ەەڭ جاڭا مازمۇندار
2019-جىلى 10-ايدىڭ 18-كۇنى 241-سان
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى اڭگىمە ماجىلىستە سويلەنگەن ءسوز
ءوزارا سەنۋ، ءوزارا كومەكتەسۋ، ءوزارا پايدا جەتكىزۋ پرينسيبىن ۇستانىپ، دۇنيە جۇزىندەگى ءار ەل حالىقتارىن تەڭىز-مۇحيت ەكونوميكاسىنىڭ دامۋ جەتىستىكتەرىنەن بىرگە يگىلىكتەندىرەيىك
«مەيىرىم ساتراشحاناسى» قارتتاردىڭ كوڭىلىنەن شىقتى
ەكسكۋرسيالاپ، ۇيرەنىپ، پارتيالىلىق جاقتان شىنىقتى
حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جونىندەگى
باتىس قالاماڭى الەۋمەتتىك اۋماعى شىنايى سۇيىسپەنشىلىكپەن حالىقتىڭ مۇڭ-مۇقتاجىن شەشىمدەدى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق،
قابىر كۇزەتۋشى جاڭ چيۋلياڭ حۋ شيانجىن قۇرباننىڭ تۋىس-تۋعاندارىن ىستىق ىقىلاسپەن قارسى الىپ الدى
زۇيجياڭحۋ وزگەشە ءدامدى قۋىرماشتارى
2019-جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جانە قوقىر-قوقسىقتى تۇرگە ايىرۋ قىزمەتىن اقىلداسىپ ورنالاستىردى
«تۇرمىسىم كۇن سايىن جاقسارىپ كەلەدى، ولارعا شىنايى العىس ايتامىن»
اكىمشىلىك مەكەمەسى القاسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەنىڭ 2-رەتكى توپتىق ۇيرەنۋ، زەرتتەۋ-تالقىسىن ورىستەتتى
شىبارجيدە جاڭا رايونى دارىلەۋ ۆانناسى مەن ىندەتتىڭ الدىن الۋ ورنىن سالىپ، ەگىنشى-مالشىلارعا قولايلىلىق جاراتتى
تۇرعىنداردىڭ مادەني تۇرمىسىن بايىتتى
2019-جىلى 10-ايدىڭ 17-كۇنى 240-سان
جين شين: بۇقارانىڭ ءىسىن كوكەيىمدە ساقتايمىن
قۇرباننىڭ تۋىس-تۋعاندارى كەلىپ ازا ءبىلدىرىپ، 46 جىلدان كەيىن اقىرى «جۇزدەستى»
2019-جىلى 10-ايدىڭ 16-كۇنى 239-سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرايىق
«ەكىدەن تارىقتىرماۋ، ۇشتە قامتاماسىز ەتۋ»دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ-ەرجەتۋگە قۇلشىنايىق
قىزمەت اترەتى ۇيرەنۋدى مال شارۋاشىلىق رايونىنداعى ساقا پارتيا مۇشەلەرىنىڭ وتباسىنا جەتكىزدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ ناقتى ناتيجەلەرىن ايگىلەپ، ايماقتىڭ ورنىقتىلىق، دامۋ قىزمەتتەرىنىڭ تاعى دا تىڭ ساتىعا كوتەرىلۋىن جەبەيىك
جوعارى مەكتەپ ەمتيحانى قاقپاسىن قايتا اشۋ
عىلىمنىڭ كوكتەمى
ۇلى بۇرىلىس
ەكونوميكالىق ەرەكشە رايون قۇرۋ
شيحۋ قالاسى: شارۋالاردىڭ كۇزگى جيىن-تەرىن جۇمىسىنا كومەكتەستى

جاستاردا ۋايىم ازىراق،شاتتىق پەن سابىر كوبىرەك بولعانى ءجون

جولدانعان ۋاقىتى : 2017/8/30 18:07:00

ءتۇسىرۋ
جاستاردا ۋايىم ازىراق،شاتتىق پەن سابىر كوبىرەك بولعانى ءجون
1
  ەش سىرىن جاسىرمايتىن جاقىن دوسىممەن وسى بىرنەشە جىلدا بەيجيڭدە وتكىزگەن تۇرمىسى جونىندە اڭگىمەلەسىپ ەدىم، ول جايشىلىقتاعى جايدارى بەينەسىنەن بىردەن وزگەرىپ،  ەداۋىر  تۇيتكىلسىپ قالدى دا: «ءدال قازىرگى ءوزىمدى اكە - شەشەمنىڭ كۇتكەن ۇمىتىنەن الدەقايدا الشاق جاتقانداي سەزىنەمىن» دەدى.

  بۇل دوسىم باتىس تەرىستىكتەگى ەكىنشى دارەجەلى ءبىر قالادا تۋعان، قاتارداعى قاراپايىم جۇمىسشى اكە-شەشەنىڭ تاپقان تابىسى ىشەر اس، كيەر كيىمگە جەتكەنىمەن، دوڭگەلەك داۋلەتتى  ورەگە جەتپەسە دە بار ءتاتتى-  ءدامدىسىن ونىڭ اۋزىنا توسەيتىن. اكە-شەشەسىنىڭ ءۇمىتىن اقتاۋعا بەكىنگەن دوسىمنىڭ كىشكەنتايىنان جولى بولىپ، جەرگىلىكتى ورىنداعى ەڭ ءتاۋىر باستاۋىش، ورتالاۋ جانە تولىق ورتا مەكتەپتەن وقىپ، جوعارى مەكتەپكە قابىلداۋ ەمتيحانىنان سۇرىنبەي ءوتىپ، «211» ينجەنەرياسىنا كىرەتىن بەيجيڭدەگى ءتۇيىندى جوعارى مەكتەپتىڭ بىرىنە وقۋعا ءتۇستى. بۇعان دەيىن ونىڭ باسقان جولى اكە-شەشەسىنىڭ  ويلاعان جەرىنەن شىقتى.

  دوسىم: «اكە-شەشەمنىڭ مەنەن كۇتكەن ءۇمىتى وتە زور، ولاردىڭ ويىنشا مەن ۇزدىكتەردەن وق بويى الدا ءجۇرۋىم كەرەك. ولار ‹ءۇيىمىزدىڭ جاعدايى سەنىڭ ارقاڭدا جاقسارۋى مۇمكىن› دەگەن      سياقتى ءسوزدى مۇلدە اۋىزعا المايدى. قايتا تەلەۆيزوردان ءساندى كيىنگەن اق جاعالىلاردىڭ ساۋلەتتى كولىكپەن ءجۇرىپ، سالتاناتتى  عيماراتتا تۇرىپ، وقتا - تەكتە  عىلىمي بايانداما جاساپ، تىڭداۋشىلارىنىڭ  القاۋعا  بولەنگەن  شاعىن  كورگەندە اكەم ‹مەنىڭ قىزىم دا بولاشاقتا وسىلار سياقتى بولۋى كەرەك›» دەيتىن، مۇنداي كورىنىس كوپ رەت قايتالاندى. دوسىمنىڭ ءوزى دە ۇيرەنۋ ناتيجەم ۇزدىك، قىزمەتكە بارىمدى سالىپ، اكەمنىڭ كۇتكەن ۇمىتىنەن شىقسام يگى ەدى دەپ ويلايتىن. الايدا، رەال ءومىر مەن ارمان كەيدە قابىسا بەرمەيدى عوي.

  دوسىم دا تالەيلى جان ەكەن، وقۋىن بىتىرە سالا ايىنا 8000 يۋان ەڭبەكاقى بەرەتىن شەتەل قارجى  قوسقان ءبىر كاسىپورىنعا قىزمەتكە ورنالاسىپ، قوعام تابالدىرىعىن اتتاعان العاشقى قادامى ءساتتى بولدى.

  قىزدارىنىڭ تابىسى اجەپتاۋىر، قىزمەتى دە ويداعىداي، تۇرمىسى دا وتە جاقسى بولۋى مۇمكىن دەپ ويلايتىن اكە-شەشەسى بەيجيڭگە كەلىپ، ونىڭ باسقالارمەن بىرگە ورتاق جالعا العان كاريدورى قاپ - قاراڭعى، قۋىقتاي شاعىن بولمەدە تۇراتىنىن كورگەندە جىلاۋعا شاق قالدى.

  دوسىم بىلاي دەدى: «اقشانى كۇرەپ تابا الماسام دا بار ءتاتتى-ءدامدىسىن اۋزىما توسەپ، الپەشتەپ وسىرگەن اكە-شەشەمە  ولاردىڭ اڭساعان كورىنىسىن كورسەتسەم دەپ ويلاۋشى ەدىم، امالىم نە، وعان ارمانىم جەتسە دە   دارمەنىم جەتپەدى».  
2
  ءبىر رەتكى اڭگىمەلەسۋ ورايىندا بىرەۋ ماعان: «كىشكەنتايىڭنان ات جالىن تارتىپ مىنەتىن ازامات   بولعانعا دەيىن مەيلى اكە - شەشەمىز، الدە مەكتەپ بولسىن ءبىزدى باسقالاردىڭ بالاسىنان ۇزدىك بول، باسقا ساباقتاستاردان ناتيجەڭ جاقسى بولسىن دەپ ‹باسەكەلەسۋگە› تاربيەلەپتى. ۇيرەنۋدە جاقسى بولۋ،ارينە، ماڭىزدى، مۇنان سىرت، احلاق، اقىل - وي، دەنە جانە ەستەتيكا جاقتارىنان دا جان - جاقتىلى جەتىلۋىمىز كەرەك قوي» دەدى.

  «وسىناۋ جىلداردا ءبىز باسەكەلەسۋگە ادەتتەنىپ، جۇگىرۋگە داعدىلاندىق. وقۋ بىتىرگەن سوڭ كىمنىڭ قابىلدانعان كاسىپورنى جاقسى، كىمنىڭ ەڭبەكاقىسى جوعارى، كىمنىڭ ايەلى سۇلۋ، كىمنىڭ بالاسى اقىلدى... دەپ باسەكەلەستىك، ءدال وسى كەزدە بىرەۋ بىزگە: ‹مۇنداي باسەكەدەن نە پايدا، ەندى دوعارىڭدار، قازىرگى كۇندەرىڭە شۇكىرلىك ەتىڭدەر› دەپ ەسكەرتتى. الايدا، ‹وركەنيەتتى باسەكەلەسۋ› بارىسىندا    ءوسىپ - جەتىلگەن ءبىزدىڭ بىردەن دوعارا قويۋىمىز وڭايعا تۇسپەدى».

  الگى ادامنىڭ «وركەنيەتتى باسەكەلەسۋ» دەگەن ءسوزى ماعان تەرەڭ وي سالدى، وتە ورىندى ايتىلعان دەپ قارادىم.
راس-اۋ، ءبىز بۇل دۇنيەگە كەلە سالا قيلى-قيلى باسەكەگە كەز بولامىز. ايتالىق: قاشان اۋناي الۋ، قاشان اياق باسۋ، قاشان بىلدىرلاپ سويلەۋ، وقۋعا قاشان كىرۋ، ناتيجەڭ قالاي بولۋ، قاشان نەكەلەنۋ، ءۇيدى قاي جەردەن ساتىپ الۋ، ت.ب. «باسەكەلەسۋ» داعدىعا اينالعاندا ۋايىم دا قوسانجارلانا بىرگە جۇرەدى. ويتكەنى ءباز بىرەۋ سەنەن ۇزدىك، ول نىساناڭ قاشاندا كوز الدىڭدا جالت-جۇلت ەتىپ تۇرادى.
اعا بۋىن بىرەۋ مەنەن مىناداي سۇراق سۇراپ ەدى: «قازىرگى جاستاردى كەزىندەگى بىزبەن سالىستىرعاندا، نەلىكتەن جالىندى جىگەرى سولعىنداپ، جۇزدەرىنەن قاشاندا ۋايىم مەنمۇندالاپ تۇرادى؟» مەنشە جوعارىداعى بىرنەشە اڭگىمە وسى سۇراۋعا جاۋاپ بولاتىن سەكىلدى.

  ارمانىنا جەكە-دارا قول جەتكىزە الماسا، باسپانا تابۋدىڭ ءوزى   قيىنعا سوعادى؛ «باسەكەلەسۋ» داعدىعا اينالسا، جۇرەكتە سەنىمدىلىك ازايادى؛ ماڭىنداعى بىرەۋلەر ەش قينالماي-اق اڭساعان ارمانىنا جەتكەندە، ۋايىمداۋ قىرۋار جاستاردى تابيعي تۇردە يەكتەيدى.
3
  الايدا، ۋايىم مۇلدەم جامان    ەمەس. ويتكەنى سىرتقى تۇلعاداعى ۋايىمدى ءبىز بەزەنۋ، كيىمدى رەتتى كيىنۋ جانە بويدى تىك ۇستاپ ءجۇرۋ ارقىلى ءوزىمىزدى    ادەمى ەتىپ جاسايمىز؛ ءبىلىم - قابىلەت جاعىنداعى ۋايىمدى كاسىپتىك ءبىلىمدى يگەرۋ جانە مۋزيكاعا، اسەمونەرگە ءمان بەرۋ ارقىلى تولىقتىرىپ، ءوزىمىزدى بارعان سايىن سومدايمىز؛ ال، تىرشىلىك اياسىنداعى ۋايىمدى  ءومىردىڭ ءمانىن تابۋ ارقىلى   ءومىردى بوس وتكىزبەۋگە بارىنشا قۇلشىنامىز. دەمەك، ءبىز ۋايىم ارقىلى بارعان سايىن العا باسامىز.

  الايدا، ۋايىمنىڭ وتە كوپ بولۋى دا جاقسى ەمەس. پسيحولوگياداعى ءبىر زاڭدىلىق بىزگە لايىقتى قىسىم قىزمەت ونىمدىلىگىن جوعارىلاتاتىنىن، ال، قىسىم شەكتەن اسقان كەزدە قىزمەت ونىمدىلىگىن ارتتىرعاندى قويىپ، تومەندەتەتىنىن تۇسىندىرەدى. ويتكەنى شەكتەن اسقان قىسىم جەكە تۇلعادا  اسىرە ۋايىم مەن شۇعىل قاربالاس كۇيدى تۋدىرىپ، ەستە ساقتاۋ، ويلانىپ - تولعانۋ سياقتى پسيحيكالىق قالىپتى قيمىلىنا كەدەرگى بولادى.

  سوندىقتان بولاشاق ءۇشىن بارىنشا قۇلشىنۋدان سىرت، ءوز باسىمىزدا ۋايىم ازىراق، شاتتىق پەن سابىر كوبىرەك بولعانى ابزال.

  تۇرمىستاعى وزگەرتۋگە  كەلمەيتىن  ۇردىسكە  تاپ  بولعاندا  ا ق ش-تىق پسيحولوگ كارلون حونيدىڭ: «سۇلۋ بولماساڭ دا، زەرەك بول. شىنايى ادام بولىپ جەتىلەمىن دەيدى ەكەنسىڭ،   ءوزىڭدى ءتۇسىن ءارى كوزدەگەن ارمانىڭا، ءسوزسىز، ۇمتىلۋىڭ ءتيىس» دەگەن ءبىر اۋىز ءسوزى ماعان  ەرەكشە اسەر ەتەدى.

  مۇندا، سىرتقى ورتانىڭ ساعان جاساعان بۇعاۋى جانە قازىرگى سەنىمەن اينالاڭداعىلاردىڭ اراسىنداعى پارىق ەمەس، قايتا ءوزىڭ ءۇشىن نە ىستەي العانىڭ ەڭ  ماڭىزدى.

  شەكتەۋ مەن شەكارانى مۇقيات باقىلاساڭ، وزىڭدەگى ارتىقشىلىقتى ءبىلىپ، ولقىلىقتى سەزىپ، ونىمەن ات كەكىلىن كەسىسۋگە بەكىنىپ، ۋاقىت پەن كۇش - قۋاتتى ءوزىڭدى كەمەلدەندىرەتىن ىستەرگە ارناپ، ەندىگارى وزگەرمەيتىن ادامعا كەيىمەيتىن بولاسىڭ. وسىلايشا، بىرتە - بىرتە ءىس - ارەكەتىڭنەن بىرتىندەپ تولىسقانىڭدى سەزىنىپ، ارمانىڭا بارعان سايىن جاقىندايسىڭ، ۋايىم دا بىرتە - بىرتە ۇشتى - كۇيدى جوق بولادى.

اۋدارعان- ساعىنبەك رابات ۇلى


  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn