ەەڭ جاڭا مازمۇندار
اقىسىز ەمدەپ،«مەديتسينا قىزمەتكەرلەرى مەرەكەسىن» قارسى الدى
اكىمشىلىك مەكەمەسى 2019-جىلعى 8-رەتكى پارتيا باسشىلىق گرۋپپاسى ءماجىلىسىن اشتى
باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات دايەكتىلەندىرىپ، تياناقتاندىرىپ،
اكىمشىلىك مەكەمەسى ايماقتىڭ ساۋداگەر باۋراپ، قارجى ەنگىزۋ قىزمەتىن ىلگەرىلەتۋ ءماجىلىسىن اشتى
اكىمشىلىك مەكەمەسى ايماقتىڭ ونەركاسىپ ەكونوميكاسىن ىلگەرىلەتۋ ءماجىلىسىن اشتى
جىبەك جولى مادەنيەت تاۋارلارى قالاشىعى شاۋەشەككە ساياحاتتاي كەلگەندەردىڭ باراتىن جەرىنە اينالدى
جۇڭگو مەديتسينا داشۋەسى تارباعاتاي شيپاحاناسىنىڭ ومىرتقاعا وپەراتسيا جاساۋ تەحنيكاسى جاڭا ساتىعا كوتەرىلدى
ستۋدەنتتەر اۋىلعا قايتىپ شارۋاشىلىق قۇرىپ، شاعىن ۇجىم ۇلكەن ءىس تىندىردى
ءجۇزىم پىستى، كوڭىل توعايدى
كورىكتى اۋىل-قىستاق ءبىزدىڭ مەكەنىمىز
2019-جىلى 8-ايدىڭ 20-كۇنى 191-سان
التىن جاتسا دا قارامايتىن قاراپايىم اۋىل سالتى
ەڭبەك ىستەۋدىڭ ءوزى كوركەمدىك
تۋىسىم ياۋ اعاي باسقالارعا شىن پەيىلىمەن كومەكتەسىپ، ىنتىماقتى جەبەدى
2019-جىلى 8-ايدىڭ 19-كۇنى 190-سان
2019-جىلى 8-ايدىڭ 17-كۇنى 189-سان
«قىستاعىمىز وسىنداي كادرگە مۇقتاج»
ەرەكشە كاسىپ اۋقاتتانۋ ارناسىن كەڭەيتتى
ءبيداي كومبايىنمەن تەز ورىلىپ، قامباعا ەنگىزىلدى
اكىمشىلىك مەكەمەسى 2019-جىلعى كەدەيلىكتەن ارىلتۋدان قامال الۋ ارناۋلى تاقىرىپتىق شوعىرلى ۇيرەنۋىن وتكىزدى
«ەكىدەن تارىقتىرماۋ،ءۇشتى قامتاماسىز ەتۋ» دەگى كورنەكتى ماسەلەلەردى شەشۋ تۋرالى اڭگىمە ماجىلىستە سويلەنگەن ءسوز
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ،
جاڭ فۋچيڭ جولداستىڭ ۇزدىك ىزگى ىستەرىنەن بايانداما جاساۋ جينالىسى ۇرىمجىدە وتكىزىلدى
مەيىر جەتكىزىپ، جۇرت جۇرەگىن جىلىتتى
بار ىنتا-پەيىلىمەن جۇرت قامىن ويلاعان جاقسى پارتيا ياچەيكا شۋجيى ــ حى جيانجاڭ
قوقسىققا كومىلگەن شاتتىق باقشاسى
ورتا جاستاعىلار مەن قارتتاردىڭ ارىنى جانە اسقاق سەزىمى
قۇستاردىڭ قۇت مەكەنى شيحۋ شۇراتى
دۋتاي اۋىلى بىتىراندى جەرلەردى بىرىكتىرىپ، «ىرىستى القاپقا» اينالدىردى
ارناۋلى رەتتەۋ-وڭاۋدى تاباندىلىقپەن بۇلجىماي مىقتاپ يگەرىپ، شىنايى يگەرىپ، ويداعىداي يگەرىپ،

ورتانى قورعاۋ – ومىرشەڭ ۇلى مىندەت

جولدانعان ۋاقىتى : 2017/8/28 19:27:45

ەلۋباي ءابىلقاسىم ۇلى
 
  بارشاعا ايان،ءبىز تىرشىلىك ەتىپ وتىرعان كەڭ بايتاق تابيعات دۇنيەسى سان مىڭداعان جاراتىلىستىق بايلىقتىڭ قۇتتى قونىسى. ول  كومىر، مۇناي، تابيعي گاز سياقتىلاردى قامتىعان ءتۇرلى جانار زات، حيميا ونەركاسىبىنە قولدانىلاتىن ءار الۋان شيكىزاتتاردى، اۋىر ونەركاسىپ وندىرىسىنە قاجەتتى سان الۋان مەتالدى، قۇرىلىسشىلىق كاسىبىنە ىستەتىلەتىن تاس، شاعىلداردى، ادامداردىڭ كۇندەلىك ءىشىپ - جەم قاينارى مەن ءدارى - دارمەك ماتەريالى بولاتىن بارلىق وسىمدىكتەردى، سونىمەن بىرگە، ورمان -  توعاي، جابايى اڭدار مەن قۇستاردى ءارى وسىلاردىڭ ءبارىنىڭ ءوسىپ - وركەندەۋ نەگىزى بولعان توپىراق، اۋا، سۋ،كۇن نۇرى سياقتىلاردىڭ ءبارىن قامتيدى. بۇل تابيعي بايلىقتارىنىڭ دەنى قوعامنىڭ دامۋى مەن ادامزات اقىل - پاراساتىنىڭ ويانۋىنا سايكەس اشىلىپ، ەلدىڭ قاجەتىنە جاراپ، قوعامدىق ءوندىرىس پەن كۇندەلىك تۇرمىستا كەڭىنەن قولدانىلسا، ەندى ءبىر ءبولىمى عىلىم - تەحنيكانىڭ دامۋىنا ساي ەندى اشىلىپ، كەڭىنەن پايدالانىلۋدا. ال، تولىق اشىپ پايدالانۋعا بۇگىنگى وزىق عىلىم - تەحنيكانىڭ ورەسى ءالى جەتپەي وتىرعان باسقا   بايلىقتار دا بولاشاق كۇندەردە جالعاستى اشىلىپ، ادامزات يگىلىگىنە جاراي بەرمەك.
  عىلىمنىڭ دالەلدەۋىنشە، جاراتىلىستىق بايلىقتار ايىرىم - ايىرىم اۋا جۇيەسى،سۋ جۇيەسى، ورگانيزمدەر جۇيەسى، توپىراق جۇيەسى جانە تاۋ جىنىستار جۇيەسى سىندى بەس ۇلكەن تابيعي فاكتورلاردان قۇرالىپ، ولار سيپاتىنا قاراي ءوز ىشىنەن تۋىندايتىن بايلىقتار، تۋىندامايتىن بايلىقتار جانە تاۋسىلمايتىن بايلىقتار بولىپ ءۇش تۇرگە بولىنەدى ەكەن، وسىنىڭ ىشىندە ۇزاق ۋاقىتتىق گەولوگيالىق كەزەڭدەردە بىرتىندەپ قالىپتاسقان مەتالدارمەن مەتالويد سيپاتىنداعى بايلىقتار تۋىندامايتىن بايلىقتار بولىپ ەسەپتەلسە، تۋىندايتىن بايلىقتارعا ءمالىم ءبىر قىسقا ۋاقىت ىشىندە تاعى دا ءوسىپ - ءونىپ، وزگەرىپ وتىراتىن وسىمدىك، ورمان - توعايلارمەن سۋ تەكتەس بايلىقتار جاتىپ، ال، اۋا، جەل، كۇن نۇرى سياقتى  ومىرشەڭدىك كۇشكە يە تابيعي بايلىقتار تاۋسىلمايتىن بايلىقتار سانالادى ەكەن،ب ۇلاردىڭ ىشىندە تاۋسىلمايتىن  بايلىقتاردىڭ تىرشىلىك دۇنيەسىندەگى اتقاراتىن رولى ەڭ جوعارى، ويتكەنى بۇلار تەك ادامزاتتىڭ عانا ەمەس، سونىمەن بىرگە،كۇللى الەم جۇيەسىندەگى بارلىق جان - جانۋارلار مەن ورگانيزمدەردىڭ دە تىرشىلىك تىرەگى، ەگەر بۇلار تاۋسىلسا، وندا تىرشىلىك تە اقىرلاسادى دەگەن ءسوز. ال،   تۋىندامايتىن بايلىقتار مەن تۋىنداپ وتىراتىن بايلىقتاردى الىپ ايتساق، ولاردىڭ دا تىرشىلىك دۇنيەسىندە اتقاراتىن رولى مەن ماڭىزىن كەم مەجەلەۋگە بولمايدى. ەگەر بۇلاردىڭ كەز   كەلگەن بىرەۋى ۇيلەسىمسىز اشىلسا نەمەسە شەكتەن تىس ويراندالىپ، بۇلىنسە، وندا جاراتىلىستىق ورتانىڭ اۋەلگى بەت - بەينەسى وزگەرىپ،ادامزاتتىڭ قوعامدىق ءومىرى مەن   كۇندەلىك تۇرمىسى اۋىر زيانعا ۇشىرايدى.

  ورتا جۇيەدەن جوعارىدا ايتىلعان بارلىق تابيعي بايلىقتاردى قامتۋمەن بىرگە ءارى وسى بايلىقتاردىڭ كومەگىندە،بۇگىنگى تاڭدا ادامزات ءوسىپ - وركەندەپ تىرشىلىك جاساپ وتىرعان جاراتىلىستىق ورتا مەن قوعامدىق ورتانى دا مەڭزەيتىندىكتەن، ورتانى قورعاۋ سايىپ كەلگەندە ءوزىمىز تىرشىلىك ەتكەن كەڭ - بايتاق تابيعات دۇنيەسى مەن جاراتىلىستىق ورتانى قورعاۋدى كورسەتەدى، ياعني جان يەلەرى مەن ورگانيزمدەر سىمىرەتىن اۋانى،ىشەتىن سۋدى، ءوسىپ - وركەندەيتىن توپىراقتى، جانە وسى جەر قاباتىندا پايدا بولعان ءار الۋان كەن - بايلىقتارى مەن جەر بەتىندە ونگەن ورمان - توعايلاردى، ءتۇرلى وسىمدىكتەردى، جابايى اڭدارمەن قۇستاردى، سۋ ونىمدەرىن، ايگىلى ورىندار مەن ساياحات، ساناتوريا ورىندارىن، تابيعي قورىقتار مەن قونىستانعان ورىنداردى قورعاۋدى نەگىزگى ءتۇيىن ەتەدى. ءاسىلى ورتانىڭ بۇلعانۋى باسقا ءبىر قىرىنان الىپ قاراعاندا، ءمالىم ءبىر وڭىردە، جوعارىدا ايتىلعان تابيعي بايلىقتاردىڭ بىرەۋىنىڭ نە بىرنەشەۋىنىڭ تاقا تاۋسىلۋىنان، ءيا بولماسا شامادان تىس بىلعانۋى مەن لاستانىپ بۇلىنۋىنەن، ادامزات پەن وسىمدىكتەر تىرشىلىگىنە ءتۇرلى جاقتاردان زارداپتار تۋعىزىپ، زيان جەتكىزۋى بولىپ تابىلادى. ءبىر مىسال، وزىمىزگە ءمالىم تارىم ويپاتىن الىپ ايتساق، وندا قازىرگى كەزدە ءبىر رەتكى سوققان قۇمدى  بوراننىڭ وزىندە مولشەرمەن ءبىر كۆادرات   كيلومەتر كولەمدەگى جەرگە كۇنىنە 25600 توننا قۇم كوبەيىپ وتىرادى ەكەن. بۇل، راسىندا، دۇنيەدەگى عاجايىپ قۇبىلىس، عالىمدار مۇنى تارىمداعى اۋەلگى ورمان - توعايلاردىڭ شەكتەن تىس ويراندالۋىنان جەر شولەيتكە اينالىپ، ەكولوگيا تەپە - تەڭدىكتەن ايرىلعاندىعى سەبەپتى، اقىرى قۇم جاۋاتىن، قۇم كوشەتىن قۇبىلىس بارلىققا كەلگەن دەپ تۇجىرىمداۋدا. مىنە بۇلار تابيعي بايلىقتاردى اشۋمەن بىرگە ونى دۇرىس پايدالانىپ، دۇرىس باسقارۋ قالاي دا بەلگىلى ءبىر عىلىمي بولۋى كەرەك ەكەندىگىن تولىق تۇسىندىرەدى. ەگەر ونداي بولماسا، جوعارعىداي قالىپسىز قۇبىلىستاردىڭ كوپتەپ ءجۇز بەرەتىندىگى ايدان انىق.

  ورتانى قورعاۋ قىزمەتىنىڭ ءتۇيىنى، باستىسى ەكولوگيانى قورعاۋ. ول تابيعي بايلىقتاردىڭ ورتانىڭ ەكولوگيالىق تەپە - تەڭدىگىن ساقتاۋ زاڭدىلىعىن زەرتتەيتىن ەكولوگيا جۇيەسى نازارياسنىڭ ماڭىزدى ءبىر تارماعى. سوندىقتان ول ورتا عىلىمى مەن ورتانى قورعاۋ قىزمەتىن ءوز ىشىنە العان تەك جاراتىلىستىق عىلىمدارمەن عانا شەكتەلمەي، ونىڭ ۇستىنە قوعامدىق عىلىمدارمەن دە قابىسىپ جاتاتىن، قامتيتىن كولەمى كەڭ، مازمۇنى سان الۋان ۋنيۆەرسال عىلىم بولىپ تابىلادى. وسى تۇرعىدان الىپ قاراعاندا ورتانى قورعاۋ مەن ءوندىرىستى وركەندەتۋ اراسىندا قالاي دا بەلگىلى ديالەكتيكالىق قاتىناس بولادى، ياعني جاراتىلىستىق ورتانى جاقسى قورعاي العاندا عانا، ءوندىرىستى وركەندەتىپ، حالىق بۇقاراسىنىڭ ساۋ - سالەمەت تۇرمىس كەشىرۋىنە كەپىلدىك ەتۋگە بولادى. ءبىراق قازىر بۇكىل جەرشارىندا ورتانىڭ ويراندالۋ جاعدايى ءبىرشاما اۋىر بولىپ وتىر، اسىرەسە 20 -عاسىردىڭ 60 -جىلدارىنان باستاپ وسىزاماندانعان ونەركاسىپ قۇرىلىسىنا قادام تاستاۋ مەن عىلىمي جەتىستىكتەرگە قول جەتكىزۋ اۋانى، سۋدى، توپىراقتى ويرانداپ، ورتانىڭ لاستانۋى كۇن سايىن اۋىرلاسىپ، بۇل بۇكىل جەرشارى سيپاتىندىق ماسەلەگە اينالۋدا. ايتالىق، ورمان-توعايلاردىڭ شەكتەن تىس كەسىلۋى مەن ويراندالۋى سۋ قاينارىن ازايتىپ، توپىراقتى قۇنارىنان ايىرىپ، جەرشارىنىڭ شولگە اينالۋ قارقىنىن تەزدەتىپ، جابايى اڭدار مەن قۇستاردىڭ تىرشىلىك ورتاسى ءبۇلىنىپ، قىرۋار جابايى اڭ-قۇستاردىڭ سانىن ازايتىپ، ەكولوگيالىق تەپە - تەڭدىكتىڭ قالىپسىز بولۋىن كەلتىرىپ شىعارعان. بۇدان تىس ديقانشىلىق رايوندارىندا اۋىل شارۋاشىلىق دارىلەرى مەن حيميالىق تىڭايتقىشتاردىڭ ەرەپايسىز ىستەتىلۋى دە استىق پەن توپىراققا كوپتەگەن حيميالىق وزگەرىستەر اكەلسە،ءتۇرلى ۋلى زاتتاردى قامتىعان ونەركاسىپ جاراقسىز زاتتارى مەجەلەۋگە بولمايتىن زياندى گازداردى ءبولىپ شىعارۋدا. زور مولشەردە ءبولىنىپ شىققان كومىر قىشقىل گازى اتموسفەرادا جىلۋ تۋعىزعاندىقتان، بۇكىل جەرشارىنىڭ تەمپەراتۋراسى قاۋىرت  جوعارىلاپ، اۋانىڭ جىلدان-جىلعا جىلىنۋىنان ەكى ۇيەكتەگى مۇز تاۋلار ەرىپ، تەڭىز سۋى مولايىپ،قۇرلىققا حاۋىپ توندىرگەن. جەرشارى تەمپەراتۋراسىنىڭ كورنەكتى دارەجەدە جوعارىلاۋى ەكۆاتور مەن افريكا قۇرلىعىنداعى ەلدەرگە وراسان زور ىقپال جاساۋمەن بىرگە، كەي  وڭىرلەردە اشتى جاڭبىر جاۋاتىن اۋا رايى قالىپتاسۋدا. ال، تەڭىز سۋلارىنىڭ اۋىر بۇلعانۋى مەن تەڭىز بايلىقتارىن بەتالدى اشۋدىڭ سالدارىنان، دۇنيەدەگى بالىقشىلىق الاڭدارىنىڭ ٪ 25 ى  ءبۇلىنىپ، بۇدان دا قيىنى وزەن سۋلارىنىڭ بۇلعانۋى كەي وڭىرلەردە اۋىز سۋدىڭ دا قاينارىن بارعان سايىن ازايتىپ،ا لداعى جەردە  باستى  ماسەلەلەردىڭ بىرىنە اينالىپ قالعان. مىنە مۇنداي قالىپسىز قۇبىلىستاردىڭ كوپتەپ جارىققا شىعۋىن، اينالىپ كەلىپ، ورتانىڭ ويراندالىپ، ەكولوگيالىق تەپە - تەڭدىكتىڭ بۇزىلۋىنان كورەمىز. بۇلار كۇنى بۇگىنگە دەيىن تەك ادامزات تىرشىلىگىنە عانا ەمەس، كۇللى الەمدەگى ءتىرى   ورگانيزم اتاۋلىنىڭ بارىنە بەلگىلى دارەجەدە  كەرى اسەر جاساپ، ورنى تولماس زارداپتار  تۋعىزىپ وتىر.

  مەديتسينا سالاسىنداعى زەرتتەرمەندەردىڭ بايقاۋىنشا، قازىرگى ادامدار كوبىرەك دۋشار بولاتىن جۇرەك اۋرۋى، جوعارى قان قىسىمى اۋرۋى،باۋىر اۋرۋى، تىنىس جۇيەلەرى اۋرۋى نەگىزىنەن ورتانىڭ بۇلعانۋمەن بايلانىستى   بولسا،ال ءتۇرلى راك اۋرۋلارىنىڭ ٪80 تە ٪90 ى حيميالىق فاكتورلاردىڭ اسەرىنەن پايدا بولادى ەكەن.

  ەكولوگيالىق ورتانىڭ ويراندالۋ ماسەلەسىن، ۇلتىمىزدىڭ بۇگىنگى قونىستانعان وڭىرىمەن بىرلەستىرە قاراساق تا كوپتەگەن وكىنەرلىك ورىندارىمىزدىڭ بار ەكەنىن انىق كورە الامىز. ماسەلەن، كەزىندە قورادان قويشا ورەتىن قاراقۇيرىق، تاۋ ەشكى، ارقار - قۇلجا، قۇلان تەكتەس قوڭىر اڭداردى وسى كەزدە وڭايشىلىقتا كوزگە ىلكتىرە المايمىز. ءاسىلى ونى ەشكىم ايداپ اكەتكەن جوق، ازايۋى مەن اۋۋىنا سەبەپشى بولعان وسى ءوزىمىز. ال،ءتۇز قۇستارىن الىپ ايتساق، ولاردىڭ دا حالى دەرلىكتەي ەمەس،ءتىپتى باعالى قۇستاردى بىلاي قويعاندا، ءۇيىر - ۇيىرىمەن جۇرەتىن دالانىڭ مومىن كەكىلىگى مەن كەپتەرى دە بىتىرامەن بەرەكەسى قاشىپ، تۇزاقپەن تۇقىمى قۇرىپ بارادى دەسەك ەش ارتىق ايتقان بولمايمىز، سونىمەن بىرگە قونىستانعان وڭىرلەرىمىزدەگى ورمان - توعايلاردىڭ قيىلۋ،جايىلىمداردىڭ ءبۇلىنۋ جاعدايى دا ەرەكشە اۋىر. كەزىندە اتتى ادامنىڭ ۇزەنگىسىن سوعاتىن قالىڭ توبىلعى، ويلى جەرلەردە ءيت تۇمسىعى وتپەيتىن قوپا قامىس پەن ءشي، تاۋلى وڭىرلەردەگى بىتىك وسەتىن ارشا، ىرعاي، ساراعاش، ۇشقات، تەرەك تەكتەس ورمان - توعايلاردىڭ سۇيىلۋىنان سۋ قاينارى ازايىپ، ۇلكەن وزەندەر بۇلاققا،بۇلاق سۋلارى قۇرعاققا، باستاۋلار شالشىققا، كولشىكتەر قاققا اينالعان. توپىراق قىرتىسىنىڭ زور دارەجەدە قۇنارىنان ايرىلۋى مەن ءۇرتىس قۇرعاقشىلىق اپاتى،كەزىندە كوشىپ كەلگەن اۋىلعا ءشوبىن جاپىرماسا كەرەگە جايدىرمايتىن، سونىسىنان قۇلىن كورىنبەيتىن جايىلىمدار، قازىرگى كەزدە ازىن - اۋلاق ءشوبى مالدىڭ تۇياعىمەن توزىپ، از كۇندە شاڭى قولقانى قاباتىن قۋ تاقىرعا اينالىپ بارادى. ەگەر ەكولوگيالىق تەپە - تەڭدىكتى ساقتاۋ، ورتانى قورعاۋ قىزمەتى وسكەن ورتامىزدا ەرتەدەن ەسكەرىلگەن، بارلىق ادام بۇل ماسەلەگە ورتاق كوڭىل بولگەن بولسا،وندا اتا - بابامىزدان كىندىك كەسىپ، كىر جۋعان قۇتتى مەكەنىمىزدىڭ حالى وسى كۇيگە تۇسەر مە ەدى؟ سوندىقتان ءالى دە كەش قالدىق دەپ كەرەناۋ پوزيتسيادا بولماي، الىگە دەيىن ساقتالىپ وتىرعان كەيبىر ەكولوگيانىڭ بۇزىلۋىنا،ورتانىڭ ويراندالۋىنا اپارىپ سوعاتىن ناشار نىسايلار مەن ارەكەتتەرگە قاتاڭ تيىم سالىپ،ورتانىڭ بۇلىنۋىنە اراشاشى بولماساق،ۇرپاقتار الدىندا ۇياتتى بولاتىنىمىز مۇندا تۇرعان ءجايت.

  بۇگىنگى تاڭدا، ورتانى قورعاۋ نەگىزىندە تابيعي بايلىقتاردى قورعاپ، ەكولوگيالىق تەپە - تەڭدىكتى ساقتاۋ جۇمىسى بۇكىل ەل حالقىنىڭ الدىندا تۇرعان ماڭداي الدى قىزمەتتەردىڭ ءبىرى بولىپ قالماستان، دۇنيە حالقىنىڭ دا نازارىن اۋدارىپ، اڭىسىن قوزعاعان ماڭىزدى ماسەلەلەردىڭ ءبىرى بولىپ وتىر. ءاسىلى ورتانى قورعاۋ استە جاراتىلىستىق بايلىقتاردى پايدالانباۋ كەرەك دەگەندىك ەمەس ءارى اشقان، پايدالانعان دەگەن وسى دەپ كەلسىن - كەلمەسىن بۇلدىرە بەرۋ دەگەندىك تە ەمەس. قايتا ءتۇرلى تابيعي بايلىقتاردى پايدالانۋ تۇرعىسىنان اشىپ، قورعاۋ تۇرعىسىنان جاڭالاپ وتىرۋ كەرەك دەگەن ءسوز. ماسەلەن جوعارىدا ءسوز ەتكەن تۋىنداپ وتىراتىن بايلىقتاردى الىپ ايتساق، ولاردى ءوز ۋاقىتىندا اشىپ، كادەگە جاراتىپ،پايدالانا بىلۋمەن بىرگە ءارى ورنىن لايىقتى جاڭالاپ وتىرماساق، وندا ءوز رىزدىعىمىزدان ءوزىمىز ايرىلىپ، ءوز بايلىعىمىزدى ءوزىمىز سەلگە جىبەرگەن بولامىز، سوندىقتان تابيعي بايلىقتاردى لايىقتى پايدالانا بىلۋمەن بىرگە ءارى ونى قورعاي دا ءبىلۋىمىز، جاڭالاي دا ءبىلۋىمىز كەرەك. سوندا عانا قوعامنىڭ بۇگىنگى تالابىنان، كەلەشەك ۇرپاقتاردىڭ ۇمىتىنەن شىعىپ، قوعام ءۇشىن ەسەلى ۇلەس قوسا الامىز. بۇعان كەپىلدىك ەتۋ ءۇشىن ءبىز ءوزىمىز باس بولىپ ءار جەردىڭ،ءار ورىننىڭ ءىس جۇزىندىك جاعدايى مەن ەرەكشەلىكتەرىنە نەگىزدەلە وتىرىپ، جان - جاقتى تەكسەرىپ - زەرتتەۋلەر جاساپ، ورتانىڭ حالىق شارۋاشىلىعىن دامىتۋداعى، ەنەرگيالاردى ۇنەمدەۋدەگى،بۇقارانىڭ تۇرمىس شارت-جاعدايى مەن دەنساۋلىعىن جاقسارتۋداعى ماڭىزدىلىعىن كەڭ كولەمدە ۇگىتتەپ،ورتانىڭ بۇلعانۋىنان پايدا بولاتىن ءار الۋان زياندار مەن زارداپتاردى جۇرتقا ۇعىندىرىپ،ورتانى قورعاۋدىڭ ناقتى ءادىس - امالدارى مەن بۇلعانعان ورتانى قايتا قالپىنا كەلتىرۋدىڭ ءتۇرلى شارالارىن ىزدەستىرىپ، بۇقارانىڭ ورتا جونىندەگى تانىمى مەن تۇسىنىگىن جوعارىلاتىپ، ورتانى قورعاۋ، ەكولوگيالىق تەپە - تەڭدىكتى ساقتاۋ قىزمەتىنىڭ الداعى جەردە ءساتتى جۇرگىزىلۋىنە ءتۇرلى مۇمكىندىكتەر جاراتۋىمىز كەرەك. تەك وسىلاي ىستەگەندە عانا ورتانى قورعاۋدىڭ ۇلى ۇمىتىنەن شىعا الامىز.

  قورىتىپ كەلگەندە، جاساعان ورتا - تىرلىك تىنىسى، ونىڭ قورعالۋى ەلدىڭ باقىتى، جەردىڭ قۇتى، كوپتىڭ يگىلىگى. ويتكەنى جاراتىلىستىق ورتا ارىدان ايتقاندا وتاننىڭ، ۇلتتىڭ تاعدىرىنا سايسا، بەرىدەن العاندا ءاربىر جەكە ادامنىڭ تۇرمىس - تىرشىلىگىمەن، كۇندەلىك قىزمەتىمەن تىعىز قابىسىپ جاتادى. وسى ماعىنادان العاندا ورتانى قورعاۋ جۇمىسى بۇكىل دۇنيە حالقىنىڭ الدىندا تۇرعان جاپالى دا داڭقتى مىندەت، وعان وزىندىك ۇلەس قوسۋ، ۇرپاقتان-ۇرپاققا جالعاساتىن ورتاق بورىش بولىپ تابىلادى.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
 
powered by IlgharCMS 3.2 www.ilghar.cn