ماقسۇتقان قۇربان ۇلى
قانشا مىڭ جىل بولدى ەكەن جارالعالى،
جۇڭحۋا دەگەن ۇلى ەلدىڭ ارعى تەگى.
كيەلى مە جاساعان ادامدارى،
قاسيەتتى دالاما تۋعان جەرى.
ءتىلى بولەك، ءدىنى دە ءار اتادان،
قونىسى دا ءار تاۋدا قارا قوستىڭ.
ءبىراق، ءبىراق شىعادى ءبىر مورجادان،
ءتۇزۋ ۇشقان ءتۇتىنى جاققان وتتىڭ.
ءتۇن بولادى، كۇن شىعىپ تىرشىلىكتە،
ءار كەۋدەدەن جىبىرلاپ شبىن جانى.
ەلۋ التى مۇشەگە بولىنسە دە،
ءبىر جۇرەكتەن سوعادى تامىرلارى.
توپىراقتىڭ مەكەندەپ شىعىس جاعىن،
كەلە جاتىر ەجەلدەن سوندا جاساپ.
ءبىر وكپەدەن الادى تىنىستارىن،
دەنە بولەك بولعانىمەن بۇل ءبىر عاجاپ.
بىردە اشتى تاڭدايعا، بىردە ءتاتتى،
تاتقانى ءبىر ءتاڭىرى جارىلقاعان.
ەرتەلى-كەش كەتسە دە عۇمىر جاستى،
تاعدىرى ءبىر پاني مەن باقي زامان.
سول دەنەنىڭ كىشكەنە كلەتكاسى،
وزىمە دە كەي كەزدە قايران قالام.
بەرەكەنىڭ ۇيتقىسى بولماسا ەگەر،
دامي الار دەپ قالام قايدان ادام.
و، قۇدىرەت حيكمەت قالاي دەنە،
باسقالاردان وزگەشە جاراتىلعان.
نەگە بۇلاي بولادى، نەگە، نەگە؟!
بار ادامزات توبىنىڭ اراسىنان.
ارتىق-كەمدى بولسا دا، العانى ءبىر،
بۇل ومىردەن ەشقاشان بولماي كەندە.
ءاۋ باستاعى ويلاعان ارمانى ءبىر،
مۇراتى ءبىر، ماقساتى، جەتەر كومبە.
كۇن تۇتىلىپ، اي كۇڭگىرت، جۇلدىز سونسە،
وتانىم دا بار ءبىر شام وشپەس جارىق.
قارا داۋىل، توپان سۋ تۇگەل كەلسە،
عارىش استىن وتەتىن ەندەي جارىپ.
قارا وردانىڭ بار بىزدە تىرەپ تۇرعان
شاڭىراعىن شايقالتباس التىن باقان.
قاشان كورسەم كوك اسپان تۇنىق ماعان،
قام-قايعىسىز ۇيىمدە الشاڭ جاتام.
ول پارتيام داڭقتى، ۇلى-دۇرىس،
ءار ۇلت حالقىن باقىتقا جەتەلەگەن.
باسپادىق ءبىز سول سەبەپ جولدى بۇرىس،
سول باعىتپەن ۇزدىكسىز كەتە بەرەم.
الىس مۇنار كورىنەر بولاشاعىم،
كۇمىس ساۋلە بويىما الاۋ جاعىپ.
بۇل عالامنان كوپ مەنىڭ الا شاعىم،
ول اقيقات دالەلسىز ايقىن-انىق.
ون ساۋساعىم جەتەدى ار جاعىنا،
باسقا جەتپەس اڭسارى كوكجيەكتىڭ.
سودان ارى جۇرەرىم بار تاعى دا،
باسا الماعان تىڭ دالا، بوگدە ەشكىم.
جاقىن تارتار ادامزات ءبارى ءبىزدى،
شىن سەزىممەن ەرتەڭگە بولعان عاشىق.
كىم بولسا دا دوس بىزگە جانى ىزگى،
جاتپاساقتا شارادان اسىپ-تاسىپ.
بيىكتەردىڭ بيىگىن جاناي ءوتىپ،
ەڭ بيىكتى جەڭىسپەن نىعىز باسىپ.
تۋىن تىگەم وتاننىڭ بەس جۇلدىزدى،
جەرشارىنىڭ قىپ-قىزىل ءوڭىن اشىپ.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.