ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جۇرەككە تامىر تارتقان – تاعىلىم

جولدانعان ۋاقىتى : 2017/9/6 11:27:11

ەرسىنالى سۇلتان ۇلى
 
  «ءومىر _ وزەن» جيناعىن بىرنەشە رەت قايتالاپ وقىپ شىقتىم. وقىعان سايىن   وزىمنەن - ءوزىم تولىسىپ، كەمەلدەنىپ وتىردىم. ويتكەنى بۇل جيناقتاعى اۆتوردىڭ باستان كەشكەندەرى مەن باسقا دا ماقالالار وتە اسەرلى باياندالىپتى. قايتالاي وقي باستاساڭ مازمۇنىندا باستا وقىعاندا اڭعارا الماي قالعان تاعى ءبىر جاڭا وي، تاعى ءبىر ونەگەلى ىزگى ارمان بار ەكەنىن شىنداپ تۇسىنەسىڭ. مۇمكىن، شىنايى ءومىردىڭ شىنايىلىعىنان تۋعان شىمىر شىعارمانىڭ بىزگە سيلار تابيعاتى وسى بولار. شىعارما مازمۇندارى جان جۇرەگىڭدى تەربەپ، كوڭىلدى تولقىتار اسەرلى شاقتاردى ەرىكسىز كوز الدىڭا اكەلەدى. مەن وسىناۋ شىعارمالاردىڭ ءون بويىنان ومىرگە ىڭكار ءارى پەيىلدى، مەيىربان كىسىلەردىڭ شاتتىعىمەن بىرگە شاتتانىپ، ارمانىمەن بىرگە قاناتتانىپ بارا جاتقانداي سەزىمگە بولەندىم. قاراپايىمدىلىقتان سۇلۋلىق، ادامدار جۇرەگىنەن ىزگىلىك  ىزدەگەن جانداردىڭ ادامدىق ومىردەگى ماحابباتى مەن سۇيىسپەنشىلىگىنىڭ ماڭگىلىك بولاتىنىن. وسى ماڭگىلىكتەن ساۋلە شاشقان سۇلۋلىق پەن ىزگىلىك ومىرگە ىنتالى جانداردىڭ كوڭىلىن نۇرعا، جۇرەگىن الاۋعا بولەيتىندىگىن ءتۇسىندىم.  كىسىلىك وبراز جۇرەكتە تامىر تارتىپ، كوڭىلدە تىنىس تاپقاندا عانا سول ادامداردى ۇمتىلماس تۇلعاعا اينالدىراتىندىعىن ءتۇسىندىم. سوسىن ويعا شومدىم، ويىمدا: «ادام ءبىر جاراتىلىس. جانىڭنىڭ الاۋىن جاعىپ، جان قالاۋىڭدى تاۋىپ، كىشى پەيىلدىگىمەن، ادالدىعىمەن، ادامگەرشىلىگىمەن جانىڭدى جادىراتقان وسىنى زەيىن سالا وقى. مىنە، بۇل قاراپايىمدىلىقتان، وتانشىلدىقتان تامىر تارتقان ماڭگىلىك عۇمىر ءمانىنىڭ ‹وتكەن ءداۋىر› ۇنىمەن ۇندەسىپ، كەيىنگى ۇرپاق جۇرەگىندە جالعاسىم تابۋى» دەيتىن الدەبىر تۇجىرىم سان قايتالانىپ جاتتى. مەنى وسىنداي ويعا جەتەلەگەن «ءومىر _ وزەن» كىتابى.  كىتاپ بولعاندا ونداعى اۆتور زۇپيرا    ىبىراي قىزىنىڭ كەشىرمەلەرى، ءجانابىل سىماعۇل ۇلىنىڭ مەيىرىن دە، پەيىلىن دە ەلىنە ارناعان، بويداعى بارىن كىسىلىگىنە جەڭدىرگەن، ادامگەرشىلىك قاسيەت پەن جاۋاپكەرشىلىك، بورىشتارلىق سەزىم ءبار-ءبارىن سول كىسىلەرگە رازى بولعان جانداردىڭ لەبىزىنەن وقىپ اسەرگە بولەندىم. ءيا، ءوز بويىنداعى ادامگەرشىلىك سۇيىسپەنشىلىكتەرى ارقىلى ادامداردى ىنتىماق پەن بەرەكەگە شاقىرىپ،قيىندىقتى جەڭۋگە جىگەر سيلاعان، ەش بوداۋسىز كىسىلىك تانىتقانى كىم-كىمدى بولماسىن «شىركىن، اسىل اعامىز بەن قامقور اپايىمىزعا مىڭ مارتە راقىمەت» دەگىزە تۇسەدى. ەندى ءبىر ءسات العى سوزگە ورالايىن: «... پەندەلىك عۇمىردا ادامداردىڭ باسەكەسى مەن سالىستىرماسى كوبىنە زاتتىق دەڭگەي، شەن - شەكپەن تاعى باسقا قوعامدىق سالدار ارقىلى پارىقتالىپ تۇرادى. وسىنى شىن كورگەن، ماڭگىلىككە بالاعان الدەكىمدەر مەيلى قايسى داۋىردە جاساسىن تابيعي السىرەپ، مۇجىلىپ، ءوز  داۋىرلەستەرى جاعىنان-اق وقشاۋ قالادى،ادامدىعى الاسارىپ، تۇلعاسى تۇقىلدانادى» دەپتى. راسىندا، ءجانابىل اعامىز بەن زۇپيرا اپايىمىزدىڭ ومىرگە ۇستانعان پوزيتسياسى حالىق جۇرەگىندە جاقۇتتاي جارقىراعان پەيىلدەرىمەن قالىپتى. ومىردە ەلىمە ەسەلى ۇلەس، تەبىندى ونەر سيلايمىن دەگەن ونەرپازدىڭ، قينالىپ قىسىلعان قاراپايىم جاندار مەن قوعامنان وزىندىك ورىن تابا الماي داعدارعان جانداردىڭ قاسىنان تابىلىپ، ولاردىڭ ءۇمىتىن وزدەرىنىڭ پەيىلدەرىنىڭ، ازاماتتىق، ادامگەرشىلىك، بورىشتارلىق سەزىمدەرىنىڭ ۇزىلمەس ۇنىمەن بىلاي جالعاپتى-اۋ! مىنا حاتقا ۇڭىلەيىكشى:

  «قۇرمەتتى جا شۋجي: ساۋ-سالەمەتسىز بە،زۇكەڭ امان با؟

  جا شۋجي ەڭ الدىمەن العىس ايتپاقپىن، قامقورلىعىڭىزدىڭ ارقاسىندا قىزىم حى حى ومىرلىك ازاپتان،ءتىپتى ارانىن اشقان اجالدان امان قالدى. ءسىز ءبىزدىڭ وتباسىمىزعا ايتىپ تاۋىسقىسىز مەيىر   باعىشتادىڭىز، ءسىز بولماساڭىز قۇداي ساقتاسىن، قازىر ويلاپ كورسەم قورقىنىش ءالى باسىلمايدى. ايالاۋىڭىزدى، جاقسىلىعىڭىزدى ماڭگى ۇمىتپايمىز!
 
  قۇرمەتپەن زەينەتكەر بۇقاراڭىز: يۇي حايلان (حات قازاقشا جازىلعان)». ەندى مىنا حاتقا نازار سالايىق:

  «اعا، سالەمەتسىز بە؟

  مەن ءبىر ديقاننىڭ بالاسىمىن، ءۇيىم قوبىقسارى اۋدانىندا،ەشبىر سۇيەنىشىم جوق. شينجياڭ داشۋەنى ءبىتىرىپ،قىزمەت ورىن تابا الماي تاۋىم شاعىلىپ جۇرگەندە الدىڭىزعا بارىپ،قارسى الۋىڭىزعا بولەنىپ، قامقورلىعىڭىزدا رايوندىق عىلىم - تەحنيكا كوميتەتىنىڭ ساياسات زەرتتەۋ بولىمىنە ورنالاستىم، قازىر كوڭىلدى قىزمەت ىستەپ جاتىرمىن. جاڭا جىل قارساڭىندا ءاز باسىڭىزعا وسى حات ارقىلى مىڭ ءبىر راقىمەتىمدى ايتامىن!
  ىزەتپەن ءىنىڭىز: جەڭىس
  1989-جىل 25-جەلتوقسان».

  بارلىعى دا تەرەڭ اسەرگە بولەيتىن حاتتار. سۇيىسپەنشىلىكتە شەكارا بولمايتىندىعىن، ءوز سۇيىسپەنشىلىكتەرى مەن قامقورلىقتارىن قامكوڭىل ادامداردىڭ الاسارماس ارماندارىنىڭ ورىندالۋىنا ارناعان پەيىلىن، وسىنداي سۇيىنىشكە، العىسقا تولى حاتتاردىڭ مازمۇنىنان-اق بىلەسىڭ. اعامىز «كەشەگى ‹وتپەلى ءداۋىردىڭ›  بارلىق رەالدىعىن ءىسىپ-كەپپەي، ىركۋسىز، رەنجۋسىز قابىلداپ، بارلىق ماراپاتتان، مارقايتۋدان سەكەمشىل سەزىك  الىپ، ولاردان تەك ءوز رۋحاني ەنشىسىن ءبولىپ الىپ، پەندەگە ءتان زاتتىق اۋەستىكتى،ونان تۋىلاتىن ‹مەنمەندىك› سەمىزدىكتى سىلكىپ تاستاپ، ونان پاك، كىرشىكسىز ادامگەرشىلىككە ءتان الدەنەلەردى تاۋىپ الىپ، ونى ءوزى ەمەس وزگەلەردىڭ كەرەگىنە جاراسىنعا، ونەگەسىنە اينالدىرىپ وتىرادى...» دەگەنى اعا بويىنداعى سارقىلماس كىسىلىك پەن ادامگەرشىلىككە سۇيىنگەندەردىڭ ۇلاعاتتى ءۇنى ءتىپتى دە ايشىقتاپ تۇر ەمەس پە. «ءومىر - وزەندەگى» ومىرگە جاناشىر ءتىل جەتپەس ىڭكارلىقتان،ادامدار   جۇرەگىنە جول الۋ ناعىز اينىماس ادالدىقپەن، كىسىلىك كەلبەتتەن، تەرەڭ كوڭىلدەن ورىن تاپقاندا عانا رەال ومىردە  وزگەلەردىڭ كوڭىلىندە ساقتالار جاقسى وبرازعا اينالاتىنىن تۇسىنەسىڭ. ومىردەگى اعامىز بەن اپامىزدىڭ سابىرلى، باۋىرمالدىق رۋحى كىتاپتى كوڭىل قويا وقىعان ادام ءۇشىن ۇيرەنۋگە تاتيتىن ۇلكەن مەكتەپ، ۇلاعاتتاپ ازاماتتىق جولدا ۇستانار ۇلكەن قۇرمەت. اعامىز بەن اپايىمىزدىڭ ونەردى جانىنا بالايتىن اسىل قاسيەتىمەن عانا ەمەس، ونەرپازدى  قۇرمەت تۇتاتىن كىسىلىكتەرىنەن تۋعان كىشىلىكتەرىن كىتاپتاعى قازاقتىڭ بۇلبۇل كومەي تەرمەشىسى مارقۇم اسەمقان  عيبادات قىزى ۇرىمجىدە شيپاحانادا اۋىرىپ جاتقاندا كوڭىلىن سۇراپ بارعان   اعامىز بەن اپايىمىزعا: «سىزدەردى كورگەندە جازىلىپ كەتكەندەي بولدىم-اۋ» دەگەنى ءتىپتى دە بيىكتەتىپ تۇرماي ما؟«بوز دالانىڭ بۇلبۇلى ەدى،ءبىر گۇلى ەدى» اتتى وسى ەسسەدەن تەك اسەمقاننىڭ انشىلىك ونەرى عانا ەمەس، تۇتاس قازاقتىڭ ونەر قۇدىرەتىنە سىڭىرگەن ەڭبەگى ءدال ۋاعىندا باعالانباي بارا جاتقانىن، اسەمقاننىڭ اسەم اۋەنىنەن تۋعان حالىقتىڭ ولمەس تەرمەسى جىل وتكەن سايىن جاڭارىپ، ۇرپاق قان تامىرىندا تۋلار ونەردىڭ وشپەس نۇرىنا اينالۋ   كەرەك ەكەنىن ايتا كەلىپ اۆتور: «الدى ءۇمىت، ارتى وكىنىش ءومىر-اي دەيسىڭ، سوسىن تاعى قامسىز بەيعامدىعىمىزدى، ونەر ادامى ولمەيتىندەي كورىنەتىن، سولاردىڭ بىرەر اۋىز ارتىق كۇلكىسىن، بىرەر ەركە قىلىعىن ءسوز قىلاتىن قازاقى مىنەزىمىزدى ويلاپ ءىشىڭ ۋداي اشيدى!» دەپ تۇيىندەپتى. كىتاپتىڭ قاي بەتىن اشساڭىز دا اعامىز بەن اپايىمىزدىڭ قاراپايىم ءومىرى، سول ومىردەن ونەگەسىنەن تۋعان پاراساتتى پايىمدارى، مىرگە قۇشتار جانداردىڭ كوڭىلىندە شۋاق شاشىپ، ومىرگە باعىت - باعدار سىلتەيتىن   تاماشا ىزگىلىك ەكەنىن تەرەڭ تۇسىنەسىڭ. كىتاپ سوڭىنداعى ارناۋلاردان دا سانسىز جۇرەكتىڭ تەبىرەنىسىنە جاسىرىنعان وبرازدى ويلى تۇلعالاردىڭ كىسىلىگىن تاعى ءبىر قىرىنان تانيسىڭ! سەرگەك سەزىم سيلاپ،مىنا  ومىرگە جاڭاشا قاراۋ  ءۇشىن دە كەشەگى ءداۋىردىڭ كىسىلىك پەن كىشىلىككە تۇنعان كەزىنەن سىر شەرتەتىن وسىنداي ءيىرىمى تەرەڭ «ءومىر - وزەنى» كەرەك ەكەن. مەن بۇگىن وزەننىڭ تۇنىعىنا  قاراپ وي مەن بوي تۇزەپ، تەرەڭىنە بويلاپ، ءومىردىڭ ءتىل جەتپەس سىرىن تاعى ءبىر قىرىنان كورىپ تۇرعاندايمىن! «ءومىر - وزەن» ول - ونەگەگە تولى ءومىردىڭ ساۋلەسى. ول ءبىزدىڭ جۇرەگىمىزدىڭ تەرەڭىنە تامىر تارتىپ، جارقىن بولاشاققا قانات قاعۋىمىزعا جىگەر سيلايتىن رۋحاني تاعىلىم.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.
 
powered by IlgharCMS 3.2 www.ilghar.cn