ءتىلشىمىز ۋاڭ شۋشيا حابارلايدى. 28 -تامىز كۇنى لياۋنيڭ ولكەسى بىنشي قالالىق پارتكومنىڭ شۋجيى تان چىڭشۇي جانە ونىڭ ساپارلاستارى ايماعىمىزعا كەلدى. سول كۇنى ايماق اڭگىمە جيىنىن وتكىزدى.
اڭگىمە جيىندا ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى ايماقتىق پارتكوم مەن اكىمشىلىك مەكەمەسى اتىنان تەكسەرۋ گرۋپپاسىنداعىلاردى قارسى الاتىندىعىن ءبىلدىردى ءارى لياۋنيڭ ولكەسى بىنشي قالاسىنىڭ تالاي جىلداردان بەرى ايماعىمىزدىڭ ءار سالا ىستەرىنە بارىنشا قولداۋ كورسەتكەنىنە جانە قالتقىسىز كومەگىنە شىنايى راقىمەت ايتتى.
مۇقيات جارمۇحامبەت ۇلى بىلاي دەدى: « جاقىنعى جىلداردان بەرى بىنشي قالالىق پارتكوم مەن ۇكىمەت شينجياڭعا باعىتتامالى كومەكتەسۋ قىزمەتىنە وسكەلەڭ ءمان بەرىپ، تارباعاتاي ايماعىنىڭ تولى اۋدانىنا باعىتتامالى كومەكتەسۋدى باستان-اياق ماڭىزدى ساياسي جاۋاپكەرلىك ساناپ، تۇتاس قالانىڭ ەكونوميكاسى مەن قوعام دامۋىنىڭ جالپى جوباسىنا ەنگىزىپ، نىسان، حالىق تۇرمىسى، اقىل-وي، كاسىپ جاقتان شينجياڭعا كومەكتەسۋدى اتقارىپ، تولى اۋدانىنىڭ جاراسىمدىلىعى مەن ورنىقتىلىعىن، ەكونوميكاسىنىڭ دامۋىن، حالىق تۇرمىسىنىڭ جاقسارۋىن، ۇلتتار ىنتىماعىن، قوعامىنىڭ العا باسۋىن پارمەندى جەبەپ، تارباعاتاي ايماعىنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوستى».
مۇقيات جارمۇحامبەت ۇلى بىلاي دەدى: « كەزەكتە شينجياڭعا باعىتتامالى كومەكتەسۋ قىزمەتى بۇرىنعىعا مۇراگەرلىك ەتىپ، الدان جاڭالىق اشاتىن شەشۋشى كەزەڭگە قادام تاستاۋدا. تارباعاتاي ايماعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مۇقيات دايەكتى تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ماجىلىسىندە العا قويىلعان ورنالاستىرۋ، تالاپتار بويىنشا قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، ‹ ءۇش قيان - كەسكى شايقاستى، ءبىر حالىقتىق شايقاستى› باتىل ورىستەتىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، ۇلتتار ىنتىماعىن ۇزدىكسىز بەكەمدەپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە كۇش سالۋدا. بىنشى قالالىق پارتكوم مەن ۇكىمەتتىڭ تىعىز سەلبەسىپ، ورتاق قۇلشىنىپ، بىرلىكتە دامىپ، پايدادان ورتاق يگىلىكتەنۋدى جۇزەگە اسىرىپ، لياۋنيڭ مەن تارباعاتايدىڭ ءبىر ءۇيلى جانداي ەتەنە قاتىناسىنىڭ تىڭ داستانىن بىرلىكتە جازۋىن ءۇمىت ەتەمىز».
مۇقيات جارمۇحامبەت ۇلى مىنالاردى تالاپ ەتتى: ايماقتاعى ءارقايسى ورىن، ءارقايسى تاراۋ شينجياڭعا باعىتتامالى كومەكتەسۋگە قاتىستى ءتۇرلى قىزمەتتى بار كۇشپەن جاقسى ىستەپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋعا بەلسەنە ۇلەس قوسىپ، ۇزدىك ناتيجەمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋ كەرەك.
تان چىڭشۇي بىنشي قالاسىنىڭ تولى اۋدانىمەن بولعان ءتۇرلى جاقتاعى بارىس - كەلىسىن كۇشەيتىپ، بىنشي قالاسىنىڭ ءىس جۇزىندىگىمەن ۇشتاستىرا وتىرىپ، نەگىزدىك وقۋ - اعارتۋ بايلىعى، ساياحات بايلىعى سىندى جاقتاردان تىڭ دامۋ ءورىسىن اشىپ، ءوزارا پايدا جەتكىزۋدى بىرلىكتە جۇزەگە اسىرۋعا قۇلشىناتىندىقتارىن ءبىلدىردى.
ايماقتىق پارتكومنىڭ ورىنباسار شۋجيى، لياۋنيڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ باس جەتەكشىسى ياڭ جۇنشىڭ لياۋنيڭ ولكەسىنىڭ 5 - توپتا شينجياڭعا كومەكتەسۋ قىزمەتىنەن دوكلات جاسادى. ايماق باسشىلارىنان شۇي جاۋبيڭ ماجىلىسكە قاتىناستى.
ماجىلىستەن كەيىن تەكسەرۋ گرۋپپاسىنداعىلار باقتى وتكەلىن كوزدەن كەشىردى ءارى شينجياڭعا كومەككە كەلگەن كادرلاردان حال سۇرادى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.