بالالار كىنارات جاستىق مەزگىلگە بارعاندا،قوعامعا قارسى مىنەزدەمە قالىپتاسىپ،جامان ادەتتەر مەن جاماندىققا قۇمارلىقتى بويىنا وڭاي جۇقتىرادى ەكەن.

   بالانىڭ كوڭىلى بەينە كوركەم باقشا سىندى. بالا كۇنىندە كوڭىلىنە سۇيىسپەنشىلىكتىڭ تۇقىمى ەگىلمەسە،وعان كۇن نۇرى مەن جاڭبىر تامشىسى ماحابباتىن سيلاماسا،وندا ونىڭ ورتاسىن قاراڭعىلىق پەن ارام ءشوپ باسارى داۋسىز.

   سوندىقتان،كوپتەگەن اتا-انالار بالاسى ەسەيگەندە بارىپ ءبىراق بىلەدى. بىلەدى دە كەشىككەنىن ويلاپ ناليدى. بالا ەرجەتكەن سوڭ،كەزىندەگى       ەرىنشەكتىگىڭىز بەن راقاتقۇمار   بويكۇيەزدىگىڭىز عوي ءسىزدى ەسەلەپ جازالايتىن.
 
-3-
 
   بالانى ءوزىڭىز قاراعاندا بارىپ ونىڭ ىشكى جان دۇنيەسىنە ەندەي الاتىن   بولاسىز. 

   ءبىر انا بولعان ايەل ماعان بالاسىنىڭ وزىنە ونشا مەيىرلى ەمەس ەكەنىن،سول ءۇشىن ونى قاراعىسى كەلمەيتىنىن ايتادى.

    ماسەلەن، بالا سىزدەگى انالىق مەيىر مەن ماحابباتتى سەزىنە الماي تۇر عوي-اتتەڭ...

   ەگەر بالانى ءوزىڭىز اسىراماساڭىز، بالانىڭ ءون بويى بىتكەن كىناراتتاي سەزىلەدى. ويتكەنى ءسىز بالانى تۇبىرىنەن تۇسىنبەيسىز عوي. سوندىقتان ءسىز بالانىڭ قىلمىسىنا قاراتا مامىلەدە بولعاندا،الدىمەن وزىڭىزدەن الدىڭىزدا تۇرعان وسى «سوتقاردى» قانشالىق تۇسىنەمىن دەپ سۇراپ كورىڭىز.

   ەگەر ءوز بالاڭىزدى ءوزىڭىز قاراپ  اسىراماساڭىز،اتا-انا بولدىم دەگەنىڭىز جاي اڭگىمە. ءسىز تەك ونى ومىرگە    اكەلۋشىسىز. ناعىز ماندەگى اتا-انا بولۋعا تولىمدىلىعىڭىز جەتەرسىز. بالا جونىنەن العاندا،تۋىپ قانا،اسىراماعان ادامنىڭ قۇنى ول ءۇشىن شىركىن-اي ەمەس. ءوزىن جەتىمنەن بوتەن سانامايدى. 

   اتا-انا بالانى ومىرگە اكەلۋمەن قاتار، تاربيەلەۋ جاۋاپكەرشىلىگىن ارقالاۋ    كەرەك. بالا سىزدىكى،قاريالاردىكى    ەمەس. اتا-انا بولۋ ەرىككەنىڭ ەرمەگى نە «ۇيشىك،ۇيشىك» ويىنى ەمەس،وندا ەشقانداي قينالماي باساتىن توتە جول دا جوق. 

   ءبىراق ادامزات ادامزات بولعالى ءوز ۇرپاعىن ەش بوداۋسىز باعىپ-قاعىپ كەلمەي مە؟بالاڭىز قاسىڭىزدا بولسا   ءسىزدىڭ بالاعا بەرگەنىڭىزدەن الارىڭىز تىپتەن مول بولاتىنى شىندىق.
 
اۋدارعان-ماحاببات قۇدايبەرگەن قىزى



 
   رەداكتورى: الماگۇل اقاتبەك قىزى
 
   تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

   مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn