ءتىلشىمىز سۇڭ جيانلياڭ حابارلايدى. جاقىندا ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى اۆتونوميالى رايونعا ءۇرىمجى - كۇيتۇن جوعارى قارقىندى تاس جولىنىڭ ساۋان اۋدانىنا شىعار اۋىزىنىڭ وڭتۇستىگىنەن 2 كيلومەتر قاشىقتىقتاعى فۋشىڭ بولات زاۆودىنىڭ جانىنداعى كوكىس زاۆودىنىڭ قارا ءتۇتىن ىعىستىرۋ ماسەلەسىن تۇزەتۋدى تابىستاعان بولاتىن. ءىستى تاپسىرىپ العاننان كەيىن ايماق پەن ساۋان اۋدانى وسكەلەڭ ءمان بەرىپ، قاتىستى تاراۋلار ىرىقتىلىقپەن ىسكە كىرىسىپ، زاڭ بويىنشا ساۋان اۋداندىق حى-يۇن كوكىس شەكتى جاۋاپكەرلىك سەرىكتىگىنە ءوندىرىستى توقتاتىپ، وڭاۋ - تۇزەتۋ جۇرگىزۋدى بۇيىردى.
ساۋان اۋداندىق ونەركاسىپ باقشا رايونىن باسقارۋ كوميتەتى پارتيا قىزمەت كوميتەتىنىڭ مۇشەسى، ورىنباسار مەڭگەرۋشىسى سەنتاي قانەن ۇلى: « ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ تۇزەتۋگە تابىستاعان ءىسىن تاپسىرىپ العاننان كەيىن اۋداندىق پارتكوم مەن ۇكىمەت وسكەلەڭ ءمان بەرىپ، ونەركاسىپ باقشا رايونىن باسقارۋ كوميتەتىنەن تابىستاعان قاتىستى ماسەلەلەردى جەدەل انىقتاپ، تۇزەتۋدى تالاپ ەتتى. كەزەكتە ونەركاسىپ باقشا رايونىن باسقارۋ كوميتەتى كادرلارى كوكىس سەرىكتىگىنە بارىپ، ناق مايداندا قۋزاۋ-جەتەكشىلىك ەتىپ، قىزمەتتىڭ پارمەندى، ءونىمدى ورىستەتىلۋىنە كەپىلدىك ەتتى. كوكىس كاسىپورنىنىڭ تەحنولوگيالىق بارىسى ءبىرشاما كۇردەلى، كوكىس پەشىنىڭ تەمپەراتۋراسىن تومەندەتۋدىڭ تەحنيكالىق تالابى ءبىرشاما جوعارى بولعاندىقتان، حاۋىپسىزدىكتى ويلاستىرا وتىرىپ، اۋداندىق پارتكوم مەن ۇكىمەتتىڭ ورنالاستىرۋى بويىنشا قاتىستى مامانداردى ۇسىنىس ەتىپ، كاسىپورىنعا تەحنيكالىق جاقتان جەتەكشىلىك ەتكىزىپ، كوكىس پەشىنىڭ تەحنيكالىق حاۋىپسىزدىك ولشەمى بويىنشا تەمپەراتۋراسىن تومەندەتۋگە كەپىلدىك ەتتىك» دەدى.
كەزەكتە حى-يۇن سەرىكتىگى وڭاۋ-تۇزەتۋ جوباسىن جاساپ، قورشاعان ورتانى قورعاۋعا قاتىستى تەحنيكا جاڭالاۋعا قاراتىلعان ۇسىنىلىمدى ارتتىرۋ، قورشاعان ورتانى قورعاۋ قۇرىلعىلارىن مولايتۋ سياقتى تاسىلدەرمەن جاپپاي وڭاۋ-تۇزەتۋگە كىرىستى. كاسىپورىننىڭ جاۋاپتىسى تەكسەرىپ وتكىزىپ الۋدان وتپەيىنشە ءوندىرىس جۇرگىزبەيتىندىگىن ايقىن ءبىلدىردى.
ساۋان اۋداندىق حى-يۇن كوكىس شەكتى سەرىكتىگىنىڭ زاڭدى ۋاكىلى شى دايچىڭ: « ۇقتىرۋدى تاپسىرىپ الا سالىسىمەن تەحنيكالىق قىزمەتكەرلەردى ۇيىمداستىرىپ،ءوندىرىستى توقتاتۋ جوباسىن جاسادىق. بۇقارا اڭىس ەتكەن ماسەلەلەردى كوزدە ۇستاي وتىرىپ، ىس-تۇتەكسىز كومىر كىرگىزۋ جابدىعى مەن كۇكىرتسىزدەندىرۋ جابدىعىن ساتىپ الدىق، كەزەكتە سەرىكتىگىمىزدىڭ كومىر كىرگىزەتىن اۋىزى مەن كوكىس شىعاراتىن اۋىزى وندىرىستەن توقتادى. الايدا، كوكىس پەشىنىڭ تەمپەراتۋراسى وتە جوعارى بولعاندىقتان، بىرتىندەپ سۋىتۋعا تۋرا كەلىپ وتىر. سەرىكتىگىمىز تەكسەرىپ وتكىزىپ الۋدا تولىمدى بولمايىنشا استە ءوندىرىس جۇرگىزبەۋگە ۋادە بەرەدى» دەدى.
وسى رەت ورتالىقتىڭ قورشاعان ورتانى قورعاۋدى باقىلاۋ-تەكسەرۋ گرۋپپاسى اڭىس ەتكەن ماسەلەلەر جاقسى شەشىم ەتىلگەندىكتەن، بۇقارانىڭ جاقسى باعاسىن الدى.
ساۋان اۋدانىنىڭ تۇرعىنى جاۋ چياڭ: « وسى رەتكى ورتالىقتىڭ قورشاعان ورتانى قورعاۋدى باقىلاۋ-تەكسەرۋىنىڭ وڭاۋ-تۇزەتۋ تەبىنى كۇشتى، اڭىس ەتكەن ماسەلەلەردى شەشىمدەۋى تەز بولىپ، بۇقاراعا ءار دارەجەلى ۇكىمەتتىڭ قورشاعان ورتانى قورعاۋداعى سەنىمىن تولىق سەزىندىردى. وسى رەتكى قورشاعان ورتانى وڭاۋدىڭ جەتىستىكتەرىن ويداعىداي بەكەمدەپ، بارلىعىمىزعا تاماشا قىزمەت،تۇرمىس ورتاسىن جاراتۋىن ءۇمىت ەتەمىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.