ەەڭ جاڭا مازمۇندار
2020-جىلى 9-ايدىڭ 30 -كۇنى 183- سان
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق،دالمە-ءدال دايەكتىلەندىرەيىك
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي ىشكەرىلەي ۇيرەنىپ،ۇگىتتەپ،دايەكتىلەندىرىپ،پارتيا ورتالىق كوميتەتىنىڭ شەشىمدەرى مەن اۆتونوميالى رايوندىق پارتكومنىڭ ورنالاستىرۋلارىنىڭ تياناقتانىپ تامىر تارتۋىن ىلگەرىلەتۋ كەرەك
جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز
جەر-جەر،تاراۋلار ءتۇرلى فورمامەن 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات ۇيرەندى
پارتيا ورتالىق كوميتەتىنىڭ شىنايى قامقورلىعىن قىزمەتتىڭ قوزعاۋشى كۇشىنە اينالدىرامىز
جوعارى ساپالى دامۋدىڭ جاۋابىن جازدى
2020-جىلى 9-ايدىڭ 29 -كۇنى 182- سان
شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك
G219 (تارباعاتاي بولىگى) «قاتىناس+ساياحات» نىسانىنىڭ تۇتاس لەنياسى سالىنىپ بولىپ،اۆتوموبيل قاتىنادى
باس شۋجي نۇسقاعان بەتالىستى بويلاپ،جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز
شىنايى يگەرىپ،ناقتى ىستەپ،ۇدەرە العا باسامىز
شىنايى يگەرىپ،ناقتى ىستەپ،ۇدەرە العا باسامىز
2020-جىلى 9-ايدىڭ 28 -كۇنى 181- سان
2020-جىلى 9-ايدىڭ 26-كۇنى 180- سان
مەنىڭ مەكەنىم جۇڭگوداعى ەڭ كورىكتى قىستاق-قالاشىق
ءوندىرىستى بار قارقىنمەن جەدەلدەتتى
ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋعا قۇلشىنايىق
اكىمشىلىك مەكەمەسى ءوندىرىس حاۋىپسىزدىگى جانە اپاتتان ساقتانۋ،اپات زيانىن ازايتۋ، اپاتتان قۇتقارۋ قىزمەتى ارناۋلى تاقىرىپتىق ءماجىلىسىن اشتى
كاسىپ سالاسى ارقىلى كەدەيلەردى سۇيەمەلدەپ، جۇمىستانۋ ۇقىعىن قامتاماسىز ەتۋدىڭ شينجياڭ امالياتى
تۋ تيانشان الابىنا جەتەكشىلىك ەتتى، دامۋدىڭ جاڭا تاراۋى جازىلدى
اسقاق تيانشاندا ايبىندى جوبا
وڭتۇستىك شينجياڭداعى جاڭا تىنىسقا سۇيىنە قاراعاندا
وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىن جالپى بەتتىك ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 10 - توپتا شينجياڭعا كومەكتەسەتىن كادر - دارىندىلارىن قارسى الۋ جينالىسى جانە باۋلۋ كۋرسىنىڭ اشىلۋ سالتى وتكىزىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ قىزمەتىنە اتتانىسقا كەلتىرۋ ءماجىلىسى اشىلدى
اۆتونوميالى رايوندىق پارتكوم 1-شارلاۋ گرۋپپاسىنىڭ تارباعاتاي ايماعىنا شارلاۋ جۇرگىزۋ حابارلاندىرۋى
شينجياڭنىڭ ءار ۇلت بۇقاراسىنىڭ ابىرويلى ەڭبەك ىستەۋىن جەبەۋى ادامدىق ۇقىققا قۇرمەت ەتكەندىك جانە قامتاماسىز ەتكەندىك
شينجياڭداعى ءار ۇلت حالقىنىڭ تاماشا تۇرمىستى جاراتۋ جولىنداعى قۇلشىنىسىن داتتاۋعا بولمايدى

سالەم سىزگە،مۇعالىم

جولدانعان ۋاقىتى : 2017/9/8 17:43:43

ءتۇسىرۋ
سالەم سىزگە،مۇعالىم
ءباتىش اقىن قىزى
 
  ۇلى ۇستازدار، مەرەكەلەرىڭىز مەرەيلى بولسىن. سىزدەرگە سالەم، قۇرمەت!  ۇستازدىڭ شاراپاتى، ىستىق ىقىلاسى، ءمولدىر مەيىرىمى، قاسيەتتى قايىرىمدىلىعى، ۇلى ەڭبەگى شاكىرتتەرىڭىزدىڭ كوڭىلىندە ماڭگى ۇمىتىلماق ەمەس! وزىمنەن العاندا ساناما ءبىلىم ءنارىن قۇيعان، انامداي ايالاعان، بايتەرەگىم بولىپ سايالاعان، ەسىمنەن ماڭگى كوتەرىلمەيتىن «ۇستاز» اتتى ەسىل ەسىم. سوندىقتان بولار سوناۋ 1954-جىلى تولىقسىز ورتا مەكتەپتى تامامداپ، ورتالىق وداق مەكتەبىندە بىرنەشە جىل وقىپ، قوعامدىق قىزمەتكە ارالاسىپ، ەندى مىنە دەمالىسقا شىققان كۇندەرىمنەن باستاپ، 63 جىل بويى ۇستازدارىمدى ۇمىتىپ كەتپەي، الدىنان كەسە وتپەي، سيلاپ، قۇرمەتتەپ، ءومىر وتكەلدەرىندەگى ءارقانداي كەشىرمەلەرىندە قۋانسا قاسىندا، جۇبانسا جانىندا بولىپ، بورىشتىلىق ءبىلدىرىپ كەلەمىن. وسىلاي ىستەي العانىما قۋانامىن، ماقتانامىن! ۇستاز الدىندا ماڭگى شاكىرتىمىن، «ۇستاز  - وقۋشىنىڭ  تەزى، وقۋشى - ۇستازدىڭ كوزى» دەگەن وسى بولار-اۋ!
 
  ءبىز شاكىرتتەرى مەيىرىنە بولەنىپ، بەرگەن سارقىلماس ءبىلىم نارىمەن سۋسىنداپ، قاتاڭ تەزىندە تۇزەلىپ، بىردە قۋانتىپ، بىردە جابىرقاتىپ جاپا شەكتىرگەن كۇندەرىمىز دە ەستەن كەتە مە! ؟
ۇستاز ەڭبەگىن ەسكە السام، تەبىرەنە تىلگە تيەك ەتەتىن،«ۇستازىم مەنىڭ ۇستازىم، جانىمدا ءارى جادىمدا» دەپ بىرگە جاساسىپ كەلە جاتقان، كەۋدەسىنە ۇستازدىق ءومىردىڭ 30 جىل داڭقتى وردەنىن تاققان، ەڭبەگى جانىپ، ەلى سيلاعان، تالاي كومبەلەردەن كورىنىپ، وبلىستىق، اۆتونوميالى رايوندىق حالىق قۇرىلتايلارىنىڭ ۋاكىلى بولىپ، ماڭدايى جارقىراپ ساحنا تورىندە بولعان، 1986-جىلى اۆتونوميالى رايوندىق وقۋ-اعارتۋ سالاسىنداعى وزاتتار جينالىسىنا قاتىناسقان، وسى ورايدا اعا ءتىلشى تۇرسىن جولىمبەت قىزى «ءوزى جاقسى كىسىگە مىڭ كىسىلىك ورىن بار» دەگەن تاقىرىپتا «شينجياڭ گازەتىندە» وچەرك جاريالاپ، ەڭبەگىن تانىستىرعان، جەرگە، رۋعا، ۇلتقا ءبولىنۋدى نامىس دەپ بىلەتىن، وتباسىندا اياۋلى انا، جاقسى جار، تۋىستار ارا بەرەكەنىڭ قايماعى، جۇرتقا جاناسقىش ۇستازىم گۇلسىم سەنباي قىزى كوز الدىما كەلەدى. ول تاعى دا  1990-جىلى ىلە قازاق اۆتونوميالى وبلىسى جاعىنان «مادەنيەتتى سەميا» اتاعىن العان.
 
   1987-جىلى دەنساۋلىق جاعدايىمەن ەرتەرەك دەمالىسقا شىققان قارت ۇستازدىڭ بۇل كۇندەرىن گازەت-جۋرنال كورىپ، كىتاپ وقۋمەن، راديو ەستىپ زامانا اۋقىمىن اڭعارىپ، ساياسات،زاڭ-تۇزىمدەردى ۇيرەنۋمەن وتكىزىپ، پارتياعا، وتانعا دەگەن ايتار العىسى مول، ءار ۇلت حالقىنىڭ بەرەكە-بىرلىگىنە ءدان ريزا. كەزدەسىپ، شۇيىركەلەسە كەتسەڭىز: «بۇل زامانا نەتكەن تاماشا، پارتيا، ۇكىمەتتىڭ قارتتارعا بولعان ابزال ساياساتىندا الاڭسىز تۇرمىس كەشۋدەمىز. داۋالانۋ، جول قاتىناس، تۇرمىستا كوپتەگەن يگىلىكتەرگە يە بولىپ وتىرمىز. جۇڭگو كوممۋنيستىك پارتياسى بولعاندىقتان مەن بولدىم، ۇستاز بولدىم، پارتيا، وتانعا ماڭگى بورىشتىمىن. بەرەكە-بىرلىك بولعاندا عانا باي-باقىتتى تۇرمىس بولادى. شاۋەشەگىمىز كوپ ۇلتتى ءوڭىر، ۇلتتار ىنتىماعىن كوز قاراشىعىمداي قورعايمىن، بۇلدىرۋشىلەرگە نالەت ايتامىن! شاكىرتتەرىمدى ەسكە الىپ، ساعىنامىن، ولاردىڭ كەيبىر ەستەن كەتپەس ەركەلىگى ءالى ەسىمدە، سەنىڭ دە بالالىق كەزىڭ كوز الدىمدا،مەنى ەسكەرىپ سيلاپ، كەزدەسكەن سايىن ءبىر جاساپ قالامىن، ۇستازىنان وزعان شاكىرتتەرى كوبەيىپ، كوز الدىندا جۇرسە، ۇستازعا ودان ارتىق قۋانىش بولسىن با؟! ۇستاز ءومىرىن، ونەرىن جالعايتىن وقۋشىلارى ەمەس پە، جەتە الماعان ارمان-تىلەكتەرىمدى ۇرپاقتارىم، شاكىرتتەرىم جالعاستىرادى دەپ سەنەمىن، بولاشاق نۇرلى» دەيدى شاتتانا.

  ۇستازدار، ءومىر زاڭدىلىعى،قارتتىق قانشاما جۇزدەرىڭىزگە اجىم تاڭباسىن تۇسىرسە دە سارا كوڭىل، تازا جۇرەكتەرىڭىزگە اجىم تۇسپەسىن! مۇقتار شاقانوۆ ءابدىلدا تاجىبايەۆتىڭ 80 جاسقا كەلگەندىگىنە ارناپ مىنا ولەڭىن جازىپتى:
 «وتكەن ىسكە قالماۋشى ەدىڭ وكىنىپ،
 توقسانعا دا وسىلاي شىق سەكىرىپ.
 اقىن جانى قارتايمايدى ەندەشە،
 اعا سەنىڭ قارتايعانىڭ وتىرىك».

  اياۋلى ۇستازدار، انا جانى، ۇستاز جانى قارتايمايدى، جاساي بەرىڭىزدەر! ۇستاز ءتالىمىن العان ءومىر وتكەلدەرىمدى ەسكە السام، كەرۋەن كوش جولىنداعى كەشىرمەلەرىم ويىما ورالادى. ۇستاز ەلەسى جادىمنان شىقپايدى. ۇستاز ەڭ العاش ءبىزدىڭ ويىنمەن بولىپ،«مىلتىق» اتىپ، قۋىرشاق جاساپ ويناعان ۇلبىرەگەن قول، ساۋساقتارىمىزعا قارىنداش ۇستاتىپ، جانىمىزدا تىك تۇرىپ، جالىقپاي ءارىپ ۇيرەتتى، كوز مايىن تاۋىسىپ، جۇرەك قانىن سارقىپ، ءبىلىم بەردى. قالاي ءومىر سۇرۋدى، زامانعا قاراي كەرپىش بولىپ قالانۋدى، حالىق قالاۋىنان قايتكەندە شىعا الۋدى ۇيرەتتى. شاكىرتتەرى ءار سالا، ءار كاسىپتە ەسەيىپ، شىنىعىپ، تابىسقا جەتىپ، مارتەبەلى ەل اعاسى، عالىم بولىپ جەتىسكەن كەزدەرىندە دە سول ۇستازداردىڭ ءتالىمى ساباقحاناسىز-اق جول سىلتەدى، باعدار شامىن جاقتى.      

  اقپارات سالاسىندا ۇزاق جىل قىزمەت ىستەدىم. ۇستازدارىمىزدىڭ جاپاعا شىدامدىلىعى، كاسىپكە بولعان سۇيىسپەنشىلىگى، جاۋاپكەرلىگى، تالىقپايتىن تالپىنىستارى جەبەۋ بولدى. العاش    قوعامدىق قىزمەت تابالدىرىعىن اتتاپ كاسىپكە جەتىلە الماعانىمدا، ناتيجە جاراتا الماعانىمدا، تالاي سىن ەستىپ، بىرەر ماقالانى دا دۇرىستاپ رەداكسيالاي الماعانىمدا ۇستازدىڭ جارقىن  بەينەسى ەلەستەپ، ساباقحانادا بور قاۋىپ، ساباق ءوتىپ، «العا، قۇلشىن، جاسىما» دەپ تۇرعانداي تۇرتكى بولدى. كەيىن كەلە ءوزىم دە قىزمەتتە بەلگىلى جاۋاپكەرلىك مىندەتتى ارقالاعانىمدا، انامنىڭ قايسارلىعى،اق نار تۇلعاسى مەدەۋ بولىپ، ۇستازىمنىڭ كورىنىستە قاتاڭ، ال ءىس جۇزىندە مەيىرىمدى، كەشىرىمدى بولىپ، وقۋشىلارىنا بىلگەنىن سارقا جۇمساۋدان جالىقپايتىن كىسىلىگى، وقۋشىلارىنىڭ سىرلاس دوسى بولعان كىشىلىگى، اناسىنداي ايالاۋى مەنىڭ ءومىر، ونەر جولىما اباي ايتقانداي «بولماساڭ دا ۇقساپ باق» دەگىزدى.
 
  ۇستازدار، شاكىرتتەرىڭىز سىزدەرگە ماڭگى بورىشتار، سالەم سىزگە مۇعالىم! مەرەكەلەرىڭىزگە وزدەرىڭىزدىڭ اقىن، اقپارات جاۋىنگەرى اقان بەيقۇتتىڭ مىنا ولەڭىن تارتۋ ەتتىم:
  «ۇستاز ۇلى، ۇستاز قامقور بالاعا،
ءبىلىم ءنارىن قۇيعان وي مەن ساناعا.
كەشە عانا تۇلەپ ۇشقان قولىڭنان،
نەلەر اقىن، جازۋشى، ۇلى، دانا دا!»
سالەم سىزگە، مۇعالىم! مەرەكەلەرىڭىز مەرەيلى بولسىن!

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn